“ဒေါ်နယ်ထရန့် -မီးမီးထရန့်နှင့်- ထရန့်သားမက်”

 ထရန့်၏ ရွေးကောက်ပွဲအ ကြို မဲဆွယ်လှုပ်ရှားမှုများကာလများအတွင်းကပင် ထရန့်၏ ဇနီးမှာ ထူးခြားသည့်တွဲဖက်ပါဝင်မှုမျိုး မပြုနိုင်သော်လည်း သမီးကမူ ပြည်သူများနှင့် ထိတွေ့မှု ကျယ်ကျယ် ပြန့်ပြန့် ရှိခဲ့ သည်ကို ထောက်ပြီး - မတော်လို့ ရွေးကောက်ပွဲမှာ ထရန့်နိုင်သွားခဲ့ရင် အမေရိကန် နိုင်ငံရေးမှာ တစ်ထောင့်တစ်နေရာကနေ နေရာယူလာမဲ့ မိန်းကလေးတယောက်ဖြစ်တယ်။
မကြာခင် တနေ့မှာ သူနဲ့ပါတ်သက်ပီး ရေးရပြောရဖို့ အကြောင်းရှိတယ် ခင်ဗျားအနေနဲ့ ကြိုတင်စုဆောင်း လေ့လာထားသင့်တယ်လို့ ကိုဗကရဲ့ ဆရာသမားက မှတ်မှတ်ရရ ပြောဖူးတယ်။
-
အမေရိကန် သမ္မတတစ်ဦး အဖို့ ဇနီးဖြစ်သူအနေနဲ့ တက် ကြွထက်သန်သော လှုပ်ရှားမှုများ စွာ တာဝန်ယူရန် လိုအပ်ပါတယ်။ First Lady ဟု ခေါ်ဝေါ် သည့် သမ္မတကတော်သည် ပြည် သူလူထုနှင့် ရင်းနှီးစွာ ထိတွေ့ ဆက်ဆံရသည့် ကဏ္ဍတွင် သမ္မတ ထက် ပိုမိုသိမ်မွေ့ ပါးနပ်ရန်လည်းလိုသည်။
ထရန့်၏ ဇနီးဖြစ်သူ မယ်လာနီယာထရန့်သည် အမေရိကန် ဇာတိမဟုတ်သလို အမေရိကန် နိုင်ငံရေးနှင့် သဟဇာတဖြစ်မှုလည်း နဲပါးသူဖြစ်တာမို့ First Lady တစ်ဦးအဖြစ် ပီပီပြင်ပြင် လှုပ်ရှား မည့်သူမှာ သမ္မတကတော် မဟုတ် ဘဲ သမ္မတ၏သမီး အိုင်ဗန်ကာ ဖြစ်လာမည်ဟု အလေးအနက် ထင်ကြေးပေးနိုင်ခြေ ရှိသည်။

အိုင်ဗန်ကာသည် အောင်မြင်စွာဖြင့် ကုမ္ပဏီစီးပွါးရေးတရပ်ကို ဦးဆောင်နိုင်သည့် အရည်အခြင်းရှိသူ ဖြစ်သလို ကမ္ဘာ့နိုင်ငံအသီးသီးမှ စက်မှုလုပ်ငန်းရှင်ကြီးများနှင့် တန်းတူရည်တူ ဆွေးနွေးပြောဆို နိုင်သည့် အရည်အခြင်းရှိသူလည်းဖြစ်သည်။
ကလေးငယ်များ၏ ကျန်းမာရေး စောင့်ရှောက်မှု စရိတ်ကို လျှော့ချနိုင်မည့် မူဝါဒ တစ်ရပ်ကို ဩဂုတ်အတွင်းက ဖခင်နှင့်အတူ မိတ် ဆက် အဆိုပြုခဲ့သည်။ အဆိုပါ မူဝါဒသစ်ကို ရေးဆွဲရာတွင် အိုင်ဗန်ကာကိုယ်တိုင် ပါဝင်ခဲ့သည်။
-
မဲဆွယ်ကာလများတွင် ကလေးသူငယ် ကျန်းမာရေးစောင့် ရှောက်မှုသည် ၎င်းအစိုးရိမ်ဆုံး ကဏ္ဍတစ်ခုဖြစ်ပြီး ၎င်း၏ ဖခင်က ထိုကိစ္စကို အပြည့်စုံအကောင်း မွန်ဆုံး ကိုင်တွယ်ဆောင်ရွက်ပေး နိုင်မည်ဟု မဲဆွယ်ခဲ့သည်။
-
‘‘လူလတ်တန်းစားနဲ့ ဝင်ငွေ နိမ့် လူတန်းစား မိသားစုတွေမှာ ကလေးသူငယ် ကျန်းမာရေး စောင့် ရှောက်မှု စရိတ်ဟာ ဘဏ္ဍာရေး ဝန်ထုပ်ဝန်ပိုးအဖြစ် ရှိနေဆဲပဲ။ အစိုးရက ဒီအပိုင်းကို အာရုံစိုက်မှု အားနည်းလွန်းတယ်။ ဒါကို ကျွန်မတို့ ပြင်ဆင်ဖို့လိုတယ်’’ ဟု အိုင် ဗန်ကာက ပြောကြားခဲ့ဖူးသည်။
-
အိုင်ဗန် ကာသည် နာမည်ကျော် ဟောလိဝုဒ်မင်းသားနှင့် သဘာဝပတ်ဝန်း ကျင် ထိန်းသိမ်းစောင့်ရှောက်ရေး ဝါဒီ လီယိုနာဒို ဒီကာပရီယိုနှင့် တွေ့ဆုံဆွေးနွေးခဲ့မှုမျိုးက အမေရိ ကန် နိုင်ငံရေး အသိုက်အဝန်း၏ အာရုံစိုက်ခြင်းကို ရယူနိုင်ခဲ့သည်။
ထရန့်သည် ၎င်း၏ သမီးကို သဘာဝ ပတ်ဝန်းကျင်ဆိုင်ရာအ ကြီးဆုံး အာဏာပိုင် အရာရှိအဖြစ် ခန့်အပ်နိုင်ကြောင်းပင် အတည် မပြုနိုင်သော ကောလာဟလများ ထွက်ပေါ်လျက် ရှိသည်။
လောလောဆ.်တွင်မူ များမကြာမီက ထရန့်သည် သမက်ဖြစ်သူ ဂျရတ်ကူရ်ှနာအား အစိုးရအဖွဲ့၏ အရေးပါဆုံး ရာထူးတစ်နေရာ ခန့်အပ်မည့် သတင်းကို ကြေညာသည်။ ငယ်ရွယ် ထက်မြက်သည့် စီးပွားရေး လုပ်ငန်းရှင် တစ်ဦးဖြစ်သော ကူရ်ှနာ သည် အိမ်ဖြူတော်တွင် သမ္မတ ၏ အကြီးတန်း အကြံပေးအရာရှိ အဖြစ် တာဝန်ယူသွားမည်ဖြစ်သည်။

ဒီမိုကရက် ပါတီဘက်က ထိုကိစ္စကို ချက်ချင်း ကန့်ကွက်သည်။ အမေရိကန်အ စိုးရ အဖွဲ့တွင်း ဆွေမျိုးကောင်း စားရေးဝါဒကို တိုက်ဖျက်သည့် ကျင့်ဝတ်ပိုင်းကို တိုက်ရိုက်ချိုး ဖောက်မှုဟု စွပ်စွဲသည်။ တရား ရေးဝန်ကြီးဌာနက ခုံရုံးအဖွဲ့တစ် ခုဖြင့် ကြားဝင်ဖြေရှင်းပေးရန် တောင်းဆိုမှုများ ရှိနေသည်။ သို့ သော် သမက်တော်စပ်ရုံတစ်ခု တည်းဖြင့် ထရန့်က ကူရ်ှနာကို ရာထူးကြီးကြီး နေရာပေးခဲ့ခြင်း မဟုတ်သည်ကို လက်ခံရမည် ဖြစ် သည်။ ကူရ်ှနာသည် ထက်မြက်ပြီး အတွေးအခေါ် အားကောင်းသူ တစ်ဦးအဖြစ် လူသိများသည်။
-
ထို့အပြင် အမေရိကန်သမ္မတသစ်၏ အကြံပေးနေရာ ရွေးချယ် ခန့်အပ်မှုကို သမ္မတဂျွန်အက်ဖ် ကနေဒီ လက်ထက်က သူ့ညီများကို ခန့်ထားဖူးသည့် အစဉ်အလာရှိခဲ့သည်။ ခိုင်လုံသော အ ကြောင်းပြချက်မျိုးမရှိဘဲ လွှတ် တော်က ဝင်ဟန့်တားမှုမျိုးက လက်တွေ့ဆန်မည်မဟုတ်ပေ။
-
ကူရ်ှနာနှင့် ဇနီး ဖြစ်သူ (ထရန့်၏သမီး အိုင်ဗန်ကာ ထရန့်)တို့က နိုင်ငံရေး နယ်ပယ် ထဲ ဝင်ရောက်ရေးအတွက် ၎င်းတို့ ဘက်မှလိုအပ်သော ကြိုတင်ပြင်ဆင်မှုများကို ဆောင်ရွက်ထားပြီးဖြစ်သည်။
နှစ်ဦး စလုံး သက်ဆိုင်ရာ စီးပွားရေးလုပ် ငန်းများတွင် အကြီးအကဲ တာဝန် များမှ နုတ်ထွက်လိုက်သည်။ အ မေရိကန် အစိုးရအဖွဲ့၏ အရာရှိ တစ်ဦးအနေဖြင့် ကူရ်ှနာက ၎င်း၏ ကိုယ်ကျိုးစီးပွား အဖွဲ့အစည်းများ နှင့် ပတ်သက်မှု
မရှိကြောင်း ပြရန် ဖြစ်သည်။ ရွေးကောက်ပွဲတွင် အ နိုင်ရပြီးနောက် ထရန့်ကိုယ်တိုင် ကလည်း ၎င်း၏ စီးပွားရေး လုပ် ငန်းစုကြီးများကို ဘဏ္ဍာထိန်းအ ရာရှိနှင့် သားနှစ်ဦးထံ လွှဲပေးထား ပြီး ဖြစ်သည်။ အလေးထားစောင့်ကြည့်ရမည့် ကိစ္စမှာ အိုင်ဗန်ကာ ၏ အခန်းကဏ္ဍ ဖြစ်လာသည်။

သို့သော် အိုင်ဗန်ကာက ‘‘အဖေ သမ္မတဖြစ်လာရင်လည်း ကျွန်မ က သူ့သမီးအနေနဲ့ပဲ ရှိမှာပါ’’ ဟု အင်တာဗျူး တစ်ခုတွင် ပြော ကြားခဲ့သည်။
-
အိုဘားမားက အမေရိကန် အစိုးရ၏ လုပ်ပိုင်ခွင့်များကို မိသား စုလိုက် စွက်ဖက်ချုပ်ကိုင်ထားမှု မျိုးကို ဆန့်ကျင်ကြောင်း အတိအ လင်း ပြောကြားထားသည့်တိုင် ထရန့် အစိုးရတွင် ကူရ်ှနာနှင့် ၎င်း၏ ဇနီး တို့သည် အရေးပါဆုံး လက်ရုံး နှစ်ဆူ ဖြစ်လာဖွယ် ရှိနေသည်။
New York Times သတင်း စာသည် ရွေးကောက်ပွဲကြိုကာလ တွင် ထရန့်၏ ပြိုင်ဘက် ဟီလာရီ ကလင်တန်ကို ပေါ်ပေါ်ထင်ထင် ထောက်ခံ ပံ့ပိုးခဲ့သည်။ သို့သော် အိုင်ဗန်ကာကို ချီးကျူးရန် တွန့် ဆုတ်မနေခဲ့ချေ။ အိုင်ဗန်ကာသည် သမ္မတ ရုစဗဲ့၏ သမီးဖြစ်သူ အဲ လစ်နောက်ပိုင်း အမေရိကန်တွင် အထက်မြက်ဆုံး သမ္မတသမီး ဖြစ် လာမည်ဟု New York Times က ညွှန်းဆိုခဲ့သည်။ ၎င်းနှင့် ခင်ပွန်းဖြစ် သူတို့သည် ဝါရှင်တန်တွင် ဩဇာ အကြီးဆုံး စုံတွဲအနေဖြင့် တန်ခိုး ထွားလာမည်ဟုလည်း သတင်းစာ က သုံးသပ်ထားသည်။
-
‘‘ဂျော့ခ်ျဘုရ်ှရဲ့ သမီးတွေ တုန်းက တက္ကသိုလ်ကျောင်းသူ အရွယ်လောက်ရောက်မှ နည်း နည်း လူအာရုံစိုက်ခံလာရတာ။ ချယ်လ်ဆီး ကလင်တန်နဲ့ အိုဘား မားရဲ့ သမီးနှစ်ယောက်ကတော့ သူ တို့အဖေရဲ့ နိုင်ငံရေး နယ်ပယ် မှာပါဝင်ဖို့ အရမ်းငယ်နေခဲ့ကြ သေးတယ်။ ဒါပေမဲ့ အိုင်ဗန်ကာက တော့ အကြီးအကျယ်ကွဲပြားလိမ့် မယ်။ ထရန့်နဲ့ ကူရ်ှနာရဲ့ ဆက် ဆံရေးကလည်း စိတ်ဝင်စားဖို့ ကောင်းတယ်။ သူတို့သုံးယောက်ဟာ အမေရိကန်ရဲ့ အကြီးမားဆုံး သမိုင်းသစ်တစ်ခုမှာ ပါဝင်ကြလိမ့် မယ်’’ ဟု Vanity Fair မဂ္ဂဇင်း ကလည်း သုံးသပ်ရေးသားခဲ့ သည်။
-
အသက်၃၅ နှစ်အရွယ်ရှိကက်ရ်ှနာသည် ပြည်တွင်းရေးရော၊ နိုင်ငံတကာရေးရာ ကဏ္ဍနှင့်ပါ အကျုံးဝင်သည့် အိမ်ဖြူတော် ထိပ်တန်း အကြံပေး ရာထူးကို ရရှိမည်ဟု သတင်းများက ဖော်ပြခဲ့သည်။ ကက်ရ်ှနာသည် ထရမ့် အလွန်အားကိုးသည့် သမီးဖြစ်သူ အိုင်ဗန်ကာ ထရမ့်နှင့် လက်ထပ်ထားပြီး အိမ်ခြံမြေ လုပ်ငန်းများကို ကွန်ရက်ကျယ်ပြန့်စွာ လုပ်ဆောင်နေသည့် စီးပွားရေးသမား တစ်ဦးလည်း ဖြစ်သည်။ ကူရှ် နာသည် အမေရိကန်၏ စီးပွားရေး ဗဟိုချက်ဖြစ်သော ဝေါလ်စထရိ ၌ ယခင်ကတည်းက နာမည် ကျော်နေပြီးသား စီးပွားရေးသမား တစ်ဦးဖြစ်သည်။ အသက် (၂၅) နှစ် အရွယ်ကတည်းက နယူးယောက် ရှိ အထိုက်အလျောက် ဩဇာ ကြီးသော သတင်းစာတိုက်တစ်ခု ကို ဝယ်ယူထားခဲ့သည်။ နယူး ယောက်တွင် ယောက္ခမဖြစ်သူ၏ ထရန့်တာဝါ အဆောက်အအုံကြီး နှင့် မလှမ်းမကမ်းတွင် ကိုယ်ပိုင် အထပ်မြင့် တိုက်ကြီးတစ်ခုကို လည်း ပိုင်ဆိုင်ထားသည်။ ထို့အ ပြင် ထရန့်၏ ရွေးကောက်ပွဲအကြို လှုပ်ရှားမှုများတွင် အစွမ်းအပြနိုင် ဆုံး ဦးဆောင်စည်းရုံးသူတစ်ဦး လည်း ဖြစ်ခဲ့သည်။
ထရန့်သည် ယခင်ကတည်းက လုပ်ခြင်တာကို အသေးအဖွဲကအစ အလျော့မပေးတတ်သူ ခေါင်းမာသူ ဘေးထိုင်ဝေဖန်မှုများကို အ လေးထားလေ့ ရှိသူမဟုတ်မှန်း သိ သာစေခဲ့ပြီး ဖြစ်သည်။
-
ထို့ကြောင့် ဆွေမျိုးကောင်းစားရေး ဝါဒဟု နာမည်တပ် ဝေဖန်မှုများကို ထည့် စဉ်းစားဖွယ် မရှိဘဲ သမီးနှင့် သမက် ကို အစိုးရ အဖွဲ့အစည်း အတွင်း နေရာပေးသွားရန် သေချာနေ သည်။ အပြင်းအထန်ကန့်ကွက်မှု များကြောင့် ကူရ်ှနာကို အိမ်ဖြူ တော် ထိပ်တန်း အကြံပေးရာထူး တွင် မခန့်အပ်ဖြစ်လျှင်လည်း အ ခြား ရာထူးတစ်ခုကို ထရန့်က စဉ်းစားမည်သာ။ ၎င်းအနေဖြင့် အစိုးရ အဖွဲ့ အတွင်းစည်းတွင် အလွန်နီး စပ်ပြီး အရည်အချင်း ရှိသော လူ ငယ်နှစ်ဦးကို နေရာပေးသွားရန် နောက်ဆုတ်မည် မဟုတ်ချေ။
-
‘‘သူတို့နှစ်ယောက်ဟာ စံပြုရ မယ့် နိုင်ငံရေးသမားတွေ ဖြစ်လာ လိမ့်မယ်။ လူတိုင်းက သူတို့နဲ့ ပတ်သက်လို့ အကောင်းမြင်မျှော် လင့်နေကြတယ်။ ဒါက သူတို့စုံတွဲအတွက် ဖိအားလည်း လျော့သွားစေ လိမ့်မယ်’’ ဟု အမေရိကန်ဂျာနယ် လစ် ပီတာဒေးဗစ်က သုံးသပ်ခဲ့ သည်။ တစ်ဖက်တွင် ၎င်းတို့နှစ်ဦး သည် သမ္မတကိုယ်ပွားများသဖွယ် ဖြစ်နေပြီး ထရန့်နည်းတူ ဩဇာ ကြီးမှု၊ ဝေဖန်ခံရမှုများကို သက် ရောက် ရင်ဆိုင်ရဖွယ် ရှိနေသည်။
-
၂၀၁၃ ခုနှစ် စိတ်ပညာသိပ္ပံသုတေသန ဆောင်းပါးတစ်ပုဒ်တွင် မူအကျင့်ဆိုင်ရာသိပ္ပံပညာရှင်တို့က အမေရိကန်သမ္မတ တို့ကိုယင်းတို့၏ “မြတ်သောအတ္တဘာဝ” (Grandiose Narcissism) စရိုက်လက္ခဏာကိုအလိုက် တန်းစီဇယားဆွဲခဲ့ကြရာ လင်ဒန် ဂျွန်ဆင်က ပထမ သူ့နောက်မှနီးကပ်စွာ တက်ဒီရုစဗဲ့နှင့် အင်ဒရူးဂျက်ဆန်တို့ ရှိနေကြလေသည်။ ဖရန်ကလင်ရုစဗဲ့၊ ဂျွန်ကနေဒီ၊ နစ်ဆန်နှင့် ကလင်တန်တို့က သူတို့နောက်မှာရှိကြ၏။ မေလာ့ဖီမိုး (Millard Fillmore) မှာအနိမ့်ဆုံးဖြစ်သည်။ အဆိုပါဇယားကို သမ္မတအသီးသီး တို့၏ လုပ်ရည်ကိုင်ရည် ဗဟိဒ္ဓညွှန်းကိန်း (objective indices) များနှင့်ဆက်စပ်လိုက်သောအခါ သမ္မတတို့တွင်ရှိသော အတ္တဘာဝသည် ဒေါ်နယ်ထရန့်ထံမှာမတွေ့နိုင်။ လူမှုရေးလွှမ်းမိုးခြယ်လှယ်ခြင်း၊ သွေးဆူလွယ်ခြင်း၊ အများကြိုက် သက်ဦးဆံပိုင်ဟန်ပန် စသည်တို့ပြွန်းသော အတ္တဘာဝ အရိပ်များကိုသာ အထင်အရှားဖြင့် မြင်နိုင်သည်။




သို့သော်… လွန်ခဲ့သောနှစ်ပေါင်းနှစ်ရာနီးပါးက သမ္မတအင်ဒရူးဂျက်ဆန်သည် သူ့လက်ထက်တွင်သာမက အမေရိကန် ရာဇဝင်တွင် ယနေ့ထက်တိုင် အငြင်းပွားဘွယ်ပုဂ္ဂိုလ်တစ်ဦး အဖြစ် ရပ်တည်နေဆဲဖြစ်၏။
-
သို့တိုင်အောင် သောမတ်ဂျက်ဖါဆင်က ဂျက်ဆန်အား ဒေါသနှင့်ဆို့နင့်ကာ အန္တရာယ်ရှိသောကြောင့် သမ္မတအဖြစ်နှင့်လုံးဝမအပ်စပ်သူဟု သတ်မှတ်ခဲ့ခြင်းမှာမူ မှားယွင်းဟန်ရှိခဲ့လေ၏။
-
သူ့ကို အထင်သေးသူများက ရုန်းရင်းဆန်ခတ်အုပ်ချုပ်ရေးမျိုးဖြစ်မှာ စိုးရိမ်ခဲ့သော ဂျက်ဆန်၏ လူထုအကြား ထင်ရှားမှုမှာ တကယ့်တကယ်တွင် အရေးပါသောလုပ်ငန်းတစ်ရပ်အတွက် အခြေခံ သာမန် အမေရိကန်လူမျိုး တို့အား အချင်းချင်းဆက်သွယ်ပေါင်းစည်းပေးခဲ့၏။
-

 ဒီမိုကရေစီကိုယုံကြည်သော ပြည်နယ်များ၏ ညီညွတ်သောအချုပ်အခြာအာဏာတစ်ရပ် ပေါ်ပေါက်ရေးအလို့ငှါ ပေါင်းစည်းခဲ့ကြခြင်းဖြစ်လေသည်။
၁၈၃၀ ခုနှစ်များ အတွင်း အမေရိကန်လူမျိုးတို့၏ဘဝကို မြင်တွေ့ခဲ့ဘူးသူ ပြင်သစ်လူမျိုး မိုက်ကယ်ချေဗာလျား (Machel Chevalier) က လက်လုပ်လက်စားလူစုကြီးသည် ဂျက်ဆန်ကို ကိုးကွယ်ကြကြောင်းရေးသားခဲ့၏။

စင်စစ် သမ္မတအာဏာစက်ကို တဟုန်ထိုးကျယ်ပြန့်အောင်ဆောင်ရွက်ရာ၌ ဂျက်ဆန်အနေနှင့် သိသိသာသာ အောင်မြင်မှုရရှိခဲ့ခြင်းမှာ သူ့ဒေါသကို တိုးတက်မှု အစီအစဉ်တွင် မဟာဗျူဟာကျကျ အသုံးချ နိုင်သောကြောင့် ပင်ဖြစ်သည်။
ထိုထက်ပို၍ ဂျက်ဆန်သည် သူ၏ကိုယ်ပိုင်ဟန်ပြောစကားများအတွင်း အမေရိကန်လူထုအများစု၏ အတွေးကို ကြွယ်ဝစေပြီး သမ္မတလုပ်ငန်း အစီအစဉ်များကို အသိပေးခဲ့သောကြောင့်ဖြစ်လေသည်။
-
ထရန့်၏ ဘဝဇာတ်ကြောင်းနှင့် သူ့အမြင်တို့သည် အမှန်ပင်ရန်လိုသော သဘောရှိ၏။ ၎င်းအပြင် သူ့ပရဘာဝနှင့်အတ္တဘာဝ ဓာတ်ခံများက စွန့်စားမှု ကြီးမားသော (သမိုင်းတွင် အမှတ်ရနေစေမည့်) အလုပ်မျိုးကို နှစ်ခြိုက်ကြောင်းဖေါ်ပြနေကြ၏။
-
သူ့နံဘေးတွင် သူနှင့်အလွန်နီးစပ်သော သူယုံကြည်ချစ်ခင်သော အရည်အချင်း ရှိသော လူငယ် နှစ်ဦးကို လိုအပ်သည်မှာအမှန်ပင်ဖြစ်သည်။

 

တရုတ်ဆိုတာ ဂြိုနဲ့လား

ဗမာပြည်မှာ သုံးနေရတာ တော်တော်များများက တရုတ်လုပ်တွေဖြစ်ပေမဲ့ တရုတ်ပစ္စည်း ကောင်းလားမေးရင် ခေါင်းအရင်ခါပီးဘီ။ တရုတ်စက် တရက်စုတ်လို့ နှုတ်ခမ်းတလှန် ပန်းတလှန်ပြောလိုက်အုံးမည်။
တရုတ်အစိုးရဆိုလျှင်လည်း ရာခိုင်နှုံးပြည့်မျှပင် မကြိုက်ကြ။ ပြောရလျှင် ကျနော် အပါအ၀င်။ ဒါကလည်း ယေဘုယျအားဖြင့် ပေါက်ဖေါ်ကြီးရဲ့ လုပ်ရက်တဲ့ လုပ်ကွက်တွေကြောင့်ဖြစ်သည်။
-
ယထာဘူယျ ကျကျပြောရရင်တော့   တရုတ်လူမျိုး တရုတ်နိုင်ငံကို လေးစားပါသည်။ အထင်လည်းကြီးပါသည်။
-
နိုင်ငံတစ်ခုအနေနဲ့ သမိုင်း မှတ်တမ်းကို (ဘီစီ ၂၂ ရာစု) ထဲက တွေ့ရ၏၊ ရှေးနှစ်လေးထောင် ကပင် အဆင့်မြင့် ပိုးထည် ရက်လုပ်တတ်သည်။
နှစ် ၃၅၀၀ ကျော်ထဲက ကြေးသွန်းနှင့် ကြွေထည် လုပ်ငန်း တတ်မြောက်သည်၊ စိုက်ပျိုးရေး၊ မွေးမြူရေး ပညာများ ထွန်းကား၏၊ ရေအား စွမ်းအင်၊ ရေနာရီ၊ လေရဟတ်၊ ယမ်း နှင့် ပုံနှိပ် အတတ်များ ကို စောစီးစွာ တတ်မြောက်ခဲ့၏၊
ကမ္ဘာ့  ယဉ်ကျေးမှု နှင့် နည်းပညာ ရှေ့ဆောင်နိုင်ငံ ဖြစ်ခဲ့သည်၊ ဟင်းခတ် အမွေးအကြိုင်၊ ကြွေထည် နှင့် ပိုးထည် များကို အနောက် ကမ္ဘာက မက်မောစွာ ကုန်သွယ် ခဲ့ရ၏၊
ဆောက်လုပ်ရေး၊ ဆေးပညာ၊ စစ်ပညာ နှင့် နက္ခတ္တဗေဒများ တဘက် ကမ်းခတ် ထွန်းကားခဲ့သည်၊ ကမ္ဘာ့ အံ့ဖွယ် မဟာတံတိုင်း တည်ဆောက်ခဲ့သည်။
ဗြိတိသျှတို့ထက် နှစ်၃၀၀စောပီး အင်္ဂလိပ်လုပ် သင်္ဘောများထက် သုံးဆကြီးသော သစ်သား သင်္ဘောကို ၁၅ ရာစု ကပင် ဆောက်လုပ် နိုင်ခဲ့သည်။
-
၁၅ ရာစု ကပင် ဆောက်ထားသော (Treasure) ရတနာ အမည်ရှိ သင်္ဘောသည် တန်ချိန် ၇၀၀၀ ရှိပြီး နောင် နှစ်လေးရာ ကြာမှ အလားတူ သင်္ဘောမျိုးကို ကမ္ဘာက ဆောက်နိုင်ခဲ့သည်။
-
သင်္ခန်းစာယူမည်ဆိုလျှင် - နည်းပညာ၊ ယဉ်ကျေးမှု အသာ စီးရမှု ကြောင့် မည်သူကိုမှ အထင်မကြီးဘဲ တံခါး ပိတ်ဝါဒ ကျင့်သုံးကာ ကမ္ဘာနှင့် အဆက်အသွယ် ဖြတ်ခဲ့သည်၊ ဥရောပ၏ စက်မှု တော်လှန်ရေး နှင့် နည်းပညာ ထွန်းကားမှုကို လျစ်လျူရှုခဲ့၏၊ ထို အကျိုးဆက် များကြောင့် ၁၉ ရာစု တွင် ဗြိတိသျှတို့ ကျူးကျော်မှု နှစ်ကြိမ်ခံခဲ့ရပြီး သယံဇာတ နှင့် အခွင့်အရေး များစွာ ပေးခဲ့ရသည်၊
-
ဒုတိယ ကမ္ဘာစစ်တွင် ဂျပန်တို့၏ အံ့မခန်း ရက်စက်မှုကို အနစ်နာဆုံး ခံခဲ့ရသည့် နိုင်ငံဖြစ်သည်၊
၎င်းတို့၏ မျိုးရိုးမာန်ကို ချိုးနှိမ်ရန် နန်ဂျင်းမြို့ တမြိ်ု့တည်းတွင် ၄၅ရက်အတွင်း လူပေါင်း သုံးသိန်းကျော်အား ရက်စက်စွာ သတ်ပြခဲ့သည်၊ အမျိုးသမီး နှစ်သောင်း ကျော် အား အဓမ္မပြုကျင့်၊ ကိုယ်လုံးတီး တန်းစီ မတ်တပ်ရပ်ခိုင်း၊ ဓာတ်ပုံ ရိုက်ယူပြီး အရှက် တကွဲ ဖြစ်စေခဲ့သည်၊
-
တိုင်းပြည် ပြန်လည် တည်ထောင်သည့်ကာလ မဟာ ခုန်ပျံကျော်လွားမှု၊ ဘုံ လယ်ယာမြေ စနစ် နှင့် ယဉ်ကျေးမှု တော်လှန်ရေး စသည့် မူဝါဒ အမှားကြောင့် (၂၆ နှစ်) အကြာတွင် တိုင်းပြည် သည် အဆိုးဆုံး အခြေအနေသို့ ရောက်ရှိ လာသည်။

များပြားသည့် လူဦးရေနှင့် ကာမိအောင် စိုက်ပျိုးမြေ မရှိသောကြောင့် လူပေါင်း (သန်း ၃၀) ငတ်မွတ်သေကြေခဲ့၏၊ ပါဝါလွန် အမေရိကန်၏ ဘက်ပေါင်းစုံ ထိုးနှက်ချက် ခံရသည်၊ စူပါပါဝါ ဆိုဗီယက်၏ စစ်ရေး ရန်စမှု ပြဿနာ ပေါ်လာသည်၊ အစာ ငတ်မွတ်ခြင်းနှင့် လယ်ယာ မြေ ရှားပါးမှု ကြောင့် လူပေါင်းများစွာ တိုင်းပြည်မှ ထွက်ပြေး၍ အခြားနိုင်ငံများသို့ ပြောင်းရွေ့ ကာ အောက်ခြေ အလုပ်သမားများ အဖြစ် လုပ်ကိုင် ရသည်၊ အင်္ဂလိပ်တို့၏ ဘိန်းကျွေး ခဲ့မှု ကြောင့် တစ်ပြည်လုံး ဘိန်းစား ပြဿနာကို ရင်ဆိုင် ရသည်၊ ဒီကြားထဲ လူဦးရေ ပေါက်ကွဲ မှုက သန်း ၁၀၀၀ နီးပါး ရှိလာချိန် တွင် ကျွေးစရာ မရှိသော အစိုးရမှာ အရူးမီးဝိုင်း ဖြစ်ရပြန်သည်၊ ဤမျှ များပြား သော လူဦးရေ ရှိပါလျက် ကမ္ဘာက ဝိုင်းပယ်ထား၍ ကုလသမဂ္ဂသို့ ဝင်ခွင့် မရခဲ့ခြင်းတို့ကလည်း အကူ အညီများစွာ ဆုံးရှုံးစေသည့်ပြင် တိုင်းပြည် သိက္ခာ လည်း ကျဆင်း ခဲ့ရသည်။
-
ကမ္ဘာကို ကြာမြင့်စွာ ဦးဆောင် နိုင်ခဲ့သည့် မြင့်မားသော ယဉ်ကျေးမှု နှင့် အံ့မခန်း အနုပညာ များ ပိုင်ဆိုင်သောနိုင်ငံ၊ ကျယ်ဝန်းလှ သည့် နိုင်ငံဧရိယာ နှင့် သမိုင်းဂုဏ် မျိုးရိုးမာန် ကြီးလှသော ထိုနိုင်ငံသည် ဆင်းရဲမွဲတေမှု၊ ငတ်မွတ်မှု၊ အနိုင်ကျင့် စော်ကားခံရမှုနှင့် အရှက်တကွဲ အကျိုးနည်း ဖြစ်ရပ်များကို ကြိတ်မှိတ်ခံစား နေခဲ့သည်၊ ၎င်းတို့ လောက် သမိုင်းဂုဏ် မကြီးကျယ်ခဲ့သော ဂျပန်နှင့် တောင်ကိုရီးယား၊ တချိန်က ပိုင်ဆိုင်ခဲ့သည့် ထိုင်ဝမ်၊ ဟောင်ကောင်၊ မကာအို၊ သူတို့ကို ခေါင်းပုံ ဖြတ်ခဲ့သော ဥရောပ တို့ နှင့် မဟာဗျူဟာ ရန်ဘက် ကြီး အမေရိကန်တို့၏ ကြွယ်ဝချမ်းသာ မှုကို မျှော်ကြည့်ရင်း နာကျည်းစိတ်ဖြင့် အံကြိတ် နေခဲ့ ပါသည်။

(၁၉၇၈) တွင် အစိုးရ အပြောင်းအလဲ ဖြစ်၍ ခေါင်းဆောင်ကောင်း တစ်ဦး၏ လက်ထဲသို့ လုပ်ပိုင် ခွင့် အာဏာ ရောက်လာသည်၊ အုပ်ချုပ်သူ နှင့် စနစ် အကူးအပြောင်း တွင် ခေါင်းဆောင် နှင့် ပြည်သူများ အားလုံး ဒီတခါတော့ အလွတ် ရုန်းတော့မည်ဟု ဆုံးဖြတ်ပြီး နေ့နေ့ညည ကြိုးစား၍ ဆင်းရဲတွင်းမှ ခုန်တက်ခဲ့ပါသည်။
ထိုအခါ ဘေးထွက်ဆိုးကျိုးအချို့ကိုတော့ ကျနော်တို့က သောက်မြင်ကတ်သည့်ကြားက နားလည်ပေးမိပါသညါ။

မိတ်ဆွေဟောင်း

 ရေးစရာ အကြောင်းအရာလေးတွေ ရှာပေးတတ်သလို ရေးသင့်တာလေးတွေလဲ အကြံပေးလေ့ရှိတဲ့ သူတယောက်က ပို့လာတာပါ။ ဇတ်လမ်းက အသစ်မဟုတ်သလို ရိုးသွားမဲ့ ဇတ်လဲမဟုတ်ပါဘူး။
ဘာလို့လဲဆိုတော ကမ္ဘာ့ ငပွကြီး CIA ဇတ်လမ်းမို့လို့ပါ။
-
မနှစ်က(၂၀၁၅)ထုတ် ချင်းမိုင်အခြေပြု ခရီးသွားဂျာနယ်တခုမှာ သူ့အကြောင်းတဖွဲ့တနွဲ့ ရေးထားသည်ကို
 တွေ့လိုက်ရသေးသည်။

 မြန်မာဖွား CIA ဝန်ထမ်းဟောင်း

ဝီလီယံ(ဘီလျံ)ယန်းဟာ ၂၀၁၁ ဧပြီလထဲမှာ ချင်းမိုင်တွင်  ကိုယ့်ကိုယ်ကို အဆုံးစီရင်သွားခဲ့သူဖြစ်သည်။ သေဆုံးချိန်မှာ

 ခေါင်းတွင် သေနတ်ဒဏ်ရာတချက်ရှိနေသည်။လက်တဖက်တွင်သေနတ်ကိုင်ထားပြီးအခြားတဖက်တွင် လက်ဝါးကားတိုင်တခု ကိုင်ထားသည်ကို မြင်တွေ့ခဲ့ရသည်ဟု သတင်းရင်းမြစ်တခုက ပြောသည်။

ဘီလ်ယန်း၏ အမေရိကန်နိုင်ငံသား အဘိုးသည်  ၁၉ ရာစု နှောင်းပိုင်းကသားဟဲရိုး(ဘီလ်ယန်း၏ဖခင်)နှင့် အတူ ခရစ်ယာန်တရားဟောဆရာအဖြစ် မြန်မာပြည်သို့ ရောက်ရှိလာခဲ့သည်။ 

ထို့နောက် ဒုတိယကမ္ဘာစစ် ကာလနှင့် မော်စီတုံး၏ ကွန်မြူနစ်ပါတီက တရုတ်နိုင်ငံတွင် အောင်ပွဲရခဲ့သည့် ကာလများအတွင်း ဟဲရိုးမှာ တရုတ်နိုင်ငံ တောင်ပိုင်းပြည်နယ်များအတွင်း သူလျှိုအဖြစ် အမှုထမ်းရန် အမေရိကန်က ဆင့်ခေါ်ခြင်း ခံခဲ့ရသည်။

မြန်မပြည်နယ်စပ် တောင်ပေါ်ဒေသတွင် မွေးဖွါးကြီးပြင်းလာသော ဘီလ်ယန်းသည် ဘာသာစကား ကျွမ်းကျင်မှု၊ နယ်မြေကျွမ်းကျင်မှု၊ ဓလေ့ထုံးတမ်းများနားလည်ကျွမ်းကျင်မှုများကြောင့်သူ့ကို CIAက အထူးသဘောကျခဲ့ရာမှ ဖခင်၏ ခြေရာနင်းကာ CIA၏ ထောက်လှမ်းရေး လုပ်ငန်းများ လုပ်ကိုင်ခဲ့သည်။
 

 အမေရိကန်က ဗီယက်နမ်၌ စစ်ပွဲကြီးတခု ပါဝင် ဆင်နွှဲသောအခါ ဘီလ်ယန်းသည် လားဟူနှင့် ဝ’ တိုင်းရင်းသားများ ပါဝင်သည့် စစ်တပ်ငယ်တခု ဖွဲ့ကာ ငွေပေး၍ လာအိုထဲ ဖြတ်သန်းသွားသည့်  

မြောက်ဗီယက်နမ်၏ ထောက်ပံ့ရေးလမ်းကြောင်း ဟိုချီမင်းလမ်းမကြီးကို 

 ဖြတ်တောက် နှောင့်ယှက်တိုက်ခိုက်စေခဲ့သည်။

 -

ဗီယက်နမ် စစ်ပွဲကာလအတွင်း လာအိုသည် တရားဝင်အားဖြင့် ကြားနေနိုင်ငံတခုဖြစ်ပြီး၊ လာအိုနယ်မြေပေါ်၌ ပြုလုပ်သော အမေရိကန် စစ်ရေးအစီအစဉ် အားလုံးသည် ထိပ်တန်းလျှို့ဝှက်ဖြစ်ကာ အများစုကို ယန်းကဲ့သို့သော CIA သူလျှိုများဖြင့် ဖွဲ့ စည်းလုပ်ကိုင်ခဲ့ခြင်း ဖြစ်သည်။

စစ်ဆင်ရေး အစောပိုင်းကာလများအတွင်း ယန်းကို လာအိုအလယ်ပိုင်း၌ လေကြောင်းမှ ချပေးခဲ့ကာ လေတပ်အခြေစိုက် စခန်းတခု ထူထောင်ရန် သင့်တော်မည့် နေရာတခု ရှာဖွေခိုင်းခဲ့သည်။

 တောင်ထူထပ်သော ဒေသအတွင်း ခြေလျင်လှည့်လည်ကာ ရှာဖွေခဲ့ရာ နောက်ဆုံးတွင် ပုန်းကွယ်နေသော တောင်ကြားလွင်ပြင်အတွင်း လုံချန် အမည်ရှိ ဒေသကို တွေ့ရှိခဲ့ကာ နောင်တွင် အရှေ့တောင်အာရှအတွင်း လေယာဉ် အဆင်းအတက်အများဆုံးလေယာဉ်ကွင်း တခုဖြစ်လာခဲ့သည်။ CIAက ဖန်တီးမွေးထုတ်ထားသော အဲအမေရိက လေကြောင်းလိုင်း၏ အခြေစိုက်စခန်းလည်း ဖြစ်လာ ခဲ့သည်။

လုံချန်ကို မည်သည့်မြေပုံပေါ်တွင်မျှ ရှာမတွေ့နိုင်ပါ။ လေယာဉ်ကွင်းအနီးတွင် မြို့ငယ်လေးတခုပင်

 ပေါ်ထွက်လာခဲ့သေးသည်။

“ အဲဒီမှာ ပြည့်တန်ဆာခန်း ရှိတယ်၊ အရက်ဘား ရှိတယ်၊ ကာဆီနို လောင်းကစားဝိုင်း ရှိတယ်၊ အသင့်စား အစားအသောက်ရောင်းတဲ့ ဆိုင်တွေ ရှိတယ်။ အမေရိကန်စစ်သားတွေ လိုတာပြော အကုန်ရစေရမယ်’’ ဟု  ဆိုစမှတ်ပြုကြသည်။

CIAသူလျှိုဘဝတွင်ယန်း၏အခြေစိုက်စခန်းသည်လာအိုတဖက်ကမ်းထိုင်းနိုင်ငံဘက်ခြမ်း မဲခေါင်မြစ်ကမ်းဘေး ဆောက်လုပ်ထားသော နေချင့်စဖွယ် အိမ်လေးတလုံး ဖြစ်သည်။ သူသည် ပါတီပွဲကျင်းပရသည်ကို နှစ်ခြိုက်သည်။ သူ့အိမ်သည် အဲအမေရိက လေကြောင်း အခြေစိုက်စခန်းဆီ သွားရောက်ကြမည့် လေယာဉ်မယ်များ၊ သူနာပြုများ စတည်းချရာ နေရာတနေရာ ဖြစ်လာတော့သည်။ သူ လက်ထပ်ခဲ့သေးသည်။ သို့သော် ဇနီးသည်က အမေရိကန်ပြန်ပြီး စားပွဲကုလားထိုင်နှင့် လုပ်ရသော တည်တည်ငြိ်မ်ငြိမ် အလုပ်ကို လုပ်ပါရန် အတင်းဖိအားပေးသည့်အတွက် ကွာရှင်းပြတ်စဲခဲ့ရသည်။

နောက်ပိုင်းတွင် အမေရိကန်၏ အရှေ့တောင်အာရှ မူဝါဒများအပေါ် သဘောထားကွဲလွဲပြီး ယန်းသည် CIA နှင့် လမ်းခွဲခဲ့ သည်။

CIA မှ ထွက်ပြီး ထိုင်းနိုင်ငံတွင်း ပြန်လည်ရောက်ရှိသည့်အခါ အမေရိကန် မူးယစ်ဆေးဝါးနှိမ်နင်းရေးအဖွဲ့ DEA က သူ့ကို အတင်းဆွဲခေါ်ပြန်သည်။ CIA လျှို့ဝှက်သူလျှိုအဖြစ် လာအိုတွင် တာဝန်ထမ်းဆောင်စဉ် သူရရှိခဲ့သော အဆက်အသွယ်များမှာ DEA အတွက် တန်ဖိုးမဖြတ်နိုင်အောင် အသုံးဝင်လှသည်။

ယန်းသည် ထိုင်းမူးယစ်ဆေးဝါး အရာရှိများနှင့် နီးကပ်စွာ လက်တွဲဆောင်ရွက်ခဲ့သည်။

  လာအိုနှင့် မြန်မာနိုင်ငံအတွင်းရှိ သူ့အဆက်အသွယ်များထံမှ ရရှိသော သတင်းများကြောင့် မှောင်ခို ခိုးသွင်းလာသော ဘိန်းနှင့် ဘိန်းဖြူ အများအပြားကို အကြိမ်ပေါင်းများစွာ ဖမ်းဆီးရမိခဲ့သည်။

  

သူသည် မြန်မာနိုင်ငံတွင် ဒီမိုကရေစီ ပြန်လည်ထွန်းကားလိုသော ကျနော်တို့၏ မိတ်ဆွေကောင်း တယောက် ဖြစ်ရုံသာမက ကျနော်တို့ ရှေ့တဆက်က တော်လှန်ရေးသမား နောင်တော်များ၏ မိတ်ဆွေလည်း ဖြစ်သည်။

-
 

သူသည်မြန်မာနယ်စပ်ပြည်နယ်များအတွင်းလူ့အခွင့်အရေးချိုးဖောက်မှုများကို ဖော်ထုတ်တိုက်ဖျက်နေသော အဖွဲ့အစည်းများအတွက်လည်း မိတ်ဆွေကောင်းတဦး ဖြစ်သည်။

 CIAအတွက်သူလုပ်ခဲ့ရသောအလုပ်များထဲတွင်ရက်စက်ကြမ်းကြုတ်မှုများ ပါသည်ဖြစ်ရာ  လူအများအပြားကို သတ်ခဲ့ရမှုသည် သူ့ခရစ်ယာန်ဘာသာအပေါ် ယုံကြည်မှုကို ထိခိုက်နစ်နာစေခဲ့သည်။ ’’လူသတ်ရတာ ကျနော့်အလုပ်တခုပဲ။ ကျနော်တို့အလုပ်မှာ ကိုယ်က သတ်မလား၊ အသတ်ခံမလား၊ ဒါမျိုးတွေပဲ များတယ်’’ ဟု   သူပြောခဲ့ဖူးသည်။
-
ထိုသူသည်ကား ကိုဗက အလွန် နှစ်သက်သဘောကျခဲ့ဖူးသော လူတယောက် ဖြစ်သည်။ သူ့ဘ၀ကို ကိုဗက အလွန်အားကျခဲ့သည်ဟု ဆိုနိုင်သည်။ နောက်ဆုံး သူသေသည်ကိုပင် အားကျသူဖြစ်သည်။ ဘ၀မှာ လုပ်ရန်ရှိသေအလုပ်များ လုပ်နိုင်သမျှ လုပ်ကိုင်ပြီး လောကကြီးတွင် လုပ်နိုင်တာ မရှိတော့ချိန်တွင် ကိုယ့်ဇတ်ကို ကိုယ် သိမ်းလိုက်လိုသည်မှာ ကိုဗက၏ လိုအင်နှင့် ထပ်တူဖြစ်သည်။




(၂၀၁၅)ထုတ် ချင်းမိုင်အခြေပြု ခရီးသွားဂျာနယ်တခုမှာ သူ့အကြောင်းတဖွဲ့တနွဲ့ ရေးထားသည်။




သူကွယ်လွန်သည့်သတင်းပါသည့် သတင်းစာမျက်နှာ။

လားဟူ၊ဝ'နှင့် အခြားတောင်ပေါ်သား ရာချီသည့် အသုဘရှု လူဦးရေသည် သူတို့၏ မိတ်ဆွေရင်းတဦးဟု ယူဆသော အမေရိကန်လူမျိုး CIAဝန်ထမ်းဟောင်း၏ အသုဘ ဝတ်ပြုဆုတောင်းပွဲ   ကျင်းပရန် ချင်းမိုင်မြို့ရှိ ပရိုတက်စတင့် ဘုရားကျောင်းတခုအတွင်း   စုပြုံတိုးဝှေ့ ရောက်ရှိခဲ့ကြသည်။

 

မီနာမီကီကန်း။ the Minami Kikan (南機関)

ကိုကိုခိုင်က စစ်ပြန် မဂ္ဂဇင်း မှာ ပါတဲ့ မီနာမီ ကီးကန် ဆိုတဲ့ ဆောင်းပါး တွေ ပြန်စုနိုင်ရင် လည်း ကျနော်တို့ အကိုးအကားတွေ ရနိုင်ပါသေးတယ်... လို့အကြံပေးတာကြောင့် လောလောဆယ် မီနာမီ မိတ်ဆက်လေး ရေးဖြစ်ပါတယ်။
-
မြန်မာ့လွတ်လပ်ရေးကြိုးပမ်းမှုအကြောင်းပြောရင် ဗိုလ်မိုးကြိုးခေါ် ဗိုလ်မှူးကြီး စူဇူကီနှင့် မီနာမီအဖွဲ့
၏ အခန်းကဏ္ဍကို ချန်လပ်ထားလို့မရနိုင်ပါ။
-
တလောက တပ်မတော်စစ်ဦးစီးချုပ်၏ ဂျပန်ခရီးစဉ်တွင် ဗိုလ်မိုးကြိုး၏ဂူသို့ သွားရောက်ဂါရ၀ပြုကြောင်း သတင်းဖေါ်ပြရာ အချို့သူများက ကိုယ်နိုင်ငံက အာဇာနီ ခေါင်းဆောင်များကိုတော့အလေးမပြု ဂျပန်စစ်ဗိုလ်ကို အလေးသွားပြုရကောင်းလားဆိုပြီး အပြစ်တင်စကား ပြောကြသည်ကို တွေ့ရပါသည်။
-

ကိုယ့်နိုင်င်ငံက အာဇာနီ ခေါင်းဆောင်များကို အလေးမပြုတာ ပြုတာက သူ့အပိုင်းဖြစ်သည်။
ဗိုလ်မိုးကြိုးဆိုတာကတော့ မြန်မာလွတ်လပ်ရေးအတွက် အရေးပါခဲ့သူ တဦးဖြစ်သလို မြန်မာတို့အတွက် မိတ်ဆွေကောင်းတဦးလဲဖြစ်သည်။
-
စစ်အတွင်းက ဂျပန်သည် ပုံရိပ်မကောင်းဖြစ်ရသည်မှာ သူတို့၏ ဖက်စစ် စနစ်ကြောင့်ဖြစ်သည်။ သို့ရာတွင် မြန်မာ့လွတ်လပ်ရေး၏ အခါအခွင့်တခုတွင်ကား ဂျပန်၏ ပါဝင်ပါတ်သက်မှုသည်လဲ အရေးပါသောသမိုင်းတခုဖြစ်သည်ကို ကျနော်တို့ ချန်လပ်ထားလို့ မရပါ။
-
ပြီးခဲ့သော ဆယ်နှစ်ကျော်က မြန်မာအတိုက်အခံခေါင်းဆောင်အချို့ ဂျပန်ဒိုင်းယက်လွတ်တော်အမတ် စစ်ပြန်ကြီးတဦးနှင့်တွေဆုံရာတွင် သူက အောင်ဆန်းနှင် ဗမာ့တပ်မတော်သည် ဂျပန်ဘုရင့်တပ်မတော်ကို သစ္စာဖေါက်ခဲ့ကြောင်း သေဒဏ်ပေးရမည့်သူများဖြစ်ကြောင်း ပြောကြားခဲ့ရာ
-သစ္စာဖေါက်သူများမှာ ဂျပန်စစ်တပ်သာဖြစ်ပါကြောင်း ဂျပန်သည် အာရှသာတူညီမျှကြွေးကြော်သံဖြင့် ၁၉၄၂ခုနှစ် ဇန်နဝါရီ ၂၁ မြန်မာတို့က ဂျပန်ကိုကူလျှင်
မြန်မာ့လွတ်လပ်ရေးအတွက်ကူမည်ဟု
ဂျပန် ဝန်ကြီးချုပ်က လွှတ်တော်တွင် ပြောကြားကတိပေးခဲ့သည်။
ဇန်နဝါရီ ၂၂
မြန်မာ့ လွတ်လပ်ရေးကို ကူညီရန်
ဂျပန်တပ်မတော်ကြီး ချီလာပြီဟု
ဂျပန်တပ်မတော် သေနာပတိ အီးဒါး က ကြေငြာချက်ထုတ်ခဲ့သည်။

-
တကယ်တမ်းတွင် ဂျပန်တို့သည် မြန်မာနိုင်ငံကို လွတ်လပ်ရေးအတုအယောင်ဖြင့် ဗန်းပြကာ နိုင်ငံရေး၊ အုပ်ချုပ်ရေး၊ စီးပွားရေး၊ လူမှုရေး၊ စစ်ရေးတို့ အရ အမြတ်ထုတ်နေမှုနှင့် ဂျပန်စစ်ပုလိပ်နှင့်တပ်သားများက ပြည်သူလူထုအပေါ်ဖက်ဆစ်ပီပီ ညှဉ်းပန်းနှိပ်စက် သတ်ဖြတ်မှုများ ကိုသာ ပြုခဲ့သည်။
လှံစွပ်ထိုး ပါးရိုက် မုဒိန်းကျင့် ဆက်ဆံမှုကြောင့်
ဖက်ဆစ်စနစ်ဆိုးကြီးကို မြန်မာ့မြေပေါ်မှသာမက ကမ္ဘာ့မြေပေါ်မှပါ ပပျောက်သွားအောင် ချေမှုန်းလိုသောဆန္ဒဖြင့် ဖက်ဆစ်တိုက်ဖျက်ရေးအဖွဲ့(အေအက်ဖ်အို)ကိုဖွဲ့စည်းကာ ဖက်ဆစ်ကိုချေမှုန်းရန် ဆုံးဖြတ်ရခြင်းဖြစ်သည်။
-
ဂျပန်တို့ကသာ ကတိဖျက် -သစ္စာဖေါက်ခဲ့ခြင်းဖြစ်ကြောင်း Kabarmakyay ဘလောက်တွင် post ရေးခဲ့ဖူးပါသည်။
-

 

 

မီနာမီ ကီးကန်သည် ဂျပန်ထောက်လှန်းရေး အဖွဲ့တခုဖြစ်သော်လည်း မူလကရှိခဲ့သောအဖွဲ့မဟုတ်ပါ။
-
ဒို့ဗမာအစည်းအရုံးမှ တရုတ်ကွန်မြူနစ်များနှင့် ဆက်သွယ်ရန်အတွက် အမွိုင်သို့ ပို့လွှတ်လိုက်သော သခင်အောင်ဆန်းကို ဂျပန်တို့က ကြားဖြတ် ဆက်သွယ်ကာ ခေါ်ဆောင်သွားခဲ့ပြီး သခင်အောင်ဆန်းသည် မြန်မာနိုင်ငံလွတ်လပ်ရေးအတွက် အမှန်တကယ်ဆန္ဒပြင်းပြသည့် မျိုးချစ်ပညာတတ်လူငယ်ခေါင်းဆောင်တစ်ဦးမှန်းသိသဖြင့် ဂျပန်စစ် အာဏာပိုင်တို့က မြန်မာနိုင်ငံသိမ်းသွင်းနိုင်ရန် တောင်ပိုင်းဆိုင်ရာ အဖွဲ့ဟုအဓိပ္ပာယ်ရသည့် မီနာမီကီကန်ဟူသောအဖွဲ့ကို ၁၉၄၁ ဖေဖော်ဝါရီ ၁ ရက်နေ့တွင် ဖွဲ့စည်း ခဲ့သည်။
-
သခင်အောင်ဆန်းသည် ကောင်လုံစုရပ်ကွက်မှ ရှန်ဟိုင်း၊ ထိုမှတစ်ဆင့် ဂျပန်စစ်ဌာနချုပ်ရှိရာ ဖော်မိုဆာကျွန်းသို့ ဗိုလ်မှူးကန်ဒါ့၏ ခေါ်ဆောင်မှုဖြင့် ရောက်ရှိလာပြီး တိုကျိုမြို့သို့ ဆက်လက်ထွက်ခွာခဲ့ရာ နိုဝင်ဘာ ၁၂ ရက်တွင် ရောက်လာခဲ့သည်။
-
များမကြာမီ ကာနယ်ဆူဇူကီးနှင့် မြန်မာပြည်ဆိုင်ရာ စစ်သေနာပတိချုပ် ဖြစ်လာမည့် ဗိုလ်ချုပ်အီဒါး အပါအဝင် ဂျပန်ထိပ်ပိုင်း ခေါင်းဆောင်များသည် သခင်အောင်ဆန်းကို တဖြည်းဖြည်း အထင်ကြီးမှုများ ပြသလာခဲ့သည်။ သခင်အောင်ဆန်း၏ ရိုးသားဖြောင့်မတ်မှုကြောင့် ကာနယ်ဆူဇူကီးက “အောင်ဆန်းသည် လုံးဝဖြောင့်မတ်သူတစ်ဦး ဖြစ်သည်။ သူသည် စစ်ခေါင်းဆောင် ကောင်းတစ်ဦး ဖြစ်သလို သတ္တိရှိပြီး အရည်အချင်းပြည့်သူ ဖြစ်သည်။ သူသည် မျိုးချစ်တစ်ဦး ဖြစ်သည်။ သူ၏မျိုးချစ်စိတ်ဓာတ်နှင့် ရိုးသားမှုကြောင့် ကျွန်တော်အပါအဝင် ဂျပန်များ၏ လေးစားမှုကို ရရှိခဲ့သည် ဟုပြောကြားခဲ့သည်။
-
မြန်မာပြည် လွတ်လပ်ရေးအတွက် ကာနယ်ဆူဇူကီးက သခင်အောင်ဆန်းကို စီမံကိန်းတစ်ခု ရေးဆွဲခိုင်းလေသည်။
-“ကာနယ်ဆူဇူကီးသည် စီမံကိန်းတစ်ခု ကျွန်တော့်အား ပြောပြပြီး ယင်းစီမံကိန်းကို အင်္ဂလိပ်ဘာသာဖြင့် ပြန်ရေးခိုင်းပါသည်။ ယင်းစီမံကိန်းအား ဆွေးနွေးရမည်အထင်နှင့် ရိုးသားစွာ ရေးပေး လိုက်ပါသည်။ သို့သော် ယင်းစီမံကိန်းအား မည်သည့်အခါမျှ မဆွေးနွေးခဲ့ရပါ။ ယင်းစီမံကိန်းသည် ရှမ်းပြည်နယ် တစ်စိတ်တစ်ဒေသကို ဝင်ရောက် တိုက်ခိုက်ရေး ပါဝင်သည်။
-
နောက်ပိုင်း အဖြစ်အပျက်များကို အခြေခံ၍ ကြည့်မည်ဆိုလျှင် ကာနယ်ဆူဇူကီးသည် ယင်းစီမံကိန်းအား တိုကျိုစစ်ဌာနချုပ်သို့ ယူသွားပြီး ကျွန်တော့် စီမံကိန်း ဖြစ်သည်ဟု ပြောဆို ထားသည် ထင်သည်။ စီမံကိန်းအတွင်းမှ ဝင်ရောက် တိုက်ခိုက်ရေးအား ပြန်လည် ပြင်ဆင်ပြီးနောက် ဗမာပြည်ရှိ ရဲဘော်များထံပို့ရန် ကျွန်တော့်ကို ပြန်ပေးပါသည်” ဟု ဇိုလ်ချုပ်က မှတ်စုရေးခဲ့သည်။
-
ထိုစီမံကိန်းသည် မြန်မာပြည် စစ်ဆင်ရေးပင်ဖြစ်သည်။
-
မီနာမီအဖွဲ့သည် မြန်မာပြည်မှ မျိုးချစ်လူငယ် ၃ဝ ကို ပြင်ပသို့ ကုန်းလမ်းမှလည်းကောင်း၊ ရေလမ်းမှလည်းကောင်း ခေါ်ထုတ်၍ ဟိုနန်ကျွန်း (ထိုင်ဝမ်) ၌ စစ်ပညာသင်ကြားပေးရန်၊ ခဲယမ်းမီးကျောက် များနှင့်တကွ ငွေကြေးအရပါ ထောက်ပံ့ပြီး ပြန်လွှတ်ကာ ဗြိတိသျှတို့ကို လက်နက်ကိုင် ပုန်ကန်နိုင်စေရန်၊ ယင်းအတွက် ဂျပန်အစိုးရက ပြင်ပမှနေ၍ လိုအပ်မှုများကို ထောက်ပံ့ရန်နှင့် ပြည်တွင်း သူပုန်ထရန်အတွက် လုပ်ငန်းစဉ် အောင်မြင်ရေး ထိုင်း-မြန်မာ နယ်စပ်တစ်လျှောက်၌ မီနာမီကီကန်း အဖွဲ့ငယ်များကို ဇင်းမယ် (ချင်းမိုင်)၊ ရဟိုင်း၊ ကန်ချနဘူရီနှင့် ရနောင်းတို့တွင် ဖွင့်လှစ်ရန် ဖြစ်သည်။
-
ဘီအိုင်အေ- ဖွဲ့စည်းပုံ (ဌာနချုပ်)
သေနာပတိ- ဗိုလ်ချုပ်ကြီး မီနာမီခေါ် ဗိုလ်မိုးကြိုး(ဗိုလ်မှူးကြီး စူဇူကီ)
စစ်ဦးစီးချုပ်- ဒု ဗိုလ်ချုပ်ကြီး မူရကာမီ (ဗိုလ်ကြီး နိုဒါး)
စစ်ဦးစီးအရာရှိအထက်တန်း- ဒု ဗိုလ်ချုပ်ကြီး အိုမိုဒါ (ဗိုလ်ချုပ်အောင်ဆန်း)
ဦးစီးအရာရှိ- ဒု ဗိုလ်မှူးကြီး အီတိုဒါ (ဗိုလ်ရန်အောင်)
ဦးစီးအရာရှိ- ဒု ဗိုလ်မှူးကြီး ဟိရတ (ဗိုလ်စကြာ)
စစ်ဆင်ရေးတာဝန်ခံ ဦးစီးအရာရှိ- ဒုဗိုလ်မှူးကြီး အီဂျီမာ(အရပ်သား ကီမတ)
စစ်ဆင်ရေးတာဝန်ခံ ဦးစီးအရာရှိ- ဒုဗိုလ်မှူးကြီး ရှင်မန်(အရပ်သား မိဇုတာနီ)
အုပ်ချုပ်ရေးအရာရှိချုပ်- ဗိုလ်မှူးကြီး ကီမူရ (အရပ်သား ဟိဂုချိ)
တပ်မတော်သက်သာချောင်ချိရေး အရာရှိချုပ်- မီနာမီအိုကာ(အရပ်သားစုဂိအိ)
ဆေးဝန်ထမ်းချုပ်- ဗိုလ်ချုပ်စူဇူကီ (ဒေါက်တာစူဇူကီ)
-
မြန်မာတို့အပေါ် ဗိုလ်မိုးကြိုး၏ သဘောထား-

၁၉၄၂ ခုနှစ်၊ မတ်လ၊ ရန်ကုန်ကို ဘီအိုင်အေနှင့် ဂျပန်စစ်တပ်များ သိမ်းယူ
ပြီးစဉ်က အမှတ်(၁၅) တပ်မတော်၏ ဒုစစ်ဦးစီးချုပ် ဗိုလ်မှူးကြီး နာစုနှင့်
ဘီ၊အိုင်၊အေ ခေါ် ဗမာ့လွတ်လပ်ရေးတပ်မတော်၏ အကြီးအကဲ ဗိုလ်မိုးကြိုးတို့
၏ မြန်မာပြည်လွတ်လပ်ရေး ပေးရေး၊ မပေးရေးတို့နှင့်စပ်လျဉ်းသည့် ဆွေးနွေးသည်။ (သူတို့နှစ်ဦးသည် စစ်တက္ကသိုလ်တွင် တတန်းတည်း ပညာ
သင်ကြားခဲ့သော ကျောင်းနေဖက် သူငယ်ချင်းအရင်းအချာ များ ဖြစ်ကြပါသည်။)

(နာစု) သူတို့မြန်မာတွေကို လွတ်လပ်ရေးမပေးရင် ဂျပန်-မြန်မာ စစ်ပွဲ
ဖြစ်နိုင်မလား ….
(ဗိုလ်မိုးကြိုး)ဖြစ်နိုင်တယ်။ မြန်မာ့လွတ်လပ်ရေးဟာ စွဲမြဲခိုင်မာတဲ့ လှုပ်ရှား
မှုဖြစ်တာမို့၊ မြန်မာနိုင်ငံကို လွတ်လပ်ရေး ပေးသင့်တယ် …..
(နာစု) မဖြစ်နိုင်တာချည်း ပြောနေတယ်။ မင်းဟာ ဂျပန်မှ ဟုတ်သေးရဲ့လား။
မြန်မာပြည်တိုက်ပွဲမှာ ကျဆုံးခဲ့ကြတဲ့ ဒို့ရဲဘော်တွေရဲ့ ၀ိညာဉ်တွေကို မင်း
တောင်းပန်ဖို့ လိုမယ်လို့ကော မတွေးမိဘူးလား ….
(ဗိုလ်မိုးကြိုး) ကျဆုံးသူတွေက မြန်မာပြည်ကို စစ်အုပ်ချုပ်ရေးနဲ့ အုပ်ချုပ်ဖို့
အသက်စွန့်ခဲ့ကြတာလို့ ငါမယူဆဘူး။ မြန်မာတွေရဲ့ အကူအညီကြောင့်ပဲ
အသေအပျောက် နည်းနည်းနဲ့ တိုက်ပွဲပြီးဆုံးခဲ့တာ မဟုတ်ဖူးလား …..
(စာမျက်နှာ ၁၇၀၊ အီဇုမီယတတ်စုရော ရေးသားသော ကျွန်တော်ပါဝင်ခဲ့သော
မီနာမီကီကန်း စာအုပ်မှာ ကောက်နုတ်ချက်။)
-
၁၉၄၃ခုနှစ် သြဂုတ် ၁ရက်တွင် ဂျပန်တို့က မြန်မာနိုင်ငံကို လွတ်လပ်ရေးပေးခဲ့ သည်။လွတ်လပ်ရေးကား ရွှေရည်စိမ်လွတ်လပ်ရေး ဖြစ်၏။
-
အီဇုမီယတတ်စုရော ရေးသားသောစာအုပ်တွင်-

ဗိုလ်မှူးကြီး စူဇူကီသည် အောင်ဆန်းနှင့် ဘီအိုင်အေ ခေါင်းဆောင်များကို
သူ၏ အခန်းသို့ ခေါ်ယူပြီး ပထမဆုံး …
“ဘယ်တော့ လွတ်လပ်ရေးကြေညာကြမှာလဲ” ဟု မေးသည်။ အောင်ဆန်းနှင့်
သူ့ရဲဘော်များမှာ ရုတ်တရက် ကြောင်အမ်းအမ်းဖြစ်သွားပြီး မျက်နှာတွင်
ဘာအရိပ်အယောင်မှ မပြပဲ မဖြေဘဲ နေကြ၏။

ဗိုလ်မှူးကြီး စူဇူကီက “မင်းတို့က မြန်မာတွေမို့ ဂျပန်တပ်တွေကို ပြန်ချရင်
ဘာတတ်နိုင်မှာလဲ၊ ကဲ အခုဘာလုပ်ကြမလဲ” ဟု မေးရာ မည်သူကမျှ ပြန်မဖြေပါ။
“ဒါပေမယ့် ငါက ဂျပန်၊ ဒါကြောင့် မင်းတို့ကို ငါခေါင်းဆောင်ပြီး ဂျပန်ကို မတိုက်
နိုင်ဘူး၊ မင်းတို့က ဘာမှ စိတ်ထင့်နေစရာမလိုဘူး။ လွတ်လပ်ရေးအတွက်
ဂျပန်တပ်မတော်ကို ခံချရမှာပဲ။ ငါ့ကိုတော့ အလျင်သတ်ပြီးမှ တိုက်ကြစမ်း”
ဟု ဆိုခဲ့ပါသည်။
-
သို့သော် ဗိုလ်ချုပ်သည် သူလေးစားသော သူ့ရဲဘော်ကြီးအား သတ်ရမည့်အဖြစ်မှ ကံအားလျော်စွာ လွဲဖယ်ခဲ့ရပါသည်။
-
ဗိုလ်ချုပ်အောင်ဆန်းဦးဆောင်သော လွတ်လပ်
ရေးလှုပ်ရှားသူများဖက်မှ အမြဲတမ်း အကာအကွယ်ပေးခဲ့သူ ဗိုလ်မှူးကြီးစူဇူကီခေါ်
ဗိုလ်မိုးကြိုးအား ဂျပန်ဘုရင့်ကိုယ်ရံတော်တပ်ဌာနချုပ်သို့ ပြောင်းရွေ့အမှုထမ်း
ရန် ဂျပန်စစ်ခေါင်းဆောင်များက ဆုံးဖြတ်ခဲ့ပါသည်။ ၁၉၄၂ ခုနှစ် ဇူလိုင် ၁၄ ရက်
နေ့တွင် ဗမာ့လွတ်လပ်ရေး၏ ကျေးဇူးရှင်၊ ဗမာ့လက်နက်ကိုင်လှုပ်ရှားမှု၏
ဦးဆောင် မွေးသဖခင် ဖြစ်သော ဗိုလ်မှူးကြီး စူဇူကီ ခေါ် ဗိုလ်မိုးကြိုး ခေါ်
ဗိုလ်ချုပ်ကြီး မီနာမီသည် ဂျပန်နိုင်ငံသို့ ပြန်လည်ထွက်ခွာခဲ့ရပါသည်။
-
မထွက်ခွါမှီ မြန်မာပြည်ကာကွယ်ရေးအတွက် အခြေခံကျသော
သတိရ လက်ဆောင်တခု ပေးခဲ့ပါသေးသည်။
ထိုလက်ဆောင်မှာ မြန်မာ့ရေတပ်မတော်
ဖွဲ့စည်းပေးခဲ့ခြင်းပင် ဖြစ်ပါသည်။
-
ဗြိတိသျှ ရေတပ်တွင် အမှုထမ်းခဲ့သော
မောင်တင်ကြည် ဆိုသူ ဦးဆောင်မှုဖြင့် အရာရှိဟောင်း ခြောက်ယောက်နှင့် တပ်သား
၂၄ ယောက် တို့ကို စုဆောင်း၍ ၁၉၄၂ ခုနှစ်၊ ဇွန်လ ၂၀ ရက်နေ့တွင် မြန်မာ့ရေတပ်
မတော်ကို ထူထောင်ပေးခဲ့ပါသည်။ …..

မြန်မာနိုင်ငံ လွတ်လပ်ရေးရရှိပြီး နောက်ပိုင်းကာလများတွင် မြန်မာပြည်အစိုးရ
သည် ကွယ်လွန်သူဗိုလ်မှူးကြီးစူဇူကီ၏ ကျေးဇူးသစ္စာကို အောင့်မေ့သတိရသော
အားဖြင့် သူ၏ ကျန်ရစ်သူမိသားစုအား အောင်ဆန်းတံခွန်ဘွဲ့တံဆိပ်ကို အပ်နှင်း
ခဲ့ပါသည်။
-
အမှန်စင်စစ် ဒို့ဗမာအစီးအရုံး ခေါင်းဆော်များ တွက်ဆခဲ့သည်မှာ
-
ပြည်တွင်းရှိ နိုင်ငံရေးပါတီများ အားလုံးကို စည်းရုံးပူးပေါင်းရန်၊ ပြည်တွင်းသူပုန် အဖွဲ့များကို တိတ်တဆိတ်ဖွဲ့စည်းရန်၊ ဂျပန်မှ ပို့လာမည့် လက်နက်များကို ပြည်တွင်းသို့ တိတ်တဆိတ် သွင်းယူရန်၊ ဂျပန်ပြည်သို့ မြန်မာ့မျိုးချစ် လူငယ်များကို စေလွှတ်ရန်တို့ ဖြစ်သည်။
-
ဂျပန်တို့ ဗမာပြည်ကို ဝင်ရောက် တိုက်ခိုက်ခဲ့လျှင် အင်္ဂလိပ်တပ်နှင့် ဂျပန်တပ်တို့ နယ်စပ်၌ လုံးလားထွေးလား ဖြစ်နေကြမည်ဖြစ်၍ မြန်မာတို့အဖို့ လွတ်လပ်ရေးအတွက် အောင်မြင်စွာ ပုန်ကန်ထကြွရန် အခွင့်အရေးရမည် ဟူ၍ဖြစ်သည်။
-
ထင်တိုင်းမပေါက်သောအခါ ပေါက်သလိုဖေါက်ခဲ့ရသည့် ဆက်စပ် / တိုက်ဆိုင် / ညှိနှိုင်း လေ့လာနိုင်ကြရမည့် သမိုင်းအတွက် တန်ဖိုးကြီး ပေးဆပ်ရမှုများ ဖြစ်ပါသည်။
-
ရည်ညွှန်း - kabarmakyay.blogspot-မှတ်စုစာအုပ်