အစိုးရတွင်းက ထိပ်တန်းအရာရှိတစ်ဦးဖြစ်တဲ့ သမ္မတဦးသိန်းစိန်ရဲ့ နိုင်ငံရေးဆိုင်ရာအကြံပေးပုဂ္ဂိုလ် ဦးကိုကိုလှိုင်က မြန်မာစစ်အစိုးရအနေနဲ့ အရင်က အတိုက်အခံတွေအပေါ် ရက်စက်စွာနှိမ်နင်းတာတွေ၊ အတင်းအကြပ်စေခိုင်းမူတွေ၊ထောင်ချတာတွေ လုပ်ခဲ့တယ်လို့ ဝန်ခံခဲ့ပါတယ်။ ဒါပေမဲ့ ခုအခါမှာ ပြောင်းလဲမူတွေ ဖြစ်ကုန်ပြီလို့လဲ ပြောလိုက်ပါတယ်။
အရင်အစိုးရအတွက် တည်ငြိမ်ရေးနဲ့ လုံခြုံရေးဟာ ပထမဦးစားပေးရမယ့်အရာဖြစ်ပါတယ်။ ခုအစိုးရကတော့ ဒီမိုကရေစီနည်းကျကျ ရွေးကောက်ခံရတဲ့ အစိုးရဖြစ်နေတဲ့အတွက် အရင်အစိုးရနဲ့ ခုအစိုးရကို ခွဲခြားသိသင့်တယ်လို့ သမ္မတရဲ့ နိုင်ငံရေးအကြံပေးအဖွဲ့ခေါင်းဆောင် ဦးကိုကိုလှိုင်က အေဘီစီသတင်းထောက် Zoe Daniel ကို ပြောသွားခဲ့ပါတယ်။
ဦးကိုကိုလှိုင်နဲ့ တွေ့ဆုံမေးမြန်းခန်းမှာ ငြင်းဆန်မူတွေ အများကြီး ကြုံရလိမ့်မယ်လို့မျော်လင့်ခဲ့ပေမယ့် ဦးကိုကိုလှိုင်က သိပ်ကိုပွင့်လင်းသူဖြစ်နေတာကို တအံ့တသြ တွေ့ခဲ့ရတယ်လို့ မြန်မာနိုင်ငံကို ဝင်ခွင့်ရခဲ့တဲ့ Zoe Daniel ကပြောပါတယ်။
ဒါကြောင့် မြန်မာအစိုးရအနေနဲ့ ပြောင်းလဲမူကို လိုလားတယ်ဆိုတာ တကယ်ပဲလားလို့တောင် စဉ်းစားမိတယ်လို့ ပြောပါတယ်။ ဒါပေမဲ့ ပြောင်းလဲမူတွေ တကယ်ဟုတ်မဟုတ်ဆိုတာ သေချာသိနိူင်ဖို့အတွက် နောက်တခေါက် မြန်မာနိုင်ငံကို ပြန်လာရအုံးမယ်လို့လဲ ဆိုပါတယ်။
အေဘီစီသတင်းထောက် Zoe Daniel အပါအဝင် ဘန်ကောက်အခြေစိုက် ကင်မရာသမား David Leland နဲ့ ထိုင်းနိုင်ငံကထုတ်လုပ်ရေးမှူး Supattra Vimonsuknopparat တို့ကို မြန်မာအစိုးရက မမျော်လင့်ပဲ ပြည်ဝင်ခွင့်ဗီဇာပေးလိုက်ပါတယ်။ မြန်မာနိုင်ငံမှာ သတင်းပတ် နှစ်ပတ်နေခွင့်ရခဲ့ပြီး လွတ်လွတ်လပ်လပ် ရိုက်ကူးခွင့်၊ သွားလာခွင့်တွေရခဲ့ပါတယ်။ ဒါပေမဲ့ အစိုးရကို ကိုယ်စားပြုသူတွေက ခရီးတလျောက်လိုက်ပါသွားပြီး ဒါဟာ ဒီမိုကရေစီစနစ်ကို မကျင့်သုံးတဲ့ ဒေသတွင်းက နိုင်ငံတွေမှာ လုပ်လေ့လုပ်ထ ရှိတဲ့ ဓလေ့ဖြစ်တယ်လို့လည်း ပြောသွားခဲ့ပါတယ်။
Zoe Daniel ဇိုအီ ဒယ်နီယာလ်နဲ့ အဖွဲ့သားတွေက မြန်မာနိုင်ငံရဲ့ စပ်ကူးမပ်ကူးကာလအကြောင်း ရိုက်ကူးထားတဲ့ မှတ်တမ်းဗီဒီယိုကို ဒီနေရာမှာ ကြည့်ရှုနိူင်ပါတယ်။
No comments:
Post a Comment