ဒေါ်အောင်ဆန်းစုကြည် သမ္မတဖြစ်ခွင့်

၂၀၀၈ ဖွဲ့စည်းပုံ အခြေခံ ဥပဒေ ကို၊ ပြင်ဆင်ရန် သို့မဟုတ် ဖျက်သိမ်းပြီးအသစ်ပြန်ရေးရန်၊ အစရှိသည်ဖြင့် ၀ိဝါဒကွဲပြားနေသည့်အပေါ်၊ကျနော်၏ သဘောထားကို ရဲဘော်မိတ်ဆွေတယောက်က ချက်ဘောက်မှာ လက်ကုတ်ပီးမေးလာသည့်အတွက် ရဲဘော်မိတ်ဆွေအပေါင်း သိစေရန် ဆွေးနွေးလိုက်ပါသည်။

တိုင်းပြုပြည်ပြု ရေးဆွဲထားသော၊ ဖွဲ့စည်းပုံ အခြေခံ ဥပဒေဟူသည်မှာ၊ တဦးတက် တခုဖျက်၊ တဖွဲ့လာတအုပ်ရေးရန် လိုအပ်သည်မျိုးမဟုတ်။ ပါလီမန် နည်းဥပဒေသများကို သုံးပြီး၊ ဖွဲ့စည်းပုံ အခြေခံ ဥပဒေ၏၊ ပထမစာမျက်နှာ ပထမစာကြောင်း၊ ပထမစာလုံးမှသည် နောက်ဆုံးစာမျက်နှာ၊ နောက်ဆုံးစာကြောင်း၊ နောက်ဆုံး စာလုံးထိတိုင်၊ ပြည်သူတို့ဘ၀နှင့်မကိုက်ညီလျှင်၊ တိုင်းပြည်ကို အကျိုးမပြုလျှင်၊ ပြည်သူကို ကိုယ်စားပြုသော ကိုယ်စားလှယ်တော်ကြီးများက ပြင်ဆင်၊ ဖြည့်စွက်၊ ပြုပြင်၍ ရကောင်းသော ပဋိညာဉ်စာချုပ်ကြီး ဖြစ်ပါသည်။

ထိုကြောင့် ယခု ၂၀၀၈ ဖွဲ့စည်းပုံ အခြေခံ ဥပဒေသည် စစ်မှန်သော ပြည်ထောင်စု စနစ်ကို အာမမခံနိုင် သေးလျှင် ၂၀၀၈ ဖွဲ့စည်းပုံ အခြေခံ ဥပဒေသည် ဒီမိုကရေစီ လုပ်ထုံးလုပ်နည်းကို အဟန့်အတားဖြစ်စေသည်ဟု ပြည်သူများက ယုံကြည်လျှင် ပြည်သူကို ကိုယ်စားပြုသော ကိုယ်စားလှယ်တော်ကြီးများက ထိုဥပဒေများအစား အမျိုးသား ပြန်လည် ရင်ကြားစေ့ရေးနှင့် ပြည်တွင်း ငြိမ်းချမ်းရေးကို၊ အမှန်တကယ် တည်ဆောက်ခြင်း၊ တိုင်းရင်းသားစည်းလုံး ညီညွတ်မှု ပြန်လည်တည်ဆောက်ခြင်းများအား၊ အထောက်အကူပြုနိုင်သည့် ဥပဒေများ၊ ဒီမိုကရေစီ လုပ်ထုံးလုပ်နည်းကို အာမခံ သည့် အချက်များဖြင့်၊  ဖြည့်စွက်နိုင် ပြင်ဆင် နိုင်ပါသည်။ ရုတ်စွအဆုံး ယခုရေပန်းစားနေသော  ပုဒ်မ ၅၉ (စ) ကိုပင် လုပ်ထုံး လုပ်နည်းနှင့်အညီ ပြင်မည်ဆိုက ပြင်နိုင်ခွင့် ရှိပါသည်။

အသစ် ပြန်ရေးဖို့ မလိုပါ။

အလျှင်းသင့်သောကြောင့် ပုဒ်မ ၅၉ (စ) နှင့် ပါတ်သက်သော ကျနော်တို့၏ ရပ်တည်ချက်မှာ  အမျိုးသားရေး၊ တိုင်းရင်းသားရေး၊ ၀ံသာနု မျိုးချစ်စိတ် အရင်းအမြစ်၊ တည်တန့် ခိုင်မြဲရေးကို၊ အလေးအနက်ထားခြင်း ဖြစ်ပီး သားအစဉ် မျိုးအဆက် နိုင်ငံသားစစ်စစ်၊ တိုင်းရင်း သားစစ်စစ်များ၏ ရပိုင်ခွင့်နှင့် နိုင်ငံရပ်ခြား သွေးနှောများ၏ ရပိုင်ခွင့်ကို၊ တန်းတူ မထားနိုင်ကြောင်း ဥပဒေ ပုဒ်မ ပုဒ်ခွဲအားဖြင့်  နိုင်ငံတော်ဖွဲ့စည်းပုံ အခြေခံဥပဒေ၌ တိတိကျကျ ပြဌာန်းခဲ့ပါမှ ကာလရွေ့လျော အရောအနှောများကာ  အနာဂတ် တိုင်းပြည်အတွက် လူမျိုးပျောက်မည့် အန္တရယ်ကြီးကို မိမိရရ ကာကွယ်နိုင်လိမ့်မည်ဟု ယုံကြည်သောကြောင့် ထို ပုဒ်မအား ပြင်ရန် ဖျက်သိမ်းရန် လုံးဝ သဘောမတူ ဆန့်ကျင် ကန့်ကွက်ပါသည်။

အနှစ်သာရအနေနှင့်၊ မိမိနိူင်ငံတော် အချုပ်အခြာအာဏာ၏၊ အမြင့်ဆုံးသောရာထူး၊  အချုပ် အခြာ အာဏာ၊ အသက်သွေးကြော နှင့် ကံကြမ္မာကို၊ မိမိ နိူင်ငံသားများ လက်ထဲမှာသာ ထားရှိခြင်း ဆိုတဲ့ အချက် ဖြစ်ပြီး တိုင်းတစ်ပါး လွှမ်းမိုးခြင်း အန္တရယ်ကို တရားဥပဒေဖြင့် ကာကွယ် စောင့်ရှောက် ထားခြင်းဖြစ်သည့်အတွက် ယခုကာလမှမဟုတ် လွန်လေပြီးသောကာလက ဗိုလ်ချုပ်အောင်ဆန်းနှင့်တကွ မြန်မာ့လွတ်လပ်ရေး ပိသုကာကြီးများ ၁၉၄၇ ခုနှစ်က ရေးဆွဲ ပြဌာန်းခဲ့သော ပြည်ထောင်စု မြန်မာနိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေ အခန်း၅ နိုင်ငံတော် သမ္မတ ခေါစ်းစဉ် အောက် ပုဒ်မ၄၅ ၌-

အောက်ပုဒ်မများတွင် “နိုင်ငံတော် သမ္မတ”ဟုခေါ်အပ်သော ပြည်ထောင်စုနိူင်ငံတော်၏ သမ္မတ ရှိရမည်။ နိုင်ငံတော် သမ္မတသည် ပြည်ထောင်စု နိုင်ငံတ၀န်းလုံးတွင် နိုင်ငံသားအားလုံး၏ အထွတ်အထိပ်နေရာကို ရရှိရမည်။ ထို့အပြင် ဤအခြေခံဥပဒေနှင့် တရားဥပဒေတို့က အပ်နှင်းသော အာဏာနှင့် အလုပ်ဝတ္တရားများကို သုံးစွဲ ဆောင်ရွက်ရမည်။

ပုဒ်မ၄၉ (က)၌ မိမိကိုယ်တိုင်သော်၎င်း၊ မိမိ၏မိဘနှစ်ပါးသော်၎င်း၊

ပြည်ထောင်စုနိုင်ငံ၏နိုင်င်ငံပိုင်နက်အတွင်း၌၊ မွေးဖွါးခဲ့၍ ပြည်ထောင်စုနိုင်ငံသားလည်းဖြစ်သော၊ ထို့အပြင် (ခ) ပါလီမံအမတ်အဖြစ် ရွေးကောက်တင်မြောက်ခြင်း ခံနိုင်သည့် အရည်အခြင်း နှင့် ပြည့်စုံသည်လည်းဖြစ်သော 

ပုဂ္ဂိုလ်မျိုးမဟုတ်လျှင် မည်သူမျှ နိုင်ငံတော် သမ္မတ ရာထူးအတွက် ရွေးကောက် ခံနိုင်ခွင့် မရှိစေရ။

နိုင်ငံတော် သမ္မတ ရာထူးအတွက် ရွေးကောက် ခံနိုင်ခွင့်ရရန်ရည်ညွန်းသည်မှာ

ပုဒ်မ၇၄ (၁) ၌ အောက်ပါပုဂ္ဂိုလ်များအား လွတ်တော်တရပ်ရပ်၏ အမတ်အဖြစ်ဖြင့် ရွေးချယ် ခံရရန်၎င်း လွတ်တော်တရပ်ရပ်၏ အမတ်အဖြစ် တည်မြဲစေရန်၎င်း ခွင့်မပြုရ။

(က) နိုင်ငံခြား အစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ၊ သို့တည်းမဟုတ် နိုင်ငံခြား အစိုးရ၏ လက်အောက်ခံ ဖြစ်သူ သို့တည်းမဟုတ် ထိုအစိုးရ၏ လက်အောက်ခံဖြစ်သူသော်၎င်း နိုင်ငံသားသော်၎င်း ခံစားရသော အခွင့်အရေးများနှင့် ကျေးဇူး

ခံစားခွင့် များကို၊ ခံစားနိုင် ခွင့်ရှိသူ သို့တည်းမဟုတ်++++

စသည်ဖြင့် အတိအလင်း ပြဌာန်းပါရှိခဲ့ပီးဖြစ်သည်။ ထိုကြောင့်ပင် ၂၀၁၅ အတွက်တင်မက နောင်လာမည့် တသက်တာ အနာဂတ်အတွက်ပါ မပြင်သင့်သော ပုဒ်မ တစ်ခု ဟု မှတ်ယူပါသည်။

ပုဒ်မ ၅၉ /(စ)နှင့် ယင်းကဲ့သို့သော၊ အမျိုးသားရေး နှင့်ဆိုင်သည့်၊ ကန့်သတ်ချက် ဥပဒေမျိုးအား၊ မြန်မာတွင် သာမက အမျိုးသားလုံခြုံရေးအရ၊  နိုင်ငံအတော်များများ၏ ဖွဲ့စည်း ပုံဥပဒေမှာ၊ ထည့်သွင်းပြဋ္ဌာန်းလေ့ ရှိပါသည်။ 

၅၉(စ) ကို ပြင်ခြင်း ဖျက်ခြင်း မပြုဘဲ ဒေါ်အောင်ဆန်းစုကြည် သမ္မတဖြစ်ခွင့် ရှိမှဖြစ်မည်ဆိုလျှင် ဖြစ်နိုင်ခွင့်ကို  ပြဌာန်းနိုင်သည့် နည်းလမ်း သာဓကအား ”ဒညတ“ မှ တင်ပြခဲ့ဖူးပါသည်။

ထိုသာဓက အကိုးအကားအရ  သက်ဆိုင်ရာ အခြားသတ်မှတ်အရည်အခြင်း ပြည့်စုံလျှင် ပုဒ်မ ၅၉ /(စ) ကို အမျိုးသားလွတ်တော်မှ ဤတကြိမ်၊ ဤပုဂ္ဂိုလ်တဦးအတွက်၊ အထူးပြင်ဆင်ချက်၊ ခွင့်ပြုချက် ချွင်းချက်ပြုသည့် ဥပဒေပြုကာ ဆောင်ရွက်လိုက ဆောင်ရွက်နိုင်သည့် အချက်ကို တင်ပြခဲ့ပါသည်။

ဒညတမှ မိဘပြည်သူများ နိုင်ငံရေးပါတီများ အာဏာရအဖွဲ့ အစည်းနှင့် တိုင်းရင်းသား ခေါင်းဆောင်များ အလုပ်သမားရေးရာ လယ်သမားရေးရာ လူမှုရေးရာ အဖွဲ့ အစည်းများနှင့် နိုင်ငံတကာမှ မြန်မာ့အရေး စိတ်ဝင်စားသူ ပြည်သူများ ခေါင်းဆောင်များသို့ တင်ပြချက်တွင် -

အခြေအနေမှာ ၅၉(စ) နှင့်ပါတ်သက်၍ လိပ်ခဲတင်းတင်းဖြစ်နေသည့်သဘောရှိရာ ယနေ့တနိုင်ငံလုံး အတိုင်းအတာဖြင့် ဆောင်ရွက်ရမည့် အမျိုးသားစည်းလုံးညီညွတ်မှု အရှိန်အဟုန်မြှင့်တင်ရေး၊ အမျိုးသား အကျိုးစီးပွါး တိုးတက်စည်ပင်ရေး၊

စသည့် အားစိုက်ခွန်စိုက် လုပ်ရမည့်အင်အားများ၊ ပြန့်ကြဲ ရုပ်လျော့မည်ကို စိုးရိမ်မိပါသည်။

ထို့ကြောင့် ကာယကံရှင်ကိုယ်တိုင်၏ စိတ်အားထက်သန်မှု၊ ဖြစ်စေခြင်သောသူများ၏ ဖြစ်စေလိုမှု တို့ဖြင့် ဖြစ်ပေါ်လာမည့် အကျိုးဆက်တို့ မျက်ဝါးထင်ထင်မြင်နိုင်စေခြင်းငှာ ၅၉(စ) ကို ပြင်ခြင်း ဖျက်ခြင်း မပြုဘဲ ပြဌာန်း နိုင်သည့်  လုပ်ထုံးလုပ်နည်းဆိုင်ရာ အကိုးအကားတခုကို တင်ပြလိုပါသည်။

အမေရိကန်ပြည်ထောင်စု၏ စစ်ဖက်ဆိုင်ရာ အမြင့်ဆုံးရာထူးမှာ ကြယ်လေးပွင့် ဗိုလ်ချုပ်ကြီးအဆင့် ဖြစ်ပါသည်။ သို့ရာတွင် အမေရိကန်ပြည်ထောင်စုသမိုင်း ၌ ကြယ်ငါးပွင့် ဗိုလ်ချုပ်ကြီး ၉ဦး ရှိခဲ့ဖူးပါသည်။

ဒုတိယ ကမ္ဘာစစ်အတွင်းက မဟာမိတ်တပ်ပေါင်းစုမှူးအဖြစ် အမေရိကန်ပြည်ထောင်စုမှ ဗိုလ်ချုပ်ကြီး အိုက်ဆင်ဟောင်ဝါ “General Eisenhower“ ကို တာဝန်ပေးရာ၊ သူ့လက်အောက်အရာရှိ ဖြစ်သူ၊  ဗြိတိသျှဖက်မှ ဗိုလ်ချုပ်မှူးကြီး မောင်ဂိုမာရီ "Field Marshal Montgomery“ ထက်    ရာထူးတဆင့်နှိမ့်နေသည်ကို အကြောင်းပြုကာ မခြေမငံ ဆက်ဆံခြင်းကြောင့်၊ စစ်ဆင်ရေး ကြီးကြပ် လုပ်ကိုင်ရာတွင်အဆင်မပြေမှု များစွာ ကြုံရလေသည်။ ထိုပြဿနာကို ဖြေရှင်းရန် အမေရိကန်ပြည်ထောင်စု လွတ်တော်က ကြယ်ငါးပွင့် ဗိုလ်ချုပ်ကြီး အဆင့်ရာထူးကို အချိန်အခါ၏ လိုအပ်ချက်အရ ယခုကာလတခုအတွက်သာ ခန့်အပ်ကြောင်း ၁၉၄၄ခု ဒီဇင်ဘာလတွင် ဥပဒေပြု ပြဌာန်း ပေးခဲ့သဖြင့် "Field Marshal  Eisenhower“ ဖြစ်လာသည်။ ထိုဥပဒေအရ ကြည်းတပ်ဆိုင်ရာ လေတပ်ရေတပ်ဆိုင်ရာ ကြယ်ငါးပွင့် ဗိုလ်ချုပ်ကြီး ၉ဦး ခန့်အပ်ခြင်း ခံရသည်။ ၁၉၈၁ခုနှစ် ဧပြီလတွင် ကြယ်ငါးပွင့် ဗိုလ်ချုပ်ကြီးအဆင့် Omar N. Bradley ကွယ်လွန်ပီးနောက် ယခု အမေရိကန်ပြည်ထောင်စု တပ်မတော်တွင် ကြယ်ငါးပွင့် ဗိုလ်ချုပ်ကြီးအဆင့် မရှိတော့ပါ။

ထိုအကိုးအကားအရ  သက်ဆိုင်ရာ အခြားသတ်မှတ်အရည်အခြင်း ပြည့်စုံလျှင် ယခုတကြိမ်တည်းသာ ကန့်သတ်ပြီး ၂၀၀၈ ခုနှစ်ဖွဲ့စည်းပုံ အခန်း(၃) နိုင်ငံ တော် သမ္မတနှင့် ဒုတိယ သမ္မတ ရှိ ရမည့် သတ်မှတ်ချက် ပုဒ်မ ၅၉ /(စ) ကို အမျိုးသားလွတ်တော်မှ ဤတကြိမ်၊ ဤပုဂ္ဂိုလ်တဦးအတွက်၊ အထူးပြင်ဆင်ချက်၊ ခွင့်ပြုချက် ချွင်းချက်ပြုသည့် ဥပဒေပြုကာ ဆောင်ရွက်လိုက ဆောင်ရွက်နိုင်ကြောင်း တင်ပြဖူးသည်ကို ထောက်ပြလိုက်ပါသည် ခင်ဗျား။

ကျားမြီးဆွဲသူများ

မြောက်ကိုရီးယား နိုင်ငံ ခေါင်းဆောင်ကြီး ကင်ဂျုံအန်းတက်ရောက်တဲ့ အခမ်းအနား တစ်ခုမှာ အိပ်ပျော် နေခဲ့ပြီး ညွှန်ကြားချက်တွေကို လိုက်နာဖို့ ပျက်ကွက်ခဲ့တဲ့အတွက် ခေါင်းဆောင်ကြီး ကင်ဂျုံအန်း အပေါ် သစ္စာမဲ့တဲ့ အပြုအမူ ဖော်ပြမှုနဲ့ ကာကွယ်ရေး ဝန်ကြီး ဖြစ်သူ Hyon Yong-chol ဟွမ်ယောင်ချိုလ် ၆၆ နှစ် ကို   ဧပြီ ၃၀ ရက်နေ့က ရာနဲ့ချီတွေ လူတွေ ရှေ့မှာ လေယာဉ်ပစ် စက်သေနတ်ဖြင့် ပစ်ခတ် သတ်ဖြတ် ခံခဲ့ရ သည်ဟု တောင်ကိုရီးယားက Yonhap သတင်းဌာနက ဖော်ပြပါတယ်။

 

၎င်းသည် ခေါင်းဆောင်ကြီး ကင်မ်ကိုယ်တိုင် ကြီးမှူးသည့် စစ်ရေး အခမ်းအနား တစ်ရပ်တွင် အိပ်ပျော် သွားသည့်အတွက် ခေါင်းဆောင်ကြီးကို မလေးမစား ပြုမူမှုဖြင့် ယခုလို ပြစ်ဒဏ် စီရင်ခံရခြင်းဖြစ်ကြောင်း တောင်ကိုရီးယား အမျိုးသား ထောက်လှမ်းရေး အေဂျင်စီ (NIS)မှ တာဝန်ရှိသူများနှင့် တံခါးပိတ် ဆွေးနွေးခဲ့သည့် တောင်ကိုရီးယား ဥပဒေပြု အမတ်များက ပြောကြားခဲ့သည်။

“အခုရက်ပိုင်းတွေမှာ မြောက်ကိုရီးယား လျှို့ဝှက်ရဲတပ်ဖွဲ့တွေဟာ အရမ်း အကဲဆတ်တဲ့ အခြေအနေ ဖြစ်နေတယ်။ ကင်မ်နဲ့ ပတ်သက်ပြီး ဘယ်လို မလေးမစား ပြုမှုမျိုးကိုမှ သူတို့က လက်မခံကြဘူး။ အစိုးရ ထိပ်ပိုင်းနဲ့ အလယ်အလတ် အဆင့်အတန်းက ပုဂ္ဂိုလ်တွေလည်း သတိထားနေရတယ်”ဟု မြောက် ကိုရီးယား အရေး လေ့လာသူတစ်ဦးဖြစ်သည့် မိုက်ကယ် မက်ဒမ်က ပြောကြားခဲ့သည်။

ပြီးခဲ့တဲ့ သီတင်းပတ် အနည်းငယ် အတွင်းကပဲ ကင်ဂျုံအန်းရဲ့ မူဝါဒတွေကို စောဒက တက်ခဲ့တဲ့ လက်ထောက် ဝန်ကြီး ၂ ယောက် အပါအဝင် လူ ၁၅ ယောက်ကို ကွပ်မျက်ခဲ့ပါသေးတယ်။

၂ဝ၁၁ ခုနှစ် ဒီဇင်ဘာလ ၁၇ ရက်နေ့က မြောက်ကိုရီးယား ခေါင်းဆောင် ကင်ဂျုံအီ နှလုံး ရောဂါဖြင့် သေဆုံးပြီး နောက်ပိုင်း ၎င်း၏ အရိုက်အရာကို တတိယမြောက်သား ကင်ဂျုံအွန် (အသက် ၂၇ နှစ်)သည် နျူကလီးယား လက်နက်ငယ်များ၊ ဓာတုဗေဒ လက်နက်များနှင့် အမြောက်များဖြင့် ပြည့်နှက်နေ သည့် ကြီးမားသော တပ်မတော်နှင့် အတူ စီးပွားရေး ချွတ်ခြုံကျ၍ အထီးကျန်နေသော နိုင်ငံကို အမွေ ဆက်ခံ ရာတွင် ခေါင်းကိုင်ပုဂ္ဂိုလ်များအဖြစ် ပါဝင်ခဲ့သည့် ဦးလေးဖြစ်သူ ဂျန်ဆွန်ထက် အပါအ၀င် အစိုးရထိပ်တန်း အရာရှိများ ကွပ်မျက်ခံရမှုများ ဆက်တိုက်ဖြစ်လာရာ ယင်းကဲ့သို့ သေဒဏ်စီရင်ခံရသူ အရေအတွက်မှာ ၇၀ ကျော်သွားပြီဖြစ်သည်။

 

ဂျန်ဆွန်ထက်မှာ နိုင်ငံအတွင်း သြဇာအကြီးဆုံး ပုဂ္ဂိုလ်များထဲမှ တစ်ဦးဖြစ်ပြီး ကင်ဂျုံအွန်အား နောက်ကွယ်မှ ပံ့ပိုးပေးနေသူဟု လူသိများသူဖြစ်ပီး သူ့အားကွပ်မျက်ရာတွင် လက်ဖြောင့် တပ်ဖွဲ့အစား ZPU-4 လေကြောင်းရန် ကာကွယ်ရေး စက်သေနတ်နှင့် မီတာ ၃၀ မျှ အကွာမှ အပစ်ခံရခြင်း ဖြစ်သည်။ ယင်းစက် သေနတ်များသည် မီတာ ၈၀၀၀မျှ အကွာအဝေးထိ ပစ်ခတ်နိုင်သည့် အလွန်အားကောင်းသော လက်နက် များ ဖြစ်သည်။

ယခုလက်ရှိတွင် ချစ်လှစွာသော ခေါင်းဆောင်ကြီး ကင်ဂျုံအန်း၏  နိုင်ငံသားများအပေါ် စေတနာဖြင့် မလိုက်နာမနေရ ချမှတ် လိုက်တဲ့ ဥပဒေ သစ် အရ မြောက်ကိုရီးယား ပြည်သူ အမျိုးသား များဟာ ကင်ဂျုံအန် ညှပ်ထားတဲ့ ဆံပင် ပုံစံ တစ်မျိုးတည်း ကိုသာ ထားခွင့် ရှိတော့မှာ ဖြစ်ကြောင်း သိရ ပါတယ်။

သု့လိုဘဲ ၁၅ရက်တခါ ဆံပင်ညှပ်ရမှာဖြစ်ပါတယ်။ ဥပဒေ မလိုက်နာပဲ နေတဲ့ အမျိုးသား များကို အရေးယူ အပြစ်ပေးမှာ ဖြစ်ပါတယ်။ သူ့ရဲ့ ဆံပင် ပုံစံဟာ ကျန်းမာရေး အတွက်ကော၊ သူ့လို ဥာဏ်ပညာ ထက်မြတ် ဖို့ရော (ဦးနှောက်မှ မှတ်သားနိုင်စွမ်း ကောင်းဖို့ အတွက်) အကောင်း ဆုံး ဖြစ်ကြောင်း ကင်ဂျုံအန် ကိုယ်တိုင် ပြောကြား ခဲ့ ပါတယ်။

One Direction တို့လို ကမ္ဘာကျော် အဆိုတော် များ လာရောက် ဖျော်ဖြေဖို့ ခွင့်တောင်းချက် ကိုတောင် သူ့ ဆံပင် ပုံစံ ညှပ်ပြီး လာမှ ဝင်ရောက် ဖျော်ဖြေခွင့် ပေးမယ်လို့ ကင်ဂျုံအန်ကပြောထားပါတယ်။

ယခု အသစ် ချမှတ် ထားတဲ့ ဆံပင် ပုံစံ အမည် ကို 'ချစ်လှစွာသော ကင်ဂျုံအန်' လို့ အမည်ပေး ထား ပါတယ်။