ပြည်သူများကို စောင်းငဲ့ကြည့်ခြင်း လိုတယ်

ခိုင်အောင်ကျော် (စစ်တွေ )

အမျိုးသားဒီမိုကရေစီ အဖွဲ့ချုပ်အနေအထားအရ အခုအချိန်မှာ ဗဟိုကော်မီတီ အပြောင်းအလဲ လုပ်ကြရတော့မယ်ဆိုရင် အဓိက စဉ်းစားထားရမှာက လွန်ခဲ့တဲ့ အနှစ် နှစ်ဆယ်ကာလက ဇွဲ့စည်းခဲ့သလိုမျိုး အခုအချိန်မှာ လုပ်လို့မရတော့ဘူး ၊ နိုင်ငံရေးပါတီတရပ်အနေနဲ့ ဖွဲ့စည်းခဲ့တဲ့အချိန်တုံးက အခြေအနေတွေဟာ ခုအချိန်မှာ ဘာမှ မပါတ်သက်တော့ဘူး၊ အဲဒီအချိန်တုံးက ဖွဲ့စည်းခဲ့ကြတာတွေဟာ အလုပ်အခုကို ဖြစ်စေဖို့အတွက် ရင်းနှီးရာ ခင်မင်ရာ စိတ်တူကိုယ်တူတွေကို ပေါင်းဖက်ပြီး ဖွဲ့စည်းခဲ့တဲ့ အခြေအနေ ဘဲဖြစ်တယ်၊ အနှစ်ဆယ်ကာလအတွင်း ဒီအဖွဲ့ချုပ်အတွက် အသက်သွေးချွေးပေါင်း မြောက်မြားစွာ အဖွဲ့ချုပ်

ဝင်တွေက သူတို့ ပေးဆပ်ခဲ့ရတဲ့ ဘ၀နဲ့တင် မကာမိစေလောက်တဲ့အထိကို ပေးဆပ်ခဲ့ပြီးပြီ၊ အခုအချိန်ထိလဲ အဖွဲ့ချုပ်ဝင်တွေက ပေးဆပ်နေရတုံး ၊ တချိန်တည်းမှာဘဲ အဖွဲ့ချုပ်ဝင်တွေ မဟုတ်ဘဲ ပြည်သူတွေဟာလဲ နဲတာမှ မဟုတ်တာရယ်လို့ ပြောရမှာဖြစ်တယ်၊ ဒီတော့ကာ တဖက်က စစ်အစိုးရဆီကနေပြီး အာဏာလွှဲပြောင်းပေးရေးအတွက် တောင်းဆိုနေရချိန်မှာ ကိုယ့်ပါတီအတွင်းစည်းတွေမှာကလဲ အာဏာရရှိလို့ နိုင်ငံကို အုပ်ချုပ်မယ် ဆိုရင်တောင်မှ လူတွေက မရှိတော့ဘူး ၊ သေဆုံးသွားတဲ့လူတွေ ။ အသက်အရွယ်ကြီးမြင့်နေတဲ့လူတွေနဲ့ နောက်တခါ အဖွဲ့ချုပ်က နုတ်ထွက်သွားတဲ့ လူငယ်တွေ ။ ထုတ်ပယ်ပလိုက်တဲ့ လူကြီးတွေ စသည်ဖြင့် နောက်ပြန်လှည့်ကြည့်ရင် ဘယ်သူမှ မရှိတော့ဘူးဆိုတဲ့ အတိုင်းဖြစ်နေတယ် ၊ အသက်အရွယ်ကြီးမြင့်တဲ့ လူကြီးတွေကို အရေးကြီးတဲ့ ရာထူးတွေ သွားပေးထားတော့ စိတ်ဓါတ်ရှိရုံကလွဲလို့ ဘာမှ မလုပ်နိုင်တဲ့အခါကျတော့ ဒါဟာ တကယ့်ကြီးမားတဲ့ ပြသနာဖြစ်တယ် ၊ အင်မတန်အရေးကြီးနေတဲ့ နိုင်ငံရေးကာလမှာ ဥက္ကဌ ငုတ်တုပ်ထိုင်နေတယ်ဆိုတဲ့ အမြင်က ပြည်သူတွေဆီမှာ ဂယက်ရိုက်ခပ်တော့ ဘယ်အဖွဲ့အစည်းမဆို ပြသနာကတော့ ရှိလာမှာပါဘဲ ၊ ဒါပေမဲ့ အခုဟာက သာမန်အဖွဲ့အစည်း မဟုတ်ဘူး ။နိုင်ငံတော်အာဏာ ရယူမဲ့ အဖွဲ့အစည်းဖြစ်နေတယ် ။ ဒီတော့ ပိုဆိုးတာပေါ့ ။ ပြည်သူတွေ အရမ်းဘဲ နစ်နာကြတာပေါ့ ၊အင်မတန်ခေါင်းဆောင်မူ ပေးနိုင်တဲ့ ဒေါ်အောင်ဆန်းစုကြည်လို ခေါင်းဆောင်ကောင်း တယောက်ရှိနေတာတောင်မှ လက်မညီတော့ တက်လှော်ရတာ မလွယ်လှဘူးပေါ့။ ဒီလိုဆိုရင် အခု ဗဟိုကော်မီတီတွေ အပြောင်းအလဲ ရွေးချယ်ကြမယ်ဆိုရင် ဗဟိုကော်မီတီတွေကို အောက်ခြေကနေ ဗဟိုအထိ ရွေးကောက်ပွဲ ၀င်ရောက်ယှဉ်ပြိုင်ခွင့်ကို ပေးရမယ် ၊ အရည်အချင်းအလိုက် ရှိတဲ့သူတွေကို ၀င်ရောက် ယှဉ်ပြိုင်ခွင့် ရှိစေရမယ် ၊ အဖွဲ့ချုပ်ဝင် မဟုတ်တဲ့ သူတွေကိုလဲ နိုင်ငံအကျိုးအတွက် လုပ်ချင်တဲ့ သူရှိတယ်ဆိုရင် လုပ်နေတဲ့ သူတွေ ရှိတယ်ဆိုရင် စည်းရုံးပြီးတော့ကို ယှဉ်ပြိုင်စေရမှာဖြစ်တယ်၊ အဖွဲ့ချုပ်က နုတ်ထွက်သွားတဲ့သူတွေကိုကော ထုတ်ပယ်ခြင်းခံသွားရတဲ့ သူတွေကိုကော ပြန်လည်ခေါ်ယူမဲဆန္ဒ ပေးစေရမှာဖြစ်တယ် ၊
တချိန်တည်းမှာဘဲ အဲဒီဗဟိုကော်မီတီတွေကို ရွေးချယ်တဲ့ အခါမှာတော့ အရည်အချင်းကို ကြည့်ပြီး ရွေးချယ်ဖို့လိုပါတယ်၊ အသက်အရွယ်ကို ကြည့်ပြီး ရွေးချယ်ဖို့ လိုပါတယ်၊ ဒီတော့ တကယ်အလုပ်လုပ်မဲ့ ဥက္ကဌ တယောက်ကို အခုအချိန်ဟာ အဖွဲ့ချုပ်မှာ လိုအပ်နေတယ် ဆိုရင် ဒေါ်အောင်ဆန်းစုကြည်ဟာ အသင့်တော်ဆုံးဘဲ ဖြစ်တယ်၊ အရည်အချင်းအရ ကော အသက်အရွယ်အရကော နိုင်ငံရေးအရကော ဒီနိုင်ငံအတွက် ကိုယ်ကျိုးစွန့်အနစ်နာခံတဲ့ ခေါင်းဆောင်ကောင်းတယောက်မို့ ရွေးချယ်ပေးရမှာဖြစ်တယ် ။ ဒေါ်အောင်ဆန်းစုကြည်သာ ဥက္ကဌ ဖြစ်သွားရင် အကျယ်ချုပ်နဲ့ ဖမ်းဆီးထားလို့ မရတော့ဘူး၊ တနည်းနည်းနဲ့တော့ တခုခုကို အပြောင်းအလဲ ရရှိစေမှာဖြစ်တယ် ၊ နေ့စဉ် ရုံးတက်နိုင်တယ် ၊ အလုပ်တွေကို ကောင်းကောင်းလုပ်နိုင်တယ် ။ လက်ကလဲ ညီပါလိမ့်မယ် ၊ လက်ညီတော့ တက်လှော်ရတာ ဦးတည်ရာကို ရွေ့လျှားသွားစေပါတယ် ၊နိုင်ငံတကာ အသိုင်းအ၀န်းကလဲဘဲ လက်ခုပ်သြဘာပေးကြပါလိမ့်မယ်၊ ဘာဘဲဖြစ်ဖြစ် အမျိုးသားဒီမိုကရေစီ အဖွဲ့ချုပ်က တခုခု ဆုံးဖြတ်ချက် ချပြီးတော့ လုပ်ပြီဆိုရင် လုပ်တာမကြာဖို့ ။ လုပ်တာမမှားဖို့ လိုတယ် ။ လုပ်တာကြာသွားရင် လုပ်တာမှားသွားပြီဆိုရင် ပြည်သူတွေ နစ်နာတယ်ဆိုတာကိုတော့ နဲနဲလောက် သိထားပေးဖို့လိုတယ်။ အခုအချိန်မှာ အဖွဲ့ချုပ်ဝင်တွေတောင် မဟုတ်ဘူး ၊ ပြည်သူတွေကတောင် ဝေဖန်ရေးတွေ လုပ်လာနေကြတယ် ဆိုတာကို သတိထားပေးဖို့ လိုပါတယ်၊ ဒီတော့ကာ စီအီးစီ ရွေးချယ်ရေးမှာ တိုးချဲ့ဖွဲ့စည်းရေးဆိုတာထက် ရွေးကောက်ပွဲအရ လူပါပြောင်းလဲဖွဲ့စည်းရေးအတွက်ကို ဆောင်ရွက်သင့်တယ်၊ ဒါကြောင့် မို့ ဒီမိုကရေစီ အခွင့်အရေးအရ လွပ်လွပ်စွာ ယှဉ်ပြိုင်ခွင့် လွပ်လွပ်စွာ မဲဆန္ဒပေးပိုင်ခွင့်ဟာ NLD မှာ လုံးဝဥသုံ ရှိနေရမယ်လို့ ပြောချင်တယ် ၊ ဘာဖြစ်လို့လဲ ဆိုတော့ ဒိမိုကရေစီကို အခြေခံတဲ့ အဖွဲ့ချုပ်ဖြစ်နေလို့ပါဘဲ၊ ဒီတော့ အစကနေပြီး ပြောကြည့်ကြရအောင် ၊ တကယ်လို့ ဒေါ်အောင်ဆန်းစုကြည်သာ အခုလို့ တွေ့ဆုံမှု မပြုလုပ်ခဲ့ဘူးဆိုရင် ဒီအတိုင်းဘဲ ဆက်ပြီး ရှိနေအုံးမှာကို သိသာနိုင်ပါတယ် ၊ ဘာဖြစ်လို့လဲ ဆိုတော့ ဗဟိုကော်မီတီတွေ အပြောင်းအလဲ လုပ်ကြရအောင်လို့ တိုက်တွန်းတဲ့ သူတွေတောင် ထုတ်ပယ်ခံခဲ့ရတာတွေ ရှိနေခဲ့တာတွေကတော့ အရုပ်ဆိုးလွန်းလှပါတယ်၊ ဒါဟာ ဒီမိုကရေစီမူကိုအခြေခံတဲ့ နိုင်ငံရေးအဖွဲ့အစည်းတရပ်ရဲ့ လက္ခဏာကောင်းတရပ်တော့ မဟုတ်နိုင်ဘူးလို့ ယေဘူယျသုံးသပ်မိပါတယ်၊ ဒီနေရာမှာ တိုက်တွန်းတဲ့ သူတွေဖက်က အကြောင်းပြချက်နဲ့ ထုတ်ပယ်ရခြင်းအကြောင်းပြချက်တွေ
ဟာ အကျိုးအကြောင်းများ အနေနဲ့ မကာမိလောက်အောင် အင်မတန်ကွာခြားလွန်းလှပါတယ် ၊ နောင်ကို ဒီလိုမျိုးတွေ မဖြစ်သင့်ဘူးလို့ ထင်မြင်ယူဆရပါတယ်၊ ဒီတော့ကာ အသက်အရွယ်ကြီးမြင့်သူတွေကို အနားယူပေးခြင်းဟာ အတိုက်အခံနိုင်ငံရေးပါတီတရပ်ရဲ့  အင်မတန် အရေးတကြီးလိုအပ်တဲ့ ပြသနာတခုဖြစ်တယ် ဆိုတာ ဒီနိုင်ငံရေးအဖွဲ့အစည်းက အခုမှ ထလုပ်လိုက်ခြင်းဟာ အချိန်တွေကိုု အလွန်နောက်ကျစေခဲ့တာတော့ အမှန်ပါဘဲ၊ ဒါဟာ အဖွဲ့ချုပ်ရဲ့  ပြသနာတခုမဟုတ်ဘဲ မြန်မာနိုင်ငံတခုလုံးရဲ့ ပြသနာ၊ မြန်မာနိုင်ငံရဲ့ နိုင်ငံရေး ကံကြမ္မာတရပ်လုံးကို အလှည့်အပြောင်း ဖြစ်သွားစေမဲ့ အချိန်ကာလများကို ၀ါးမျိုစားသောက်ပစ်ခဲ့ခြင်းဖြစ်သွားတါပါဘဲ ၊ ဒါကြောင့်မို့လို့ ပြည်သူတွေရဲ့ ပြောင်းလဲမှုတရပ်ဟာ တုံ့ဆိုင်းမှုများကို ဖြစ်သွားခဲ့စေပါတယ်၊ အဖွဲ့အစည်းတခုမှာ တဦးတည်းကသာ လှုပ်ရှားနေရပြီး ကျန်တဲ့သူတွေက ပရိတ်သတ်လို ၀ိုင်းပြီးတော့ ထိုင်နေခဲ့ကြတာမျိုး ဖြစ်နေလေတော့ မြန်မာနိုင်သူ နိုင်ငံသားတွေအဘို့ သူတို့မျှော်တဲ့ ရွှေပြည်တော်ကြီး ဝေးကွာနေမှာပါ၊ ဒီလိုဆိုရင် ပြည်သူတွေက ဘယ်သူ့ကို အပြစ်တင်စကားပြောဆိုကြမှာလဲလို့ စဉ်းစားစရာ ဖြစ်မနေဘူးလား၊ စစ်အစိုးရကို ဝေဖန်တာ ၊ လက်မခံတာ ။ စစ်ခုံရုံးကို တင်ချင်တာ ၊ ဗိုလ်ချုက်မှူးကြီးနဲ့တကွ အပေါင်းပါတွေကို သေဒဏ်ပေးလိုက်ချင်တာတွေဟာ ပြည်သူတိုင်းမှာလိုလို ရှိနေကြမှာပါ ၊ ဒီမိုက်ရေစီ မရရှိတာဟာလဲ သူတို့ကြောင့်လို့ဘဲ နားလည်ကြသူတွေဖြစ်ပါတယ် ၊ ထားပါတော့ ၊ ဒါဖြင့်ရင် အတိုက်အခံဖက်ကကော ၊ ခြောက်ပြစ်ကင်း သဲလဲစင်များဖြစ်နေသလား၊ ခက်နေတာက တဖက်သတ်ပြောဆိုနေတာတွေကဖြင့် တော်သင့်နေပါပြီ၊ အမှန်တရားတခုကို ရှာဖွေပြီး အကောင်းဆုံးတခုကို ရင်ဆိုင်သွားကြဖို့ အချိန်တွေက သင်ခဏ်းစာတွေ လှလှပပကြီး သင်ပေးနေပါပြီ ၊ ပြည်သူတွေ အမျိုးသားဒီမိုကရေစီအဖွဲချုပ်ကို ဝေဖန်နေကြတာမှာ ကြာပြီဖြစ်တာကို လက်ခံရပါလိမ့်မယ်၊ အဖွဲ့အချုပ်ကို တည်တန့်အောင် ထိမ်းသိမ်းထားတယ်ဆိုသော အချက်ကို မည်သူမျှမငြင်းဆိုကြပါ၊ သို့သော် တည့်နေသည်ထက် ဖိုးသက်ရှည် ဖြစ်နေတာကိုတော့ ညီးညူနေကြပြီဆိုတာ အသံတွေကြားနေရပါတယ်၊ ဒီတော့ ဒီကနေ့ ဖြစ်ပျက်နေတဲ့ အမျိုးသားဒီမိုကရေစီအဖွဲ့ချုပ်ရဲ့  မူတွေ အပြောင်းအလဲနဲ့ လူတွေအပြောင်းအလဲဟာ တကယ်လိုအပ်နေပြီဆိုတာကို ပြည်သူတွေက မီးမောင်းထိုးပြနေပါတယ်၊ အဖွဲ့ချုပ်ရဲ့ တဦးတည်းကိစ္စ မဟုတ်တော့ဘဲ တနိုင်ငံလုံးရဲ့ အရေးအရာ ဖြစ်နေတယ်ဆိုတာကို အဖွဲ့ချုပ်က နားလည်ထားဖို့ အရမ်းရေးကြီးနေပါတယ်၊ ဒီတော့ကာ ဒီမိုကရေစီ ရရှိရေးအတွက် အဖွဲ့ချုပ်ရဲ့ အပြောင်းအလဲ လုပ်ဖို့ အတွက် ဘာတွေလိုအပ်နေတာလဲဆိုတာကို ဆန်းစစ်ရပါလိမ့်မယ်၊
ပထမဆုံး ရွေးကောက်ပွဲကော်မရှင် တခုကို ဖွဲ့စည်းပြီး အမည်စာရင်းတင်သွင်းစေဖို့ ကျေးလက်ကနေ ဗဟိုအထိ ယှဉ်ပြိုင်မဲ့ ကိုယ်စားလှယ် အမည်ကို လက်ခံကျေညာပေးရပါလိမ့်မယ်၊ ဒါဟာ ဒီမိုကရေစီ လမ်းပေါက်ကို ဖွင့်ပေးတာဖြစ်ပြီး အရည်အချင်းရှိတဲ့သူတွေက လျှောက်လာနိုင်စေဖို့ အခွင့်အရေးကောင်းတခုကို ရရှိစေတာလဲ ဖြစ်ပါလိမ့်မယ်၊ ဗဟိုကော်မီတီ တခုမှာ ရှိသင့်တဲ့ အရည်အချင်းရှိသူတွေဟာ အဲဒီရွေးကောက်ပွဲကို ၀င်ပြိုင်လာမှာဖြစ်သလို့ မဲဆန္ဒပေးမဲ့ သူတွေကလဲ လွပ်လွပ်စွာ မဲဆန္ဒပေးကြမှာဖြစ်ပါတယ်၊ ခိုင်မာတဲ့ ဗဟိုကော်မီတရပ်ဟာ ခုအချိန်မှာ အဖွဲ့ချုပ်အတွက် အမှန်တကယ် လိုအပ်နေပါပြီ၊ ပြတ်သားတဲ့ မူတွေ ၊ ပေါ်လီစီတွေကိ်ု ချမှတ်ပြီး မြန်မာနိုင်ငံ ဒီမိုကရေစီရရှိရေးအတွက် အစွမ်းကုန်ကြိုးစားရမဲ့ ဗဟိုကော်မီတီတွေဟာ အနှစ်နှစ်ဆယ်အတွင်းက ကော်မီတီထက် လက်စောင်းထက်ရပါလိမ့်မယ်၊ ခါးရိုးပြတ်နေတဲ့ နိုင်ငံရေးကြော ပြင်ကို ဆွဲဆန့်ဖို့ ပြင်းပြင်းထန်ထန် ကြိုးစားရပါလိမ့်မယ်၊ ဒုံရင်း သဘောမျိုးဖြစ်သွားလို့ကတော့ ၂၀၁၀ ရွေးကောက်ပွဲပြီးဆုံးသွားတာနဲ့ ဖျာလိပ်သွားစေတာမဟုတ်ဘဲ သမိုင်းမှာ ပျောက်ကွယ်သွားနိုင်ကောင်း သွားတော့မယ်ဆိုတာ သတိထားဖို့လိုပါတယ်၊ ဘာကြောင့်ဆိုတော့ စစ်အစိုးရက ၂၀၁၀ ရွေးကောက်ပွဲကို လုပ်တော့မှာပါ၊ အကွက်ချပြီး စီမံကိန်းတွေ လုပ်ပြီး သူတို့အာဏာသက်ဆိုးရှည်ရေးအတွက် လုပ်သွားမှာပါ၊ အဲဒီအခါကျရင် နိုင်ငံရေးပါတီတွေကလဲ ပေါ်ပေါက်နေပြီးဖြစ်ပါတယ်၊ ဒီတော့ ဒီလို ၂၀၁၀ နိုင်ငံရေးပါတီတွေရဲ့ဘ၀မှာ အမျိုးသားဒီမိုကရေစီ အဖွဲ့ချုပ်ဟာ ကြားညှပ်နေမှာကတော့ လုံးဝငြင်းမရတဲ့ အချက်တွေဖြစ်ပါတယ်၊ ဒီတော့ ဒီလိုကြားညှပ်မဲ့ အဆင့်မှာ ဘယ်လိုလုပ်ပြီး နိုင်ငံရေးလုပ်ငန်းစဉ်တွေ အကောင်အထည်ပေါ်ပေါက်နိုင်မှာပါလဲ ၊ နဂိုလ် ကတည်းက အေးအေးဆေးဆေး လွပ်လွပ် လပ်လပ် လှုပ်ရှားနေတဲ့ကာလမှာတောင် ဘူးကနေ ဖရုံမသီးခဲ့ရတဲ့ အခြေအနေမှာ ဆူးကြားက ဘူးခါးဖြစ်သွားမှာကတော့ ကျိန်းသေဖြစ်သွားနိုင်ပါတယ် ၊ ဒီတော့ ဒီအကြပ်အတည်း ကာလတွေကို ကျော်လွှားဖို့ တခုတည်းသော လက္ခဏာဟာ တောင့်တင်းခိုင်မာတဲ့ အဖွဲ့ချုပ်ရဲ့ အပြောင်းအလဲပေါ်မှာမူတည်နေပါတယ်၊ သူတို့တွေဟာ ရွှေဂုံတိုင်ကျေညာစာတမ်းကို အကောင်အထည်ဖေါ်ဆောင်ဖို့ အတွက် ပုဂ္ဂိုလ်များဖြစ်ကြောင်း ပြည်သူတွေရှေ့မှာ မားမားမတ်မတ် ရပ်တည်ရပါလိမ့်မယ်၊ လာနိုးငယ်မျှော်လို့ ကုလားအုပ်လည်တံရှည်နဲ့ ဇတ်တူသားဖြစ်မဲ့ သူများ မဟုတ်ကြောင်း ထပ်လောင်းသက်သေပြကြရမှာ ဖြစ်ပါတယ်၊ကျွန်တော်တို့ရဲ့ ပခုံးပေါ်က အမာရွတ်များဟာ ခုအချိန်ထိ ရှိနေတုံးပါဘဲ ၊ ၁၉၉၀ ခုနှစ်ရွေးကောက်ပွဲ ရလဒ်ကို အကောင်အထည်ဖေါ်ဆောင်ပေးဖို့ ဒီကနေ့အထိ တောင်းဆိုတိုက်ပွဲဝင်နေတာ စစ်အစိုးရကို ဖြုတ်ချချင်လို့ပါဘဲ ၊
စစ်အစိုးရကို ရွံရှာမုန်းတီးလေ နှစ်သက်ကြာလာလေ ဒီမိုကရေစီအတိုက်အခံအချင်းချင်း ကွဲပြဲကြ၊ ခွက်စောင်းခုတ်ကြနဲ့ နောက်ဆုံးမှာ အမျိုးသားဒီမိုကရေစီအဖွဲ့ချုပ်ကိုလဲဘဲ ပြည်သူတွေက ဝေဖန်စပြုလာကြပါပြီ၊ နာကျင်စပြုလာကြပါပြီ ၊ နောက်ဆုံးမှာ ရေဒီယိုအသံလွှင့်ဌါနတွေကိုတောင်မှ အတိုက်အခံကြားတွေမှာ နားမထောင်ချင်တဲ့ အဆင့်တွေ ရောက်လာနေပါပြီ၊ ဒါတွေကို အထူးသတိချပ်ရပါတော့မယ်၊ အားလုံးကောင်းပါသည်လို့ မပြောတာကို နားလည်ပြီး ငါ့မြင်းငါစိုင်း စစ်ကိုင်းရောက်ရောက်လို့ကတော့ နောက်မှာလူမပါဘဲ တယောက်ထဲ ခရီးသွားနေသလိုဖြစ်သွားနိုင်ပါတယ်၊ ဒါကြောင့် ပြည်သူတွေရဲ့အသံတွေ ၊ အတိုက်အခံအချင်းချင်းတွေရဲ့ အသံတွေကို ဒီအချိန်မှာ ဂရုစိုက်ဖို့လိုပါတယ်၊ တနိုင်ငံလုံးရဲ့ ပြသနာကို အဖွဲ့ချုပ်ကဲ့ပြသနာလို့ သဘောထားပြီး မလုပ်မိကြဖို့ လိုပါတယ် ၊ ရှင်းပါသလား ၊ အမျိုးသားဒီမိုကရေစီအဖွဲ့ချုပ်ရဲ့ ဗဟိုကော်မီတီ အပြောင်းအလဲ ရွေးချယ်ရေးဘဲဖြစ်ဖြစ် ပေါ်လီချမှတ်ရေးဘဲဖြစ်ဖြစ် ဒါဟာ ပြည်သူတရပ်လုံးရဲ့ အရေးအရာဘဲ ဖြစ်တယ်ဆိုတာကို နားလည်ထားမှသာ တက်ညီလက်ညီ ရှိကြမှာပါ၊ လက်မညီလို့ကတော့ တက်လဲလှော်လို့မရသလို ဦးတည်ရာလဲမဲ့စေတာပါဘဲ၊ ဘုန်းကြီးရူးနဲ့ လှေလူးတာက ပြသနာ မဖြစ်ပေမဲ့ နိုင်ငံရေးအဖွဲ့စည်းကတော့ ဦးတည်ရာကို မရောက်တော့ဘူးဆိုရင် ရွှေပြည်တော်ကတော့ မျှော်တိုင်းဝေးမှာ ဖြစ်ပါတယ် ၊ ဒီတော့ ဒီမိုကရေစီအခွင့်အရေးတရပ်ကို ကျင့်သုံးဖို့လိုအပ်နေပြီလို့ ထင်ကြောင်းပါဗျာ၊။။။။။။။။။။။။။

ခိုင်အောင်ကျော် (စစ်တွေ )

This Is It

OF THE PEOPLE

ဗုဒဓဘာသာဝင် အများစုနေထိုင်ရာ ဗမာပြည်က လူအများစုမှာ ကံကိုယုံကြည်ကြပါသည်။ ကျနော်လဲ ဗမာပြည်သား ဗုဒ္ဓြွဘာသာဝင်တဦးပီပီ ကံကိုယုံပါသည်။ ဆင်းရဲချမ်းသာ ဆူကြုံနိမ့်မြင့် ကွာခြားတာတွေကို ရှေးကံ အကျိုးပေးဟု ယူကြတာကိုလဲ ကျနော်တို့ ဗမာပြည်သားတွေ အ သားတကြ ရှိကြပါသည်။

အတော်အတန်ကတော့ ပြဿနာ ဟုမယူဆကြပါ။
ဒါပေမဲ့ ဒီ လက်ရှိအချိန်မှာ ဗမာပြည်ပုဂ္ဂိုလ်ကြီးငယ်တို့ ထူထောင်ထားသော ကုသိုလ်ကံ အယူအဆကတော့ လွန်လွန်းသည်။ သူတို့ရယူနေသမျှ အားလုံးကိုတော့ သူတို့ရဲ့ ဘုန်းကံကြောင့်ဟု သတ်မှတ်ယူဆကြသည်။

သူတို့က လုပ်ပေးရသည့် ကိစ္စဟူသမျှကိုတော့ သူတို့ရဲ့ စိတ်စေတနာ ဂရုဏာတော် အဖြစ် ဟိတ်ဟန်ထုတ်ကြ သည်။
နိုင်ငံရေး အာဏာကို လက်နက်အားကိုးဖြင့် မတရားလုယူ သိမ်းပိုက်ထားသော နအဖ ဗိုလ်ချုပ် များ နှင့် အဆင့်ဆင့်သော အရာရှိ ကြီးငယ်များကလဲ တိုင်းပြည်၏ သံယံဇာတ ဘဏ္ဍာ တော်တွေ ခိုးဝှက်ခြင်း နှင့်တကွ လဒ် စားရယူသမျှကို သူတို့ရဲ့ဖုန်းကံ ပါရမီကြောင့်ဟု ရုပ်လုံးဖေါ် ချင်ကြသည်။ တိုင်းပြည်အုပ်ချုပ်သူ ရာထူးအဆင့်တာဝန် ယူထားသူအနေနဲ့ လုပ်ကြရမည့် ဖွံ့ဖြိုး ရေးအပါအဝင် တာဝန်ဝတ္တရားများကိုတော့ သူတို့ရဲ့ စိတ်စေတနာ မဟာဂရုဏာတော် အဖြစ် ပုံဖေါ်တတ်ကြပြီး သက်ဆိုင်တဲ့ ပြည်သူအများက ကျေးဇူးတင် ရှိခိုးဦးခိုက်ကြရဦးမည့် အဖြစ် ရောက်အောင် ဖန်တီးချင်ကြသည်။ သူတို့ နအဖတွေဘာလို့ ဒီလိုလုပ်နေတာလဲ၊ တခြားအကြောင်းတွေလဲ အများကြီးရှိပါလိမ္မည် ကျနော့အနေနဲ့ သူတို့ရဲ့ စိတ်ကူးပုံရိပ်ကို ဒီခန့်မှန်းကြည့် မိသည်၊ “ ဂျပန်တွေက မေဂျီပြုပြင်ပြောင်းလွဲရေးခေတ် တွင် ဆာမူရိုင်းစစ်ဘုရင်မိသားစုကြီး များက ကာဝါဆာကီ မစ်ဆူ ဘီချီ ဆူဇူကီ စသော စစ်ဓနရှင်အုပ်စုကြီးများ အဖြစ်အသွင်ပြောင်း ပြီး စီးပွါးရေး နိုင်ငံရေး အာဏာကို ဆက်ကိုင်ပြီး အုပ်စိုးသူလူတန်းစားအဖြစ် ဆက်သယ်ဆောင် ရပ်တည်သွားခဲ့ကြသည်၊ စက်မှုတည်ထောင် ဖွံဖြိုးမှုနဲ့အတူ ပေါ်လာတဲ့ ပစ္စည်းမဲ့ စက်ရုံလုပ်သား လူတန်းစားရဲ့ ဦးဆောင် ကွန်မြူနစ်တွေကတော့ ဖြိုခွဲနှိပ်ကွပ်ခံလိုက်ရတယ် “ နအဖ ဗိုလ်ချုပ်တွေကလဲ အဲဒီလိုဖြစ်ချင်ကြပုံပေါ်တယ်။ ဒါပေမဲ့ ဒီနေ့ ဗမာပြည်ကို ၁၈-ရာစုက ဂျပန် ပြည်လို ကိုင်တွယ်လို့တော့ ရမယ်လို့ ကျနော်မထင်ဘူး။
------

နည်းပညာတိုးတက်မှုကြောင့် ကုန်ထုတ်လုပ်မှုနဲ့ ကုန်လုပ်ဆက်ဆံရေး ပုံစံပြောင်းသည် အကျိုးစီးပွါး ဓနဥစ္စာ ခွဲဝေမှုပုံစံပြောင်းသည်။ ဒီလိုနဲ့ သက်ဦးဆံပိုင် ကံကြွေးချစံနစ်တွေနဲ့ ဘုရား ကျောင်းများ အာဏာစုရပ် ပြိုကွဲပြီး နိုင်ငံရေးစံနစ်များ လူနေမှုစံနစ်များ ပြောင်းခဲ့သည်။ ယခုလဲ ကမ္ဘာကြီးက အရှိန်အဟုန်နဲ့ ပြောင်းနေသည်၊ သတင်းနဲ့ ဆက်သွယ်ရေး နည်းပညာတိုးတက်မှု တွေကြောင့် ဖြစ်နေသော အပြောင်းအလွဲများကလဲ လူတွေရဲ့ သိမြင်ပုံ နားလည်ပုံ စဉ်းစားတွေး ခေါ်ပုံကစပြီး နေထိုင်မှုပုံစံ life style အထိအပြောင်းအလွဲများ ဖြစ်နေစေ ပါသည်။ ဗမာတွေ လဲ မကျန်ရစ်ပါ၊ အပြောင်းအလဲတွေဖြစ်နေပါသည်၊ အပြောင်းအလွဲတွေဖြစ်ပါလိမ့်ဦးမည်။ လူတွေစီးပွါး ရှာကြပုံနဲ့ ရွှေ့ပြောင်းနေထိုင်ကြပုံ အားလုံးဟာလဲ ကြီးမားတဲ့ အထုအထည် အရှိန် အဟုန်နဲ့ ဖြစ်နေကြပါသည်။ ဒါတွေက အနာဂါတ် ကမ္ဘာကြီးကို သွန်းလောင်းပုံဖေါ်နေသည်။ ဒီရေစီးကြောင်းကြီးထဲမှာ တက်မပါ ရွက်မပါ ၊အထူးသဖြင့် ပဲ့မပါဘဲမျောနေတာက ကျနော်တို့ ဗမာပြည်ဖြစ်သည်။ ဘယ်သောင်ဆိုက်လို့ ဘယ်ကမ်းရောက်မည် မသိသေး။
လောလောဆယ် တော့ NGO တခုက ထုတ်ပြန်တဲ့ အတည်မပြုနိုင်သေးတဲ့ စာရင်း ကိန်းဂဏန်း တခုကတော့ ဗမာပြည်သား ၁ဝ-ရာခိုင်နှုန်း ခန့်ဖြစ်တဲ့ လူ ၅-သန်းဟာ တိုင်းပြည် ပြင်ပကို ရောက်နေတယ်လို့ ဆိုပါတယ် ဒီလူအများစုကလဲ အသက်၁၇ ကနေ ၄၇ ကြားအသက် အုပ်စုဖြစ်တယ်လို့ ဆိုပါတယ်၊ တချိန်ကတော့ တိုင်းပြည်တွေက ပညာတတ်တွေ ထွက်ခွါတာကို ဦးနှောက်ယိုစီးမှုလို့ ပြောကြပါတယ်၊ ခုဗမာပြည်ကတော့ ဦးနှောက်တင်မက ကြွက်သားပါ ယိုစီး နေတာလို့ ပြောနိုင်သည်။ ခုလို တိုင်းပြည်က ထွက်ခွါနေကြတာ ဗမာပြည်အရေးကိစ္စ ဖြေရှင်းဖို့ မှန်ကန်တဲ့ နည်းလမ်းမဟုတ်မှန်းတော့ အားလုံးသိကြပါသည်။
နအဖ စစ်အစိုးရကတော့ လမ်းပြမြေပုံ အညွှန်းအရ ၂ဝ၁ဝ မှာ ရေွးှကောက်ပွဲ ကျင်းပ ပြီး ပြဿနာကို သူ့တို့စိတ်ကြိုက် အဖြေထုတ် နိဂုန်းချုပ်ဖို့ ကြိုးစားနေသည်။ ၂ဝဝ၈ ဖွဲ့စည်းပုံ အားနည်းချက်ကြောင့် လည်ကောင်း ဗမာပြည်ရဲ့ သဘောသဘာဝ အနေအထားကြောင့်လည်း ကောင်း သူတို့ လိုချင်သလို ဖြစ်မြောက် ပြေလည်သွားမည်ဟု တော့ မထင်၊ ပြဿနာသစ် တွေတော့ အများကြီးထပ်ပေါ်လာနိုင်သည်။ နအဖ မဟုတ်သော ကျန်လူ အပေါင်းကလဲ နည်း လမ်းကြံဆ ရှာဖွေကြိုးစားနေကြတုံးဖြစ်ကြသည်။ ကျနော်တို့ အမြင် အနာဂါတ်ပြည်ထောင်စု တည်ဆောက်ရေး နဲ့ နိုင်ငံရေးစံနစ် ပြုပြင်ပြောင်းလွဲရေး အယူအဆဘက်ကကြည့်လျှင် နအဖနှင့် ကျန် လူတွေ ဘယ်ဘက်ကမှ ပြည်သူလက်ခံနိုင်လောက်သည့် အစီအစဉ်ကို မဖေါ်ဆောင်နိုင်သေးပါ။ နိုင်ငံရေးကိစ္စ၊ တိုင်းရေးပြည်ရေး၊ အစိုးရနှင့် နိုင်ငံရေးအာဏာ များကို သာမန်ပြည်သူတွေနဲ့ မဆိုင်သလို ထားနေ လုပ်နေကြတုံးဖြစ်သည်။
လက်ရှိဗမာအတွက် အစိုးရ နှစ်ရပ်ရှိပါသည်၊ တခုက SPDC နအဖ စစ်အာဏာရှင် အစိုးရဖြစ်ပြီး နောက်တခုက NCGUB အဝေးရောက် ညွှန့်ပေါင်းအစိုးရ ဖြစ်ပါသည်၊၊ ဝီကီ သုတစွယ်စုံကြီးတွင် အမေရိကန် ပြည်တွင်းစစ်နှင့် ပါတ်သက်၍ တချက်မျှ ကြည့်မိရာ သမတကြီး လင်ကွန်း၏ အကြောင်း နှင့် ဂတ်တီစဘတ် မိန်ခွန်း Gettysburg Address ကိုတွေ့မိသည့်၊ ကမ္ဘာ ကျော် သမိုင်းဝင် စကားလုံးများ ဖြစ်သော of the people, by the people, for the people, ဆိုတာလဲ တွေ့သည်၊ အဓိပ္ပါယ်ဖေါ်ပြချက် အနေနဲ့ made for the people, made by the people, and answerable to the people,……government of the people, by the people ...
ဆိုတာလဲ တွေ့မိရပါသည်။ ဒါကိုကြည့်ပြီး ကျနော်တို့ရဲ့ အဖြစ်ကို စဉ်းစားမိတော့ စိတ်မကောင်း ဖြစ်ရသည်။ နအဖ အစိုးရက of the Generals, by the Generals, for the Generals, ဖြစ်နေပြီး၊ အန်န်စီဂျီယူဘီ အစိုးရကတော့ of the Elites, by the MPs, for the Elites ဖြစ်နေသည်။ ဒီနှစ်မျိုးလုံးကတော့ ကျနော်တို့ လိုချင်တဲ့ အစိုးရ မျိုးမဟုတ်သေး။ အထက်ပါအစိုးရနှစ်ရပ်လုံးမှာ ကျနော်တို့ လူထုအတွက် အစိုးရများ ဖြစ်လာစ ရာ အကြောင်းမရှိပါက ကျနော်တို့အနေဖြင့် လူထုကိုယ်တိုင်က လူထုရဲ့အစိုးရကို လူထုအတွက် လုပ်ကြရပါမည်၊
တလောကတော့ ကိုအောင်သူငြိမ်းက ဝီကီအစိုးရ၊ ဝီကီလွှတ်တော် ဆိုပြီး ရေးပါ တယ်၊ ဘာလို့များ အလုပ်ဖြစ်လောက်တဲ့အထိ ဆက်မရေးတာလဲ လို့ စဉ်းစားမိပါသေးတယ်။ ဒါပေမဲ့ ကျနော်စာသုံးပုဒ် ရေးအပြီး တချို့က ဆက်သွယ်ပြောကြားလာတယ် ရေးတာတွေက သိပ်ပွင့်လင်းပြီး လုပ်ဟန်တွေအထိ အသေးစိတ် ရေးတော့ သူများတွေ (အထူးသဖြင့် နအဖ ) က ကောက်စားသွားမည် ကောက်လုပ်သွားမည်၊ ကို စိုးရိမ်ကြောင်းဖြစ်သည်။ သည်တော့ ကိုအောင်သူငြိမ်း သဘောမျှသာ ရေးတာ ဒါ့ကြောင့်ဖြစ်တန်ရာ၏ဟု တွေးမိ သည်။ ကျနော့ သ ဘောကတော့ ဘယ်သူကလုပ်လုပ် ပြဿနာမဟုတ် ဟုထင်သည်။ ဗမာပြည်နဲ့ ပြည်သူတွေ အကျိုးရှိလျှင် ဝမ်းသာသည်။ ပြည်သူအတွက် တကယ့်စေတနာနဲ့လုပ်သလား တခြားရည်ရွယ် ချက်နဲ့ လုပ်သလား ဆိုတာလဲ သိသာထင်ခြားကွာ ပါလိမ္မည်၊ ထိုင်းရောက် ရွှေ့ပြောင်းလုပ်သား များကို နအဖက လဲ ပါတ်စ်ပို့ လုပ်ပေးဖို့ အစီစဉ်ချလာတာ ခုတလောကြားကြလိမ္မည် ပြည်သူ တွေ အတွက် လုပ်တာမဟုတ်တော့ ပြဿနာ တထွေနဲ့ အီလည်လည် ဖြစ်နေတာ ကြား ကြရသည်။
မည်သို့ပင်ဆိုစေ တကယ်တမ်း အသေးစိတ်လုပ်ငန်း လုပ်ငန်းညှိနှိုင်းမှု တချို့ကတော့ ခုလို စာမျက်နှာပေါ် တင်ရေးနေတာထက် ပို၍လိုသည်၊ တိုင်းပြည်တည်ဆောက်ရေး နဲ့ နိုင်ငံရေး စံနစ် ပြုပြင် ပြောင်းလဲရေး ဆိုတာလဲ ပြည်သူအများ ပါဝင်မှ ပြီးမြောက် အောင်မြင်မှာဖြစ်သည်၊ ကျနော်တို့ ဒီစာတွေကို ရေးနေတင်နေတာ ပညာရှင်တွေအနေနဲ့ အခြားသူများကို အကြံပေးယုံ မျှမဟုတ်ပါ၊ ကျနော်တို့၏ သဘောဆန္ဒနဲ့ ကြံဆချက်များကို တင်ပြနေတာဖြစ်ပါသည်၊ တူတာ ကွဲတာ ပြောဆိုညှိနှိုင်း နိုင်ပါသည်၊ ပေါင်းစည်းဆက်စပ် လုပ်နိုင်ပါသည်၊ တူတာတွဲလုပ် မည်ဟု မပြောပါ၊ တူတာတွဲလုပ်သည့် တပ်ပေါင်းစုထက် ပိုလို့ရည်ရွယ်ပါသည်၊ ခံစားချက်နဲ့ စေတနာတူ သူချင်း လုပ်ငန်းစဉ်ရသည်အထိ ညှိဖို့ အဆင်သင့်ဖြစ်ပါသည်၊ ကန့်သတ်ချက်မထားပါ။ ကျနော်တို့ ပြည့်စုံလုံလောက် ဖြစ်နေပြီဟု မပြောသလို၊ ဘာမျှ မရှိသေး မဟုတ်သေး ခုမှစမှာ လို့လဲ မပြောပါ၊ ထို့နည်းတူ အခြားသူတွေရဲ့ အဆင့်နေရာ အခြေအနေတွေကိုလဲ အသိမှတ်ပြုပါသည်။ ဘယ်သူ့ ဘယ်သူမှ ရပ်စောင့် နေဖို့မလိုပါ၊ အမှီလိုက်ပါ ကျော်တက်ပါ လက်ခံပါသည်။ ညှိနှိုင်းရင်းလုပ်ကြပါမည်၊ လုပ်ရင်းညှိနှိုင်းကြပါမည်။
နိုင်ငံတကာရောက် ချင်းအမျိုးသားများ စုစုစည်းစည်းရှိလာနေတာ၊ ချင်းအမျိုးသား နေ့ အောင်မြင်သိုက်မြိုက်စည်ကား ကျင်းပလာနိုင်နေတာ ဝမ်းသာအားရရှိပါသည်၊ ဗန်ကူးဗား မှာ ဘားမိစ် ကွန်မြူနတီ ယိမ်းယိုင်ဆုတ်ယုတ်နေတာ စိတ်ထိခိုက်ဝမ်းနည်းသည်၊ မလေးရှားမှာ ရခိုင်တွေရဲ့ အေအာအာစီ ရဲ့ အောင်မြင်မှုတွေနဲ့ အေအေအန်န်စီအက်စ်ရဲ့ တိုးတက်မှုတွေကို ဝမ်းသာအားကြမိသည်၊ ဒီပီအေ ဆုတ်ယုတ်မှုအတွက်တော့ စိတ်မကောင်းပါ။ ဒါက လက်ရှိအ ခြေအနေတွေထဲက တစိတ်တပိုင်းကို အကြမ်းတင်ပြခြင်း ဖြစ်ပါသည်။ ရှေ့ရောက်သူတွေထံက နည်းနာယူကြရပါမည်၊ နောက်ကျနေသူတွေကို ဖေးမလမ်းပြကြရပါမည်။ ရှေ့ကနေပိတ်ရပ်နေဖို့ မဟုတ်သလို နောက်ကနေ တွဲလွဲခို နောက်ပြန်ဆွဲနေဖို့ လဲမဟုတ်ပါ။ အမှီလိုက်ကြရပါမည် ကျော်တက်ကြရပါမည်။ တော်လှန်ရေး ခရီးပေါက်ဖို့ လိုပါသည်။ ဆက်သွယ်ကြပါ၊ ညှိကြပါ။
သဘာဝဝန်းကျင် ပြဿနာတွင် တိုင်းပြည်နယ်နမိတ်မရှိပါ၊ သတင်းအချက်အလက်များ တွင် နယ်နမိတ် မကျန်သလောက်ဖြစ်သည်၊ ရင်းနှီးမြုပ်နှံမှုနဲ့ ကုန်စည်စီးဆင်းမှုတို့ အတွက် နိုင်ငံ နယ်နမိတ်များက အများကြီး ပါးလျှားနိမ့်ကြသွားပြီ၊ လူတွေအတွက်တော့ တိုင်းပြည်နယ်နမိတ် များက ထင်ခြားမြင့်မား နေဆဲဖြစ်သည်၊ ဒါပေမဲ့ ကြီးမားတဲ့ ရွှေ့ပြောင်းလုပ်ကိုင်သူဦးရေ၊ ရွှေ့ ပြောင်း နေထိုင်သူ ဦးရေကြောင့်၎င်း၊ သတင်းနဲ့ဆက်သွယ်ရေး နည်းပညာတိုးတက်မှု ကြောင့်၎င်း အမျိုးသားနိုင်ငံတွေနဲ့ အမျိုးသားတွေရဲ့ အသွင်လက္ခဏာတွေ ( Integrity and Identity ) တွေလဲ ပြောင်းလာနေသည်၊၊ နိုင်ငံ နှစ်နိုင်ငံသား ခံယူခွင့် ပေးသော တိုင်းပြည်တွေနဲ့ နှစ်နိုင်ငံသားခံယူသော လူတွေလဲ ရှိလာနေသည်။ ဘယ်မှာ နေတယ်ဆိုတာထက် ဘာလုပ်နေလဲ ဘယ်သူ့အတွက် လုပ်နေလဲ ဆိုတာတွေက ပို ပြောစရာ ဖြစ်လာနေသည်။ အစိုးရတွေရဲ့ အုပ်ချုပ်မှုပုံစံ နဲ့ လုပ်ငန်းဆောင်တာ များလဲ ပြောင်းလာနေသည်။
ဒီအနေအထားမှာ ကိုအောင်သူငြိမ်း ပြောတဲ့ ဝီကီ အစိုးရ၊ ဝီကီ လွတ်တော်ဆိုတာလဲ ဖြစ်နိုင်စရာရှိပါသည်။ ကျနော်တို့ကတော့ ဖက်ဒရယ်အစိုးရနဲ့ ဖက်ဒရယ် လွှတ်တော်ကို လိုချင် ပါတယ်။ တိုင်းပြည်ပြင်ပရောက် ပြည်သူတွေက အချိန်မှီ မလုပ်နိုင် မကာကွယ်နိုင် ရင် နအဖ အစိုးရက မြောက်ကိုရီးယား အစိုးရလို မာဖီးယား အုပ်ချုပ်ရေးနဲ့ ယာကူဆာ လွှတ်တော် တွေ လုပ်လာလိမ္မယ်။ လည်ပင်းမှာ ကွင်းလျှော ကြိုးကွင်း အစွပ် ခံရပြီးမှတော့ အရုန်းရခက်ပါလိမ္မယ်၊ လာစွပ်မဲ့ လက်ကို ကြိုပြီး ဖြတ်တောက် ကာကွယ်ထား နိုင်ပါမှ စိတ်ချ ရပါမယ်။ ကွန်မြူနတီတွေကို စုစည်းကြိုင့်ခိုင် အားကောင်းအောင် လုပ်ကြရပါမယ်၊ စစ်အာဏာရှင်စံနစ်ကို ဖျက်သိမ်းအစားထိုးနိုင်မဲ့ ဖက်ဒရယ် အစိုးရနဲ့ ဖက်ဒရယ် တပ်မတော် ကိုတည်ဆောက်ကြရ ပါမယ်၊ ပြည်သူတွေကိုယ်၌က ကွန်မြူနတီတွေကို အခြေခံပြီး ဖက်ဒရယ် လွှတ်တော်ကို တည်ထောင် နိုင်ကြတယ်ဆိုရင် လူထုကိုတိုင်က လူထုအတွက် လုပ်တဲ့ လူထုရဲ့ ဒီမိုကရက်တစ် အစိုးရ ဖြစ်လာပါမယ်။
စစ်အာဏာရှင်စနစ်အောက်မှာ ကြောက်နေကြရတဲ့ အကြောက်တရားကို ကျနော်တို့ ကိုယ်တိုင် ရဲ့ လက်ရုံးနဲ့ ဖြတ်တောက်ဖယ်ရှားကြပါစို့၊ ဒီအတွက် လူတိုင်းလူတိုင်းကို တိုင်းပြည်နဲ့လူမျိုးအ တွက် အသက်နဲ့ ခန္ဓြွာကို စွန့်လွှတ်ဖို့၊ ဘဝကိုပေးဆပ်ဖို့ တောင်းဆိုစရာမလို ပါဘူး။ ကိုယ့်ရဲ့ ဝင်ငွေထဲက တလမှာ အရက်တခွက်ဖိုး ဆေးလိပ် တဘူးဖိုး မျှဝေထည့်ဝင်ရင်၊ ကိုယ့် အချိန်တွေ ထဲက တပါတ်မှာ တနာရီ တန်သည် ၂ ပါတ်မှာ တနာရီ တန်သည် ခွဲဝေသုံးစွဲပေးနိုင်ရင် အများ ကြီး အရာထင်လာ နိုင်ပါတယ်။ ဒီထက်မကတဲ့ စိတ်စေတနာတွေကိုလည်း ငြင်းပယ်ဖို့ မရှိပါဘူး၊ မနာလိုဖို့ မရှိပါဘူး။ ပုံမှန်ဒီမိုကရေစီတိုင်းပြည် တွေမှာ အစိုးရတွေကို မဲပြားတွေနဲ့ လူထုက ထိန်းကြသလို တော်လှန်ရေးကာလ ကျနော်တို့ တိုင်းပြည်မှာ ဒီထည့်ဝင်မှုတွေနဲ့ ကျနော်တို့ရဲ့ အစိုးရကို တည်ဆောက်ထိန်းကွပ်ကြရပါမယ်။ ဒီလို နည်းနဲ့ အနာဂါတ် ပြည်ထောင်စုအတွက် လူထုဆန္ဒကို နာခံတဲ့ အစိုးရမျိုး တည်ဆောက်လေ့ကျင့် ယူကြအောင်လို့ ပြောချင်ပါတယ်။

ကောင်းမွန်သော အနာဂါတ်ကို မျှော်လင့်လျှက်
ဗလ

ညီညွှတ်ခြင်းသည် အင်အား

Unite we stand, divide we fail

ဘိုးဘွားအစဉ် အဆက် ပြောလာကြတဲ့ စကားပေမဲ့ မရိုးနိုင်တဲ့ တခုပါဘဲ။ ဒီနေ့ အထိလဲ လက်တွေ့ဖြစ်ရပ်က ညီညွှတ်မှ အားရှိတယ်။ စွမ်းဆောင်နိုင်တယ်။ ပြီးမြောက်နိုင် တယ်။ ဆိုတာကို တွေ့နေ သိနေကြရတာပါဘဲ။ ညီညွှတ်ခြင်းသည် အင် အားဆိုတာကို အမျိုးမျိုး ပုံဆောင်ပြီး ပြောခဲ့ကြတာလဲ များပါပြီ။ ကျနော်ကတော့ လက်တွေ့အားဖြင့် ဘယ်လိုညီညွှတ်ရေး မျိုးကို တည်ဆောက်မလဲ ဆိုတာ နဲ့ ညီညွှတ်ရေးကို ဘယ်လိုနည်းနဲ့ တည်ဆောက်ကြမလဲ ဆိုတာကိုဘဲ ပြောဆိုကြံဆ ချင်တာပါ။

တိုင်းရေးပြည်ရေးမှာ ဘယ်လောက်ဘဲ စိတ်စေတနာ ကောင်းကောင်း၊ ဘယ်လိုဘဲဉာဏ်ပညာတွေရှိပါစေ၊ ဘာအ ခြေနေတွေဘဲ ပေးပေး၊ ကိုယ့်မှာ အင်အား မရှိရင်တော့ ဘာမှ လုပ်လို့ မရဘူးဆိုတာ အနှစ် ၂ဝ- ခရီးက ဆုံးမသင်ကြားပြီး ပါပြီ။ တကယ့်ကို တိုင်းချစ်ပြည်ချစ်စိတ်ဓါတ်နဲ့ တိုင်းကျိုးပြည်ကျိုးကို ပြီးမြောက်အောင်မြင်အောင် လုပ်ချင်ကြတာ ဆိုရင်တော့ အင်အား ရှိအောင် လုပ်ဖို့ လိုပြီဆိုတာ ထူးပြောစရာ မလိုတော့ဘူးထင်ပါတယ်။ ကဲ ဒါဆိုရင် ကျနော်တို့ အင်အားဖြစ်စေမဲ့

ညီညွတ်ရေးကို ဘာ့ကြောင့်များ မလုပ်နိုင်ကြသေးတာလဲ။

နဂါးကြီး ရဲ့ အမြီးဖြစ်ရတာထက်၊ ကြက်ကလေးရဲ့ ခေါင်းဖြစ်ရတာက ပိုကောင်းတယ် ဆိုတဲ့ တရုတ် တွေရဲ့ ကွန်ဖြူးရှပ် အတွေးအခေါ် အယူအဆကို ဗမာတွေက ပိုလို့ ကြိုက်ကြပုံပေါ်ပါတယ်။ ကိုယ်ပိုင်ရာ နိုင်ရာ အဖွဲ့သေးလေးမှာ ခေါင်းဆောင် လုပ်ပြီး ထင်ရာမြင်ရာ လုပ်နေရတာကို ပိုလို့ သည်းခြေကြိုက်ကြပုံပေါ်ပြီး၊ စစ်အစိုးရကို ယှဉ်ပြိုင်နိုင် လောက် အောင် အင်အားရှိတဲ့ အဖွဲ့ကြီးဖြစ်ဖို့ စည်းစံနစ်ကြတဲ့ ယန္တယားကြီး ဖြစ်ဖို့ အတွက် စုစည်းပေါင်းစပ် တည်ဆောက်ရေးကို တော့ သိပ်သဘောတွေ့ကြပုံ မပေါ်ပါဘူး။ အဲဒါကြောင့် ဒီနေ့အထိ အောင်မြင်ထိရောက်တဲ့ တပ်ပေါင်းစုကြီးမျိုး ကို မတည် ဆောက် နိုင်သေးတာလားလို့ ယူဆချင်စရာ ပါဘဲ။

နောက်မြင်မိတဲ့ ပြဿနာ တခုကတော့ ကျနော်တို့ရဲ့ သိမြင်နားလည်မှုပုံစံ လို့ထင်ပါတယ်၊ ကျနော်တို့တွေက နေဝင်းရဲ့ မဆလ ပုံစံ တပါတီ အာဏာရှင် စံနစ်အောက်မှာ မွေးဖွါးကြီးပြင်းခဲ့ကြပြီး ဒါတခုဘဲမြင်ဘူးကြားဘူး ခဲ့လို့ ဒါတခုဘဲ နားလည် ကြပုံပေါ်ပါတယ်။ အဲဒါကြောင့် ခေါင်းဆောင်ဟေ့ဆိုရင် နံပါတ်တစ် ခေါင်းဆောင် ကိုဘဲ နားလည်ပါတယ်။ အာဏာ ဆိုလဲ အပြည့် အာဏာ ကိုဘဲ နားလည်ပါတယ်။ ဒီတော့ အဖွဲ့အစည်း တွေထဲမှာ တာဝန်ခွဲဝေယူတာ အာဏာ ခွဲဝေ ကျင့် သုံးတာ အများစုပေါင်းဆုံးဖြတ်တာ ဆုံးဖြတ်ချမှတ်ထားတာကို လေးစားလိုက်နာတာ တွေမှာ ကျနော်တို့ အားနဲကြပြီးတော့ များသောအားဖြင့် ဆုံးဖြတ်ချက်နဲ့ အခွင့်အာဏာ တွေဟာ လူတဦးတယောက် ဆီကနေ လာတာ များပါတယ်။ ဒါဟာလဲ ကျနော်တို့ အဖွဲ့အစည်းတွေ လိုအပ်သလို ကြီးထွားမလာနိုင်တဲ့ အကြောင်းတခု ဖြစ်တယ်လို့ ယူဆပါတယ်။ ဒီလိုအခြခံကြတဲ့ အချက်တွေ အသေးလေးတွေကို တချိန်တည်းမှာ ပြင်ဆင်ကြရင်း အများဆုံချက်ကြနိုင်တဲ့ ပေါ်လစီကို ရအောင်လုပ်ဖို့ ဆိုတော့ အလွန် စိတ်ကူးယဉ်ဆန်တဲ့ မဖြစ်နိုင်လောက်အောင် အလှမ်းဝေး တဲ့ကိစ္စလို ဖြစ်နေပါတော့တယ်။

ဒါပေမဲ့ ကျနော်တို့အနေနဲ့ နအဖ နဲ့ နှိုင်းယှဉ်နိုင်လောက်အောင် ယှဉ်ပြိုင်နိုင်လောက်အောင် ကြီးထွားမလာနိုင်ဘူး ဆိုရင်တော့ ပြဿနာတွေကို တရားမျှတစွာဖြေရှင်းပြီး ဒီမိုကရေစီစံနစ်တည်ဆောက်ဖို့ မဖြစ်နိုင်ပါဘူး။ ကျနော်တို့အနေနဲ့ အမျိုးသား ညီညွတ်ရေးအတွက် နအဖနဲ့ အမျိုးသားရင်ကြားစေ့ရေး ပြောချင်နေကြပေမဲ့ အားလုံးကိုငြင်းဆန်ပြီး ပြဿနာ လုပ်နေတဲ့ နအဖကို ယှဉ်ပြိုင်နိုင်ဖို့ လိုအပ်နေတဲ့ ညီညွတ်ရေးအတွက်တော့ ကိုယ်အချင်းချင်း ရင်ကြားစေ့ရေး မလုပ်နိုင်ကြ ဘူးလား။ မလုပ်ချင်ကြ ဘူးလား။ ဘာဖြစ်လို့လဲ။

ကျနော်အမြင်မှာတော့ အနီးဆုံးလူနဲ့ အရင်ဆုံးရင်ကြားစေ့ရေး လုပ်သွားကြရင် သဘာဝပိုကြတယ် ထင်ပါတယ်။ ကျနော်ဆိုလိုချင်တာကတော့ ကျနော် တို့ကို ကျနော်တို့ ပိုအင်အားရှိလာအောင် ပိုလို့ ကြီးမားကျယ်ပြန့်တဲ့ စုရုံးမှုတွေဖြစ် လာအောင်လုပ်ဖို့ပါဘဲ။ ကိုယ်နဲ့ပို ပြီးနီးစပ်တဲ့သူ ပိုတူတဲ့သူတွေနဲ့တော့ ညီညွှတ်ရေးမလုပ်နိုင်ဘူး၊ ရင်ကြားစေ့ရေး မလုပ်နိုင်ဘူး အာဏာကိုင်ထားပြီး အားလုံးကို ဆန့်ကျင်နေတဲ့ နအဖနဲ့တော့ ရင်ကြားစေ့ရေး လုပ်ချင်တယ် ပြောနေတာဟာ ကျနော့ အမြင် တော့ အဓိပ္ပါယ်တမျိုးဖြစ်နေပါတယ်။

ကျနော်တို့က ကိုယ့်ကိုကိုယ်ကြီးအောင်မလုပ်ခဲ့ကြပါဘူး၊ သေးအောင်လုပ်ခဲ့ကြပါတယ်။ အဆင့်ဆင့် အမျိုးမျိုး ခွဲခြားတဲ့ကွဲပြား တဲ့နည်းတွေနဲ့ ကိုယ့်ကိုကိုယ် သေးငယ်ကျဉ်းမြောင်းပြီး အထီးကျန်အောင်လုပ်ခဲ့ကြတယ်။ တကယ်ဆို စစ်အစိုးရကို ဆန့်ကျင်သူခြင်း စည်းရုံးပူးပေါင်းကြရမှာအစား ငါတို့က ၈၈ မျိုးဆက်တွေ သူတို့က ၇၄- ၆၂ ဆိုပြီးခွဲခဲ့တဲ့ အပြင်၊ နဲနဲ နောက် ကျပြီးမှ ထွက်လာသူတွေကိုတောင် သူတို့က ၉ဝ ခုနှစ်သမားတွေလို့ဆိုခဲ့တယ်။ တချိန်တည်းနေ့တည်း မှာရှိနေတဲ့သူချင်း တောင် ငါတို့က တော်လှန်ရေးသမား သူတို့က နိုင်ငံရေးသမားဆိုပြီးခွဲတယ်။ ကိုယ့်ပြည်သူနဲ့ တသားတည်းဖြစ်အောင် စည်းရုံး ရမဲ့အစား၊ နေရမဲ့အစား ငါတို့က တော်လှန်ရေးနဲ့လာတာ သူတို့က စီးပွားရေး နဲ့လာတာ ဆိုပြီင်္းခွဲသေးတယ်။

မတူမညီမှုတွေကိုအသိအမှတ်ပြုရမှာ မှန်ပေမဲ့ ပြုိပီးကြီးထွား အင်အားများလာဖို့တော့ တူတာရှာပြီး ကျယ်ကျယ် ပြန့်ပြန့် ပူးပေါင်းကြမှ ကိုယ်က အများစု ဖြစ်လာမှာ အင်အားများလာမှာပေါ့၊ ကျနော်တို့ တလျှောက်လုံးမှာ လုပ်ခဲ့တာ တွေမှာ အများအားဖြင့် အင်အားကြီးလာဖို့ အကျယ်အပြန့် စုရုံးမှုတွေဖြစ်လာဖို့ မဟုတ်ခဲ့ဘဲ၊ အင်အားသေးသွားအောင် ကျဉ်းမြောင်း ကြုံလှီသွားအောင် လုပ်ခဲ့သလိုဘဲ ဖြစ်နေပါတယ်။

ဗမာတွေက သိပ်ပါးနပ်ကြတယ်- ဥာဏ်ရည်ကောင်း ကြတယ်။ မြင်လွယ် သိလွယ်တယ်လို့ ထင်ကြပြောကြတယ် မှန်သင့် သလောက်လဲမှန်ပေါ်ပုံပါတယ်။ ဒါပေမဲ့ - - -

၈၈ အရေးတော်ပုံကြီးက တကယ်ဘဲကြီးမား ပြောင်မြောက်တာပါ လူထုလှုပ်ရှားမှု တော်လှန်ရေးအချိန်ကလဲ အများကြီး မြင့်မားခဲ့တာပါ၊ အဲဒါကြောင့်ဘဲ ဒီမိုကရေစီ အရေးက မကြာ မတင် ဆိုတာလို မြေကြီး လက် ခတ်မလွဲ အောင်ပွဲ ခံတော့ မလိုဘဲ။ ဒီ ၈၈ အရှိန် အဟုန်ကြီးနဲ့ အဖြစ်အပျက် အခြေအနေကို သစ္စာဖေါက်တွေက ကောင်းကောင်း အခွင့်အရေး ယူအသုံးချသွားခဲ့ကြပါတယ်။ တော်လှန်ရေး အောင်ပွဲခံနိုင်ဖို့ အာရုံစိုက် ကြိုးပမ်းရမဲ့ အစား ကိုယ့်ရဲ့ အဆင့်နေရာ တိုးတက် ကောင်းမွန်ပြီး ခေါင်းဆောင် ( ငါလုပ်သော တော်လှန်ရေး) ဖြစ်ရေးကို လုပ်ခဲ့ကြသည်။ ဒီမိုကရေစီ အရေးတော်ပုံကြီး အောင်ပွဲ ခံနိုင်ရေး အားစိုက်ကြရမဲ့အစား ခေတ်ပျက်မှာ သူဌေးဖြစ်ဖို့ ကြိုးစားနေခဲ့ကြသည်။ ဒီလိုနည်းနဲ့ လူပါးလူနပ် လုပ်ခြင်းများက ကျနော်တို့ရဲ့ အမျိုးသားရေးကို သစ္စာဖေါက်ခဲ့ကြသဖြင့် ခုတော့ တမျိုးသားလုံး ဆုံးရှုံးကာ ကျဆုံးအမျိုးသား တိုင်းပြည်ဖြစ် တော့မည်။ ဒါကိုကျော်လွှားနိုင်ဖို့ အမျိုးသားရင်ကြားစေ့ရေး၊ တမျိုးသားလုံးစည်းလုံး ညီညွတ်ရေး လုပ်နိုင်မှဖြစ်မည်။

ဒီအမျိုးသားပြန်လည် ရင်ကြားစေ့ရေးမှာ အာဏာယစ်မူးလို့ ဆန့်ကျင်ဖေါက်ပြန်နေတဲ့ နအဖ ကို ထဲ့တွက်လို့ မရတော့ဘူး ထားပါတော့။ ဒီအမျိုးသား ပြန်လည်ရင်ကြားစေ့ရေး ထဲမှာ ကွန်မြူနစ်တွေ မပါရဘူးလား၊ ကွန်မြူနစ်တွေ မပါဘဲနဲ့ အလုပ်ကောဖြစ်ပါ့မလား၊ ဒီမိုကရေစီ ဘက်သားတွေ ဆိုသူတွေက၊ အမေရိကန်နှင့် အနောက်နိုငံသားတွေ၊ အိန္ဒိယ အပါဝင် ကို ဆွဲဆောင်ဖို့ နည်းလမ်းတခုအနေနဲ့ တရုတ်ကြီးထွားလာမှုကို အန္တရာယ် အဖြစ် လက်ညိုးထိုးပြနေခဲ့ရင် ----

ဗကပတွေနဲ့ လက်ဝဲသမား တွေကလဲ တရုတ်ရဲ့  အားပေးထောက်ခံမှုကို ရဖို့အတွက် အမေရိကန်ရဲ့ ကမBာပါတ် လွှမ်းမိုးရေး ရည်မှန်းချက်အန္ဒရာယ် ကို လက်ညိုးထိုး နေမယ် ဆိုရင်- - - ကြားထဲက အမြတ်ထွက်နေမှာက န အ ဖ စစ်အုပ်စုဘဲ ဖြစ် တယ်။ ဒါက ဥပမာ ခပ်ကြီးကြီးကို ပေးတာပါ၊ လူတဦးခြင်းအဆင့်အထိ ကိုယ့်ကိုကိုယ်ကောင်းအောင် လုပ်ဖို့ထက် သူတပါးကို မကောင်းကြောင်း ပြောနိုင်ဖို့ အားစိုက်နေကြရင် စည်းရုံးရေးလုပ်ဖို့ ပိုပိုခက်လာနေမှာပါ။ အဲဒါကြောင့် တဖွဲ့ကို တဖွဲ့၊ တဦးကို တဦး တိုက်ခိုက် နှိပ်ကွပ်တာ၊ ကန့်သပ်တားဆီးထားဖို့ ကြိုးစားတာတွေကို ရပ်လိုက်ကြဖို့ လိုပါတယ်။

ခေါင်းဆောင်ကြီးငယ်များက နံပါတ် ၁ ခေါင်းဆောင် ဖြစ်ဖို့ အိမ်မက်တွေကို ခနဘဲဖြစ်ဖြစ် စွန့်လွှတ်ပြီးတော့ ရောက် တဲ့ နေရာက လက်တကမ်းအမှီမှာရှိတဲ့ အလုပ်တွေကို အကျအန စပြီးဦးဆောင်မှု ပေးကြရင်တော့ အခြေခံတွေဟာ စပြီးဖွံဖြိုး လာ နိုင်စရာ ရှိပါတယ်။ နယ်ပါယ်အသစ်တွေ၊ လုပ်ငန်းအမျိုးအစားသစ်တွေ၊ ဦးဆောင်မှုအသစ်တွေကို အသိအမှတ် ပြုကြရပါ မယ်။ (ဥပမာ -- - ကော်လိုရာဒိုရောက် မြန်မာနိုင်ငံသားများအသင်း၊ အခမဲ့ကျမ္မာရေးစစ်ဆေးမှု၊ နှင့် ဦးဆောင် ဦးရွက်ပြုခဲ့သူ ဦးတင်ထွန်း။ ဆစ်ဒနီက မြန်မာလူမျိုးစုအဖွဲ့၊ ဗမာစာသင်ကျောင်း နဲ့ ဒေါက်တာသန်းနိုင်) အများကြီးရှိမှာပါ။ ဒီဖွံ့ဖြိုးတိုးတက်မှု ကို အလုံအလောက် တိုးချဲ့နိုင်တယ်ဆိုရင် ကျနော်တို့ ဗမာနိုင်ငံအရေးလှုပ်ရှားမှု နဲ့ အနာဂါတ်ပြည်ထောင်စု တည်ဆောက်ရေး ကို အများကြီး အကျိုးသက်ရောက်မှု ဖြစ်လာမှာပါ။ အပြောင်းအလဲတွေ ဖြစ်လာအောင်လဲ အများကြီးစေ့ဆော်လာပါလိမ္မယ်။

လက်ရှိမှာကို လုပ်နေကိုင်နေကြတဲ့ လုပ်နိုင်ကိုင်နိုင်ရှိကြတဲ့ ခေါင်းဆောင်ကြီးငယ်များကို၊ ညီညွှတ်ရေးလုပ်နိုင်ရင် တော်လှန်ရေးတိုးတက်အောင် လုပ်နိုင်လိမ္မယ် ဆိုတဲ့ အယူအဆနဲ့ ကြိုးစားခဲ့ကြတာလဲ အမျိုးမျိုး၊ အကြိမ်ကြိမ် ပါဘဲ မအောင် မြင်သေးပါဘူး။ ခေါင်းဆောင်တွေကွဲရင် အဖွဲ့တွေကွဲတဲ့ အတွေ့အကြုံကတော့ အများကြီးရှိပြီးပါပြီ။ ခေါင်းဆောင်တွေ စည်းလုံး သွားကြပြီး အဖွဲ့တွေ ပေါင်းစည်းသွားကြတဲ့ အတွေ့အကြုံလဲ လုံးဝမရှိခဲ့ကြတာတော့ မဟုတ်ပါဘူး။ ဂဂ - အရေးအခင်းအပြီး လက်နက်ကိုင် တော်လှန်ရေးအတွက် ထွက်လာကြတော့ စခန်းအသီးသီးရောက်ပြီး ကွဲပြားနေရာက အေဘီအက်စ်ဒီအက်ဖ် ကို စုရုံးပေါင်းစည်းတည်ထောင် နိုင်ခဲ့ကြတာပါဘဲ။ ခုချိန်မှာရှိနေတဲ့ အကွဲမျိုးနဲ့တော့ မတူဘူးပေါ့လေ။ စုစည်းတည်ဆောက်ချင် တဲ့ အဖွဲ့အစည်း ယန္ဒယားခြင်းလဲ မတူတာတော့ ရှိတာပေါ့။

ကမ္ဘာ့ တခြားနေရာတွေက နည်းနာတွေ အဖြစ်အပျက်တွေကို လက်လှမ်းမှီသလောက် လေ့လာကြည့်တော့ ယူကေ က ပါလီမန်ဒီမိုကရေစီ မှာ နိုင်ငံရေးပါတီတွေ သုံးတဲ့ Shadow Cabine ကို စိတ်ဝင်စားမိပါတယ်။

ကျနော်တို့ရဲ့ ခေါင်းဆောင်ကြီးငယ်တွေ၊ လူတော်တွေကို ဗြိတိသျှ ပါလီမန် ရွေးကောက်ပွဲဝင်မဲ့ ပါတီတွေရဲ့ ရှဲဒိုးကက် ဘိနက် ညှိနိုင်းမှုမျိုးနဲ့များ စုစည်းကြရင် နအဖ စစ်အစိုးရရဲ့ ယန္ဒယားကို ယှဉ်နိုင်လောက်တဲ့ ဖက်ဒရယ် အစိုးရ ယန္ဒယားကို စုရုံးတည်ဆောက်လို့ ရမလားလို့၊ ကြံဆကြည့်မိပါတယ်။ ခေါင်းဆောင်ကြီးငယ်တွေ အနေနဲ့ကတော့ ငါနဲ့ ညီညွှတ်ချင်ရင် ငါ့ အောက်ကိုဝင်၊ ငါ့နောက်က လိုက် ဆိုတဲ့ အယူအဆ အပြုအမူမျိုးကို စွန့်လွှတ်ပြီး၊ အားလုံးရဲ့အနာဂါတ် အတွက် ပူးပေါင်း ဆောင်ရွက်မှုကို အာရုံစိုက်သင့်ပါတယ်။ ဒီနေရာမှာ အလျှင်းသင့်လို့ ဆရာမ ဒေါ်ခင်မမမျိုးရေးတဲ့ နိုင်ငံတကာ အမျိုးသမီး အခွင့်အလမ်း လှုပ်ရှားမှု သမိုင်းကြောင်း ဆိုတဲ့ ဆောင်းပါးထဲက စာတချို့ကို ကောက်နုတ် တင်ပြချင်ပါတယ်။

(အက်လီဇဘက်ဟာ ၁၉၅၁ ခုနှစ်မှာ အန်တိုနီဆိုတဲ့ အမျိုးသမီးတဦးကို စတင်တွေ့ဆုံခဲ့ပါတယ်။ သူတို့နှစ်ယောက်ဟာ အတွေးအခေါ်နဲ့ ယုံကြည်ချက်တူညီတဲ့အတွက် တဦးနဲ့တဦး ကူညီထောက်ခံတဲ့ ဘ၀တသက်တာ မိတ်ဆွေများအဖြစ် ယုံကြည်မှုတည်ဆောက်နိုင်ခဲ့ကြပါတယ်။ အန်တိုနီက ဖွဲ့စည်းတည် ဆောက်ရေးနဲ့ မဟာဗျူဟာ ရေးဆွဲရေးတွေမှာ အားသာချက်ရှိပါတယ်။ အက်လီဇဘက်မှာ လူထုဟောပြောမှုနဲ့ စည်းရုံးရေးစွမ်းရည်တွေမှာ အားသာချက်ရှိပါတယ်။

လှုပ်ရှားမှုတခုမှာ ဒီစွမ်းရည်တွေက အရေးကြီးဆုံး ဖြစ်ပါတယ်။ စင်ပေါ်မှာ ကပြရတဲ့ အရည်အချင်းတွေနဲ့ စင်နောက်မှာ ဇာတ်ညွှန်းရေးဆွဲရတဲ့ အရည်အချင်းတွေလို့ အတိုချုံး ဆိုနိုင်ပါတယ်။ လူ့စိတ်ဆိုတာကလဲ အတော်ရှုပ်ထွေးပါတယ်။ လူအများက စင်ပေါ်မှာ ကပြရင်း ရလာမယ့် ကျော်ကြားမှုတွေ၊ လက်ခုပ်သံတွေကို လူမသိ၊ သူမသိနဲ့ စင်နောက်မှာနေပြီး ကိုယ့်ဇာတ်ညွန်းအောင်မြင်သွားလို့ ပျော်ရွှင်တဲ့ ပီတိ အရသာတွေထက် ပိုပြီး နှစ်သက်တတ်ကြပါတယ်။ ဒီလိုဖြစ်လာတဲ့အခါ မင်းသားကြီး မလုပ်ရလို့ ပတ်မထိုးဖောက်သူတွေ၊ စင်ပေါ် မရမနေ ကုတ်ကပ်တက်သူတွေ၊ တစင်ထောင်သူတွေ များလာပြီး လှုပ်ရှားမှုစင်လဲ ပြိုလဲတော့တာပါပဲ။ စင်ပေါ်က အရည်အချင်းနဲ့ စင်နောက်က အရည်အချင်း ရှိသူတွေ ဟန်ချက်ညီ လက်တွဲမိနိုင်ဖို့ အလွန်ပဲ အရေးကြီးပါတယ်။ ဒါဟာ လှုပ်ရှားမှုတိုင်းရဲ့ အသက်သွေးကြောပါပဲ။ ) ခင်မမမျိုး

အချုပ်အနေနဲ့ ပြောလိုတာက စင်အောက်က ကန့်လန့်ကာနောက်က လုပ်ပေးရင်းနဲ့ ဖြစ်သင့်တာတွေ ဖြစ်စေချင်တာတွေ၊ အောင်မြင်ဖြစ်မြောက်လာတာ ကြည့်ပြီး ပျော်ရွှင်နှစ်သက်ကြေနပ် နေတတ်သူတွေ ရှိတယ်ဆိုတာကို ခေါင်းဆောင်ကြီးများက ယုံကြည်စိတ်ချစွာနဲ့ စုရုံးမှုတွေ ပူးပေါင်းဆောင်ရွက်မှုတွေကို လက်ခံဖို့ပါ။ ဒါနဲ့တင် လုပ်ငန်းတွေက တော်ကြီးမြန်မြန်ဆန်ဆန် တဆင့်တိုးသွားနိုင်ပါတယ်။ ကျနော်တို့ရဲ့ အရည်အချင်းတွေကို ကျနော်တို့ ရိုးရိုးသားသား ပွင့်ပွင့်လင်းလင်း အသိမှတ်ပြုပြီး အားလုံးရဲ့ အနာဂါတ်အတွက် ပေါင်းစည်းကြပါစို့။

ကောင်းမွန်သော အနာဂါတ်ကို မျှော်လင့်လျှက်

ဗလ

ဘုရင်တခါဖြစ်ဖို့မင်းလောင်းနှစ်ခါ လုပ်ရမဲ့ ရာဇ၀င်

ခိုင်အောင်ကျော်(စစ်တွေ)

အမေရိကန်သမတသက်တမ်း သုံးဆက်မြောက်အထိဥပေက္ခာပြုထားခံရသော စစ်အစိုးရအဖို့ ခုတော့ နဲနဲ အသက်ရှုပေါက်ရသည်ဟုထင်ချင်ထင်မည်၊ အကြောင်းက လေး ဆက်မြောက်သမတ ဖြစ်လာသူ ဘားရက်အိုဘားမားကတွေ့ဆုံဆွေးနွေးရေးဖြင့် ပဋိပက္ခများကို ဖြေရင်းနိုင်သည်ဟုယုံကြည်ထားသူမို့ မြန်မာနိုင်ငံစစ်အစိုးရကို လူလိုသူလိုအဖက်လုပ်ကြည့်သည်၊ သူတို့ချည်းမဟုတ်၊ မြောက်ကိုးရီးယား၊ကျူးဘား၊စသောနိုင်ငံတွေကိုလည်း သူတို့ တွေ့ဆုံစကားပြောနေသည်၊
မြန်မာနိုင်ငံစစ်အစိုးရကိုမူ ပြောသည့်အခါ သေသေချာချာကိုင်တွယ်ပြောထားသည်။ လက်ထောက်နိုင်ငံခြားရေးဝန်ကြီး ကက်ကမ်ဘဲလ် ကမြန်မာနိုင်ငံအရေးကို နှံ့စပ်ကျွမ်းကျင်သူမို့ တလက်မမျှအလျှော့ပေးသူမဟုတ်၊ စီးပွါးရေးပိတ်ဆို့ထားမှူကို ဆက်လက်ထားမည်ဟု ကျေညာထားသူဖြစ်သည်။ ယခုလာသည့်အခါ၌လည်း Fact findingအချက်အလက်ရှာဖွေရန် လာသည်ဟုသာပြောသည်၊ သည်တော့ စစ်အစိုးရကအချက်အလက်ပေးလိုက်သည်။ ၂၀၁၀ ရွေးကောက်ပွဲကို လုပ်မည်ဆိုသောအချက်နှင့်စီးပွါးရေးပိတ်ဆို့ထားမှုကို ရပ်ဆိုင်းပေးရန်လိုလားသောအချက် ဖြစ်သည်။
မြန်မာ့နိုင်ငံရေးကို ကြေညက်စွာ သိထားသူများကအဖမ်းဆီးခံနိုင်ငံရေး အကျဉ်းသားများကို လွှတ်ပေးပါက နှစ်နိုင်ငံဆက်ဆံရေးတိုးတက်လာစေနိုင်သည်ဟု သံခင်းတမန်ခင်းစကားကို ပြောသည်၊ စစ်အစိုးရကလွှတ်မည့်အရိပ်အရောင်ကို မပြသည့်အပြင် ဆက်လက်ဖမ်းဆီးနေသေးသည်၊ထို့ကြောင့် ကျွန်တော့်အနေဖြင့် အမေရိက အထက်လွှတ်တော်အမတ်လက်ထောက်နိုင်ငံရေးဝန်ကြီး ကက်ကမ်ဘဲလ်၏ ခရီးစဉ်ကို ကြိုဆိုသည်ဆိုသောစကားထက် အခြားပြောနိုင်သောအခြေအနေ မရှိဖြစ်နေသည်၊ ၁၉၉၀ ခုနှစ်ရွေးကောက်ပွဲမှာအနိုင်ရရှိသောအမျိုးသားဒီမိုကရေစီ အဖွဲ့ချုပ် အနေဖြင့် စစ်အစိုးရနှင့်စကားပြောနိုင်ရန် ကြားဝင်စေ့စပ်ပေးသူ Negotiator ရှိလာခဲ့လျှင်ပြောစရာမှာ ရွေးကောက်ပွဲ ရလဒ်ထက် အခြားမည်သို့မျှ မရှိဟုထင်သည်၊ ယင်းမှာအန္တိမ ရည်မှန်းချက်ဖြစ်သည်၊ ရည်မှန်းချက်ကိုပြောရတော့ပြီဆိုလျှင် တနည်းနည်းဖြင့်အသိအမှတ်ပြုရေးမဟုတ်၊ အါဏါလွှဲပြောင်းရေး ဖြစ်သည်။ စင်စစ်အားဖြင့် စစ်အစိုးရအမြင်နှင့် သူတို့၏အလိုတော်ရိများဖြစ်သော ရွေးကောက်ပွဲဝင်မည့်သူများ၏ အမြင်တို့မှာဒီမိုကရေစီအတိုက်အခံသမားတို့၏အမြင်နှင့် မတူ၊ ယခုလည်းကြည့်၊အမေရိကန်အစိုးရက စစ်အစိုးရနှင့် စကားလုပ်ပြီး ဆက်ဆံလိုက်သည်နှင့်သူတို့ကို ဖိအားပေး၍ မရဟု အမြင်ရောက်သွားသည့်အသံများထွက်လာသည်၊စီးပွါးရေးပိတ်ဆို့မှူများက အလုပ်မဖြစ်၍သာ ယခုလို ဆက်ဆံရေးလုပ်လာသည်ဟုပြောဆိုလာကြသည်၊ မည်သို့သော ဥဏှောက်မျိုးနှင့် ပြောဆိုကြမှန်း မသိ၊မှိုင်းမိသူများကတော့ သေသေချာချာ မှိုင်းမိခြင်းဖြစ်နေသည်၊အရိုးစွဲနေသည်မှာ မလွယ်၊ ဖျောက်ဖျက်ရမည့်အနေအထားက သူတို့အတွက်အလွန်တရာခက်ခဲနေသည်ဟုထင်သည်၊ မျက်စိမှိတ်ယုံကြည်နေသောအလိုတော်ရိများကြောင့် စစ်အစိုးရများအနေဖြင့် နေ သာနေခြင်းဖြစ်သည်၊ မည်သို့ပင်ဆိုစေ မြန်မာနိုင်ငံရေးမှာရွေးကောက်ပွဲလုပ်ခြင်းဖြင့် တိုးတက်ပြောင်းလဲမည့် လက္ခဏာဖြစ်မည်တော့မဟုတ်ချေ၊ ဒေါ်အောင်းဆန်းစုကြည်ကို လွှတ်ပေးလိုက်ရုံနှင့် လည်းပြီးမြောက်မည် မထင်၊ နိုင်ငံရေးအကျဉ်းသား၂၀၀၀ ကျော်ကို မလွှတ်မပေးသမျှဒေါ်အောင်ဆန်းစုကြည်က လက်ခံသူမဟုတ်၊ နိုင်ငံအေးချမ်းသာယာရေးအတွက် အဖက်ဖက်ကကြိုးစားနေကြရာ စစ်အစိုးရခေါင်းဆောင် ဗိုလ်ချုပ်သန်းရွှေကအမေရိကန်ကိုယ်စားလှယ်တွေကို လက်ခံတွေ့ဆုံခြင်းမပြုခဲ့၊ တချိန်ထဲမှာ ဒီမိုကရေစီနိုင်ငံဖြစ်လိုလျှင်ပြသနာအရင်းခံဖြစ်နေသော နှစ်ဦးနှစ်ဖက်တွေ့ဆုံမှသာ ဖြစ်မည်မို့ ယခုအချိန်ထိမတွေ့ဆုံခြင်းမှာ အကြောင်းအရာက ရှင်းနေသည်၊ အမျိုးသားပြန်လည်သင့်မြတ်ရေးဆိုသည်မှာတွေ့ဆုံစကားပြောဆိုပြီးမှ အဖြေရှာညှိနှိုင်းဆောင်ရွက်ကြရန် အရေးကြီးသည်၊ခုတော့ သည်လိုမဟုတ်ချေ၊လွပ်လွပ်ပြီးတရားမျှတသော ရွေးကောက်ပွဲကိုပြုလုပ် ကျင်းပပါဟုသာ ပြောနေရသော စစ်အစိုးရ၏ လုပ်ရပ်တို့မှာစိပ်ပျက်စရာကောင်းသည်၊ နောက်ဆုံးမှာ ဒေါ်အောင်ဆန်းစုကြည်ပင်လျှင်အမျိုးသားပြန်လည်သင့်မြတ်ရေးတွင် ပါဝင်မည်ဆိုပါက ဆိုသော စကားတွေကိုသုံးစွဲလာကြရာ သူခိုးက လူလူဟစ်နေကြခြင်းဖြစ်သည်၊ မည်သူကအမျိုးသားပြန်လည်သင့်မြတ်ရေးကို ပြုလုပ်နေသည်ကို ကမ္ဘာကြီးက သိနေပါလျှက်ဝန်ကြီးချုပ် ဘိနပ်သိန်းစိန်က ထည့်ပြောသွားသည်ကို ကြားရသည်၊ဘိနပ်သိန်းစိန်ဟု နာမည်တွင်ခြင်းမှာ နယူးယောက်ကို လာစဉ် ဘိနပ်ပေါက်ပြီးဆန္ဒပြခဲ့ကြခြင်းကြောင့်ဖြစ်သည်၊ ဘိနပ်သိန်းစိန်က ဒေါ်အောင်ဆန်းစုကြည်ကို
ပါဝင်နိုင်သည်ဟုပြောရာ၌ ယင်းကဲ့သို့ ပြောဆိုသွားခြင်းဖြစ်သည်၊ တနည်းအားဖြင့်စစ်အစိုးရတို့ အနေဖြင့် ယခုအချိန်ထိ အလျှော့ပေးမည့် လက္ခဏါ အကြောင်းအရာတစုံတရာမမြင်ရသေး၊၂၀၁၀ ရွေးကောက်ပွဲကို လွပ်လွပ်ပြီး တရားမျှတအောင် လုပ်ပေးပါဟုပြောကြားသူများအပေါ် သူတို့ မည်သို့ ကောက်ကျစ်စွာ အဖြေရှာ ပြုလုပ်ကြမည်ကိုစောင့်ကြည့်နေရုံဘဲဖြစ်သည်၊ သူတို့အနေဖြင့် သူတို့၏သက်ဆိုးရှည်ရေးအတွက်သူတို့ကိုသူတို့ ကျားကန်ပေးမည့် အကြောင်းအရာထက်အခြားမည်သူ့ကောင်းစားရေးကိုမျှ လုပ်ချင်သူများ မဟုတ်ပေ၊ တချိန်က ဥရောပဘုံးဈေးအဖွဲ့ဝင်နိုင်ငံများကဒေါ်လာသန်းပေါင်းထောင်ချီကာ ကူညီပါမည်၊ ဒေါ်အောင်ဆန်းစုကြည်ကိုလွှတ်ပေးပြီး ဒီမိုကရေစီ နိုင်ငံတော်ဖြစ်အောင် လုပ်ပါ ဟုတိုက်တွန်းခဲ့သည်၊ စစ်အစိုးရက ယောင်လို့တောင်မှ မစဉ်းခဲ့၊ အကြောင်းမှာဒေါ်အောင်ဆန်းစုကြည် နာမည်ကြားသည်နှင့် တီတွန့်သလို တွန့်သွားခဲ့၍ဖြစ်သည်၊ ခုလည်း ဘယ်သူတွေ ဘာဘဲပြာပြော စီးပွါးရေးပိတ်ဆို့တာကိုဘဲရပ်ဆိုင်းစေချင်နေသည်၊ နိုင်ငံရေးပြသနာကို မဖြေရှင်းချင်ဘဲ မည်သူမျအဖက်လုပ်ကြမည့် ပုံမပေါ်သည်ကို ဂရုမစိုက်ကြ၊ သည်တော့ စစ်အစိုးရက နိုင်ငံရေးပြသနာကို နိုင်ငံရေးအရအဖြေမရှာလျှင် ဒီမိုကရေစီအင်အားစုတွေကမည်သို့ ဆက်လက် လုပ်ဆောင်ရန် လိုအပ်နေသည်ကိုစဉ်းစားထားရန်လိုသည်၊စစ်ပြန်ညီလာခံတွင် သူတို့၏ကျေညာချက်ကို ထုတ်ပြန်ထားပြီးဖြစ်သည်။ ၄င်းမှာ ၂၀၀၈ ဖွဲ့စည်းအုပ်ချုပ်ပုံအခြေခံဥပဒေကို ပြည်သူတရပ်လုံးက ထောက်ခံထားသည်၊ ထို့ကြောင့်အတည်ပြုပြီးပြီမို့ ၂၀၁၀ ရွေးကောက်ပွဲကို ပြုလုပ်သွားမည်၊ရွေးကောက်ပွဲပြုလုပ်ပြီးသော်လည်း ဒီမိုကရေစီကို မပေးသေးဟုအတိအလင်းပြောဆိုထားသည်၊
ဆိုရလျှင် မည်သည့်ကိုယ်စားလှယ်တွေဘဲ အနိုင်ရရဒီမိုကရေစီအစိုးရလည်း မဖွဲ့စည်းရ၊ ဒီမိုကရေစီအခွင့်အရေးလည်း မခံစားရဟုကြေညာချက်ထုတ်ပြန်ထားသည်မှာ စစ်အာဏါရှင်ဗိုလ်ချုပ်မှူးကြီးသန်းရွှေဖြစ်နေသည်၊ သူ့အမိန့် သူ့အါဏါသည်တည်ဆဲဥပဒေဖြစ်နေသည်၊ သူ့အမိန့်ကို မည်သူမျှ လွန်ဆန်၍ မရ၊ စစ်အစိုးရကိုအလိုတော်ရိတွေက မည်သို့ပင်ထောက်ခံပြီး ကိုယ်စားလှယ်တော်အဖြစ်ရွေးကောက်ပွဲဝင်ပြီး ၀င်ရောက်ယှဉ်ပျြိုင်တောင်မှဘာမျှလုပ်ပိုင်ခွင့်မရှိ၊ ပြောပိုင်ခွင့်မရှိ။ ဗိုလ်ချုပ်မှူးကြီးသန်းရွှေဆီမှာ ကောက်ရိုးပုံကိုစောင့်ခဲ့သောခွေးတကောင်အဖြစ် နိုင်ငံတကာမှာ လှည့်ပါတ်နေခဲ့သောနိုင်ငံခြားရေးဝန်ကြီးလုပ်ခဲ့သူ ဦးဝင်းအောင်ခမြာ အင်းစိန်ထောင်ထဲအကျဉ်းသားဘ၀နှင့် သေဆုံးခဲ့သွားသည်မှာ မနေ့တနေ့ကဘဲဖြစ်သည်၊သင်္ခမ်းစာယူတတ်လျှင် ယူသူအဖို့ အကျိုးရှိမှာ သေချာသည်။၊ ပြောစရာတခုမှာစစ်အစိုးရတွင် အတွင်းရေးမှူးသုံးဦးစလုံး၏ ကံကြမ္မာတို့မှာ တဦးကလေယဉ်ပျံပျက်ကျ၍ သေ၊ တဦးက အကျဉ်းထောင်ထဲရောက် ၊ တဦးက အထုတ်ခံရနှင့်သူတို့မှာ လှလှပပ စစ်အစိုးရ၏ ဒဏ်ကိုခံရသွားပြီဖြစ်သည်၊ သူတို့အကြောင်းကို ပြောနေသည်မှာ တကယ့်ကောက်ရိုးပုံကိုစောင့်သော ခွေးကောင်းသဘွယ် နေခဲ့သူများတောင်မှ ယခုလိုဂျွမ်းပြန်ကျခဲ့သည်၊ရွေးကောက်ပွဲဝင်မည်ဟု တကဲကဲပြောနေသော သူတွေမှာမူ စဉ်းစားစရာ တခုဖြစ်သည်၊ကောက်ကျစ်စဉ်းလဲသော သူတို့မှာ သစ္စာတရား ရှိသည်ဟု မည်သည့်ကျမ်းစာပေစာတို့မှာမျှ မတွေ့ဖူး၊ တနပ်စာကို တသက်စာဟု ထင်သူများကတော့ဖျာခင်းချင်လျှင်ပင် ဇွတ်ခင်းနေကြသည်မှာ ရွံ့စရာဖြစ်နေသည်၊ဇွတ်ခင်းလျှင်လည်း ဦးဝင်းအောင်တို့၏ ကျန်ရစ်သော မိသားစုတို့နှင့်တိုင်ပင်ဆွေးနွေးပြီးမှ ၂၀၁၀ ရွေးကောက်ပွဲဝင်ရန် ကြိုးစားပါဟုပြောချင်သည်။ မည်သို့ပင်ဆိုစေ စစ်အစိုးရ၏နိုင်ငံရေးလှည့်ကွက်ပေါင်းများစွာကို ကြုံခဲ့ပြီးဖြစ်သော သူတို့မှာအရိပ်သုံးပါး နားလည်ပြီးသားဖြစ်သည်။ စီးပွါးရေးပိတ်ဆို့မှုများကိုဖယ်ရှားပေးရန် ပြောဆိုနေခြင်းမှာ မြန်မာပြည်သူများ အတွက် မဟုတ်၊သူတို့၏အကျိုးစီးပွါး ချမ်းသာကြွယ်ဝလိုရေးဖြစ်သည်၊ ထို့ကြောင့် ယင်းမှာယခုအချိန်တွင် အဓိက ပြသနာတော့ လုံးဝမဖြစ်နိုင်၊ လှည့်ပါတ်ကောက်ကျစ်မှုတခု သက်သက် ဖြစ်သည်၊ရေနံနှင့် သဘာဝဓါတ်ငွေ့မှ ရရှိသော တနှစ်အတွင်း အမေရိကဒေါ်လာငွေ မှာ နဲနဲနောနောမဟုတ်ချေ၊ တရုပ်က သူတို့နှင့်ဓါတ်ငွေ့ပိုက်လိုင်း သွယ်တန်းနေရာ တရုပ်၏ကျားကန်ပေးမှုမှာအားကောင်းလွန်းမက အားကောင်းနေသည်၊ သူတို့အတွက် မည်သို့နည်းနှင့်မျှငွေရေးကြေးရေး ပြသနာ မတက်နိုင်မှန်း သိထားပြီးဖြစ်သည်၊စီးပွါးရေးပိတ်ဆို့ထားမှုကို မမှုံ၊ ဂရုစိုက်စရာအကြောင်းမရှိ၊ သူတို့၏နိုင်ငံရေးချိန်ခွင်လျှာ မည်မျှအားသာမှု ရှိမရှိကိ်ုသာသတိထားနေကြခြင်းဖြစ်သည်၊ လွန်ခဲ့သော အနှစ်နှစ်ဆယ်က သဘာဝဓါတ်ငွေ့ မထွက်ရှိခင်မှာစစ်အစိုးရ၏ ဘက်ဂျက်မှာ ဆိုးဝါးနေသည့်တိုင်အောင် ရပ်တည်နေပြခဲ့သည်ဟုဆိုလျှင် ယခုအချိန်၌ သူတို့က အနေသာပင်ဖြစ်သည်၊ သည်တော့ သူတို့၏ ၂၀၁၀ရွေးကောက်ပွဲနှင့် ပါတ်သက်၍ ဆင်ခြေဆင်လက်များကို လေ့လာကြည့်ရန်လိုသည်၊အဖြေမှာ ရှင်းနေသည်။ သူတို့၏ ကြေညာချက်မှာ ပါရှိသည့်အတိုင်းရွေးကောက်ပွဲ ဥပဒေကို မပြင်ဆင်ဘဲ ပြုလုပ်သွားမည်ဖြစ်သည်၊နိုင်ငံရေးအကျဉ်းသားများကို လွှတ်ပေးမည်မဟုတ်၊ ယုတ်စွအဆုံး ဒေါ်အောင်ဆန်းစုကြည်၊မင်းကိုနိုင် နှင့် အခြားခွန်ထွန်းဦး တို့ကို မည်သည့်နည်းနှင့်မျှ လွှတ်ပေးမည်မထင်၊ ၂၀၁၀ရွေးကောက်ပွဲကို သူတို့သေသေချာချာ လုပ်မည်မို့ သူတို့၏ပွဲကိုဖျက်စေနိုင်သော သူတို့အား လုံးဝလွှတ်ပေးမှာမမြင်၊ သည်တော့ သူတို့အပေါ် ၁၉၉၀ ခုနှစ်ရွေးကောက်ပွဲကို တနည်းနည်းဖြင့်အသိအမှတ်ပြုပေးရန် တောင်းဆိုနေခြင်းမှာ လုံးဝသဘာဝ မကျ၊ အကယ်၍တောင်းဆိုနေလျှင် ငယ်ငယ်က ဖတ်ခဲ့ဖူးသော ရာဇ၀င်ဒဏ္ဍာရီထဲကရှင်ဘုရင်မဖြစ်ခဲ့ရသော အိမ်ရှေ့မင်းသား မင်းလောင်းအကြောင်းကို သတိရမိသည်။အိမ်ရှေ့မင်းသားဆိုသည်မှာ ခမည်းတော်အရှင်မင်းမြတ် နတ်ရွာစံလျှင်ထီးနန်းကို သိမ်းပိုက်စိုးစံစေမည့် မင်းလောင်းအဖြစ် လျာထားသူဖြစ်သည်၊သက်ဦးဆံပိုင် ပဒေသရာဇ်ခေတ်မှာ အဖနတ်ရွာစံလျှင် သားဖြစ်သူက ထီးနန်းကိုဆက်ခံကြသည်။အိမ်ရှေ့မင်းသားမှာ မင်းလောင်းဖြစ်နေသော်လည်းရင်ခွင်ပိုက်နို့စို့ ခလေးအရွယ်ဆိုလျှင် ဖခမည်းတော် နတ်၇ွာစံသည့်တိုင်ထီးနန်းကို မအုပ်ချုပ်ရဘဲ ဘုရင်မဖြစ်ချေ။ အရွယ်ရောက်အောင်ထိမင်းလောင်းဘ၀နဲ့ နေရရှာသည်။ ကံဇာတာဆိုးဝါး၍ မင်းလောင်းလေးခမြာ လုပ်ကြံခံရလျှင် ဘုရင်မဖြစ်ခဲ့ရှာသော သူ့အကြောင်းကို အလင်္ကစာပေဖွဲ့နွဲ့၍ ရေးမှတ်ထား တတ်ခဲ့ကြသည်။ ယခုလည်း အမျိုးသားဒီမိုကရေစီအဖွဲ့ချုပ်က ၂၀၁၀ ရွေးကောက်ပွဲကိုဝင်ဖြစ်ပြီဆိုလျင် မင်းလောင်းနှစ်ကြိမ်ဖြစ်နေခဲ့သောအိမ်ရှေ့မင်းသားနှင့် တူနေလိမ့်မည်ဖြစ်သည်။ ဘုရင် တခါဖြစ်ဖို့ မင်းလောင်းနှစ်ခါ ဖြစ်ရမည့် ရာဇ၀င်ထဲကပုံပြင်တွေလို မဖြစ်ရန် အရေးကြီးနေပါသည်၊

ခိုင်အောင်ကျော်(စစ်တွေ)

အဖေ့ မင်းသမီး

အလုပ်တွေပိလို့ နဲနဲညစ်လာတာကြောင့် ရုပ်ရှင်လေးတကားလောက် ကြည့်မလား စိတ်ကူးပီး Bit Torrent ထဲက ရုပ်ရှင်ပိုစတာတွေ လျောက်ကြည့်ရင်း The Purple Plain ဆိုတဲ့အင်္ဂလိပ်ရုပ်ရှင်ကားကို သွားတွေ့ရာမှာ ကားနာမယ်ကို အစကမသိပေမဲ့ မင်းသမီးကိုတော့ နာမယ်ရောရုပ်ရော မှတ်မိနေပါတယ်။ ကျနော့အဖေရဲ့ သိမ်းဆည်းထားသောပစ္စည်း ပစ္စယတွေထဲမှာ အဲဒီမင်းသမီး (ဒေါ်)၀င်းမင်းသန်းရယ် မင်းသမီး ဘားဒေါ့ရယ် ရုပ်ရှင် ကြော်ညာတွေရှိတယ်။ အဖေအသက်သိပ်မကြီးခင်က တခါတလေစိတ်လိုလက်ရ အဲဒီမင်းသမီး တွေအကြောင်းပြောတာလည်း ကြားဖူး တယ်။ ဒါနဲ့ဘဲအဲဒီကားကိုဒေါင်းလိုက်ဖြစ်တယ်။ ကားအစအဆုံးက ၂.၈ဂျီဘီ ပွဲပြချိန် မိနစ်၉၀ တောင်ရှိလို့ ဘလော့မှာတော့အပြည့်မတင်နိုင် နမူနာဘဲရှယ်လိုက်ပါတယ်။

Gregory Peck - Forrester
Win Min Than - Anna
Bernard Lee - Dr. Harris
Maurice Denham - Blore
Lyndon Brook - Carrington
Ram Gopal - Mr. Phang
Brenda de Banzie - Miss McNab
Anthony Bushell - Cmdr. Aldridge
Jack McNaughton - Sgt. Brown
Harold Siddons - Navigator Williams
Peter Arne - Flight Lieutenant
Josephine Griffin - Mrs. Forrester
Lane Meddick - Radio Operator
John A. Tinn - Burmese Jeweler
Dorothy Alison - Nurse
Literary Source: Bates, H. E., ‘’The Purple Plain’’, Michael Joseph, publisher, London. England, 1947

မူရင်းဝတ္ထုရေးသူ H. E. Bates ဟာစစ်အတွင်းမှာ ဗြိတိသျှလေတပ်က လေယဉ်အုပ်မှုး squadron leader ဖြစ်တယ်။ လေကြောင်းတိုက်ပွဲအတွေ့အကြုံတွေကို 'Flying Officer X'. ဆိုပီးရေးတာတွေရှိတယ်။

မင်းသမီး(ဒေါ်)ဝင်းမင်းသန်းကတော့ ပဲခူးသူ ။ ရန်ကုန် စိန်ဂျွမ်းကွန်ဗင့် ကျောင်းတက်ခဲ့ပီး အိန္ဒိယပြည် ဒါဂျီလင် ကျောင်းတွင် ဆက်လက်ပညာသင်ကြားသည်။ စစ်ကြီးပြီးချိန်တွင် ဘိလပ်သို့ သွားရောက်၍ ရွန်ဘာဘယ်လေ ကျောင်းတွင် တစ်နှစ်တာမျှ ၀ါသနာအလျောက် အကသင်ခဲ့သည်။

The Purple Plain ဇတ်ကားအတွက် မိန်းမလှပေါင်း အယောက်၂၀၀ လောက် ၀င်ရောက်ယှဉ်ပြိုင်ခဲ့ပြီး အရွေးခံခဲ့ရသူဖြစ်သည်။

မူလ ၀တ္ထုရင်း၌ ဇာတ်လိုက်မင်းသမီးလုပ်သူသည် အ၀တ်အစား မလုံ့တလုံ ၀တ်ဆင်၍ ရေချိုးသည့် အခန်းများ အတော်ပင်ရှိခဲ့သည်ဟု သိရသည်။ သို့ရာတွင် သူမ၏ အိနြေ္ဒစောင့်စီးမှု နှင့် ခေါင်းမာမှုတို့ကြောင့် ဒါရိုက်တာများမှာ သူတို့အလွန်မက်လှသော ရေချိုးသည့် အခန်းများကို ရိုက်ကူးခွင့် လုံးဝမရခဲ့ရှာဘဲ ၀မ်း နည်းစွာ ချန်လှပ်ထားခဲ့ရသည်ဟု `ဘုံဘိုင် ကရိုနီကယ်´သတင်းစာကြီးကရေးသားခဲ့သည်။ သို့ရာတွင် သူမရိုက်ကူးသော ဇာတ်ကားအဘို့ ကြော်ငြာရန်အတွက် ရုပ်ရှင်ကုမ္ပဏီကြီးက အတန်တန် တောင်းပန်ရာ အနောက်တိုင်း ရေကူးအ၀တ်အစားနှင့် မဟုတ်ဘဲ မြန်မာများ ရေချိုးပုံ ဓလေ့ထုံးစံအတိုင်း ထမီကို ရင်လျှား၍ ရန်ကုန်တွင် ဓာတ်ပုံရိုက်ခွင့် ပေးခဲ့သည်။

အသက်(၂၁)နှစ် အရွယ်၌ ၁၉၅၇-ခုနှစ်၊ ဇန္န၀ါရီ(၇)ရက်တွင် ရဲဘော်သုံးကျိပ်ဝင် ဗိုလ်စကြာ နှင့် လက်ထပ် ခဲ့သည်။ `အာကာသ´အမည်ဖြင့် သားတစ်ယောက် ထွန်းကားခဲ့သည်။ ယခုအခါ မိသားစုနှင့် အတူ အမေရိကားမှာ နေထိုင်သည်ဟု သိရသည်။

ဘလော့ဂါ Nyilynnseck က “တချို့တွေက ရတနာနတ်မယ် ဓာတ်ပုံတွေကို မင်းသမီး ဝင်းမင်းသန်း (Win Min Than) လို့ထင်ကြတယ်”ဟု ရေးသည်။

ရတနာနတ်မယ်-----ရုပ်ရှင်မင်းသမီးဝင်းမင်းသန်း

ရတနာနတ်မယ်ပုံတွေကြည့်လိုရင်

http://images.google.com/images?q=burmese+exchange+student&q=source%3Alife

အနာဂါတ်ဖက်ဒရယ်ပြည်ထောင်စု နှင့် ဒီမိုကရေစီတပ်မတော်

ခိုင်အောင်ကျော် (စစ်တွေ)

အနာဂါတ်ဖက်ဒရယ်ပြည်ထောင်စုအတွက် ဖွဲ့စည်းအုပ်ချုပ်ပုံအခြေခံဥပဒေစာအုပ်တွေကို ထုတ်ဝေထားကြသည်မှာ တော်တော်များနေပြီထင်သည်၊ ပင်လုံစိတ်ဓါတ်ကို အခြေခံရမည်ဟုပြောကြ သော သူများသည်လည်း ယင်းစာအုပ်များကို ထုတ်ဝေသောသူများဖြစ်သည်။
သို့သော်၊ ၄င်းတို့အဆိုအရ စစ်အစိုးမှ လက်ညိုးထိုး ပြောခြင်းမှ လွတ်ကင်းစေရေး အတွက် ရေးသား ရခြင်းဖြစ်သည်ဟု နားနှင့်ဆတ်ဆတ် ကြားဖူးခဲ့သည်။
မည်သို့ပင်ဖြစ်စေ မည်သူကမျှ အတည်မပြုကြသေးသောကြောင့် ပြောစရာအကြောင်းမရှိခဲ့ကြ။

• လွန်ခဲ့သော အပါတ်က မိတ်ဆွေတဦးက ပြည်ထောင်စုတပ်နှင့်အစိုးရဖွဲ့စည်းရေး အကြောင်းကို စာတမ်းတစောင်ပေးပို့ပြီး ဆွေးနွေးလာသည်။
  တချိန်တည်းမှာ ခေတ်ပြိုင်ဂျာနယ်မှ အယ်ဒီတာ့အာဘော်မှာလည်း ဖတ်လိုက်ရသည်။
  ထို့ကြောင့် ကျွန်တော် စိတ်ဝင်စားသော သို့မဟုတ် အမှန်တကယ်ပြုလုပ်ရန်လိုအပ်နေသော နိုင်ငံရေးစစ်မြေပြင် တခုမို့ ဆောင်းပါးရေးမိသားဖြစ်သွားသည်။
  အနာဂါတ်ဖက်ဒရယ်ပြည်ထောင်စုဖွဲ့စည်းရေးအတွက် ပြည်ပတွင်လုပ်လို့မရ၊ပြည်ပတွင် လုပ်နိုင်သောနည်းလမ်းမှာ ပြည်ထောင်စုတပ်မတော် သို့မဟုတ် ဒီမိုကရေစီတပ်မတော် ဖွဲ့စည်းလျှင် ရသည်၊ ၄င်းနောက် ပြည်ထောင်စုအစိုးရဖွဲ့စည်းလျှင်ရသည်။
  ပထမအချက်အနေ ဖြင့် ပြည်ထောင်စုတပ်မတော်ကို ဖွဲ့စည်းရေးအတွက် အဓိက ဆောင်ရွက် ရန်လိုသည်၊ ယင်းသို့ဖွဲ့စည်းရေးမှာလည်း ခက်ခဲမည်ဟုမထင်မြင်ချေ၊ အကြောင်းမှာ
  တိုင်းရင်းသားလက်နက်ကိုင်တော်လှန်ရေးအဖွဲ့အစည်းများမှာ နယ်စပ်ဒေသ တနံတလျှားမှာ ရှိနေကြသည်၊ ယခုရှိနေသော ငါးပါတီအဖွဲ့ မဟာမိတ်အဖွဲ့ ဆိုသည်များမဖြစ်ရအောင် ကျယ်ကျယ်ပြန့်ပြန့် ဖွဲ့စည်းရန်လိုသည်၊
  ဥပမာအားဖြင့် အနောက်ဘက်ဒေသတွင် ချင်းအမျိုးသားလက်နက်ကိုင်တော်လှန်ရေးတပ်ဦး ( CNF ) နှင့် ရခိုင်ပြည်လွတ်မြောက်ရေးပါတီ (ALP) ကရှိသည်၊ ချင်းလူမျိုးများက CNF ကို ထောက်ခံကြသလို ရခိုင်လူမျိုးများကလည်း ALPကို ထောက်ခံကြသည်၊
  သည်တော့ သူတို့က ပြည်ထောင်စုတပ်တွင် ၀င်ရောက်မည်ဆိုသည့်အရေးမှာ ခက်ခဲမှုရှိနေ လိမ့်မည်မဟုတ်ဟု သုံးသပ်လို့ရသည်၊
  တချိန်တည်းမှာ အရှေ့ဘက်တွင်ရှိနေသော လက်နက်ကိုင် အဖွဲ့အစည်းများသည်လည်း မဟာမိတ်အဖွဲ့အစည်းများပီပီ လုံးဝ ခက်ခဲမည်မဟုတ်ဟုထင်သည်၊ ပြည်တွင်းတွင် နိုင်ငံလုံးကျွှတ်ညီလာခံကို ခေါ်ခိုင်းနေမည့်အစားပြည်ပတွင် တော်လှန်ရေးအဖွဲ့အစည်းလက်နက်ကိုင်များ
  ညီလာခံကို ပြုလုပ်ရန်လိုသည်၊ ယင်းကမှ ပြည်ထောင်စုတပ်ကို စစ်တိုင်းအလိုက် ခွဲခြားသတ်မှတ်ပြီး တော်လှန်ရေးစစ်မျက်နာကို ဖွင့်လှစ်ရန်သာရှိသည်၊
  ကောင်းပြီ။
  ပြည်ထောင်စုတပ်ကို ဖွဲ့စည်းပြီးပြ၊ီ
  ယင်းတပ်ကို စီမံခန့်ခွဲအုပ်ချုပ်သော ပြည်ထောင်စုအစိုးရ ရှိကိုရှိလာရမည်ဖြစ်သည်၊ဆိုတော့ ပြည်ထောင်စုအစိုးရကို မည်သို့ဖွဲ့စည်းမည်နည်း၊
  NCGUB က ယခုပြည်ပတွင် ရှိနေသော အစိုးရဖြစ်နေသည်၊ လူငါးဦးအစိုးရဟု
  လူေ ပြာများသောအဖွဲ့ဖြစ်သလို ပြည်ပမှာ ရှိနေသော အတိုက်အခံ အချင်းချင်းကြားမှာ ရေပန်းစားမှုမရှိ၊ သူတို့ရှိနေလျှင်လည်း အကြောင်းမဟုတ်၊ သူတို့ပါဝင်ခြင်း၊မပါဝင်ခြင်းမှာ သူတို့ပြသနာဖြစ်သည်၊
  ပြည်ထောင်စုတပ်၏ ဒီမိုကရေစီအစိုးရက ရှိနေရေးသည်သာ အရေးကြီးသည်၊
  ပြည်ပတွင် တိုင်းရင်းသားလူမျိုးများမှာ ထုနှင့်ထယ်နှင့် အခိုင်အခန့် ရှိနေနှင့်ပြီးဖြစ်သည်၊ ယင်းတိုင်းရင်းသားလူမျိုးတို့သည် သူတို့အချင်းချင်း အစိုးရတရပ်ကို ဖွဲ့စည်းရမည်ဖြစ်သည်။
  လူမျိုးတမျိုးစီ၏ ဆိုင်ရာအစိုးရတရပ်ကို ဖွဲ့စည်းရေးမှာ ခက်ခဲလွန်းမည်ဟုမထင်၊ အဘယ့်ကြောင့်ဆိုသော်
  လက်နက်ကိုင်တော်လှန်ရေးပါတီတိုင်းတွင် ခိုင်မာသောပါတီ ရှိနြေ့ပီးဖြစ်ရာ စနစ်တကျရွေးချယ် ဆုံးဖြတ်ကြရန်သာလိုသည်၊ ယင်းသို့ အစိုးရတရပ်ကို ဖွဲ့စည်းရေးအတွက် ပြည်သူလူထု၏ ထောက်ခံမှုများနှင့်အတူ ဖွဲ့စည်းနိုင်ကြပြီဆိုလျှင် ဒီမိုကရေစီတပ်မတော်ကို ထိန်းချုပ်သောအစိုးရဟု
  ပြည်သူအများက ထင်မြင်ယုံကြည်ထောက်ခံလာကြမည်ဖြစ်သည်။
  ထိုနည်းတူ အစိုးရ၏ ဂုဏ်အင်္ဂါနှင့်အတူ ယင်းအစိုးရတိုင်းတွင် ဖွဲ့စည်းအုပ်ချုပ်ပုံအခြေခံဥပဒေ ရှိနေရန်အရေးကြီးသည်။
  ပြည်ထောင်စုမြန်မာနိုင်ငံလွပ်လွပ်ရေးအတွက် ဗိုလ်ချုပ်အောင်ဆန်းတို့ ပင်လုံညီလာခံစာချုပ်ကို ချုပ်ဆိုခဲ့ကြသည်။ ပင်လုံစိတ်ဓါတ်ကို အခြေခံရန် ပြောဆိုကြသည်မှာ ပြည်ပရောက် ဒီမိုကရေစီ အင်အားစုများပင် ဖြစ်သည်။
  ထို့ကြောင့်ပင်လုံစိတ်ဓါတ်ကို အခြေခံသော ဖွဲ့စည်းအုပ်ချုပ်ပုံအခြေခံ ဥပဒေမျိုးဖြစ်ရန် အရေးကြီးသည်။၁၉၄၇ ခုနှစ်ပြည်ထောင်စုမြန်မာနိုင်ငံဖွဲ့စည်းအုပ်ချုပ်ပုံအခြေခံဥပဒေမှာ တန်းတူရေးနှင့် ခွဲထွက်ရေးတို့ကို အတိအလင်း ဖေါ်ပြထားသည်၊
  ဗိုလ်ချုပ်အောင်ဆန်း၏အမြော်အမြင်ကြီးမားသော နိုင်ငံရေးစိတ်ဆန္ဒကြောင့် တန်းတူရေးနှင့် ခွဲထွက်ရေး ကို ဥပဒေတရပ်အဖြစ် ထည့်သွင်းရေးဆွဲထားခဲ့သောကြောင့် တိုင်းရင်းသားလူမျိုးတို့ လက်ခံသဘောတူခဲ့ကြသည်၊ ၄င်းမှာ ပင်လုံစိတ်ဓါတ်ဖြစ်သည်၊
  ဆိုရလျှင် ပင်လုံစိတ်ဓါတ်ကို ယခုအချိန်တွင် အကောင်အထည်ဖေါ်ဆောင်ကြရန် အရေးကြီးသည်၊ ဖက်ဒရယ်ကိုမကြိုက်သော သူများထက် ပင်လုံစိတ်ဓါတ်ကို အကောင်အထည်မဖေါ်ဆောင်ဝံ့သော သူများမဖြစ်မိရန် အရေးကြီးသည်။
  ယင်းစိတ်ဓါတ်ကို လက်တွေ့အကောင်အထည်ဖေါ်ဆောင်မှသာ တိုင်းရင်းသားလူမျိုးအချင်းချင်း နှင့် ဗမာလူမျိုးတို့၏ ဥမကွဲသိုက်မပျက် ခရီးရှည်တော်လှန်ရေးမှာ အောင်မြင်မှုများ ရရှိကြမည်ဖြစ်သည်။
  သို့ဖြစ်သောကြောင့် ပြည်ထောင်စုအစိုးရတွင် ဇွဲ့စည်းအုပ်ချုပ်ပုံအခြေခံဥပဒေ မရှိမဖြစ်အရေးကြီးသည်၊
  ပြည်ထောင်စုအစိုးနှင့် ပြည်ထောင်စုတပ်မတော် ရှိလာခြဲ့ပီဆိုလျှင် မြန်မာ့နိုင်ငံရေး အခြေအနေကို တမျိုးတဖုံ ပြောင်းလဲသွားနိုင်လိမ့်မည်ထင်သည်။
  အဘယ့်ကြောင့်ဆိုသော် မြန်မာနိုင်ငံလွပ်လွပ်ရေး ရရှိပြီးသည့် အချိန်မှစပြီး ယခုအချိန်ထိ လက်နက်ကိုင် တော်လှန်ရေး လုပ်လာခဲ့ကြသည်မှာ
  နှစ်ပေါင်း ၅၀ နီးပါးရှိလာခဲ့ပြီးဖြစ်သည်၊ အုပ်ချုပ်သူဖက်ကကော
  တော်လှန်သူဖက်ကကော ဒေသခံတိုင်းရင်းသားလူမျိုးတွေကော နိုင်ငံရေးသမားတွေကော
  သေကြ ကြေကြ အသက်ပေါင်းများစွာဆုံးရှုံးခဲ့ကြပြီးဖြစ်သည်။
  ခုအချိန်ထိ တိုက်တုံးခိုက်တုံး သေတုံးကြေတုံး၊ နိုင်ငံရေးသမားတွေ ထောင်ထဲမှာ နှိပ်စက်ခံနေဆဲ၊ ကျောငိးသားတွေ ဖမ်းဆီးခံနေဆဲ ၊သေကြေနေကြဆဲ၊ ယင်းပြသနာများ အဆုံးသတ်ရေးမှာ စုစည်းညီညွတ်စွာနှင့် တခုတည်းသော တပ်မတော် ပေါ်ပေါက်ရေး ဖြစ်သည်။ ပြည်ထောင်စုအစိုးရပေါ်ပေါက်ရေးဖြစ်သည်၊
  အကွဲကွဲအပြားပြား တော်လှန်ရေးလက်နက်ကိုင်အဖွဲ့အစည်းများက တိုက်နေခိုက်နေသေးသမျှ မည်သည့်အခါမျ နအဖ စစ်အစိုးရကို ဖြိုခွဲနိုင်မည်မဟုတ်၊
  မည်သို့ပင် ဆိုစေ ခုအချိန်မှာ အားလုံးတစုတည်းတိုက်ရတော့မည်၊တစုတည်း ရပ် ပြရတော့မည်၊ တစုတည်း လဲလဲသေသေ ရှိနေကြရမည်၊ အင်အားခိုင်မာတောင့်တင်းနေသောစစ်အစိုးရ၏ လက်နက်ခဲယမ်းမီးကျောက် အားသာမှုကို တော်လှန်ရေးလက်နက်ကိုင် အဖွဲ့အစည်းများက သိရှိလျှင်
  ပိုပြီးစုစည်းကြရန်လိုပါသည်၊
  ချုပ်ပြီးပြောရလျှင် စစ်အာဏာရှင်စံနစ်ကို ရာသက်ပန် အုတ်မြစ်ချမည့်ကို ရာသက်ပန် အုတ်မြစ်ချမည့် ၂၀၁၀ ရွေးကောက်ပွဲကို အကောင်းဆုံး ဖျက်ဆီးနိုင်သည့် နိုင်ငံရေးနည်းလမ်းတခုကို ယင်းကဲ့သို့ ကျင့်သုံးရန်လိုနေပြီဟုသာပြောချင်ပါသည် ။။။။။။။။။။။။။။။
  
  
  
  မြန်မာနိုင်ငံသူနိုင်ငံသားတွေကိ်ု ကယ်ထုတ်ချင်သည့် ဆန္ဒရှိသူများ
  ကွဲပြားနေသော လက်နက်ကိုင်အဖွဲ့အစည်းများကို စုစည်းပေးရန်လိုသည်။

ဒီမိုကရေစီစနစ်ဆီသို့ တည်ဆောက်ချင်သည်ဆိုပါက တိုင်းရင်းသားလူမျိုးများ အစိုးရရှိနေပြီး ပြည်ထောင်စုအစိုးရ ရှိနေရန်လိုသည်။

ပြည်ထောင်စုအစိုးရ ရှိနေက ပြည်ထောင်စုတပ်မတော် ရှိနေရန်လိုပါသည်၊၊

ခိုင်အောင်ကျော် (စစ်တွေ)

အမှန်အတိုင်းမြင်နိုင်မှ ဘာလုပ်ရမယ်ဆိုတာကို

နိုင်ငံရေးခေါင်းဆောင်တွေကို ထောင်ထဲထည့်ပစ်တာ၊ သစ္စာဖောက်တွေ မွေးထုတ်တာ၊ ခွဲထုတ်တာ၊ ကိုယ့်အတွင်းက ကွဲပြဲတာ၊ တယောက်တပေါက် ပြောနေတာတွေဟာ နအဖအဖို့ အကျိုးရှိသလောက် ရှိနေတယ်ဆိုတာ ဝန်ခံရမှာပါ။ နအဖအဖို့ ချောချောမွေ့မွေ့ မဟုတ် တောင်မှ သူတို့လုပ်ချင်တာတွေကို လုပ်နိုင်နေပါတယ်။ ဒါဟာ ကိုယ့်ဖက်က အားမရှိလို့ဆိုတာ အထူးပြောစရာမလိုပါဘူး။
ဒီလို အင်အားချိန်ခွင်လျှာကို ပြောင်းလဲမပစ်နိုင်သရွေ့ ဘာမှဖြစ်မလာနိုင်ဘူးဆိုတာ သတိပြုရပါမယ်။ ကိုယ့်ဖက်က သိသိသာသာကြီး အားနည်းနေရင် လူထုကိုလည်း လှုပ်နှိုးနိုင်မှာမဟုတ်ပါဘူး။ ထိရောက်တဲ့ လှုပ်ရှားမှုကြီးတွေလည်း ဆင်နွှဲနိုင်မှာမဟုတ်ပါဘူး။ အခုလိုအနေအထားမှာ နအဖကို အပြတ်အလဲ ထိုးနိုင်မယ့် တိုက်ပွဲကြီး သူ့အလိုလို ပေါ်လာမယ်လို့ မျှော်လင့်လို့မရပါဘူး။ စက်တင်ဘာသံဃာ့အရေးအခင်းဟာ မထင်တဲ့နေရာက မထင်ဘဲ ပေါ်ထွက်လာတာဆိုတော့ နအဖရော အတိုက်အခံတွေပါ ပြင်ဆင်မှုမရှိ၊ အလစ်အငိုက် ခံလိုက်ရသလို ဖြစ်သွားပါတယ်။ အတိုက်အခံတွေအဖို့ တိုက်ပွဲကို တခြားနယ်ပယ်တွေထဲ မတိုးချဲ့နိုင်ခဲ့ဘူးဖြစ်ခဲ့ရပါတယ်။ သံဃာတော်တွေဟာ အထီးကျန် တိုက်ပွဲဝင်ရသလို ဖြစ်သွားခဲ့ပါတယ်။ တန်ဘိုးမသေးတဲ့ သင်ခန်းစာပါ။

(ရဲဘော် ဖိုးသံချောင်း၏ စာစုတခုမှ ကောက်နှုတ်ချက် )

• ၁၉၉၉-ခုလောက်က The Asian age သတင်းစာက သိပ္ပံ နဲ့ နည်းပညာ အခန်းမှာ စာတိုလေး တခု ဖတ်မိခဲ့ဘူးပါတယ်။ ဆိုလိုချက်ကတော့ တကမ္ဘာလုံးက တိုင်းပြည်တွေ အမေရိကန်လူနေမှု အဆင့် အတန်း မျိုး ရဖို့ဆိုရင် ဒီ ကမ္ဘာကြီးဟာ လေးဆလောက် ပိုကြီးဖို့လိုတယ် ဆိုတဲ့ အကြောင်းပါဘဲ။
  ဒီနေ့တိုင်းပြည်တွေ အားလုံးကလဲ တိုးတက်ဖွံ့ဖြိုးရေး ချမ်းသာကြွယ်ဝရေး အတွက် အသဲအသန် ပြိုင် ဆိုင်ကြိုးစား နေကြတာလဲ အားလုံးအသိပါဘဲ။ အထက်ပါ သတင်းအရဆိုရင် နည်းပညာ၊ အရင်းအနှီး၊ အပြင် သဘာဝသယံဇာတ အတွက်ကိုလဲ အလုအယက် ပြိုင်ဆိုင်နေကြရအုံးမယ်လို့ နားလည်လို့ ရ ပါတယ်။ ဒီတော့ ကျနော်တို့ကသာ အားနည်းချက် ရှိနေရင်တော့ ကျနော်တို့ရဲ့ သယံဇာတတွေကို တခြားသူတွေက ယူငင်သုံးဖွဲဖို့ အခွင့်အလမ်း ပိုများများရ ကြမှာ ဖြစ်ပါတယ်။
  ကျနော်တို့ တိုင်းပြည် မှာ ပြည်တွင်းစစ် ဖြစ်နေတာ၊ တိုင်းပြည်ပြန်လည် တည်ဆောက်ရေး နဲ့ ပါတ်သက်လို့ စစ်အာဏာပိုင် များနဲ့ ကျန်ပြည်သူလူထု စိတ်ဝမ်းကွဲပြီး ဒီမိုကရေစီ တောင်းဆိုမှု တိုက် ပွဲဖြစ်နေတာ၊ ဒါတွေကြောင့် တည်ငြိမ်အေးချမ်းပြီး စုစည်းညီညွတ်တဲ့ အားပြည့်မန်ပြည့် အမျိုးသား နိုင်ငံ အဖြစ်မရပ်တည်နိုင်သေး တာဟာ ကျနော်တို့ရဲ့ အားနည်းချက် ဖြစ်ပါတယ်။ ဒါကြောင့် ပဲ ကျနော် တို့ရဲ့ သယံဇာတတွေကို ထိုက်ထိုက် တန်တန်ဈေးရအောင် ကျနော်တို့ အတွက် ထိုက်ထိုက် တန်တန် အကျိုးရှိအောင် မလုပ်နိုင် ပဲဖြစ်နေကြပါတယ်၊ နောက်ဆုံး ကျနော်တို့ တိုင်းသူ ပြည်သား များ ရဲ့ လုပ်အားတွေတောင်မှ သူများ နည်းတူ တန်ကြေးမရှိ အကျိုးမရှိဖြစ် နေ ကြရပါတယ်။ ဒီအပေါ်မှာ အိမ်နားနီးခြင်းများ အပါအဝင်အ ခြား တိုင်းပြည်တွေ က အကျိုးရှိနေကြပါတယ်။
  ကျနော်တို့ တိုင်းပြည်ရဲ့ ပြဿနာ ကို ဖြေရှင်းဖို့ အမျိုးမျိုး အဖုံဖုံ ကြိုးစားလာခဲ့ကြတာ နှစ် ၂ဝ-ရှိလာ ပါပြီ၊ ဒါပေမဲ့ မအောင်မြင်သေးပါဘူး။ အခုကျနော် တင်ပြမဲ့ ကြံဆချက် ကလဲ ဒီ ပြဿနာကို ဖြေရှင်းဖို့ ကြိုးစားချက်တခု ဖြစ်တယ် ဆိုတာကို ကြိုကြိုတင်တင် ဝန်ခံပါတယ်။
  အမျိုးသားရင်ကြားစေ့ရေး နဲ့ တွေ့ဆုံဆွေးနွေးအဖြေရှာရေးကို ကျနော်တို့ ပြောနေကြတာက အားလုံးရဲ့ အကျိုးစီးပွါး အတွက်ဖြစ်တယ်၊ ရေရှည် အမျှော်အမြင် ကြောင့်ဖြစ်တယ်။ ယှဉ်ပြိုင်မှုတွေ သဲသန်ပြင်းထန်တဲ့ ဒီကနေ့ ကမ္ဘာကြီးထဲမှာ ကျနော်တို့ တိုင်းပြည်ဟာ အားမန်ပြည့်တဲ့ ယှဉ်ပြိုင်နိုင် စွမ်းကြီးတဲ့ စည်းလုံးညီညွတ်တဲ့ အမျိုးသားနိုင်ငံ ဖြစ်လာစေဖို့ ပြောနေတာဖြစ်ပါတယ်။ ဒါမှသာ ကျ နော်တို့ရဲ့ သယံဇာတတွေ၊ ကျနော်တို့ ပြည်သူလူထုရဲ့ အကျိုးစီးပွါးတွေကို ကျနော်တို့ ကာကွယ်နိုင် မှာဖြစ်တယ်။
  ဗမာတိုင်းရင်းသားတွေနဲ့ ကျန်တိုင်းရင်းသားတွေကြား နိုင်ငံရေးခြားနားမှု ပြဿနာတွေကို အနာဂတ် ပြည်ထောင်စု တည်ဆောက်ရေး ရည်မှန်းချက်တူညီစေခြင်း ဖြင့် ဖြေရှင်းနိုင်မယ်လို့ မျော် လင့်ပါတယ်။ လက်ဝဲ လက်ယာ အုပ်စု ပြဿနာ နဲ့  စစ်အုပ်စု နဲ့ ကျန်အင်အားစုများရဲ့ ပြဿနာ က တော့ တယောက် ကို တယောက် အသိအမှတ် ပြုရေးနဲ့ နေရာပေးရေးနဲ့ ဖြေရှင်းရမယ် လို့ မျော်လင့်ပါတယ်။
  တတိုင်းပြည်လုံး ပြည်သူတွေအတွက် အကောင်းဆုံး ဖြစ်အောင်နဲ့ ပြဿနာတွေ (နိုင်ငံရေး ပြဿနာတွေ) ဖြေရှင်းနိုင်ဖို့အတွက် ကတော့ ဘယ်လိုအနာဂါတ်မျိုး တည်ဆောက်မလဲ ဆိုတဲ့ အပေါ် သဘောတူကြ ဖို့ ဖြစ်ပါတယ်။ ဘယ်လိုပြည်ထောင်စုမျိုး ဘယ်လိုအနာဂါတ်မျိုး တည်ဆောက် မယ်ဆို တာကို အကျ အန အကျေအလည် သဘောတူနိုင်ကြရင် အခြေအနေတွေ ပြောင်းလဲ ဖို့ အတွက် စလုပ်လို့ ရမယ်လို့ ယုံကြည်ပါတယ်။
  တပြည်လုံးမှာရှိ တဲ့ ပြည်သူတွေ ၊အင်အားစုတွေ ဆိုပေမဲ့၊စစ်အုပ်စုနဲ့ ကျန်အင်အားစုတွေနဲ့ ကွာခြားပါတယ်၊ စစ် အုပ်စုက နိုင်ငံရေးအာဏာ ရယူပြီး တိုင်းပြည်ကို လက်တွေ့  အုပ်ချုပ်နေတဲ့ ကြီးမားတဲ့လက်နက်ကိုင် အင်အားစု ကြီးဖြစ်တယ်။ မြန်မာတိုင်းရင်းသားတွေ အပါအဝင် ကျန်အုပ်စု တွေကတော့ လက်နက်အင်အား ၊လူ၊ငွေကြေး ၊အစစ (ချို့တဲ့) အကန့်အသတ် ရှိတဲ့ အာဏာ လက်မဲ့ အတိုက်အခံ များဖြစ်ကြပါတယ်။ စစ်အုပ်စုဟာ တတိုင်းပြည်လုံး ၊ ပြည်သူ တရပ် လုံး ရဲ့ အကျိုးစီးပွား နဲ့ သဘောဆန္ဒတွေကို ဆန့်ကျင် တာ၊ မျက် ကွယ်ပြုတာ၊ အသိအမှတ် မပြု တာ ကြောင့် ကျနော် တို့ အနေနဲ့ စစ်အုပ်စု ကို ဆန့်ကျင် တိုက်ခိုက် နေရတာ ဖြစ်ပါတယ်။
  ကျနော်တို့က စစ်အုပ်စုကို ၊ အားလုံးအတွက် ကောင်းမွန်တဲ့ အနာဂတ် အတွက် ညှိနှိုင်း ချင် တယ်။ အားလုံးအတွက် နေပျော်မဲ့ ပြည်ထောင်စု တည်ဆောက်ရေးကို အတူတကွ သဘောတူ ဝိုင်းလုပ် စေ ချင်တယ်။ အားလုံးအတွက် တရားမျှတပြီး အာမခံချက်ရှိတဲ့ နိုင်ငံရေးစနစ်မျိုးမှာ နေစေ့ ချင်တယ်။ ၂၁ ရာစု မှာ ဗမာပြည်ရဲ့ အဆင့်နေရာ ကောင်းမွန်တိုးတတ် ရေး အတွက် ညီညွတ်စွာ ဝိုင်းလုပ်စေ ချင်တယ်။ ဒါပေမဲ့--
  စစ်အုပ်စုဟာ အဏာလက်ရှိ ဖြစ်နေတယ် အကြီးမားဆုံးလက်နက်ကိုင် အင်အားစုဖြစ်တယ်။ တိုင်းပြည်ကို လက်တွေ့ အုပ်ချုပ်နေတယ်ဆိုတဲ့ သူရဲ့  အနေအထားပေါ်မှာ မာနကြီးစွာနဲ့ ကျန်တဲ့ အင်အား စုတွေ လူပုဂ္ဂိုလ် တွေ ကို မထေ မှဲ့မြင်လုပ်နေတယ်။ အသိအမှတ် မပြုဘူး ဆန့်ကျင်တယ် အနာဂတ်ပြည်ထောင်စု အရေးကိုလဲ သူ့အနေအထား ကောင်းရေးနဲ့ ကျန်အင်အားစုများကို နေရာ မပေးရေး ဆက်လက်ချိုးနှိမ်ထားရေး သဘောထားနဲ့ ဘဲလုပ်နေတယ်။ ဒါ့ကြောင့် ကျနော်တို့က စစ် အုပ်စုကို တိုက်နေရတာ ဖြစ်တယ်။
  စစ်အင်အားအပေါ်မှာ မာနတက်လှတဲ့ စစ်အုပ်စုကို ကျနော်တို့ စစ်ရေးဖိအား မပေးနိုင်လို့ မဖြစ်ဘူး၊ သူ့ရဲ့ စစ်အင်အား မာနကို ရိုက်ချိုးနိုင်မှသာ သူ့ကို အမျိုးသား နိုင်ငံရေးလမ်းကြောင်း ပေါ် ပြန်ဆွဲ ခေါ်နိုင်မှာ ဖြစ်တယ်။ စစ်အုပ်စုကိုစစ်ရေးဖိအားပေးနိုင်တဲ့ ပေးနေတဲ့ ပေးခဲ့တဲ့ ကျနော်တို့တော်လှန်ရေး အစု အဖွဲ့တွေ စုဖွဲ့မိဖို့ လက်တွဲချိတ်ဆက်ဖို့သာ လိုပါတယ်။ အခြေအနေနဲ့အချိန်အခါကလဲ လက်တွဲ ချိတ်ဆက်ဖို့တောင်းဆိုနေပါတယ်)

ဒီ ပြည်ထောင်စုတပ် ( Federal Army) က ကျနော်တို့ရဲ့ ပြဿနာတွေကို ဘယ်လို ဖြေရှင်းပေး မှာလည်း ဆိုတာကို ဒီလို စဉ်းစားကြည့်မိ ပါတယ်။

• ပထမဆုံး ထင်သာမြင်သာရှိတဲ့ စစ်ရေးကိစ္စ မှာ ဆိုရင် တပြည်လုံးကိုဖြန့်ခွဲချထားတဲ့ သူ့တပ်တွေကို သူတို့ရဲ့ စစ်ရုံးချုပ်ကနေ လိုအပ် သလို တပြည်လုံးမှာ စစ်ဆင်ကစားနိုင်တယ်။ တပြည်လုံးမှာ ပြန့်ကြဲတည်ရှိနေတဲ့ ကျနော်တို့ တော် လှန်ရေးတပ်တွေက တော့ ကိုယ်နယ်မြေရဲ့ အပြင်ကို ထွက်ပြီးစစ်မကစား နိုင်သလို တပြည်လုံးရဲ့ စစ် ရေး လိုအပ် ချက် အတွက်ကိုလည်း ကိုယ့်နယ်မြေထဲကနေ စစ်မကစားပေးနိုင်ကြဘူး။ တပြည်လုံး အ တွက် ကိုယ်စားပြုမဲ့ ပြည်ထောင်စုတပ်ကတော့ တပြည်လုံးစစ်ရေးလိုအပ်ချက် အတွက် ကျနော် တို့ရဲ့ စစ်ရုံးချုပ်က လိုသလို စစ်ကစား ပေးနိုင်မှာ ဖြစ်တယ်။
• စစ်အာဏာရှင် အောက်က ပြည်သူ့ဘက်ကို ပြောင်းချင် နေတဲ့ မျိုးချစ်စစ်သည် များအတွက် ပြောင်း လာစရာ နေရာရှိလာမှာ ဖြစ်တယ်။ ဒီလိုနည်းနဲ့ သူ့အတွင်းမှာ ပြဿနာဖြစ်နေတဲ့ စစ်ပြေး တပ်ပြေး ကိစ္စကို ပိုပို ဆိုးလာစေပြီး သူ့ကို တဘက်လှည့်နဲ့ စစ်ရေးဖိအား ပေးလာနိုင်မှာဖြစ် တယ်။
• ပြည်ထောင်စုတပ်ဟာ ကျနော်တို့ ကြားတွေထဲမှာရှိနေတဲ့ ပြဿနာများအတွက် ကြားခံပေးထားမဲ့ အရာတခုဖြစ်လာ နိုင်သလို ပြဿနာ တွေ ဖြေရှင်းဖို့ ဆုံချက်တခု အဖြစ်လည်း အသုံးကြနိုင်သလို စည်လုံးညီညွတ်ရေးရ ဖို့အတွက် နားလည်မှုနဲ့ ယုံကြည်မှု တည်ဆောက် ရေးအတွက် ပေါင်းကူး အဖြစ်လည်း အသုံးကြ နိုင်ပါတယ်။
  
  ဒီ ပြည်ထောင်စုတပ်ကို ဘယ်လိုတည်ဆောက် ယူကြမလဲ။
  စစ်ရေးလိုအပ်ချက်အတွက် မဟာမိတ်တွေ တပ်ပေါင်းစုတွေတော့ အမျိုးမျိုးဖွဲ့ဘူးကြတဲ့ အတွေ့အကြုံ ရှိကြပါတယ်၊ တကယ့် လိုအပ်ချက်ကို မြင့်မြင့်မားမား မဖြည့်ဆည်းပေးနိုင် ခဲ့ပါဘူး။ အဲဒီ အရင်နည်း တွေနဲ့တော့ အလုပ်မဖြစ်ဘူးဆိုတာ နားလည်မိပါတယ်။ ကျနော်တို့ လိုအပ်ချက်ကို ဖြည့်ဆည်းနိုင်ဖို့ ဆိုရင် အချိုးကြ စစ်သားထည့်ဝင်ကြတဲ့ နည်း တံဆိပ်ပြောင်းကပ်တဲ့ နည်း တွေ မဟုတ်ဘဲ ပြည်ထောင်စုတပ် အတွက် သီးသန့် သင်တန်းခေါ်ယူတာဖြစ်စေ တပ်သားသစ်ခေါ်ယူတာ ဖြစ်စေ လုပ် တာကနေစကြရပါမယ်။ အဲဒီလို လုပ်နိုင်ဖို့ အတွက် ပြည်ထောင်စုတပ်ရဲ့ ဒီဇိုင်း နဲ့ အခြေခံသဘောကို
  ကြိုပြီးသဘောတူ ထားကြရပါမယ်။ အဲဒီ သဘောတူညီမှုကို တာဝန်ခံနိုင်ကြဖို့အတွက် အနာဂါတ် ပြည်ထောင်စု တည်ဆောက်မှုအပေါ်မှာ ကြိုပြီးသဘောတူကြရပါမယ်။ အနာဂါတ် ပြည်ထောင်စု ပုံစံ ကတော့ ဖက်ဒရယ်ပြည်ထောင်စု ဘဲ ဖြစ်ပါလိမ္မယ်။ ဒါတွေကို ကျနော့်သဘောကတော့ တခုပြီးမှ တခု လုပ်ဖို့လဲ မဟုတ်ပါဘူး၊ အားလုံးပါအောင် ညှိပြီး ညီပြီးမှ လုပ်ဖို့လဲ မဟုတ်ပါဘူး၊ ရတဲ့နေရာက စညှိပြီး ညီ သလောက်က စလုပ်ကြဖို့ဘဲ ဖြစ်ပါတယ်။ စေတနာမှန်တယ် လုပ်တာမှန်တယ်ဆိုရင် ကျနော်တို့ သေးသေး ကစလဲ ကြီးလာမှာဘဲ နဲနဲကစလဲ များလာမှာဘဲ ကျနော်တို့က ကျနော်တို့ရဲ့ အင်အားကြီး လာမှာ။ ကျနော်တို့နဲ့ ညီတဲ့သူတွေ များလာမှာကို မကြောက်ဖို့ဘဲ လိုပါတယ်။
  နောက်တခုက ကျနော်တို့ အနေနဲ့  ပြဿနာ အတော်များများကို လက်ငင်းဖြေရှင်း ဖို့ လိုတယ်လို့  ယူဆပါ တယ်၊ ဘယ်ကိုဦးတည် ပြီးဖြေရှင်းကြရမလဲ ဆိုတော့၊ အနာဂါတ် ပြည်ထောင်စု ဗမာ နိုင်ငံတည် ဆောက် ရေးကို ဦးတည်ပြီး လုပ်ကြရပါ မယ်။ အလုပ်ဖြစ်အောင်လုပ်နိုင်ဖို့ ကျနော်တို့မှာ တိကျ ရှင်းလင်းတဲ့ ပေါ်လစီ ရှိရပါမယ်၊ ဘုံအခြေခံနဲ့ ဘုံရည်မှန်းချက် ရှိရပါမယ်၊ ဘုံလုပ်ငန်းစဉ် ရှိရ ပါမယ်။ ဒါက အများပြောနေကြ အတိုင်း ကျနော်ပြောကြည့်တာပါ၊ တကယ်ပြောချင်တာက ဘာဖြစ်အောင် လုပ်ကြ မလဲ၊ ဘယ်လိုလုပ်ကြမလဲ ဆိုတာ စဉ်းစားချက်နဲ့ သဘောတူချက်တွေ ရှိထား ကြဘို့ပါဘဲ။ လက်လှမ်းမှီ တဲ့ အနီးဆုံး အသေးဆုံး တွေကနေ စလုပ်ကြရပါမယ်။ ကိုယ့်ရဲ့ အနာဂါတ် တည်ဆောက်ရေး အတွက် အမျိုးသားရင်ကြားစေ့ရေးကို ကိုယ့်ဘေးနားမှာ ရှိတဲ့လူနဲ့ စလုပ်ကြဖို့ ပါဘဲ။
  ကျနော်တို့ရဲ့ စစ်ဦးစီးချုပ်ရုံးကို ဖွဲ့စည်းဖို့က ရိုးရိုးရှင်းရှင်း နဲ့  မရနိုင်သေးပါဘူး၊ ကြားခံ စစ် ကော်မရှင် လိုဟာမျိုး တခု လိုအပ် နိုင်ပါတယ်။ စစ်ကော်မရှင်ကို မူလ ကတည်းက ရှိခဲ့တဲ့ လူမျိုးစု တော်လှန်ရေး အဖွဲ့ တွေထဲက စစ်ရေးခေါင်းဆောင်တွေ ထဲက သင့်တော်တဲ့ အရေအတွက်ကိုသတ် မှတ် သဘောတူ ပြီး စလုပ်ကြရပါမယ်။ အဲဒီအောက်မှာမှ စစ်ဦးစီးချုပ်ကို ရွေးချယ် ခန့်ထားကြရ လိမ္မယ်ထင်ပါတယ်။ စစ်တပ်ကို အရပ်သား အုပ်ချုပ်မှုက ကွှပ်ကဲ ရမယ် ဆိုတာ အတွက် နဲ့  အမှန် တကယ် စောင့် ကြည့် အကဲဖြတ် နိုင် ရေးအတွက် ထောက်လှန်းရေး သတင်း တွေကို စစ်ကော်မရှင် ကို တက်ခိုင်းပြီး တပ်မှူး အဆင့်ဆင့် အစီ ရင်ခံစာ ကို တော့ စစ်ဦးချုပ်ဆီ တက်ခိုင်းရပါမယ်၊ ပြီးတော့ သုံးသပ်အကဲဖြတ်ခြင်း၊ စစ်ဆင်ရေးစီမံချက် ရေးဆွဲ ခြင်း၊ ဆုံးဖြတ် ချက်ပေးခြင်း၊ စတာတွေကို စစ် ကော် မ ရှင်နဲ့ စစ်ဦးစီးချုပ် တို့က အတူ ပူးပေါင်းဆောင်ရွက်ကြရပါမယ်။
  
  
  ဒီလောက် ဆိုရင်တော့ ပါဝင် ပါတ်သက် ကြမဲ့ စစ်ရေးသမားတွေ အဖွဲ့အစည်းတွေ အသီးသီး ကို ထိုက်သင့်တဲ့ လေးစားမှုနဲ့ လက်ခံနိုင်လောက်တဲ့ ယုံကြည်စိတ်ချမှု ပေးနိုင်လောက်မယ် ထင်ပါ တယ်။ မလုံလောက်သေးရင်လဲ တကယ်လိုလိုချင်ချင်နဲ့ ညှိကြတယ် ဆိုရင် အလုပ်ဖြစ်နိုင်လောက်တဲ့ ဒီဇိုင်း နဲ့ နည်းလမ်းက ရလာမှာပါ။
  ရှေ့တန်းက စစ်သားတယောက်ရဲ့ သေနပ်က ကျည်ဆံထွက်နေဖို့ နောက်တန်းက လူ ခုနှစ် ယောက် လောက်က ဝိုင်းလုပ်ပေးနေဖို့ လိုတယ် လို့ကြားဖူးပါတယ်။ အခုလဲ ကျနော်တို့ရဲ့ ပြည်ထောင် စု တပ်မတော်အတွက် ရိက္ခာ၊ ယူနီဖေါင်း၊ ဆေးဝါး၊ လက်နက်၊ သတင်း၊ စတဲ့ လိုအပ်ချက်တွေ ကို ဘယ်လို လုပ်ကြမလဲ ဆိုတဲ့ ပြဿနာ ရှိလာပါပြီ။ ဒီလိုအပ်ချက်နဲ့ ကျနော်တို့ရဲ့ ပြည်သူတွေ နိုင်ငံရေး အဖွဲ့ အစည်းတွေ ကြားမှာ အဆက်အစပ် ပြုဖို့ ( စီမန်ခန့်ခွဲရေး ယန္တယား တခု ) ဗြူရိုကရေစီ ယန္တယား တခု လိုအပ် လာပါတယ်။
  ဗြူရိုကရေစီ ယန္တယား တည်ဆောက်ရေးဟာ စစ်အာဏာရှင်စံနစ် ဆန့်ကျင်ရေး လုပ်နေ ကြတဲ့ ကျနော်တို့ ရဲ့ ဒီမိုကရေစီရေး လှုပ်ရှားသူများ၊အဝန်းအဝိုင်း အတွင်းမှာ ရှိနေတဲ့ ပြဿနာ အတော် များများကို ဖြေရှင်းပြီး ကျနော်တို့ကို ကျနော်တို့ နောက်တဆင့် တိုးတက်အောင် လုပ်ဖို့ အခြေအနေ ပေး လာမှာ ဖြစ်ပါတယ်။ ဒီ ဗြူရိုကရက် ယန္တယား တည်ဆောက်ရေး ကို အောင် မြင် အောင် လုပ်နိုင်တယ် ဆိုရင် စစ်အာဏာရှင် စံနစ်ရဲ့ အစိုးရ ယန္တယား ကို ဒီမိုကရေစီ စံနစ်ရဲ့ အစိုး ရယန္တယား နဲ့ အစားထိုးပစ် နိုင်မယ်။ ဒီနေ့ ကျနော်တို့ တိုင်းပြည်ရဲ့ အကြပ်အတည်း ပေါ်ကနေ အမြတ်အစွန်း ထုတ်ယူနေချင်လို့ စစ်အစိုးရကို ဖယ်ရှားလိုက်ရင် အာဏာ ဟာကွက် ဖြစ်သွားပြီး ဒေသတည်ငြိမ်ရေး ပျက်သွားတော့ မယောင် ပြောနေ ကြတဲ့ သူတွေရဲ့ စကားကိုလဲ ရိုက်ချိုးနိုင်ပြီး သားသွား ဖြစ်မယ်။
  ကျနော်တို့ ဒီမိုကရေစီရေး လှုပ်ရှားသူများ အနေဖြင့် ပြည်သူလူထုနဲ့ ဆက်စပ်ပြီး ဒီမိုကရေစီ စတင်ကျင့်သုံး လေ့ကျင့်ဖို့၊ ဖက်ဒရယ်ပြည်ထောင်စု တည်ထောင်ချင်တဲ့ ကျနော်တို့တွေ ဖက်ဒရယ် စံနစ် စတင် ကျင့်သုံးလေ့ကျင့်ဖို့ အတွက်တော့၊ ကျနော်တို့ရဲ့ နိုင်ငံရေး ခေါင်းဆောင်တွေ နဲ့ အဖွဲ့အစည်း တွေရယ်။ ပြီးတော့ ပြည်သူလူထု၊ ဗြူရိုကရေစီယန္တယားနဲ့၊ ပြည်ထောင်စုတပ်မတော်ကို ဘယ်လို ဆက်စပ် တည်ဆောက်လည်ပါတ်ကြမလဲ ဆိုတာက နေ အဖြေတွေ အများကြီးကို ပေးလိမ္မယ်လို့ ယုံကြည်ပါတယ်။
  တိုင်းချစ် ပြည်ချစ် စိတ်ရှိပြီး တက်ကြွတဲ့ ဗြူရို ကရက် တွေကို ဗြူရို ကရက် ကောင်း လို့  ခေါ်ပါမယ်။ သူတို့ က ဥပဒေ၊ စည်းမျဉ်း၊ လုပ်ထုံးလုပ်နည်း၊ တွေကို ထိမ်းသိမ်းပြီး ယန္တယား ကို ပုံမှန် လည်ပတ် စေရ ပါမယ်။ အပေါ် ကလာရင် အောက်ချပေးလိုက်၊ အောက်က လာရင် အပေါ်တင် ပေးလိုက် ဆိုတာလောက် ဘဲ လုပ်ချင် တဲ့၊ ဘာကိုမှ မဆုံးဖြတ်တဲ့ ၊ဘာကိုမှ တက်တက် ကြွကြွ တာဝန်ယူမှုမရှိ တဲ့၊ ဗြူရိုကရက် မျိုး ကျနော်တို့  ခုချိန်မှာ၊ မလိုသေး ပါဘူး။ ကိုယ့်ရဲ့  ကျွမ်းကျင် မှု၊ နဲ့  အရေးပါမှု ကို ရှေ့ တန်းတင် မာနတက် ပြီးတော့ အပေါ်က ဖိအားပေး တာ လဲ မကြိုက်ဘူး၊ အောက်က ဖိအားပေး တာလဲ မကြိုက်ဘူး၊ ဆိုတဲ့ ဗြူရိုကရက် မျိုး လဲ အလုပ် မဖြစ်သေး ပါဘူး။ ထစ်ကနဲ့  ရှိရင် ပညာ ပြလိုက်မယ် ဆိုတဲ့ ရင့်ကျက်မှု နည်းသူတွေ နဲ့ လည်း အလုပ် မဖြစ်နိုင်သေး ပါဘူး။( အဲဒီလိုစဉ်းစား လိုက်ရင် လူကောင်းရဖို့  ဘယ်လောက် ခက်သလဲ၊ ဆိုတာကိုက ကျနော်တို့  လူမျိုး ဘယ်လောက် ငယ်သေး သလဲ၊ ဘယ်လောက်ဆင်းရဲ သေးသလဲ ဆိုတာကို ပြတာ ဘဲပေါ့ဗျာ။)
  
  တခုခု ပြုလုပ်ဖန်တီးတော့မယ် ဆိုရင် စိတ်ကူးအမြင်က အရေးကြီးပါတယ်။ စိတ်ကူးအမြင် အား နည်းရင် ဖန်တည်းပြုလုပ်တဲ့ အရာကလဲ မပြီမပြင်ဖြစ်တတ်ပါတယ်။ ပုံတူကူးချတာ၊ လုပ်နေကြမို့ အကုန် အလွတ်ရနေတာမျိုးသာ မဟုတ်လို့ကတော့ စိတ်ကူးအမြင်လွဲရင် လွဲသလောက် အကုန်လွဲ တော့တာပါဘဲ။ ကြီးမားကျယ်ပြန့်ပြီး ရှုပ်ထွေးတဲ့ ကိစ္စမှာတော့ ပိုလိုအပ်တာပေါ့။ အခုကျနော်တို့ရဲ့ တိုင်းပြည်မှာ ဒီမိုကရေစီ တည်ဆောက်ကြမယ်။ (အခု လက်ရှိဗမာပြည်ဟာ ကျနော်တို့ အတွက် အဆင် မပြေလို့ နေပျော်ထိုင်ပျော် မဖြစ်လို့ အားလုံးအတွက် အဆင်ပြေမဲ့ နေပျော်ထိုင်ပျော် ဖြစ်ပြီး အားလုံးအတွက် လုံခြုံအေးချမ်းပြီး တိုးတက် ဖွံ့ဖြိုးမှုကို ပေးနိုင်မဲ့ တိုင်းပြည်ဖြစ်ချင်လို့။) ဒီမိုကရက် တစ် တိုင်းပြည် ဖြစ်အောင်လုပ်ကြမယ်။ အဲဒီလို စဉ်းစားလိုက်တော့ ခုကျနော်တို့ရဲ့ ပြဿနာကို ကျနော်ကတော့ အနာဂါတ်ပြည်ထောင်စု တည်ဆောက်ရေး ပြဿနာ လို့ ကြည့်မြင်မိပါတယ်။
  အဲဒီ စိတ်ကူးပုံရိပ်ပေါ်ကနေ ကြည့်လိုက်တဲ့ အခါကြတော့ ခုတွေ့နေရတဲ့ အခက်အခဲတွေ အတော် များများကို ဖြေရှင်းကျော်လွှားဖို့ စိတ်ကူးက တမျိုးဖြစ်လာရပါတယ်။
  
  ခုအချိန်မှာ စစ်အာဏာရှင် တိုက်ဖျက်ရေး၊ ဒီမိုကရေစီရရှိရေး၊ လူ့အခွင့်ရေးရရှိရေး၊ တိုင်းရင်းသား အခွင့်ရေး ရရှိရေး၊ ဆိုပြီး အမျိုးမျိုး ကြွေးကြော်နေကြပါတယ်။ အဲဒီ စိတ်ကူးအမြင် တွေနဲ့ စဉ်းစားကြံဆပုံ အမျိုးမျိုးက ကျနော်တို့ရဲ့ အရေးတော်ပုံကို အားရကြေနပ် လောက်တဲ့ တိုးတက်မှု မပေးသေးပါဘူး။ စစ်အာဏာရှင် တွေကိုနိုင်ဖို့ အတွက် ကျနော်တို့ညီညွှတ်ကြဖို့ လိုတယ်၊ လို့ ပြောကြပါတယ်။ အဲဒီ ညီ ညွှတ်ရေးကို လဲ အလုပ်ဖြစ်လောက်အောင် မရသေးပါဘူး။ ကျန်တိုင်းရင်းသားများ မှာလဲ သူတို့ အရေး ကိစ္စ တွေ (ပြဿနာ လို့ ကျနော်မသုံးမပါဘူး) ရှိကြပါတယ်၊၊ မြန်မာတိုင်းရင်းသားတွေ မှာလဲ သူတို့ ရဲ့  အရေး တွေ နဲ့ မျှော်မှန်းချက် တွေရှိ ကြပါတယ်၊၊ မြန်မာတွေနဲ့ ကျန်တိုင်းရင်းတွေ တဘက်ကို တဘက် မယုံသင်ကာ တာနဲ့ အသာစီး ယူထားချင်တာတွေ လဲရှိကြပါတယ်။ မြန်မာတွေက စစ်အစိုးရ ဖယ်ရှားရေး ဒီမိုကရေး ကို အဓိကနဲ့ ပထမ လုပ်ချင်တယ်။ကျန်ကိစ္စတွေကို နောက်မှ ပြောကြလုပ်ကြ တာပေါ့ဆိုတာမျိုး ထားချင်တယ်။ ကျန်တိုင်းရင်းသား များကတော့ ခွဲထွက်ခွင့် အပါအဝင် နယ်မြေပြဿနာ အပါအဝင် လူမျိူးစု ပြဿနာ တွေကို အရင်ပြောဆိုပြီး ခိုင်မာတဲ့ ဂတိစကား ရထားချင်တယ်။ တချိန်တည်း မှာဘဲ တဘက်ကိုတဘက် မယုံသင်ကာ လည်းရှိနေကြတယ်။ အဲဒါကြောင့် ဗမာတပြည်လုံး ရဲ့ ပြဿနာ ဘုံရန်သူကို ရင်ဆိုင်ရေး တိုက်ဖျက်ရေး ပြဿနာ တွေမှာ တကယ့်ပူးပေါင်း ဆောင်ရွက်မှု ကို မရနိုင်ကြဘူးဖြစ်နေပါတယ်။
  ဒါတွေကို ကျော်လွန်ပြီး ဗမာတပြည်လုံး မှာရှိတဲ့ ပြည်သူတွေ ကြီးမားတဲ့ စည်းလုံးညီညွှတ်မှု ရှိမှသာ ကျနော်တို့ အောင်မြင်မှု ရမှာဖြစ်ပါတယ်။ ကျနော့်အနေနဲ့ အနာဂါတ်ပြည်ထောင်စု တည်ဆောက်ရေး ပြဿနာ လို့ ကြည့်မြင်ပြီး စဉ်းစားလိုက်တော့ ပြဿနာ အတော်များများကို လက်ငင်းဖြေရှင်းဖို့ လိုတယ်လို့ ယူဆမိပါ တယ်၊ ဘယ်ကိုဦးတည် ပြီးရှင်းရမလဲ ဆိုတော့၊ အနာဂါတ် ပြည်ထောင်စု ဗမာနိုင်ငံတည်ဆောက် ရေး ကို ဦးတည်ပြီး လုပ်ကြရပါမယ်။ ဟုတ်ပါတယ်။ ပထမဆုံး ကိုယ်ဘာဖြစ်ချင်တယ် ဘာလုပ်ချင်တယ် ဆိုတာ ရှင်းရှင်း လင်းလင်း ဖြစ်နေဖို့ လိုပါတယ်။ ရိုးရိုးသားသား လဲ ဖြစ်နေကြရင်တော့ ပိုကောင်းတာပေါ့။
  
  ပဌမဆုံးအနေနဲ့ ကျနော်တို့က ကိုယ်ဘယ်လိုဗမာပြည်မျိုးမှာ နေချင်သလဲ ဆိုတာ စဉ်းစားကြည့်ရ ပါမယ်။ ပြီးတော့ကိုယ်နဲ့ အနီးဆုံးလူတွေနဲ့ စပြီး ညှိကြည့်တာပေါ့။ အတိတ်က ပြဿနာတွေကို အတတ်နိုင်ဆုံး ချန်ထားခဲ့ပြီး အနာဂါတ်ကို များများအာရုံစိုက်ပြီး ပြောကြ ညှိကြရမှာပေါ့။ သေချာတာကတော့ ခုစစ်ဗိုလ်တွေ ကြိုးစားနေသလို ကိုယ့်အတွက်အကောင်းဆုံး တွေနဲ့ ကိုယ်ကြိုက်တွေချည့်ဘဲ ဆိုတဲ့ ဒီဇိုင်းကိုတော့ အများက ကြိုက်မှာမဟုတ်ဘူး လက်ခံမှာမဟုတ်ဘူး ဆိုတာပါဘဲ။ တကယ်လိုလိုချင်ချင် နဲ့သာ ပြောဆိုညှိနှိုင်းကြမယ် ဆိုရင်တော့ သူကြိုက်ကိုယ်ကြိုက် အများလက်ခံနိုင်ပြီး အလုပ်ဖြစ်လောက်တဲ့ ဒီဇိုင်းကရလာမှာပါ။
  အလုပ် လုပ် ဖြစ်ဖို့ဆိုရင် သိပ်ယေဘူယျ ဆန်တဲ့သဘောတူညီမှုမျိုးတွေ လောက်နဲ့ မရနိုင်ပါဘူး။ အလုပ်ဖြစ်လောက်တဲ့ သဘောတူညီမှု ရအောင်ညှိကြဖို့ဆိုရင်လဲ သိပ်အသေးစိတ် ဂဂျီဂဂျောင် ကြနေလို့လဲ မဖြစ်ပါဘူး။ ပြဿနာ တွေ မရှိသယောင် ဟန်ဆောင်ကြဖို့ မလိုပါဘူး။ လက်တွေ့ အလုပ်ဖြစ်အောင် ကတော့ ဖြေရှင်းကြရပါမယ်။ ပြဿနာတွေ အကုန်ရှင်းပြီးမှ စလုပ်မယ်ဆိုတာမျိုးလဲ မဖြစ်ထိုက်ပါဘူး။ အဲဒီလိုနည်းနဲ့ တန်းညှိကြည့်လိုက်ရင် ဘယ်သူတွေကတော့ မညီချင်လို့ကို မညီနေတာဘဲ၊ အလုပ်မလုပ်ချင်လို့ကို အလုပ်မဖြစ်ချင်လို့ကို မလုပ်ဘဲ နေတာဘဲ ဆိုတာလဲ ပေါ်လာနိုင်ပါတယ်။
  ကျနော်တို့ကြားထဲမှာ နယ်မြေပြဿနာတွေ ရှိပါတယ်၊ အခွင့်အရေးပြဿနာတွေ ရှိပါတယ်၊ စီးပွါးရေး ပြဿနာတွေ ရှိပါတယ်။ ဒါတွေကို အတက်နိုင်ဆုံး ပွင့်ပွင့်လင်းလင်း ချပြကြပြီး ညှိနှိုင်းဖြေရှင်း ကြဖို့ လိုပါတယ်။ အဲ ဒါတွေ ပြေလည်လာသလောက် အခြင်းခြင်းကြားက ညီညွှတ်ရေးကလည်း ပိုပြီးအားကောင်း လာမှာဖြစ်ပါတယ်။ အရေးကြီးတာကတော့ အခြင်းခြင်းကြားထဲမှာ ကိုယ်ကအသာစီး ရယူထားချင်တာကို အဓိက မထားဘဲ စစ်အာဏာရှင် စံနစ်ကို တိုက်ဖျက်နိုင်အောင် ညီညွှတ်ရေးရဖို့ကို အဓိကထားပြီး လုပ်ကြမယ် ဆိုရင်တော့ ရကိုရ မှာပါ။ ညှိလို့ရသလောက်မှာ သတ်သတ်မှတ်မှတ် လုပ်ငန်းတာဝန်ခွဲဝေပြီး ဆက်လုပ် ကြတာပေါ့။ တဦးခြင်းကိုက ကြီးငယ်မရွှေး တာဝန်ကို သတ်သတ်မှတ်မှတ် ယူကြရပါမယ်။
  ဆွေးနွေးညှိနှိုင်းလို့ ရလာတာတွေက ကျနော်တို့ရဲ့ ဖွဲ့စည်းပုံအတွက် အခြေခံတွေနဲ့ လုပ်ထုံးလုပ် နည်းတွေ အတွက် အခြေခံတွေ ဖြစ်လာရပါမယ်။ အဲဒီကနေ အနာဂါတ် ပြည်ထောင်စု အခြေခံဖွဲ့စည်းအုပ် ချုပ်ပုံ အထိ မျှော်မှန်းပြီး လုပ်ကြရပါမယ်။ ဒီလိုနည်း နဲ့  ကျနော်တို့  မှာ တိကျ ရှင်းလင်းတဲ့ ဘုံအခြေခံ နဲ့  ဘုံရည်မှန်းချက် အဖြစ် ဖွဲ့ စည်းပုံအခြေခံ ဥပဒေ နဲ့  အနာဂတ် ပြည်ထောင်စု ကိုရလာနိုင်ပါတယ်၊၊ ဘာအတွက် ကျနော်တို့  စစ်တိုက်ကြမလဲ ဒါအတွက် တိုက်ကြမယ်၊ ဘယ်အပေါ်မှာ အခြေခံပြီး ညီညွှတ်ကြမလဲ ဒီအပေါ်မှာ အခြေခံပြီး ညီညွှတ်ကြမယ်။ မှန်တယ်မှားတယ် တိုင်းဖို့  စံ(ပေတံ)ရလာပါမယ်။
  
  ရ လာမည့် ဖွဲ့ စည်းပုံ ကို လိုက်နာ ကျင့်သုံးမဲ့ လွှတ်တော်၊ ပါလီမန်၊ အစိုးရအဖွဲ့၊ စတာတွေ တည် ထောင် ရပါမယ်။ အဲဒီ ဖွဲ့ စည်းပုံ နဲ့ အစိုးရ ကို သစ္စာခံပြီး၊ လိုက်နာဆောင်ရွက် မည့် တပ်မတော်တရပ်နဲ့ ယန္တယား ( ဗြူရိုကရက် ယန္တယား ) တရပ်ကိုလဲ တည်ဆောက်ယူ ရပါမယ်။ ဖယ်ဒရယ် ပြည်ထောင်စု ဖွဲ့စည်း အုပ်ချုပ်ပုံ အခြေခံ ဥပဒေ၊နဲ့ ပြည်ထောင်စု အစိုးရ ကို သစ္စာခံတဲ့ ၊ ပြည်ထောင်စု တပ်မတော် တရပ်ဟာ၊ကျနော်တို့ရဲ့ နိုင်ငံရေး သဘာဝ ဝန်းကျင် အနေအထား (Political Environment ) အပြောင်းအလွှဲ အတွက် အများကြီး အလုပ်လုပ် လာပါလိမ္မယ်။ အရေးကြီးတာက ညှိလို့ရသလောက်က စလုပ်။ လုပ်လို့ရသလောက်ပေါ် အခြေခံပြီး ထပ်ညှိ တစိုက်မတ်မတ် လုပ်ကြဖို့ပါဘဲ။
  အန္ဒရယ်တွေကတော့ ဆင့်ကဲဆင့်ကဲ လုပ်သွားကြရမဲ့ အပြာင်းအလွှဲတွေအတွင်းမှာ ကွဲမဲ့လူတွေရဲ့ တုံးခုမဲ့ ကိစ္စနဲ့ ပေါက်မဲ့လူတွေရဲ့ ကိုယ့်မြင်းကိုယ်စိုင်း ကိုယ်လိုရာ ဆွဲပြေးကြမဲ့ ကိစ္စတွေဘဲဖြစ်ပါတယ်။
  နောက်စဉ်းစားချက် တခုက ဒီလိုပါ တတိယ နိုင်ငံရောက်၊ ဒီမိုကရေစီ အင်အားစု တွေ အနေနဲ့ အရေးတော်ပုံ ကို သံယောဇဉ် မကုန်ကြပါဘူး။ တနည်းနည်း နဲ့  ပါတ်သက်ချင် ကြပါတယ်၊ ပတ်သက်ကြောင်း ပြချင်ကြပါတယ်၊ ဒါပေမဲ့ အများစုဖြစ်တဲ့ တချို့ ဟာ အကြောင်း အမျိုးမျိုး ကြောင့် ဟိုလူကိုတော့ မထောက်ခံ နိုင်ဘူး၊ ဒီအဖွဲ့ စည်းနဲ့တော့အဆင်မပြေ ဘူး၊ ဆိုတာတွေ ရှိနေ ကြပါတယ်၊ ဒီဗမာတွေဟာ လုံလောက်တဲ့ အကျိုး အကြောင်းရှိ ရင်တော့ တတ်နိုင်သလောက် အားပေးထောက်ခံကြမှာပါ။ ဆိုလိုချင်တာက ပြည်ထောင်စုအစိုးရနဲ့  ပြည်ထောင်စု တပ်မတော် အနေနဲ့  ရံပုံငွေ ကောက်လို့  ရနိုင်ပါတယ်။
  လူသိပ် များများ ကို မဟုတ်ပေမဲ့၊ (၁၉၉၉)လောက်က ရံပုံငွေ မကောက်ခံချင်ဘူးလို့  သဘောထားရှိ တဲ့ လူတွေကို မေးကြည့် မိထားတာ ရှိပါတယ်။ ၁၊ ၊ လိုက်ကောက်ရမှာ အောက်ကျတယ်။ ၂၊ ၊လူတွေက ထည့်မယ်လို့  မထင်ဘူး။ ၃၊ ၊ နာမည်ခံလေးဘဲ ရမယ်၊ လုံလောက်အောင် ရမယ်လို့ မထင်ဘူး။ ၄၊ ၊ ငွေ လေး နည်းနည်းပါးပါး ထည့်ပြီး မြို့ ပေါ်နေတဲ့ လူတွေက တော်လှန်ရေး လုပ်နေတဲ့ သူတွေကို ဆရာ လာလုပ် တာ၊ ဝေဖန်တာ မခံ နိုင်ဘူး။ ၅၊ ၊ ငွေထည့်တဲ့ သူတွေကို စါရင်း ပြန်ရှင်း ပြမနေနိုင်ဘူး။ ၆၊ ၊ တာဝန်ခံ ပြီးကောက်ပေး မဲ့လူမရှိဘူး - -အစရှိ တဲ့ အကြောင်းပြချက်တွေ ရပါတယ်၊ ကျနော့် အနေနဲ့ တော့ အဲဒါတွေ အကုန်လုံးဟာ ဖြေရှင်းလို့  ရတဲ့ ကိစ္စတွေဘဲ ဖြစ်ပါတယ်။ နည်းစံနစ် ပြည့်စုံမှန်ကန်ဖို့ တော့ လိုမှာပေါ့ ။ အခု တော့လဲ အဖွဲ့ အစည်းတချို့အနေနဲ့ ငွေလိုက်အလှူခံရ ကောက်ရတဲ့ အတွေ့အကြုံတွေ အတော်ရနေပါပြီ။
  ဒါပေမဲ့ ကျနော်တို့ ဗမာပြည်က လူတွေအနေနဲ့ ကွန်မြူနတီ စုရုံးမှုမှာ အတော်အားနဲ ပါသေးတယ် နိုင်ငံတကာမှာ တရုတ်၊ ကုလား၊ တိဘက်၊ ဗီယက်နန် စသည်ဖြင့် (Community center) တွေ အတော်ကောင်း တာတွေ့ရပါတယ်။ ခု ဗမာက စပြီး လိုက်လာပါ ပြီ။ ဒီကိစ္စမှာ ချင်းလူမျိုးတွေက အများကြီး ရှေ့ရောက်တာ တွေ့ရပါတယ်။ community အစုအစည်း ပေါ်လာတော့ ဦးဆောင်မှု ဖေါ်ယူလာရပါ တယ်၊ ပေါ်လာရပါတယ်။ တချို့  နေရာတွေမှာ ပုံမပေါ်သေးပါဘူး။ အင်နဲ့ အားနဲ့  ပေါ်လာအောင် စနစ်တကျ ဖြစ်လာအောင် အားပေးကြရပါမယ်။ အနာဂါတ်ပြည်ထောင်စုကို ယုံကြည်တဲ့ ကျနော်တို့က (Community Leader ) တွေကို ဖက်ဒရယ်ပြည်ထောင်စုအစိုးရရဲ့  ကိုယ်စားလှယ်တွေ ၊ကောင်ဆယ်လာတွေ၊ သံအမတ် တွေ ဖြစ်လာအောင် လုပ်ကြရပါမယ်။ ဒေသခံအစိုးရတွေ၊ အဏာပိုင်တွေက၊ တရားဝင် အသိအမှတ် ပြုရင် ပြည်ထောင်စု အစိုးရကလဲ တရားဝင် အသိအမှတ်ပြု ခန့်ထားရပါမယ်။ ဒေသခံ အာဏာပိုင်တွေက တရားဝင် အသိအမှတ် မပြုသေးရင်လဲ ကိုယ့်ဗမာလူမျိုးတွေက အသိအမှတ်ပြု ဆက်ဆံလာဖို့  အနိမ့်ဆုံးထား ကြိုးစား ရပါမယ် အဲဒါနည်းလမ်းများစွာ ရှိပါလိမ္မယ်။
  ဒီလိုနည်းနဲ့ နိုင်ငံရေး၊ စီမံခန့်ခွဲရေး အလုပ်တွေ အများကြီး ပေါ်လာပါမယ်။ အဲဒီ ဗြူရိုကရေစီ ယန္တယား တည်ဆောက်ရေးဟာ ကျနော်တို့ ရဲ့ ဒီမိုကရေစီရေး လှုပ်ရှားသူများ၊ စစ်အာဏာရှင်စံနစ် ဆန့်ကျင်ရေး လုပ်နေတဲ့ အဝန်းအဝိုင်း အတွင်းမှာ ရှိနေတဲ့ ပြဿနာ အတော်များကို ဖြေရှင်းပြီး ကျနော်တို့ ကို ကျနော်တို့ နောက်တဆင့် တိုးတက်အောင် လုပ်ဖို့ အခြေအနေပေးလာမှာ ဖြစ်ပါတယ်။ ဘာတွေလဲလို့ ရေတွက် ကြည့်မယ်ဆိုရင် ---
  - အလုပ်များတဲ့ သူတွေ မှာ မနိုင်မနင်းတွေဖြစ်ပြီး ထောင့်မစေ့နိုင်လို့ လစ်ဟာနှောင့်နှေး မှုတွေဖြစ်နေရတာ။
  - အလုပ်မရှိတဲ့သူတွေ ဘေးထိုင်ဘိုင်ကျ ဘုပြောဖြစ်နေရတာ။
  - တီထွင် ဖန်တီး ဦးဆောင်မှု ပေးရတဲ့ နိုင်ငံရေးခေါင်းဆောင် အလုပ် နဲ့ ပုံမှန်လှည်ပတ် နေအောင် ထိမ်းသိမ်း ရတဲ့ စီမံခန့်ခွဲသူရဲ့ အလုပ်လို သဘာဝမတူတဲ့ အလုပ်တွေကို လူတဦးထဲက လုပ်နေရတာ တွေ။
  - တော်လှန်ရေးနယ်ပယ်မှာ ရှေ့ကလုပ်နေတဲ့သူတွေကို အားမလို အားမရနဲ့ စောင့်ကြည့်နေရတာက လွဲလို့ လုပ်စရာမရှိဖြစ်နေတာ စတာတွေဖြစ်ပါတယ်။
  နောက်မြင်မိတာ တခုကတော့ ဒီနေ့  အချိန်တွေမှာ ပြည်ပကို အကြောင်း အမျိုးမျိုး နဲ့  ရောက်နေ တဲ့ ဗမာတွေ ၂သန်းခွဲ ကျော်မယ်လို့ ခန့်မှန်းပါတယ်၊ သူတို့တွေက ဗမာပြည်ဟာ သူတို့ပြည်လို့ သဘောထား နေသေးရင် ဗမာပြည် အစိုးရ ကလဲ သူ တို့ကို ကိုယ့်ပြည်သား တွေလို့ သဘောထား ရပါလိမ္မယ်။ ကျနော်တို့ ရဲ့ ပြည်သူ သားတွေ ကံအတော်ဆိုး ပါတယ်၊ ရောက်ရာ နေရာမှာလဲ မျက်နှာငယ်ကြ ပါတယ်။ လက်ရှိ အုပ်ချုပ်နေတဲ့ စစ်အစိုးရကလဲ အခွန်ကောက်ဖို့နဲ့ သူတို့အပေါ်က အမြတ်ထုတ် ဖို့ လောက်ဘဲ စိတ်ဝင်စား ပါတယ်။ သဘာဝဘေး စစ်ဘေး ဒါမှမဟုတ် ပြဿနာ တခုခု ဖြစ်ခဲ့ရင် တခြားတိုင်းပြည် အစိုးရ တွေက သူတို့ ပြည်သူတွေဘက်က ရပ်ခံတယ်၊ ကာကွယ်ဖို့၊ ကယ်တင်ဖို့၊ လုပ်ကြတယ် ကျနော်တို့ ဗမာပြည်သား တွေမှာ တော့ ခိုကိုး ရာမဲ့ ဖြစ်ကြပါတယ်၊ ကိုယ့်တိုင်းပြည် အစိုးရကို တိုင်ကြား အကူအညီ တောင်းခံဖို့ထက် ဒီအစိုးရ သိမသွားအောင် ဖုံးကွယ်ပုံးအောင်း နေဖို့ ကြိုးစား ကြရပါတယ်။
  ကျနော်တို့ ရဲ့ ပြည်ထောင်စု အစိုးရ က ဒီကိစ္စ တွေကို ဘယ်လို သဘောထား ကြမလဲ။ ဒါဟာ အရေး ကြီး ပါတယ်၊ ၁-၁၊ ဘယ်လောက် လူစဉ်မှီတဲ့ အစိုးရ ဖြစ်လာမလဲ၊ ၂-၂၊ ဘယ်လောက် အင်အားရှိတဲ့ အစိုးရ ဖြစ်လာမလဲ၊ ၃-၃၊ ဘယ် လောက် အထိ ပြည်သူကို ကိုယ်စားပြုနိုင်တဲ့ အစိုးရ ဖြစ်လာမလဲ။ ဆိုတာ တွေကို အဆုံးအဖြတ် ပေးတဲ့ ကိစ္စ ဖြစ်လာ နိုင် ပါတယ်။
  ၁-၁၊ အစိုးရ တာဝန် ဝတ္တရား များ ထမ်းဆောင် နိုင်စွမ်း ၊ အစိုးရ ဟု အသိမှတ်ပြု ဆက်ဆံ ခံရမှု၊ တုံ့ ပြန် အရေးယူ နိုင် သည့် အတိုင်းအတာ၊- -စသည် များ ကို ဆိုလို ပါသည်။
  ၂-၂၊ ပြည်သူ ထောက်ခံမှု အတိုင်းအတာ၊ ငွေကြေးအင်အား၊ လူအင်အား၊ အဆက်အသွယ် များ၏ အမျိုးအစားနဲ့  အတိုင်းအတာ၊ စစ်အင်အား၊ - -စသည်များကို ဆိုလိုပါသည်။
  ၃-၃၊ ပြည်တွင်း၊ ပြည်ပ ဗမာများ ကို ဘယ်လောက် သြဇာ လွှမ်းမိုးသလဲ၊ ပြည်သူ အစိတ်အပိုင်း ဘယ်လောက်များ များနဲ့  နယ်မြေဧရိယာ ဘယ်လောက်အထိမှာ ဆန္ဒမဲ ကောက်ယူ နိုင်စွမ်း ရှိသလဲ၊- - စသည်များကို ဆိုလိုပါသည်။ ဒါတွေအတွက်လဲဘဲ ပြည်ထောင်စုတပ်က အဓိက မောင်းနှင်အား ဖြစ်လာ ပါလိမ္မယ်။
  အခုအချိန်မှာတော့ စစ်အုပ်စုက အမျိုးသားရင်ကြားစေ့ရေးကို မျက်ကွယ်ပြုပြီး စစ်အာဏာ ခိုင်မာရေးကို အတည့် အလင်း လုပ်လိုက်ပြီဆိုတော့ တိုင်းရင်းသားလက်နက်ကိုင်အဖွဲ့ များ (အပစ်ခတ်ရပ်စဲ၊ မရပ်စဲ) အားလုံးကို နအဖက ဖျက်သိမ်းရေး လုပ်ပါလိမ့်မည်။ ဒီမိုကရေစီ နည်းကြ လူမျိုးစု အခွင့်အရေးများ မျှော်လင့်စရာ မရှိပါဘူး။ အဖျက်သိမ်းမခံချင်လျှင် ခုခံကာကွယ်ရေးလုပ်ကြရပါမည်။ တစ်ဦးချင်း တစ်ဖွဲ့ ချင်း ခုခံကာကွယ်ရေးလုပ်ရန် အခက်ခဲအများကြီး ရှိပါသည်။ စုပေါင်း၍ လုပ်လျှင် ဖြစ်နိုင်ချေပိုရှိပါသည်။ စုပေါင်း အစီအစဉ် အနေအဖြင့် ပြည်ထောင်စုတပ်သည် နည်းလမ်း တစ်ရပ် ဖြစ်ပါ သည်။ ကျနော်တို့ အနေဖြင့် ဖက်ဒရယ် ပြည်ထောင်စုကို လက်တွေ့ကြကြ လက်ခံကျင့်သုံးကြဖို့ဘဲ လိုပါသည်။
  ကျနော်တို့က ပြည်ထောင်စုတပ် ဖေါ်သည့် လုပ်ငန်းဖြင့် ဦးဆောင်၍ ဖြစ်စေ၊ န အ ဖ က စစ်ရေး နိုင်ငံရေးအရ ချေမှုန်း၍ ဖြစ်စေ၊ ကမ္ဘာ့အင်အားကြီးများ၏ ကမ္ဘာ့စံစနစ်သစ် New world order ) တွက်လွန်ဆွဲပွဲ ကြောင့် ဖြစ်စေ၊ အခြေအနေများပြောင်းတော့မည်။ ပြောင်းနေပါသည်။ ဒါကိုကျနော်တို့ ဒီမိုက ရေစီ အင်အား စုများလဲ ရှောင်လွှဲ၍ ရမည် မဟုတ်ပါ။ ယခု ၂ဝဝ၉ ခုနှစ် ထဲမှာတော့ အခြေအနေတွေကို အား လုံးဘဲ တွေ့မြင် ထိသိ ခံစား နေကြရပြီး ဖြစ်ပါသည်။ အပြောင်းအလွဲတွေက မြန်ပါသည်၊ ကျနော်တို့ အမှီလုပ် ကြရ ပါမည်။ ကိုယ်ကိုတိုင်က ကိုယ်ရောက်နေတဲ့ နေရာက စလုပ်ကြဖို့ ဖြစ်ပါသည်။ ကျနော်တို့ရဲ့ အနာဂါတ် ကို ကျနော်တို့ ကိုယ်တိုင် တည်ဆောက်ယူကြပါစို့။

ကောင်းမွန်သောအနာဂါတ်ကို မျှော်မှန်းလျှက်
ဗလ

ပြည်ထောင်စုတပ် ရှိမှ ဖြစ်မယ် (စာခေါင်းစဉ်)

ပေါ့ပေါ့ပါးပါးလေးတလှည့်ပေါ့

Michael Jack Singh ,,,,,,,,,..............

တရုတ်ကွန်မြူနစ်ပါတီ နှစ် ၆၀ ပြည့်အခန်းအနား ၂၀၀၉ခု အောက်တိုဘာလ ၁ရက်

အောက်တိုဘာလ(၁)ရက်နေ.ဟာ တရုပ်နိုင်ငံရဲ. တရုတ် ကွန်မြူနစ်နိုင်ငံတော် တည်ထောင်ခဲ့တာ နှစ်(၆၀) ကိုရောက်ရှိခဲ့ပါပြီ။ အဲဒီ နှစ်(၆၀)ကို အကြမ်းအား ဖြင့် မော်စီတုန်းလမ်းစဉ် (၁၈၉၃-၁၉၇၆) “ပထမပိုင်းနှစ်(၃၀) ” နဲ. တိန်.ရှောင်ဖိန် (၁၉၀၄-၁၉၉၇)ရဲ. ပြန်လည်တည်ဆောက်ရေးနဲ. တံခါးဖွင့်ဝါဒ Policy of reform and of opening doors ရဲ.“နောက်ပိုင်းကာလ အနှစ်(၃၀)” ဆိုပြီး ခွဲကြည့် နိုင်ပါတယ်။

၁၉၇၈ခုနှစ် တိန်.ရှောင်ဖိန်ရဲ. ပြန်လည်တည်ဆောက်ရေးနဲ. တံခါးဖွင့်ဝါဒ ကနေ တရုတ်နိုင်ငံဟာ ဈေးကွက်စီးပွါးရေးနဲ. ပုဂ္ဂလိကပိုင်ကုန်ထုတ်လုပ်မှု နဲ. ကမ္ဘာ့စီးပွါးကွက်ထဲကို ခြေလှမ်းကြဲကြဲနဲ့ တွန်းတွန်းတိုက်တိုက် တိုးဝင်လာခဲ့ရာမှာ စက်မှုကဏ္ဍ၊ လယ်ယာကဏ္ဍတွေမှာ လွတ်လပ်စွာပိုင်ဆိုင်ထုတ်လုပ်ခွင့် ကြောင့်အမြတ်ပေါ်အောင်စီမံခန့်ခွဲနိုင်လာကြပါတယ်။

စီးပွါးရေးကဏ္ဍအသီးသီးရဲ. အဓိကမဏ္ဍိုင်အားလုံးဟာ အမြတ်အစွန်းကို ရည်ရွယ်ထုတ်လုပ်လာကြတဲ. အတွက် တရုတ်နိုင်ငံစီးပွါးတက်မှု အရှိန်အဟုန်ကတော့ သိသိသာသာပြောင်းလဲလာပါတယ်။

နှစ်၆၀ခရီးရဲ့ ဒီမှာဖက်အခန်းအနားလေးတင်ပေးလိုက်ပါတယ်။

နှစ်၆၀ခရီးရဲ့အစပိုင်းကာလလေးလဲကြည့်နိုင်အောင်

“ကြယ်ခြွေတဲ့လက်”

တပိုင်းတစ မျှဝေပါရစေ (ကြယ်တွေကြွေနေတဲ့ တိုင်းပြည် )

ကြယ်ဆိုတာ ကိုယ်ပိုင် အလင်းရောင်ရှိတယ်။ သူတို့ရဲ့ နေရာဟာ မြင့်မားတဲ့ကောင်းကင်ကြီးပဲ။ ရာသီဥတု ကြည်လင်တဲ့ ညတွေဆိုရင် အရောင်လက်နေတဲ့ ကြယ်တွေဟာစိန်တွေလိုပဲ တဖျပ်ဖျပ် လက်နေတယ် ဆိုတာ လူတိုင်း သိကြသလို၊ မြင်လည်း မြင်ဖူးကြပါတယ်။
စစ်အာဏာသိမ်းခဲ့သည့် ၁၉၈၈ ခုနှစ် စက်တင်ဘာလ ၁၈ ရက်နေ့က သေနတ်မှန်ထားသောကျောင်းသူလေးကို သယ်ယူပြေးလွှားနေသည့် ဒေါက်တာ စောလွင်နှင့် ဒေါက်တာ မင်းသိန်းကျမတို့တိုင်းပြည်မှာ ရှိတဲ့လူငယ်များစွာဟာလည်း ကြယ်တွေလို ပါပဲ။ ကိုယ်ပိုင်အရည်အချင်း အထင်အရှားရှိကြတယ်။

ဉာဏ်ပညာ ထက်မြက်တယ်။စိတ်ဓာတ်မြင့်မားကြတယ်။ ဒါပေမယ့် ၀မ်းနည်းဖို့ ကောင်းတာက အဲ့ဒီကြယ် တွေဟာ တဖြုတ်ဖြုတ်နဲ့ ကြွေနေတယ်။ ဒါကြောင့် ကျမက ကြယ်တွေ ကြွေနေတဲ့ တိုင်းပြည်လို့နာမည်ပေးထားတယ်။
၁၉၈၈ ခု စက်တင်ဘာ ၁၈ ရက် နေ့က အဖြစ်အပျက်တွေကို ပြောလိုက်တာနဲ့လူတိုင်းမြင်ဖူးပြီးသား ဖြစ်တဲ့ ဓာတ်ပုံ တပုံ အကြောင်း ပြောပြချင်ပါတယ်။
အဲဒီ ဓာတ်ပုံက သေနတ်မှန်ပြီး ဒဏ်ရာရနေတဲ့ အင်္ကျီအဖြူ လုံချည်အစိမ်းနဲ့ကျောင်းသူလေးကို ဂျူတီကုတ်အဖြူဝတ် ထားတဲ့ ဆရာဝန်နှစ်ဦးက ဆွဲပြေးနေတဲ့ပုံပါ။ဒီဓာတ်ပုံကိုမမြင်ဘူးတဲ့လူမရှိပါဘူး။ မြင်တဲ့လူတိုင်း ခံပြင်းဒေါသ ဖြစ်ကြပါတယ်။ အဲဒီဓာတ်ပုံထဲက ဆရာဝန်နှစ်ဦး ဘယ်ကိုရောက်သွားတယ် ဆိုတာ သိတဲ့လူနည်းမယ်လို့လည်း ကျမထင်ပါ တယ်။
ရှေ့ကနေကျောင်းသူလေးရဲ့ ခြေထောက်ကို ဆွဲမထားတဲ့ဆရာဝန်ရဲ့ နာမည်ကဒေါက်တာစောလွင်၊ ခေါင်းကိုမထား တဲ့ ဆရာဝန်က ဒေါက်တာမင်းသိန်းဖြစ်ပါတယ်။သူတို့နှစ်ဦးစလုံးဟာ ပညာချွန်သူတွေဖြစ်ကြပါတယ်။
ဒေါက်တာစောလွင်ဟာ ဆယ်တန်းစာမေးပွဲအောင်တုန်းက သင်္ဃန်ကျွန်းတမြို့နယ်လုံးမှာ ပထမရခဲ့ပါတယ်။ သူ့အစ်မ ကလည်း ဆရာဝန်ပါပဲ။
ဒေါက်တာမင်းသိန်းကလည်း ဆေးကျောင်းမှာ ထိပ်တန်းကကျောင်းသားပါ၊ သူ့ညီကိုဝင်းသိန်းလည်း ဆရာဝန် တယောက် ပါပဲ၊ သူတို့ရဲ့ဖခင်ကလည်းဌာနတခုကညွှန်ကြားရေးမှူး အဆင့်ရှိတဲ့သူပါ။
ဒေါက်တာမင်းသိန်းဟာ စစ်အာဏာသိမ်းပြီးတဲ့နောက်မှာ တောခိုသွားခဲ့ပါတယ်။မြန်မာနိုင်ငံလုံးဆိုင်ရာ ကျောင်းသား များ ဒီမိုကရက်တစ် တပ်ဦး(ABSDF)မှာဆေးမှူးတာဝန် ထမ်းဆောင်ခဲ့ပြီး တာဝန်နဲ့ ပြည်တွင်းကို ပြန်ရောက်ခဲ့ပါ တယ်။
အဲဒီ အချိန်အတွင်းမှာပဲ ဗိုလ်ချူပ်ခင်ညွန့်က တောတွင်းက ပြန်ရောက်လာသူတွေအနေနဲ့န၀တ ကို သတင်းပို့ဖို့ လိုကြောင်း၊ သတင်းပို့လာခဲ့လျှင် အရေးမယူပါကြောင်းသတင်းစာ ရှင်းလင်းပွဲကနေ ပြောတာကြောင့်စိုးရိမ်တတ်တဲ့ ဒေါက်တာမင်းသိန်းရဲ့ အဖေကသူကိုယ်တိုင်စစ်ဒေသကို အကြောင်းကြားခဲ့ပါတယ်။ စစ်ဆေးဖို့ မခေါ်ခင်မှာ ဒေါက်တာမင်းသိန်း က ဒေါက်တာ စောလွင်ကို သူတာဝန်နဲ့ ပြန်လာကြောင်းကို ပြောပြခဲ့ပါတယ်။နောက်တနေ့မှာ ဒေါက်တာမင်းသိန်းကိုမေးမြန်း စရာရှိတယ်ဆိုပြီး ခေါ်သွားပါတော့တယ်။
တပတ်လောက်ကြာတော့ ဒေါက်တာမင်းသိန်းကို ထောက်လှမ်းရေးစခန်းကနေပြန်လာပို့ပေးပါတယ်၊ မိဘတွေဆီ သေချာအပ်နှံသွားခဲ့ပါတယ်၊ သို့သော်လည်း ဒေါက်တာမင်းသိန်းတယောက် ခြေလက်တွေဖောယောင်ပြီး ဆီးမသွား နိုင်တော့ပါ၊ ဒါကြောင့်ကိုဝင်းသိန်း (ဒေါက်တာ မင်းသိန်းရဲ့ညီ)က ဒေါက်တာ စောလွင်တို့ မောင်နှမကိုအကြောင်း ကြားခဲ့ပါတယ်၊ ဒေါက်တာ စောလွင်ရောက်လာတော့ ဒေါက်တာ မင်းသိန်းကပြောပြပါတယ်။ သူ့ကို ထောက်လှမ်းရေး က ဆေးတလုံး ထိုးပေးလိုက်တယ်တဲ့၊ဘာဆေးလဲဆိုတာတော့ မပြောဘူးတဲ့၊ သူအခုဖြစ်နေတာတွေက အဲဒီ ဆေးကြောင့်ဖြစ်မယ်လို့ဆိုပါတယ်။ အခုသူ ဗိုက်ကြီးတင်းနေပြီး အသက်ရှုရတာ ကြပ်နေတယ်လို့ ပြောပြခဲ့ပါတယ်။
ဒေါက်တာစောလွင်နဲ့ ကိုဝင်းသိန်းကဆေးရုံတင်ဖို့ စီစဉ်နေစဉ်မှာပဲ ထောက်လှမ်းရေးကဆေရုံတင်မယ်ဆိုရင် စစ်ဆေးရုံကိုပဲ တင်ခွင့်ရှိကြောင်း၊ စစ်ဆေးရုံမှာကုသဖို့စီစဉ်ထားကြောင်း အကြောင်းကြားလာပါတယ်။ ဒေါက်တာ မင်းသိန်းက စစ်ဆေးရုံမှာဆိုရင်ဆေးကုမခံနိုင်ဘူးလို့ဆိုပြီး အိမ်မှာပဲနေမယ်လို့ ပြောပါတယ်၊ အဲဒါနဲ့ ဒေါက်တာစောလွင်နဲ့ ကိုဝင်းသိန်းတို့ကပဲ ကုသပေးခဲ့ပါတယ်။ ဒေါက်တာ မင်းသိန်းဟာဘယ်ဆေးရုံကိုမှ တက်ရောက်ကုသခြင်း မရှိခဲ့ဘဲနောက်တနေ့မှာ ကွယ်လွန်ခဲ့ပါတယ်။
ဒေါက်တာ မင်းသိန်းဆုံးလျှင်ဆုံးခြင်း ဒေါက်တာ စောလွင်နဲ့ ကိုဝင်းသိန်းတို့ကသူတို့ရဲ့ ဆရာ ဆရာဝန်ကြီး တဦးကို အကြောင်းကြားပြီး အဲဒီ ဆရာကြီးနဲ့အတူရင်ခွဲစစ်ဆေးခဲ့ကြပါတယ်၊ အဖြေကတော့ ကျောက်ကပ် အရမ်းကြုံ့သွား တာတဲ့။ ဒေါက်တာစောလွင်တို့က မျက်မြင်သက်သေ ဖြစ်ခဲ့ကြပါတယ်။ ဒါကို သိသွားတဲ့ ထောက်လှမ်းရေးကရင်ခွဲ စစ်ဆေးတဲ့ ဆရာဝန်ကြီးကိုမပေါက် ကြားစေရပါဘူးဆိုပြီးလက်မှတ်ထိုးခိုင်းခဲ့လို့ ထိုးခဲ့ရပြီး ဒေါက်တာ စောလွင်က တော့ထွက်ပြေးခဲ့ရပါတယ်။
ဒေါက်တာ စောလွင်ထွက်ပြေးရတဲ့အတွက် သူ့ကို အားထားနေရတဲ့ ဆင်းရဲသားလူနာတွေဒုက္ခရောက်ခဲ့ကြရတာ ကျမမျက်မြင်ပါ၊ အဲဒီအချိန်က ဒေါက်တာစောလွင်ဆေးခန်းမှာကျမကူလုပ်ပေးခဲ့ပါတယ်၊ ဆင်းရဲတဲ့လူနာတွေကို ပိုက်ဆံမယူတဲ့အပြင်သူ့ရဲ့ဆေးဝါးတွေကိုပါ ပေးလိုက်ပါသေးတယ်။ ကင်ဆာ ဝေဒနာရှင် တဦးကိုလည်းဆေးဖိုးဝါးခ အကုန်ခံပြီး ဆေးကုသ ပေးခဲ့တာကျမရှေ့တင်ပါ။
၁၉၉၄ ခုနှစ်ထဲမှာ ဒေါက်တာ စောလွင်ကြောင့် ပင်စင်ပေးခံခဲ့ရတဲ့သူ့ရဲ့အဖေနှလုံးရောဂါနဲ့ ကွယ်လွန်ခဲ့ပါတယ်။ တိမ်းရှောင်နေတဲ့ဒေါက်တာစောလွင်ပြန်ရောက်လာခဲ့ပါတယ်၊ ဘာမှထူးခြားမှုမရှိတဲ့အတွက် ထောက်လှမ်းရေးမေ့နေလောက်ပြီဆိုပြီး အစိုးရဆေးရုံမှာ အလုပ်လျှောက်ခဲ့ပါတယ်။ ဧရာဝတီတိုင်းဘိုကလေးမြို့နယ် အတွင်းက တိုက်နယ်ဆေးရုံတရုံမှာ တာဝန်ကျခဲ့ပါတယ်၊ အစပိုင်းမှာဘာမှမဖြစ်ခဲ့ပေမယ့် နောက်ပိုင်းမှာတော့ ထောက်လှမ်းရေး က မကြာခဏ စစ်ဆေး မေးမြန်းခဲ့ပါတယ်။
၁၉၉၅ ခုနှစ်ထဲမှာ စစ်မေးတာ ပိုစိပ်လာပြီး စိတ်အနှောင့်အယှက်လည်းပိုဖြစ်လာပါတယ်၊ မခံနိုင်တဲ့အဆုံးမှာ ဒေါ်အောင်ဆန်းစုကြည် ခေတ္တ လွတ်မြောက်စဉ်မှာတွေ့ရအောင် ခွင့်ယူပြီးရန်ကုန်တက်လာခဲ့ပါတယ်။ သို့သော် အန်တီနဲ့မတွေ့ဖြစ်ခဲ့ပါ။ ဒါကြောင့် ဘိုကလေးကို ပြန်လာခဲ့ပါတယ်။ ဘိုကလေးကိုရောက်ရောက်ချင်း မ၀တ အတွင်း ရေးမှူးက ခေါ်လို့သွားတဲ့အခါမှာ မ၀တ ရုံးခန်းတွင်းစစ်ထောက်လှမ်းရေး ၃ ယောက်နဲ့ အချိန်အတော်ကြာ တွေ့ဆုံခဲ့ ရပါတယ်။ အဲဒီနောက်ဒေါက်တာ စောလွင်တယောက် ညှိုးညှိုး ငယ်ငယ်နဲ့အိမ်ပြန်လာခဲ့ပါတယ်။
အတူနေသူတွေရဲ့ ပြောပြချက်အရ ဒေါက်တာ စောလွင်ဟာ စိတ်ဒုက္ခရောက်စရာရှိနေပုံရပါတယ်၊ သိသိသာသာ စကားနည်းသွားတယ်လို့လည်း ဆိုပါတယ်။ မေးရင်လည်းစကားလွှဲသွားပြီး ဘာမှသေချာမပြောခဲ့ပါဘူး။ အဲဒီလို မပြောတာကလဲဘယ်သူ့ကိုမှသူလိုမဖြစ်စေချင်လို့ မပြောတာလို့ ယူဆရပါတယ်။
အဲဒီနောက် ခွင့်ဆက်ယူပြီး ပစ္စည်းတွေသိမ်းဆည်းနေပါတယ်၊ ဒါပေမယ့် နောက်၂ရက်အကြာမှာ ဆရာ ဒေါက်တာ စောလွင် အခန်းက တိတ်ဆိတ်နေပြီး လှုပ်ရှားသံမကြားရလို့အတူနေသူတွေက စိုးရိမ်ပြီး တခါးဖျက်ဝင်ခဲ့ရာ သူ့ကိုယ်သူ (ကြိုးဆွဲချ)သတ်သေနေခဲ့ပါတယ်။ ဆရာ သေဆုံးရခြင်း အတွက် ကျမတကယ် နှမြောဝမ်းနည်းမိပါတယ်။ ဆရာဟာလူတော်လူကောင်းတဦးပါ။
ကျမတို့ (မြန်မာ)ပြည်မှာကြယ်တွေကြွေနေပါတယ်၊ ဘယ်သူ့မှာတာဝန်ရှိပါသလဲ၊ အဖိုးတန်သားတွေဆုံးရှုံးရတဲ့ မိဘ တွေရဲ့ခံစားချက်က ဘယ်လောက်များနာကျင်နေမလဲ၊ကျမတို့ရဲ့အဖိုးတန် လူငယ်တွေ ဘယ်လောက်အထိများ ဆုံးရှုံးနေရဦးမှာလဲ……။
ဒီဆောင်းပါးနဲ့ အညတြ သူရဲကောင်းများကို ဂုဏ်ပြုအပ်ပါတယ်။

ခင်ငြိမ်းသစ်
*ခင်ငြိမ်းသစ်သည် မကြာသေးခင်က ထိုင်း -မြန်မာနယ်စပ်သို့ ရောက်ရှိလာသောနိုင်ငံရေးအကျဉ်းသားဟောင်း တဦးဖြစ်သည်။*

ဘိုးဘွားအမွေ ကျနော်တို့ နှင့် အနာဂါတ် ဗမာပြည်

တို့ပြည်အရေးမို့

Environment Change

(၁) ဘာလုပ်ကြမလဲ
ဆန္ဒ ခံ ယူပွဲ ကျင်းပ ပြီးနောက် ဖွဲ့စည်းပုံ အသစ်ကြီးနဲ့ ရွှေးကောက်ပွဲကျင်းပမယ် လို့ကြေငြာထားတဲ့ ဒီအချိန်မှာ ကျနော်တို့ရဲ့ တိုင်းပြည် အခြေအနေဟာ အလွန်ဆိုးဝါး နေတယ်ဆိုတာတော့ တိုင်းပြည်ချစ်တဲ့သူအားလုံး သဘောတူကြမယ် ထင်ပါတယ်။ ဒီတော့ကျနော်တို့ ဘာလုပ်ကြမလဲ ။
-သဘာဝ ဝန်းကျင် နဲ့ ပါတ်သက်လို့  ဆွေးနွေးပြောဆို ကြတဲ့ အခါ –တကမ္ဘာလုံး အတိုင်း အတာနဲ့  စဉ်းစားဆင်ခြင် ပြီး ဒေသအလိုက် အရေးယူဆောင်ရွက် ကြဖို့  လိုတယ်---ဆိုတာကို ပြောဆို ကြလေ့ ရှိ ပါတယ်၊၊ ခုကျနော် တို့  ဗမာပြည် ဒီမိုက ရေစီ ရေးလှုပ်ရှားသူတွေအနေနဲ့ လည်း ဒီသဘောမျိုးစဉ်းစား ကြံဆ လုပ်ကိုင်ကြဖို့  လို မယ်လို့ ယူဆမိပါတယ်၊၊

-ဗမာပြည် ဒီမိုကရေစီ ရေးလှုပ်ရှားမှုဟာ အနှစ် ၂ဝ၊ နီးလာခဲ့ပါပြီ၊ အမျိုးသား တိုင်း ပြည် ပြန်လည်ပြုပြင် တည်ဆောက်ရေး ကိုလည်း စစ်အစိုးရနဲ့  အတိုက်အခံတို့  နှစ် ဘက်စလုံး ဘယ်ဘက်ကမှ သိသိသာသာ ထိုးထွက်ဦးဆောင်ပြီး လုပ်ဆောင်နိုင်တာ မတွေ့ ရသေးပါဘူး၊၊ အမျိုးသားတိုင်းပြည် နဲ့  ပြည်သူလူထုကတော့ အချိန်နဲ့  အမျှ ဒုက္ခ ဆင်းရဲ တွေနဲ့  ပြဿနာ ပေါင်းစုံကြားမှာ နစ်မွှန်း မြုပ်ဆင်း သွားနေပါတယ်၊၊ ဒီအမျိုးသားရေး အကြပ်တည်းကို ကျနော်တို့  အချိန်မှီ အခါမှီ မဖြေရှင်း နိုင်ကြဘူး ဆိုရင် ကမ္ဘာကြီးရဲ့  ဒီတချီ အလှည့် အပြောင်းမှာလည်း ကျနော်တို့ ရဲ့  ဗမာပြည်ဟာ ကျဆုံး အမျိုးသားစာရင်း ဝင်သွားတော့ မှာပါ၊၊ ဒီတော့ ကျနော်တို့  ဘာလုပ်ကြမလဲ၊၊

ဘာလုပ်ကြမလဲ ဆိုတဲ့မေးခွန်းကိုရောက်လာတဲ့ အခါတိုင်း ကျနော်တို့တွေဟာ အဖြေ ပျောက် သွားတတ်သလို မရေမရာလဲဖြစ် သွားတတ်ပါတယ်။

-အောင်မြင်သွားခဲ့ကြတဲ့ အမျိုးသားနိုင်ငံ များ၊ တိုင်းပြည်များရဲ့ သမိုင်းနဲ့  အောင်မြင် နေကြတဲ့ အမျိုးသားတိုင်းပြည် တွေကို လေ့လာပြီး၊ သင်ခန်းစာ ယူကြဖို့  ဆွေးနွေးတဲ့ အခါမှာ ကျနော်တို့ တွေဟာ၊----အဲဒီတိုင်းပြည်၊အဲဒီလူမျိူးတွေမှာတော့၊ ကောင်းမွန် တဲ့ အချက်အလက်တွေ၊ အရည်အချင်းတွေ နဲ့  ပြည့်စုံတယ် အခွင့်အခါကောင်း တွေနဲ့  ကြုံရတယ်၊၊ ဒို့ မှာတော့ အဲဒါမျိုးတွေ မရှိဘူး၊ အခွင့်ကောင်း အခါကောင်းတွေ မကြုံရဘူး အဲဒါကြောင့် ငါတို့ ကတော့ မအောင်မြင် နိုင်ဘူး-လို့ ၊အဆိုးမြင်စိတ် အရှုံးပေးစိတ် နဲ့  ဘဲစဉ်းစားကြပါတယ်။ အောင်မြင်ဘို့ အတွက် လိုအပ်နေသေးတယ် ဆိုတဲ့ အချက် အလက် တွေအရည်အချင်းတွေ ပြည့်စုံလာအောင် ဘာလုပ်ကြမလဲ ဘယ်လိုလုပ်ကြ မလဲ လို့  ကြံဆတဲ့ ဆီကို မရောက်လာပါဘူး၊ အခြားသူတွေနဲ့  တခြားနေရာမှာ ရှိတဲ့ ချို့ ယွင်းအားနဲချက်တွေ ကိုဘဲလက်ညိုးထိုး အပြစ်တင်စကား ပြောတာကလွဲ လို့ ၊ ဘယ်လိုပြုပြင် ကြမလဲ ဆိုတဲ့ဆီရောက်မလာ ကြပါလာကြပါဘူး၊၊
-တော်လှန်ရေး ဆိုတာ၊ အမျိုးသားနိုင်ငံ တခုပြုပြင်တည်ဆောက်ရေး ဆိုတာ၊ အမျိုးသားအကြပ်အတည်းကြီး တခုကို ဖြေရှင်းဖို့ ဆိုတာ၊ တဦးကောင်း တယောက် ကောင်း၊ တဖွဲ့ ကောင်းတစုကောင်း လောက်နဲ့  မရနိုင်ပါဘူး၊ လူအများကြီးနဲ့  သက်ဆိုင် တဲ့ ကိစ္စပါ၊၊ ဒီနေရာမှာ စဉ်းစားဆင်ကြဉ်ရမှာက အဲဒီလူအများကြီး ဆိုတဲ့ အထဲမှာ ကိုယ်လဲ တယောက်အပါအဝင် ဖြစ်ပြီး၊ ကိုယ့်ရဲ့ အဖွဲ့ ၊ ကိုယ့်ရဲ့  အစုအစည်း၊ ဟာလဲ အစိတ်အပိုင်း တခုဖြစ်တယ်၊ ဆိုတာပါဘဲ၊၊
ဒီတော့ ပြုပြင် ပြောင်းလဲ ဖို့ ကိစ္စ၊ စွန့် လွှတ်စွန့် စား ဖို့ ကိစ္စ၊ အနစ်နာခံဖို့ ကိစ္စ၊ တွေကို တခြားလူတွေကို ဘဲ တောင်းဆိုနေလို့ ၊ မဖြစ်နိုင် ပါဘူး၊၊ ကိုယ့်ကိုကိုယ်လဲ စစ်ဆေးမေးမြန်းပြီး၊ တောင်းဆိုရပါလိမ္မယ်၊၊ ဒီနေရာမှာ ကျနော် စပြီးပြောချင်တာက သဘာဝဝန်းကျင် သမားတွေပြောတဲ့ (think gobally act locally) ဆိုတာလိုဘဲ၊ ကျနော်တို့ အနေနဲ့  တစုံလုံး အတိုင်းတာအထိ စဉ်းစား ကြံ ဆ၊ပြောဆို ဆွေးနွေးကြပြီး၊ ကိုယ်တိုင်ကစလုပ်ဖို့ ၊ လက်လှမ်းမှီတဲ့ နေရာကစလုပ်ဖို့ ၊ ဆို တာပါဘဲ၊၊ တစုံလုံးအတွက်စဉ်းစား ကိုယ်တိုင်ကစလုပ် လို့ ဆိုရမယ်ထင်ပါတယ်၊၊

-နောက်တခု ကျနော်ဆွေးနွေးချင်တာက စဉ်းစားကြံဆချက် နဲ့ ပါတ်သက်လို့ ပါ၊ ကျနော်တို့ တွေ အားလုံးဘဲ၊ အနည်းနဲ့ အများတော့ စဉ်းစားကြံဆ ကြပါတယ်၊ ဒါပေမဲ့ အကြံဥာဏ် တွေ၊ ကြံဆချက် တွေရဲ့ အများစုက –ကြောင်ကိုချူဆွဲဖို့  ကြံဆချက် -တွေ ဖြစ်နေတတ်ပါတယ်၊၊

ဒီနေရာမှာ ဇါတ်လမ်းအကျဉ်းလေး ပြန်ရေးပြရပါလိမ္မယ်၊၊ ဟိုးတခါ တုံးက ပေါ့လေ၊ ကြွက်ဖမ်းတာ အလွန်တော်တဲ့ ၊ ကြွက်လဲ အလွန်ကြိုက်တဲ့ ကြောင်ကြီး တကောင် ရှိသတဲ့၊၊ ဒီတော့ အဲဒီနေရာမှာရှိတဲ့ ကြွက်တွေခမျာ အလွန်ဒုက္ခရောက် နေ ကြတာပေါ့ ၊ကြောက်လဲ ကြောက်နေကြရ တာပေါ့ ၊ ဒါနဲ့ တနေ့ မှာတော့ ၊ကြွက်တွေ ကြားထဲ အတော်တွင်ကျယ်တဲ့NGO ကြွက်တကောင်က အစည်းဝေးခေါ်ပြီး၊ ဒီ ပြဿနာကို ဘယ်လိုဖြေရှင်း ကြ မလဲ ဆိုတဲ့ အဖြေရဖို့ ၊ workshop meeting ၊ တခု လုပ်တာပေါ့၊ အဲဒီ အချိန်မှာ ကြွက်တွေထဲက ခပ်ထောင်ထောင် တကောင်က ဒီလို ဆွေးနွေးတယ်တဲ့၊ - ဒီကြောင်ကြီးဟာ ခြေသံအလွန် လုံပြီး၊ ပိရိ သပ်ရပ်လွန်းလို့ ၊ ကြောင်ကြီး လာနေတာကို မသိလိုက်ရလို့ ၊ ဖမ်းစားတာခံကြရတာဖြစ်တယ်၊ တကယ်လို့ ကြောင်ကြီးလာနေတာ ကိုသာသိကြရရင် လွတ်အောင်ပြေးနိုင် ကြမှာဘဲ၊ ဒီတော့ ကြောင်ကြီးလာနေတာကို သိရအောင် ဒီကြောင်ကြီးရဲ့  လည်ပင်းမှာ ချူတလုံး ဆွဲပေးထားလိုက် ရင်ကောင်းမယ်- ဆိုတာဘဲ၊၊ ကျန်တဲ့ ကြွက်တွေကလဲ –ဟာ သိပ် ကောင်း တဲ့ အကြံ ဘဲ ဆိုပြီး၊ အားလုံး ဝိုင်းသဘောတူ ကြတာပေါ့ ဒီတော့ ကြောင်ကြီး ရဲ့ လည်မှာ ချူတလုံး ဆွဲထားပေးဖို့  ၊ ဆုံးဖြတ်လိုက် ကြပါလေရော၊၊ ဒီတော့ ကြောင် ကြီး ရဲ့ လည်မှာ ချူသွားဆွဲ မယ့် ကြွက်တကောင် ကို ရွှေးဖို့ လိုအပ်လာတာပေါ့၊ ဒီမှာတင် ကြွက်တွေလဲ တကောင်ပြီးတကောင် အလျှိုလျှို ထွက်သွားလိုက် တာ အစည်းဝေးခန်း ထဲမှာ တကောင် တမြီးမှ မကျန်တာနဲ့  အစည်းဝေးလဲ ပြီးပြီးပျက်ပျက်၊ ဖြစ်သွားတာပေါ့လေ၊၊

- ဒီလိုပါဘဲ စိတ်ကူးကြံဆချက် အတော်များများ ဟာ လက်တွေ့ ဖြစ်မလာ နိုင်တာတွေ ရယ်၊ ကိုယ်တိုင်တာဝန်ယူမှု မရှိတာတွေရယ် ဖြစ်နေတတ်ပါတယ်၊၊ တစုံလုံးအတွက် စိတ်ကူးချက်တွေဟာ ကိုယ်တိုင်လုပ်ဖို့  ဘာတခုမှ မပါဘဲ သူများကိုတိုက်တွန်းဖို့  တွေ ဖြစ် နေ ပြီး၊ ကိုယ်တိုင်လုပ်ဖို့ စိတ်ကူးတွေကြတော့ တစုံလုံးအကျိုးရှိရေးမပါဘဲ တဦး ကောင်း တဖွဲ့ ကောင်း၊ အကျိုးရှိရေး ဖြစ်နေတတ်တာအပြင် တခါတလေ တစုံလုံးအကျိုး ကိုထိခိုက်စေနိုင်တာ မျိုးတောင် ပါနေတတ်ပါသေးတယ်၊၊ ကျနော်တို့လိုနေတဲ့ ကြံဆ ချက် မျိုးက တစုံလုံးအတွက်ဖြစ်ရမယ်၊ ကိုယ်တိုင် အပါအဝင် နေရာတိုင်းက လူတိုင်းက ပါဝင် ပါတ်သက် တာဝန်ယူနိုင်၊ အကောင်အထည်ဖေါ် နိုင်တာမျိုး ဖြစ်ရပါလိမ္မယ်၊၊
ပထမဆုံးအနေနဲ့ ကျနော်တို့ တွေ ကိုယ့်ကိုကိုယ် မေးမြန်းတောင်းဆိုကြည့် ကြရင် ကောင်းမယ် ထင်ပါတယ်။ ဒီနေ့ မြန်မာပြည် ဒီမိုကရေစီရေး အတွက် ကိုယ်ဘာ လုပ်နိုင်မလဲ ။
(တခြားလူတွေကိုတော့ နောက်မှ မေးကြတာပေါ့။)

(၂)ဘယ်လောက်လုပ်ကြမလဲ။
လူတွေကို သူတို့မတတ်နိုင်တာမျိုး အတွက် တောင်းဆိုတာ မျိုး၊ သူတို့မတတ်နိုင် လောက်အောင် အလွန်အကျွံ တောင်းဆိုတာမျိုး၊ မ ဖြစ်သင့်ပါ ဘူး၊၊ ဘယ်သူကဖြစ်စေ၊ တိုင်းပြည်နဲ့ လူမျိုးအတွက်၊ ဒီမိုကရေစီရေးအတွက် သူတို့တတ်နိုင်သမျှနဲ့ တတ်နိုင်တဲ့ နည်းလမ်းနဲ့ ပါဝင်တာ၊ ကူညီတာ၊ ပေးအပ်တာ၊ ပေးဆပ်တာ၊ မှန်သမျှကို အသိအမှတ် ပြု လက်ခံကြိုဆို ရပါလိမ္မယ်၊၊ ဒီလိုနဲ့ လူတိုင်းပါဝင်လာအောင်လဲ လုပ်ရမယ်၊၊ ဒါမှသာ လူထုရဲ့ ဒီမိုကရေစီစံနစ်၊ လူထုရဲ့အစိုးရ၊ လူထုအတွက်အစိုးရ၊ လူထုကလုပ်တဲ့အစိုးရ၊ ဖြစ်လာမယ်၊၊ လူထုကလုပ်တဲ့ ဒီမိုကရေစီ အောင်ပွဲ ဖြစ်လာမယ်၊၊
ဒီလိုမလုပ် နိုင်ကြဘူး၊ ဒီလိုမဟုတ်ဘူးဆိုရင်၊ လူထုမှာလဲကယ်တင်ရှင် မျော်တဲ့ စိတ်ဓါတ်နဲ့ အရှုံးပေး အညံ့ခံတဲ့ သိမ်ငယ်တဲ့စိတ် ပျောက်မှာမဟုတ်ဘူး၊၊ အရာရာကို အဆိုးမြင်တဲ့၊ အရွဲ့ တိုက်တဲ့ ၊အ ဖျက်စိတ်တွေ လဲ ပျောက်မှာမဟုတ်ဘူး၊၊ ဒီလိုဆိုရင် ဂဂ-က စတဲ့ လှုပ်ရှားမှုကြီးဟာလဲ လူတစုလက်ထဲက အာဏာကို နောက်လူတစု လက်ထဲ လွှဲပြောင်းယူဖို့၊ ကြိုးစားတဲ့ အဓိပ္ပါယ်ထက်၊ ပိုမှာမဟုတ်ဘူး။ ဒါဆိုရင် တိုင်းပြည်ကို စစ်မှန်တဲ့ ဒီမိုကရေစီထွန်းကား အောင် လုပ်ဖို့၊ စုစည်းညီညွှတ်အောင် လုပ်ဖို့၊ အေးချမ်းတည်ငြိမ်အောင် လုပ်ဖို့နဲ့ ၊ ကောင်းမွန်တဲ့ အဆင့်နေရာရအောင်၊ မြှင့်တင်ဖို့ ဆိုတာလဲ မဖြစ်နိုင်ဘူး။ ဒါ့ကြောင့် လူတိုင်းရဲ့လှုပ်ရှားမှု၊ လူတိုင်းနဲ့ သက်ဆိုင်တဲ့ လှုပ်ရှားမှု၊ ဖြစ်အောင်လုပ်ကြရလိမ္မယ်။ လူ တိုင်း ပါဝင်နိုင်မယ့် နည်းလမ်းတွေကို ကြံဆတီထွင် ကြရလိမ္မယ်၊၊
ကျနော်တို့ဟာ ဘာမှ မစွမ်းဆောင်နိုင်တဲ့ သူတွေမဟုတ်သလို ၊ အတိုင်းအဆမရှိ စွမ်းဆောင် နိုင်ကြတဲ့သူတွေလဲ မဟုတ်ကြပါဘူး။ ဒီတော့ ကိုယ်နိုင်သလောက် တော့ ကိုယ် လုပ်ကြတာပေါ့ ။ ကိုယ့်တိုင်းပြည်ကို တကယ်ချစ်ဖို့ ဘဲလိုပါတယ်။

(၃)ဘာတွေဖြစ်နေတာလဲ၊
--၈၈ – လူထုတိုက်ပွဲ ကြီးက ဒေါ်အောင်ဆန်းစုကြည်၊ ဦးဝင်းတင်၊ မင်းကိုနိုင်၊ ကိုကိုကြီး စသည့် ခေါင်းဆောင်ကြီး ငယ်များကို မွေးထုတ်ပေးလိုက် ပါသည်။ NLD- ABSDF- စသည့် အဖွဲ့ အစည်းကြီးငယ် အမျိုးမျိုးကိုလဲ မွေးထုတ်ပေးခဲ့ပါသည်။ ၈၈-လူထုအုံကြွမှုကြီးကို စစ်အစိုးရက ပစ်ခတ်သတ်ဖြတ် နှိမ်နင်းခဲ့ လို့  လူထုတိုက်ပွဲ နောက်ဆုတ်ပေးခဲ့ ရပေမဲ့ ကျနော်တို့ နေနဲ့ အလုံးစုံ ဆုံးရှုံးခဲ့ ရတာမဟုတ်ပါဘူး။ တိုက်ပွဲရဲ့ အောင်သီးအောင်နှံ တွေအဖြစ် လူထုခေါင်းဆောင် တွေနဲ့ အစု အစည်း တွေ ယန္တယားတွေ ရထားလိုက်ပါတယ်။ ဒါတွေကို ထိမ်းသိမ်းကာကွယ်ပြီး အဆုံးစွန် အောင်ပွဲ အထိ တိုးချဲ့  ကြရပါမယ်။ အရည်အချင်း ရော အရည်အတွက်ပါ တိုးတက် အောင်လုပ်ကြရပါမယ်။
--ဒေါ်အောင်ဆန်းစုကြည်ကို တပြည်လုံးက ယုံကြည်အားထား ကြတယ်၊ နိုင်ငံတကာ လဲ အသိအမှတ်ပြုကြတယ် ဒါပေမဲ့ ကျနော်တို့ အောင်ပွဲကိုတော့ လွယ်လွယ်နဲ့ မြန်မြန် ရဖို့ မမျှော်မှန်းနိုင်သေးပါဘူး။

ဘာဖြစ်လို့လဲ---------ဒေါ်အောင်ဆန်းစုကြည် ဟာ ဘယ်လောက်ပဲ တော်တော် အရာရာကို ပြီးမြောက်စေနိုင်တဲ့ တန်ခိုးရှင် တော့ မဟုတ် ပါဘူး၊ သူတဦးတယောက် တည်းအစွမ်းနဲ့ ကျနော်တို့လိုချင်တာ အားလုံးကို ဖြည့်စွမ်း ပေးလိမ္မယ် လို့ မျှော်လင့်လို့ မရပါဘူး။ သူဘယ်လောက် ဉာဏ်ပညာ အမျှော်အမြင်နဲ့ ပြည့်စုံတယ်၊ စွန့်လွှတ်အနစ်နာခံတယ်၊ နိုင်ငံရေးအကွက် မြင်တယ်၊ ပြောကြရင်လဲ၊ သူဦး ဆောင်မောင်းနှင်ရမဲ့၊ အစုအစည်း အသင်းအဖွဲ့တွေက၊ အရည်အတွက်၊ အရည်အသွေး နဲ့ နည်းစနစ် တွေ၊ နိမ့်ကျညံဖျင်း နေတယ်ဆိုရင်၊ သူ့အရည် အချင်းကို၊ ပြခွင့်ရမှာ မဟုတ်ပါဘူး။ သူလဲဘဲ မသန်မစွမ်း ခေါင်းဆောင်ဘဝကို ပဲ ရောက်သွားပါလိမ္မယ်။ ထို့နည်းတူ တခြားခေါင်းဆောင်တွေလဲ ဘယ်လိုပေါ်လစီ ၊ ဘယ်လိုစတိုင် နဲ့ဘဲ လာလာ အစွမ်းပြခွင့် မရ၊ အစွမ်းမပြနိုင်တဲ့ ခေါင်းဆောင်တွေသာ ဖြစ်သွားပါလိမ္မယ်။

--ဒီလို ဘာကြောင့် ဖြစ်နေသလဲ ဆိုတော့---လွယ်လွယ်နဲ့ တိုတို ပြောရရင်၊ ကျနော် တို့တတွေရဲ့၊ ကယ်တင်ရှင် မျှော်တဲ့ အယူအဆ ကြောင့် ဘဲ ဖြစ်ပါတယ်၊ ဒီလိုပြောလိုက် တော့ နက်နက် ရှိုင်းရှိုင်း ၊ ရှည်ရှည်ဝေးဝေး မစဉ်းစားဘဲ၊ လူတိုင်းက ကိုယ်နဲ့ သိပ်မဆိုင် သလို နေလိုက်ကြ ပါလိမ္မယ်။ ကယ်တင်ရှင် မျှော်တဲ့ စိတ်ဓါတ်ဆိုတာ အချောင်သမား စိတ်ဓါတ်၊ အချောင်ခိုတဲ့ စိတ်ဓါတ်ကို ဆိုလိုတာပါ။ အဲဒါကြောင့် ၊ ဂဂ- တိုက်ပွဲကြီးက ရလိုက်တဲ့ အောင်သီးအောင်နှံတွေ ဖြစ်တဲ့ လူထုခေါင်းဆောင် တွေနဲ့ လူထုရဲ့ အဖွဲ့ အစည်း ယန္တယား တွေဟာ ကြုံလှီ သိမ်ဖျင်း သလို၊ ဖြစ်နေရတာပါ။ ထွားကြိုင်း အောင်မြင်၊ ခန့်ငြားတဲ့ အောင်သီးအောင်နှံ တွေရချင်တယ် ဆိုရင်တော့ ကျနော်တို့ က ပြင်ဆင်ဖို့ ကြိုးစားဖို့ လိုပါတယ်။ ရှင်းရှင်း လင်းလင်း ဖြစ်ဖို့ အတွက်၊ ကျနော့ ရဲ့ အမြင် ကို ပိုပြီးအသေးစိတ် ပြောရပါလိမ္မယ်။

--ကျနော်တို့ က ရံပုံငွေ တပြားမှ မထဲ့ချင်တဲ့ ပါးစပ်နဲ့သာ ထောက်ခံအားပေး သူတွေ ဆိုရင် ၊ ကျနော်တို့ရမဲ့ ခေါင်းဆောင်နဲ့ အဖွဲ့အစည်းတွေဟာ ငွေကြေးအရ ပြင်ပကိုအား ကိုးနေရတဲ့ ၊ သူများသြဇာမကင်းတဲ့ ခေါင်းဆောင်တွေ အဖွဲ့ အစည်းတွေဘဲဖြစ်မှာပေါ့။ သူတို့ကချမှတ်နိုင်တဲ့ ပေါ်လစီတွေ လုပ်ငန်းစဉ်တွေ ဆိုတာလဲ ဘယ်လိုလုပ်ပြီး ထက်မျက် ပြတ်သား နိုင်တော့မလဲ။ ကိုယ့်စိတ်ကြ်ိုက် ဘယ်ဟုတ်တော့မလဲ။

--တချို့တွေဆိုရင် ဒီကနေတဆင့် တက်လို့ ၊ထောက်ခံရင် အစည်းဝေးတက်ရင်၊ သင်တန်း တက်ရင်၊ အဖွဲ့ဝင်ရင်၊ နေ့တွက် ဘယ်လောက်ရမလဲ၊ ဘာအခွင့်ရေးရမလဲ၊ လစာဘယ်လောက်ရမလဲ၊ လို့တောင် တောင်းဆိုတာမျိုး ကြားရတွေ့ရတာ၊ တွေရှိပါ တယ် ၊ ဒီတော့လဲ ဒီလူမျိုးတွေကို အုပ်ချုပ်ဖို့ ၊ ပြည်သူကို သေနပ်နဲ့ ထောက်၊ တိုင်းပြည် ဘဏ္တာကို မောင်ပိုင်စီးပြီး အုပ်စုလိုက် အခွင့်အရေးရှာတက်တဲ့ ဓါးပြသာသာ အစိုးရမျိုး ၊ ရတာမဆန်းလှဘူးထင်ပါရဲ့။

--ကျနော်တို့ တွေက အပင်ပမ်း ခံစရာ မလိုရင် နောက်ကလိုက်မယ်၊ အခွင့်အရေး ရ ရင် နောက်ကလိုက်မယ် ဆိုတဲ့၊ နောက်လိုက်တွေ ဆိုရင်၊ ကျနော်တို့ရမဲ့ ဦးဆောင်သူ တွေ ဟာလဲ၊ ကျနော်တို့ ကို ရရာနေရာ ကနေ လိမ်ညာခိုးဝှက် ကြွေးနေရတဲ့ သူတွေဘဲ ဖြစ်မှာပေါ့ ၊ တည့်တည့်မတ်မတ် ခိုင်ခိုင်မာမာ ဦးဆောင်မှု ပေးတဲ့ ခေါင်းဆောင်ဘယ် ဟုတ်တော့မလဲ။

--တချို့တွေဆိုရင် ဒီကနေ တဆင့်တက်လို့ ဒီနေရာမှာ အနေကြပ်လာရင် ဟိုနေရာကို ပြေး ၊ ဟိုးဘက်မှာ အခွင့်အရေးသာရင် ဟိုးဘက်ထပ်ပြောင်း ၊ လဲ လုပ်ကြပါသေးတယ်။ လုပ်ထုံးလုပ်နည်း မှားနေရင် ပြင်ဖို့၊ ဦးဆောင်မှု ပုံစံ မှားနေရင် ပြင်ဖို့၊ ခေါင်းဆောင် ဖေါက်ပြန်ရင် အစားထိုး လဲလှယ်တင်မြောက်ဖို့ ၊စတာတွေ အဖွဲ့တွင်းမှာ ဒီမိုကရေစီ နည်းကြကြိုးစား တာထက် စိတ်ဆိုးစိတ်ကောက် လုပ်ပြပြီး အဖွဲ့ကထွက် သွားကြတော့ အဖွဲ့အစည်းတွေ နဲ့ ယန္တယားတွေဟာ တိုးတက် ကြီးထွားမ လာ ဘဲ၊ ဆုတ်ယုတ် ကျဆင်းလာတာ လဲ မဆန်းပါဘူး။ ရွှေ့ကြ ပြောင်းကြသမျှ ကလဲ၊ ပိုပြီးအပင် ပမ်း ခံရမဲ့ နေရာ၊ စည်းစံနစ် ကြီးမဲ့နေရာ၊ စွန့်လွှတ်စွန့်စားရမဲ့နေရာ၊ ကို သွားကြတာမရှိ ဘဲ၊ ပိုသက်တောင့်သက်သာ ဖြစ်မဲ့နေရာ၊ ပိုဘေးကင်းလုံခြုံရာ၊ ပိုလို့ အခွင့်အလမ်း များတဲ့ နေရာ ကိုသာသွားကြတာ ဖြစ်ပါတယ်။ ဒါကိုလူမျိုး တမျိုးလုံး လိုလို ကလဲ ကျင့်သုံးလိုက်ရော၊ ကျနော်တို့ ဗမာပြည်ဟာ လာမဲ့ ကမBာ့အလှည့် အပြောင်းမှာ၊ ကျဆုံးအမျိုးသား တိုင်းပြည်ဖြစ်ဖို့ အလားအလာ သိပ်များသွားတာပေါ့။ ဒီလိုအမျိုးသား တွေကိုတော့ ဒေါ်အောင်ဆန်းစုကြည် က ဖြစ်စေ၊ ဗိုလ်ချုပ်မှူးကြီး သန်းရွှေကဖြစ်စေ၊ ဦးဆောင် ကယ်တင်နိုင်မှာ မဟုတ်ပါဘူး။ ဒါဟာ တမျိုးသားလုံး လိုလို လူအများစုက အချောင်ခိုတဲ့စိတ်ဓါတ် မွေးပြီဆိုရင် ရလာမဲ့ ရလဒ်ပါဘဲ။

--ကျနော်တို့တွေဟာ ဘာမှအနစ်နာခံစရာ မလိုဘူး၊ စွန့်လွှတ်စွန့်စားစရာမလိုဘူး၊ ဆိုရင်တော့ လုပ်မယ်၊ တက်ကြွ တယ် ဆိုတဲ့ အဖွဲ့ဝင်တွေ၊ လှုပ်ရှားသူတွေ၊ ဖြစ်ပြီး၊ တခုခုတော့ စွန့်လွှတ်စွန့်စား ရမယ်၊ အနာခံရမယ်၊ ဆိုရင်တော့ တွန့်ဆုတ်ငြင်းပါယ် ကြ တယ်၊ မသိကြိုးကျင် လုပ်နေကြတယ် ဆိုရင်တော့။ ကျနော်တို့ရဲ့ အစုအစည်း တွေ ယန္တယားတွေ ကို ဦးဆောင်ရမဲ့ ခေါင်းဆောင်တွေဟာ လဲ ဘာတိုက်ပွဲကိုမှ ဖြစ်ဖြစ် မြောက်မြောက် မတိုက်နိုင်တဲ့ ခေါင်းဆောင်တွေဘဲ ဖြစ်လာမှာပေါ့။

--တချို့တွေကတော့ ၊ အခွင့်အရေးရဖို့ဆိုရင် လုပ်မယ်၊ အောင်မြင်ကြော်ကြားဖို့ ဆိုရင် လုပ်မယ်၊ ဘေးကင်းလုံခြုံတယ် ပျော်စရာလဲ ကောင်းတယ် ဆိုရင် လုပ်မယ်ဆိုတာ အထိ ဖြစ်လာတော့ ၊ ကျနော်တို့ရဲ့ အစုအစည်း ယန္တယားဆိုတာတွေဟာ၊ အုပ်စုဖွဲ့ထား တာတွေနဲ့ ခေါင်းဆောင်ဆိုတာလဲ အုပ်စုဗိုလ်တွေ ဘဲ ဖြစ်လာ တော့မှာပေါ့။ မှန်တယ် မှားတယ် ဆိုတာနဲ့ မတိုင်းတာဘဲ၊ ကိုယ့်ကို ဘယ် လောက် အလိုလိုက်တယ် ဆိုတာနဲ့ တိုင်းပြီး ၊ကိုယ့်လိုအပ်ချက် ရှိသမျှ အတွက်သာ လုပ်ကြ ကိုင်ကြတာ ဆိုရင်။ ပြီးတော့ လုပ်ငန်းစဉ်ကို ကြိုက်လို့၊ ပေါ်လစီကို ကြိုက်လို့၊ ကိုယ်ရည်ကိုယ်သွေးနဲ့ စံပြအမူအကျင့် ကိုကြိုက်လို့၊ ထက်မျက်မှု နဲ့ ကောင်းမွန်တဲ့ အရည်အချင်းတွေကို ကြိုက်လို့၊ ဝန်းရံလာကြတာမျိုး မဟုတ်ဘူးဆိုရင်၊ အဝန်းရံခံရတာ မျိုး မဟုတ်ဘူးဆိုရင်၊ ကျနော်တို့ ရလာမဲ့၊ ခေါင်းဆောင်ဆိုတာ အုပ်စုရဲ့ နောက်မြီးဆွဲ၊ အနှစ်မရှိတဲ့ တောက ကြက်ဆူပင်လို အုပ်စုဗိုလ်တွေ ဘဲ ဖြစ်တော့မှာပေါ့ ။

---ဒီတော့ကျနော်တို့ အနေနဲ့ ထက်မျက်တောက်ပြောင်တဲ့ ကြိုင့်ခိုင်အားကောင်း တဲ့ ခေါင်းဆောင်တွေ အစုအစည်းတွေ ယန္တယားတွေ ရချင်တယ် ဆိုရင်၊ ကျနော်တို့ကိုယ် ၌ က ပြင်ဆင်ကြိုးစားကြရ ပါလိမ္မယ်။ ဒီအထိ ပြောလိုက်လို့ ကျနော်တို့ရဲ့ အခြေအနေက မျှော်လင့်ချက် ကုန်နေပြီ လို့တော့မထင် ပါနဲ့။ မျှော်လင့်ချက်တွေ အများကြီး ရှိနေသေးလို့ ပြောနေရေးနေတာ ဖြစ်ပါတယ်။

-- ဦးဆောင်မှု နေရာ မှာ ရောက်နေတဲ့ သူများကလည်း ဘုန်းရှင် ကံရှင် အယူအဆ ကို စွန့်လွှတ် ဖို့ လိုပါတယ်။ ကျန်တဲ့ သူတွေကို အသိအမှတ်ပြု ဖို့ လိုပါတယ်။ဒီ ဘုန်းရှင် ကံရှင် အယူအဆက ဘာဆိုးကျိုးတွေ ပေး သလဲဆိုတော့၊ အဖွဲ့အစည်း တွေ အတွင်းမှာ စည်းလုံးမှု နဲ့ ပူးပေါင်းဆောင်ရွက်မှု တွေ ပျက်ပြား စေလို့ ဖြစ်ပါတယ်။ အဓိက ထိခိုက်စေတာက စိတ်ဓါတ်ပိုင်း နဲ့ အတွေးအခေါ် ပိုင်းကိုဖြစ်ပါတယ်။
ခေါင်းဆောင်အကြီးအငယ် နဲ့ ကြွယ်ဝမှု အခွင့်အလမ်း အနည်းအများပေါ်မူတည်ပြီး ရောဂါအနု အရင့် ကွဲကြပေမဲ့ ကျနော်တို့ ဗမာပြည်က လူတွေထဲမှာ အတော် ကျယ်ကျယ် ပြန့်ပြန့် ရှိနေတဲ့ ပြဿနာ ဖြစ်ပါတယ်။

-- အာဏာလည်း လက်ထဲမှာ ရှိနေပြီးတော့ တိုင်းပြည်ရဲ့ ဘဏ္ဍာပေါ် လဲ ခွ ထိုင် ထား တဲ့ စစ်ဗိုလ်များမှာတော့ အဆိုးဝါး ဆုံးနဲ့ ထင်ထင် ရှားရှား ရှိနေတာပေါ့ ၊ ဒီမိုကရေစီ ဘက်တော်သား တွေမှာလဲ မကင်းပါဘူး ၊ ဘာဖြစ်လို့ ဒီ ဘုန်းရှင်ကံရှင် အယူ အဆကို စွန့်လွှတ် ဖို့ ပြောရတာလည်း ဆိုတော့ တိုင်းပြည်နဲ့ လူမျိုး အတွက် ကောင်းကျိုး မပေး ဘဲ ဆိုးကျိုးတွေပေးနေ လို့ ဖြစ်ပါတယ်။

-- ဒီ ဘုန်းရှင်ကံရှင် အယူအဆ ရှိသူတွေဟာ အခွင့်အရေး တွေကိုတော့ ကိုယ့် ဘိုး ဘွား ပိုင်လို သဘောထားကြပြီး၊ တာဝန်ဝတ္တရားတွေကို တော့ ကိုယ်နဲ့ မဆိုင်သလို လုပ်နေကြတော့ အများနဲ့ ညှိနှိုင်းအလုပ်လုပ် ဖို့ က မဖြစ် နိုင်တော့ဘူးပေါ့ ၊ အဲဒီလိုလူ တွေနဲ့က ဘယ်လိုလူတွေဘဲ အတူနေလို့ ၊အတူ အလုပ်လုပ် လို့ ဖြစ်မလဲဆိုတော့ ရွှေးစရာလမ်း မရှိလို့ ကြေနပ်သည် ဖြစ်စေ မကြေနပ်သည် ဖြစ်စေ ခိုင်းတာလုပ်၊ ပေး တာယူ၊ အပိုးကျိုးကျိုးနေ ဆိုတဲ့ သူတွေဘဲ ရှိတော့တာပေါ့ ။ ဒီလိုနဲ့တော့ အင်အားတွေ တိုးချဲ့ ဖို့ ပူးပေါင်းဆောင် ရွက်မှုတွေ တိုးချဲဖို့ ဘယ်ဖြစ်နိုင်တော့မလဲ။ ရသမျှ ရှိသမျှ ပူးပေါင်းဆောင်ရွက်မှု ကလဲ စိတ်စေတနာ အပြည့်နဲ့ ဘယ်ဟုတ်တော့မလဲ၊ အကောင်းဆုံး ဆိုတာမျိုး ဘယ်မျှော်လင့်လို့ ရမလဲ။ ဒီတော့လဲ အဖွဲ့အစည်းတွေရဲ့ စွမ်းဆောင်ရည်တွေ နိမ့်ကြလာရတာ အထူးအဆန်း မဟုတ်တော့ပါဘူး။

-- စင်ကာပူဝန်ကြီးချုပ် ဟောင်းရေးတဲ့ ( အာရှသားတွေ စဉ်းစားတတ်ပါစ ) ဆိုတဲ့ ဆောင်းပါးထဲမှာ-

- - အောင်မြင်တဲ့ လူ့ဘောင်မှာ အလုပ်လုပ်တဲ့ အခွင့်ထူးခံတွေ ရှိပါ တယ်၊ အဲဒီ အခွင့်ထူးခံတွေဟာ သူတို့ရဲ့ လူ့ဘောင်တွေဆီက ရယူဖို့ထက် အဲဒီ လူ့ဘောင်တွေကို ပေးဆပ်ဖို့ ပိုထက်သန် ကြသူတွေပါ။ မအောင်မြင်တဲ့ လူ့ဘောင်တွေ မှာတော့ အကျင့်ပျက် ခြစားနေတဲ့ အခွင့်ထူးခံတွေသာ ရှိပါတယ်၊ -အကျင့်ပျက်ခြစားမှု ဟာ အထောက်အထားနဲ့ ခိုင်ခိုင်မာမာ သက်သေထူဖို့ အင်မတန်ခက်လှတာမို့ မသိမသာလေးနဲ့ အင်မတန်ပျက်စီး သွားစေတဲ့ သဘောမျိုးကို ဆောင်ပါတယ်။ ပြီးတော့လဲ လူထုလူတန်းစား တိုင်းကို အဆင့်တိုင်းမှာ ပျက်စီးသွားစေတာမျိုးပါ။ နောက်ပြီးတော့ အကျင့်ပျက်ခြစား မှုကြောင့် စီးပွါးရေးသက်သက် ကိုသာ ထိခိုက်စေတာ မဟုတ်ပါဘူး။ လူမှု ရေးရော အသိစိတ်ဓါတ် ပိုင်းကိုပါ ထိခိုက်ပျက်စီး စေတာပါ။ အကျင့်ပျက် ခြစားမှုကနေ အဆိုးမြင် ဝါဒနဲ့ အထင်မကြီးတဲ့ စိတ်ကို ပွါးများ လာစေပါတယ်။ ---စသည်ဖြင့် ရေးထားပါတယ်။ သူ့ရဲ့ အကောက်အယူ အတိုင်း ဆိုရင်တော့ ကျနော်တို့ ဗမာတွေရဲ့ လူ့ဘောင် လူ့အဖွဲ့အစည်းမှာ အကျင့်ပျက် ခြစား နေတဲ့ အခွင့်ထူးခံတွေ အတော်များနေတဲ့ လက္ခဏာပါဘဲ။ ဒီအထိ ပြောလိုက်လို့ ကျနော်တို့ရဲ့ အခြေအနေ က မျှော်လင့်ချက် ကုန်နေပြီ လို့တော့ မထင် ပါနဲ့။ မျှော်လင့် ချက် တွေ အများကြီး ရှိနေသေးလို့ ပြောနေရေးနေတာ ဖြစ်ပါတယ်။

(၄)ဘယ်လိုလုပ်ကြမလဲ။
---ဒီတော့ကျနော်တို့ အနေနဲ့ ထက်မျက်တောက်ပြောင်တဲ့ ကြိုင့်ခိုင်အားကောင်း တဲ့ ခေါင်းဆောင်တွေ အစုအစည်းတွေ ယန္တယားတွေ ရချင်တယ် ဆိုရင်၊ ကျနော်တို့ကိုယ် ၌ က ပြင်ဆင်ကြိုးစားကြရ ပါလိမ္မယ်။

-- အဲဒါတွေကြောင့် ကျနော်တို့တွေအနေနဲ့ လက်ရှိအခြေအနေတွေကို မကြေနပ် နှိုင် ကြဘူး ပိုကောင်းတဲ့ ပိုတိုးတက်တဲ့ အားရကြေနပ်စရာ ကောင်းတဲ့ အခြေအနေကို လိုချင်တယ်ဆိုရင် တော့ အပေါ် အောက် အလယ် ရှိသမျှ နေရာတိုင်းက လူတိုင်းဟာ ကိုယ်တိုင်မှာလဲ တာဝန်ရှိတယ် လို ခံယူကြပြီး ပြုပြင်ပြောင်းလွဲ ကြရပါလိမ္မယ်။ ကျနော်တို့ရဲ့ အနာဂါတ်ဟာ ကျနော်တို့ ရဲ့ လုပ်ကိုင် ဆောင်ရွက် ဖန်တီးမှုတွေ အပေါ်မှာ သာ တည်ပါတယ်။
ကောင်း မွန်သော အနာဂါတ် ဝန်းကျင် ကိုမျှော်လင့်လျှက်

ဗလ