အသက်က တော်တော်ကိုခပ်ငယ်ငယ် အရွယ်ကတော့နိုင်ငံရေးဆိုတာကိုစပီးစိတ်ဝင်တစားဖြစ်တဲ့အရွယ်မှာ အချိန်က၁၉၇၆-၇လောက် မြန်မာ့ဆိုရှယ်လစ်လမ်းစဉ်ပါတီ (မဆလ)အစိုးရကြီးစိုးတဲ့ကာလ အဲသည်ခေတ် အဲသည်အခါအရဆိုရင် အတော်ခဲခဲယဉ်းယဉ်းနဲ့ ရှားရှားပါးပါးလို့ပြောနိုင်တဲ့ ၁၉၄၇ အခြေခံဥပဒေ စာအုပ်ကို ဖတ်ခဲ့ရပါတယ်။ ဖတ်နေဆဲမှာရော ဖတ်ဖူးပီးအတော်ကြာအထိမှာရော ထိစပ်နေတဲ့ အသိုင်းအ၀ိုင်းမိတ်ဆွေ ကြားမှာ ၄၇ဥပဒေ မကောင်းကြောင်း ဒီဥပဒေရဲ့အားနဲချက်ကြောင့် တိုင်းပြည်အစိပ်စိပ် အမွှာအမွှာ ကွဲမလိုဖြစ်ခဲ့ကြောင်း စသည်စသည် ပြောကြဆိုကြတာ စကြားရပါတယ်။ ကိုယ်တွေကလဲ စူးစမ်းခြင်တဲ့ အရွယ်ဆိုတော့ စပ်စပ်စုစုနဲ့ပင်လုံစာချုပ်ဆိုတာရော လိုက်မွှေနောက်ခဲ့ဖူးပါတယ်။ ခွဲထွက်ခွင့်ဆိုတာ စာချုပ်မှာမတွေ့မိခဲ့ပါ။ မကောင်းဘူး ကောင်းတယ် ဒါကြောင့်ကွဲတယ် ဘာကြောင့်ကွဲတယ် အငြင်းဖလှယ်နေဖို့ ကာလဒေသကမသင့် သူ့ခေတ်သူ့စနစ်အောက်ပေကိုးလို့ဘဲ မှတ်ယူခဲ့ပါတယ်။
ဒီလိုနဲ့ ဆယ်စုတစုအစွန်းလောက် ၁၉၈၈-၉ မှာ အခြေအနေအလှည့်အပြောင်းတခုနဲ့နိုင်ငံရေးကို တကြိုက် ပြောနိုင်တဲ့ ကာလနဲ့ဒေသတခုကိုရောက်ပါတယ်။ ဒီမှာလဲအများစုက ၄၇ ဥပဒေဆိုရင် ဥပဒေရဲ့ အားနဲချက် ကြောင့် အာဏာအသိမ်းခံရတာ မကောင်းဘူးဆိုတဲ့စကားတွေ ကြားရပြန်ပါတယ်။ ဘယ်နေရာမှာ မကောင်းတာလဲပြော ဥပဒေလာအရကိုက မကောင်းတာတွေ့ရင် အခြေအနေနဲ့မကိုက်ညီယင် စလယ်ဆုံး တလုံးမကျန် ပြင်ဆင်ခွင့်ရှိတယ်။ ပြော ဘယ်နေရာမှာ မကောင်းတာလဲ ထောက်ပြကြ ၀ိုင်းဝန်းညှိနိုင်း ပြင်ဆင်ကြပါလားဆိုတော့လည်း ၄၇ ရော ပင်လုံရောမဖတ်ဖူးဘဲနှင့် မကောင်းကြောင်း အခိုင်အမာ ပြောနိုင်သည့် ပုဂ္ဂိုလ်ထူးများက အများစု။
၁၉၆၂ ခု မတ်လ ၂ရက်နေ့ မှာ သို့မဟုတ် ပြည်ထောင်စုကြီး မပြိုကွဲရေးအတွက် စစ်တပ်ကကယ်တင် လိုက်တယ် ဆိုတဲ့ တိုင်းပြည် ဂျောက်ထဲကျဖို့တလက္မအလိုမှာ ပြည်ထောင်စုမှ ခွဲထွက်ရေးမူ ရှမ်းမူဆိုတာ အန္တရာယ်ဖြစ်လောက်အောင် မရှိတဲ့အကြောင်း (၁၉၆၂ မတ်လတရက်က အသံလွင့်ရုံမှာ ပြုလုပ်တဲ့ ပြည်နယ်ပြည်မ ပြည်ထောင်စု အစိုးရ အစီးအဝေးမှာ ရှမ်းပြည်ကိုယ်စားလှယ်များက “ ရှမ်းမူအဆိုဟာ မိမိတို့ တင်ခြင်လို့တင်တာမဟုတ်ပါ ဗိုလ်ချုပ်က တပြည်လုံးကိုကိုယ်စားပြုပြီး ပြည်ထောင်စုမူနဲ့ပါတ်သက်လို့ တိုင်းရင်းသားတွေကို ပေးထားတဲ့ကတိအတိုင်း ရှမ်းနှင့်အခြားသောလူမျိုးစုများ မိမိတို့သဘောထားကို တင်နိုင်ပါတယ်လို့ ၀န်ကြီးချုပ်က ဖိတ်ကြားတဲ့အတွက်သာ မိမိတို့က ရှမ်းမူ ကိုတင်ရတဲ့အကြောင်း သဘောတူ မတူဆိုတာ အများသဘောသာဖြစ်ပြီး သဘောမတူရင် ခွဲထွက်မယ်ဆိုတာ မပါကြောင်း” ပြောခဲ့တာကို ) အများစုဘယ်သူကမှ တခုတ်တရ မပြောကြ မသိကြပါ။
နောက်ဆယ်စုတခုစွန်းတော့ စစ်အာဏာရှင်က ဖွဲ့စည်းပုံ ဥပဒေသစ်တခု လုပ်လိုက်တာ ဆယ်စုတခုလောက် ထပ်ကြာသွားပီး ခုတော့ နာဂစ်ဥပဒေ ပွဲထုတ် စင်တင်လာပါဘီ။ သူ့အစုတ်ပလုပ်ကိုပွဲထုတ်ဖို့ ၄၇နဲ့ ပင်လုံ ဓါတ်ပြားဟောင်းကလည်း စစ်အစိုးရမီဒီယာမှာ တကျော့ပြန်လာတာ မျက်စိနောက်နေတုံး ကိုဂျူးရဲ့ ပင်လုံ အခြေခံနဲ့၄၇ကိုတည်ပြီး တိုင်းရင်းသားအားလုံး ပျော်ပျော် ရွှင်ရွှင် ဥမကွဲ သိုက်မပျက် နိုင်ငံ တိုးတက်အောင် လုပ်နိုင်ဖို့ညွန်းတဲ့ ဆောင်းပါတပုဒ်ဖတ်မိပါတယ်။ ရင်ထဲမှာ ၄၇နဲ့ပင်လုံ မစွန်းရင်းလေးကလဲညှိနေတော့ ကိုဂျူးရဲ့စာရော ပင်လုံရော ၄၇ ရော အားလုံးရောပီး မျှဝေလိုက်ပါတယ်။
(၁)
ကိုဂျူး
မြန်မာနိုင်ငံတွင် ရေးဆွဲခဲ့သော ဖွဲ့စည်းပုံ အခြေခံ ဥပဒေ ၃ ခု ရှိသည်။ ဗိုလ်ချုပ်အောင်ဆန်း ရေးဆွဲခဲ့သော ၁၉၄၇ အခြေခံဥပဒေ၊ ဗိုလ်ချုပ်နေ၀င်း ရေးဆွဲခဲ့သော ၁၉၇၄ အခြေခံဥပဒေနှင့် ဗိုလ်ချုပ်မှုးကြီးသန်းရွှေ ယခုရေးဆွဲ လိုက်သော ၂၀၀၈ အခြေခံဥပဒေ ဟု၍ သုံးခုရှိရာ၌ ဗိုလ်ချုပ်အောင်ဆန်း ရေးဆွဲခဲ့သော ၁၉၄၇ခုနှစ် အခြေခံ ဥပဒေသည် လူကြိုက်အများဆုံး၊ အမျှတဆုံးနှင့် အကောင်းဆုံး အခြေခံဥပဒေ ဖြစ်သည်ဟု ဆိုကြသည်။ သို့သော် ခုတလော ဗိုလ်ချုပ်အောင်ဆန်း ဦးဆောင်ပြီး ဗမာပြည်မနဲ့ တောင်တန်း ဒေသနေ လူမျိုးစုတွေကြား ချုပ်ဆိုခဲ့တဲ့ ပင်လုံစာချုပ်နဲ့ ယင်းစာချုပ်ကို အခြေခံပြီးရေးဆွဲတဲ့ ၁၉၄၇ အခြေခံ ဥပဒေကို နအဖစစ်အစိုးရက ထိပါးပုတ်ခတ် ပြောဆို တာတွေ ဖတ်ရတာ များလာလို့ နဲနဲဇာတ်ကြောင်း လှန်စရာ ရှိလာပါတယ်။
“ပင်လုံစာချုပ်” ဟာ မြန်မာ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်း ဦးဆောင်ပြီး ၁၉၄၇ ရှမ်းပြည်နယ် တောင်ပိုင်း ပင်လုံမြို့မှာ ဗမာပြည်မ နဲ့ တောင်တန်း ဒေသနေ လူမျိုးစုတွေကြား ပေါင်းစည်း ညီညွတ်ရေး သဘောတူညီ စာချုပ်အဖြစ် ချုပ်ဆိုခဲ့တဲ့ စာချုပ်ဖြစ်ပါတယ်။ ဒီ “ပင်လုံစာချုပ်” ကိုအခြေခံတဲ့ ၁၉၄၇ အခြေခံဥပဒေအရ ဗြိတိသျှတွေဆီက မြန်မာနိုင်ငံ လွတ်လပ်ရေး ရယူခဲ့တယ်။ “ပင်လုံစာချုပ်” ချုပ်ဆိုတဲ့နေ့ကို ပြည်ထောင်စုဖွား တိုင်းရင်းသားတွေ သွေးစည်း ညီညွတ်မှုရတဲ့ နေ့ကြီး ရက်မြတ်အဖြစ် “ပြည်ထောင်စုနေ့” လို့ ခေါ်ဝေါ်ခဲ့တယ်။ တိုင်းရင်းသား စည်းလုံး ညီညွတ်ရေးရဲ့ အဓိက သော့ချက်ဟာ “ပင်လုံစာချုပ်” ပဲ ဖြစ်တယ်လို့ ဆိုရမယ်။
မှတ်မိသလောက် အမျိုးသား ခေါင်းဆောင်ကြီး ဗိုလ်ချုပ်အောင်ဆန်းက ပင်လုံညီလာခံမှာ “တောင်တန်း ဒေသ တိုင်းရင်းသား လူမျိုးစု ငယ်တွေကို ဗမာပြည်မ ကနေ ခွဲမထွက်ချင်အောင် ထားဘို့က ကျွန်တော်တို့ ဗမာ လူမျိုးကြီးတွေရဲ့ တာဝန်သာ ဖြစ်တယ်။ လွတ်လပ်ရေး ရပြီးနောက် ဆယ်နှစ်ကြာလို့မှ တိုင်းရင်းသားတွေက ပြည်မက ခွဲထွက်မယ် စကားပြောလာရင် ကျွန်တော်တို့ ဗမာတွေ ညံ့လို့ပဲ မှတ်” တဲ့။ သိပ်ကောင်းတဲ့ စကား။ အစ်ကိုကြီး တစ်ယောက်က ညီငယ်တွေကို ပြောသလို၊ ခေါင်းဆောင်ကောင်း တစ်ယောက်လို အာမခံ တာဝန်ယူတဲ့စကား ပြောခဲ့တာ။ တောင်တန်းသားတွေ ဘက်ကလဲ ပြည်မနဲ့ အင်အားချင်း ဘယ်လိုမှမယှဉ်နိုင်ဘူး၊ ကိုယ့်ဖာကိုယ် ရပ်တည်ဘို့လဲ မလွယ်ဘူး ဆိုတော့ ဗမာပြည်မကသာ ညှာညှာ တာတာ ဆက်ဆံရင် တောင်တန်း ဒေသတွေက ခွဲထွက်ခွင့် တောင်းစရာ အကြောင်း မရှိသလို ပြည်မနဲ့ မပေါင်းချင်စရာ အကြောင်း ဘာမှမရှိဘူး၊ တိုင်းရင်းသား လူမျိုးစု ငယ်တွေကို ဗမာပြည်မကနေ ခွဲမထွက်ချင်အောင် ထားဘို့ ဘာမှ မခက်ဘူး ဆိုတာ ဗိုလ်ချုပ်လဲ သိတယ်။
၁၈၈၅မှာ ဗြိတိသျှတွေက မြန်မာနိုင်ငံကို သိမ်းတော့ သီပေါဘုရင်ပိုင်နက် (Upper Burma) ကို သိမ်းပိုက် လိုက်ပြီလို့ ကမ္ဘာကို ကြေညာခဲ့တယ်။ တောင်တန်း နယ်မြေတွေမပါဘူး၊ တောင်တန်းဒေသလို့ သတ်မှတ်ခဲ့တဲ့ ချင်းတောင်တန်း၊ ကချင်တောင်တန်း၊ ရှမ်းကုန်းမြေမြင့်၊ ကရင် တောင်တန်းနယ်တွေဟာ သူတို့လူမျိုးစု ခေါင်းဆောင် (စော်ဘွား) တွေနဲ့ သူတို့အုပ်ချုပ်နေကြတဲ့ လူဦးရေနဲပြီး မဖွံ့ဖြိုးတဲ့ နယ်မြေလေးတွေ။ လူဦးရေများပြီး စစ်အင်အား ကောင်းတဲ့ ဗမာဘုရင်တွေရဲ့ အာဏာစက် အောက်မှာ နေရပေမဲ့ အမြဲတန်း ဗမာ ပိုင်နက်ထဲမှာ မဟုတ်ခဲ့ဘူး။ ဗမာနဲ့သူတို့တွေနဲ့ စာပေ၊ ယဉ်ကျေးမှု နဲ့ ဘာသာစကားလဲ မတူ ကြဘူး၊ တခြားစီ။ တရုပ်နဲ့ ဗမာလိုဘဲ။ မိတ်ကောင်း ဆွေကောင်းတွေလို အရိုအသေပေး၊ လက်ဆောင် ပဏ္ဍာပို့ သမီးကညာ ဆက်တဲ့ အနေအထား။ ဗမာရှင်ဘုရင်က တရုတ် ဧကရာဇ်တွေကို လက်ဆောင် ဆက်ရသလို တောင်တန်းသားတွေလဲ ဗမာ ရှင်ဘုရင် တွေကို လက်ဆောင် ဆက်ခဲ့ပေမဲ့ သူတို့လူမျိုးစု တွေဟာ ဘယ်တုန်းကမှ ဗမာရှင်ဘုရင်ရဲ့ လက်အောက်ခံတွေ မဟုတ်ဘူးလို့ ဆိုကြတယ်။ သူတို့တွေမှာလဲ ခိုင်လုံတဲ့ သက်သေ အထောက် အထားတွေ ရှိနေတယ်။ လေ့လာကြည့်ပါ။
ဗြိတိသျှတွေကလဲ ဒါကို အသိအမှတ် ပြုခဲ့လို့ တောင်တန်း ဒေသ အုပ်ချုပ်ရေးကို ဒီအတိုင်းထားတယ်။ ၀င်မစွက်ဘူး။ သူတို့ဟာ သူတို့ စေ့စပ်ပြီး သူတို့ အုပ်ချုပ်ရေးနဲ့ သူတို့ လွတ်လွတ် လပ်လပ် တလျှောက်လုံး နေခဲ့ရတယ်။ အင်္ဂလိပ်က လွတ်လပ်ရေး မပေးချင်လို့ စော်ဘွားတွေကို မြှောက်ပေးခဲ့တယ် ဆိုတာလဲ မဟုတ်ဘူး၊ သူတို့ကို ဗမာပြည်မနဲ့ ပေါင်းဘို့/မပေါင်းဘို့ လွတ်လွတ် လပ်လပ် ဆုံးဖြတ်ပိုင်ခွင့် ပေးခဲ့တယ်။
ဒုတိယ ကမ္ဘာစစ် ပြီးတော့ စစ်ဒါဏ်ကြောင့် အတော်လေး မွဲသွားတဲ့ ဗြိတိသျှတွေဟာ မြန်မာအပါအ၀င် သူတို့ လက်အောက်ခံ ကိုလိုနီနိုင်ငံတွေ အားလုံးကို ဆက်မထိမ်းနိုင်တော့ဘူး အုပ်ချုပ်ရေး စားရိတ် အကုန် မခံနိုင်တော့လို့ လွတ်လပ်ရေး ပေးဘို့ ဗြိတိသျှ ပါလီမန်မှာ ပြောဆိုလာခဲ့ ကြတယ်။ သူတို့ ကိုယ်တိုင်တောင် အမေရိကန် ကောင်းမှုကြောင့် ဟစ်တလာရဲ့ နာဇီဂျာမဏီ လက်အောက် မရောက်ခဲ့ ရတာဆိုတော့ ကိုယ်ချင်းစာတတ် သွားတာလဲ ပါမှာပါ။ လွတ်လပ်ရေး လိုချင်လဲယူ၊ အစောင့်အရှောက်ခံ ဓနသဟာရနိုင်ငံထဲ နေချင်လဲနေဆိုတာ မြန်မာက လုံးဝလွတ်လပ်ရေးပဲ လိုချင်တယ်ဆိုတော့ ပေးမယ်လို့ မူအားဖြင့် သဘောတူ လိုက်တယ်၊ ဗိုလ်ချုပ်တို့က တောင်တန်းဒေသတွေ ဗမာပြည်မနဲ့အတူ လွတ်လပ်ရေး လိုချင်တယ် ဆိုတော့ ဗြိတိသျှအစိုးရက ဒါဖြင့် ပြည်မနဲ့ တောင်တန်းသားတွေနဲ့ သဘောတူ စာချုပ် ချုပ်ပြီးယူခဲ့ဆိုတော့ ဗိုလ်ချုပ်တို့ပြန်လာပြီး ပင်လုံမှာ တိုင်းရင်းသား ခေါင်းဆောင် တွေနဲ့ တွေ့ကြတယ်။
အဲဒီမှာ တောင်တန်းသား လူမျိုးစုငယ်တွေက ပြည်မနဲ့ပေါင်းပြီး လွတ်လပ်ရေးလဲ လိုချင်တယ် လူမျိုးကြီး ဗမာကိုလဲ မယုံဘူး၊ ကြောက်နေတယ်၊ ချီတုံချတုံ ဖြစ်နေတာ ဗိုလ်ချုပ်ကသိတော့ ခုနကပြောတဲ့ “Federal ပြည်ထောင်စု စနစ်နဲ့သွားမယ်၊ တန်းတူ ညီတူ ပြည်နယ်အဆင့် ဆက်ဆံမယ်၊ ဆယ်နှစ် ပေါင်းကြည့် မကြိုက်ရင် ဆက်မပေါင်းနဲ့” လို့ ရဲရဲအာမခံ လိုက်တယ်။ မှတ်သား လောက်တဲ့ တိုင်းရင်းသား စည်းလုံးညီညွတ်ရေး စကားဘဲ၊ တောင်တန်းသားတွေ ရှေ့ရေးအတွက် မပူရအောင် သူတာဝန် ယူလိုက်တာပဲ။ ဒီစကားကို အားလုံး သဘောတူလို့ လက်မှတ်ထိုးတယ်၊ ပင်လုံ စာချုပ်ချုပ်တယ်။ ဒီပင်လုံ စိတ်ဓါတ်ကို အခြေခံပြီး ၁၉၄၇ အခြေခံ ဥပဒေဆွဲခဲ့တယ်။ ဒီအခြေခံ ဥပဒေကို တင်ပြပြီး ဗြိတိသျှထံက လွတ်လပ်ရေး ရယူခဲ့တယ်၊ ပြောချင်တာက ၁၉၄၇ အခြေခံ ဥပဒေရဲ့ အသက် သွေးကြောဟာ “ပင်လုံစာချုပ်” သာဖြစ်တယ်။ ဖက်ဒရယ်မူဟာ တိုင်းရင်းသား လူမျိုးစုတွေ အတွက် အသက်တမျှ အရေးကြီးတဲ့ ကိုယ်ပိုင် အခွင့်အရေး ဖြစ်တယ်။ ဗမာတွေက ပေးမှ ရမဲ့ အခွင့်အရေး မဟုတ်ဘူးလို့ ဆိုတယ်။
တစ်ခု ပြောစရာ ရှိတာက ဒုတိယ ကမ္ဘာစစ် အပြီး ဗြိတိသျှ စစ်တပ်ထဲမှာလဲ မြန်မာနိုင်ငံကို လွတ်လပ်ရေး မပေးချင် သူတွေ ရှိတယ်။ ဂဠုန်ဦးစောတို့ သခင်ဗစိန်တို့ ဒေါက်တာ ဘမော်တို့နဲ့ နီးစပ်သူ နိုင်ငံရေး သမားတွေလဲရှိတယ်၊ ဗိုလ်ချုပ်အောင်ဆန်းနဲ့ ဗမာ့ တပ်မတော်ဟာ ငါတို့ကို တိုက်ဖို့ ဖက်ဆစ်ဂျပန်နဲ့ ပေါင်းပြီး ဖွဲ့စည်းခဲ့တယ်၊ ခုဂျပန် စစ်ရှုံးတော့မှ ငါတို့ကိုလာပြီး မျက်နှာချိုသွေး နေတဲ့ နှစ်ထပ်ကွမ်း သစ္စာဖောက်တွေ၊ ဥပဒေအရ ခုံရုံးတင် အရေးယူရမယ်လို့ ခါးခါးသီးသီး သဘောထားတဲ့ စစ်ဗိုလ်တွေလဲ ရှိတယ်။ ဒါကြောင့် ဦးစောကို သေနတ်တွေ ခိုးပေးတာမျိုး ဖြစ်ခဲ့တာ။ ဗြိတိသျှစစ်တပ် ဘက်က ကြည့်တော့လဲ သူတို့ စစ်သားတွေက ဗမာပြည်ကို ဂျပန်တွေ လက်အောက်က ပြန်ရအောင် အသေခံတိုက် ယူထားရတာ။ ဒီလိုလွတ်လပ်ရေး ပေးလိုက်တာ ငါတို့ဘိုးဘွားတွေ တည်ထောင်ခဲ့တဲ့ နေမ၀င် အင်ပါယာကြီး ပြိုကွဲသွားမယ်၊ နိုင်ငံရေး သမားတွေက နာမည်ကောင်း ယူချင်လို့ နိုင်ငံရေး အကွက်ထွင်တာ၊ ခုခေတ် နအဖစကားနဲ့ ပြောရရင် ဗြိတိသျှ ပြည်ထောင်စု မပြိုကွဲရေးပေါ့၊ ဒီလို စစ်ဘက်က ဗြိတိသျှ နေမ၀င်အင်ပါယာကြီး မပြိုကွဲရေး အတွက် အကြီးအကျယ် ကန့်ကွက်ကြတဲ့ ကြားက မောင့်ဘက်တန်တို့ အက်တလီတို့ ဒေါ်မန်စမစ်တို့လို ပါလီမန်အထိ ပေါက်ရောက်တဲ့ လူကြီးတွေက ဗမာတွေဘက်က စာနာပြီး လွတ်လပ်ရေးပေးဘို့ သဘောတူ ရပ်တည်ကြတယ်။ ဗိုလ်ချုပ်အောင်ဆန်းရဲ့ နောက်မှာ မြန်မာ တစ်မျိုးသားလုံး ရှိနေတယ် ဆိုတာ လက်ခံတယ်။ ဗိုလ်ချုပ်ရဲ့ လုပ်ရည်ကိုင်ရည်နဲ့ တိုင်းရင်းသားတွေ အပေါ် ထားတဲ့ ရိုးသားဖြူစင်တဲ့ စိတ်ရင်း စေတနာကို သဘောပေါက် နားလည်တယ်၊ ဒါကြောင့် ၁၉၄၇မှာ ဗိုလ်ချုပ်အောင်ဆန်းတို့ ကျဆုံးသွားပေမဲ့ သူတောင်းဆိုခဲ့တဲ့ အတိုင်း မြန်မာပြည်မနဲ့ တောင်တန်း ဒေသတွေ မကျန် ၁၉၄၈ ဇန္န၀ါရီလ (၄)ရက်နေ့ မှာ ချောချော မောမော လွတ်လပ်ရေး ရခဲ့ပါတယ်။
ဒါပေမဲ့ ၁၉၆၂ခုနှစ် ဗိုလ်ချုပ်နေ၀င်း အာဏာသိမ်းပြီး နောက်ပိုင်း ဆိုရှယ်လစ် လမ်းစဉ်ပါတီ တစ်ခေတ်လုံး သူ့အကြိုက် ဖြစ်အောင် ဒေါက်တာ မောင်မောင်တို့လို အုပ်စုတွေက ၁၉၆၂ခုနှစ်မှာ ရှမ်းစော်ဘွားတွေက ၁၉၄၇အခြေခံဥပဒေနဲ့ ဖယ်ဒရယ်မူအရ ခွဲထွက်ဘို့လုပ်လာလို့ အချိန်မှီ အာဏာသိမ်း လိုက်ရတာ။ ပြည်ထောင်စု မပြိုကွဲအောင် ဗိုလ်ချုပ်နေ၀င်းက ကယ်တင်ရှင် သူရဲကောင်းဆိုပြီး သမိုင်းရေး ကြရာက တဖြေးဖြေး ပုံကြီးချဲ့လာပြီး ဒါဟာ တပ်မတော်ရဲ့ သမိုင်းပေးတာဝန်ဘဲ တွေဘာတွေ လုပ်ပြီး မြန်မာ့ တပ်မတော် သူခိုးသေဖေါ်ညှိ ခံလိုက်ရ တော့တယ်။ ဗိုလ်ချုပ်နေ၀င်း အာဏာသိမ်းတာ မှန်တယ်ဖြစ်အောင် နောင်မှ လူထုနားထဲ ရိုက်သွင်းတဲ့ ဆင်ခြေ စကားသာဖြစ်တယ်၊ အဲဒီ အချိန်တုန်းက ခွဲထွက်မယ်ဆိုတဲ့ စကားကို သူတိှု့မပြောဘူး စိတ်ထဲမှာလဲ မရှိဘူးလို့ စော်ဘွားတွေက ပြန်ချေပကြတယ်။ ဒါပေမဲ့ ဗိုလ်ချုပ်နေ၀င်းနဲ့ စစ်အာဏာ ပိုင်တွေရဲ့ ရန်ကို ကြောက်ရလို့ နှစ်ပေါင်းများစွာ ဒီလို မဟုတ်ခဲ့ဘူးလို့ ဘယ်သူမှ ပြန်မပြောရဲ မရေးရဲ တော့ဘူး။
တိုင်းရင်းသားတွေ ဘက်က ပြန်ကြည့်တော့လဲ ပြည်မက ဗမာတွေက သူတို့ကို မတရား အနိုင်ကျင့်တာ ခံနေရတာဘဲ၊ ဒါကြောင့် သူတို့ထက် အဆပေါင်းများစွာ အင်အားကြီးမားတဲ့ ဗမာ စစ်တပ်တွေကို နှစ်ပေါင်း လေးဆယ်ကျော် ယနေ့ထိ ခုခံ တိုက်ခိုက် နေတာ၊ အလကား မမှတ်နဲ့၊ ပြည်မကြီးက ဗမာ့တပ်မတော်လို လေယဉ်ပျံတေ၊ွ သင်္ဘောတွေ၊ သံချပ်ကားတွေ၊ ခေတ်မှီအမြှောက် လက်နက်တွေ သူတို့မှာ မရှိဘူး၊ သူတို့လဲ မနိုင်နိုင်မှန်း၊ သေမယ်မှန်း သိတာပေါ့။ သူတို့မှာလဲ ဆီလျှော်ခိုင်လုံတဲ့ အကြောင်း ပြချက်တွေနဲ့ တရားသောစစ်ကို ဆင်နွဲနေသူတွေ။ သူတို့မြေ သူတို့လူမျိုးအတွက် အသက်ပေး ကာကွယ်နေကြတဲ့ မျိုးချစ် အာဇာနည် သူရဲကောင်း တွေဘဲ။
တိုင်းရင်းသားတွေက ဗမာ ဗိုလ်ချုပ်ကိုယုံလို့ ပြည်မနဲ့ ပေါင်းတာ။ တနေ့သောအခါမှာ ဗမာကဒီလို စကားဖျက်မယ် ဆိုတာသိရင် စကထဲက ဗမာနဲ့ မပေါင်းဘူး ငြင်းလို့ရတယ်။ ဗိုလ်ချုပ်အောင်ဆန်းက ဒီအခွင့်အရေး ပေးမယ်၊ ပြည်မနဲ့ပေါင်းလို့ ကမ်းလှမ်းလို့ သူတို့ ပြည်မနဲ့ လက်တွဲခဲ့တယ်။ ဒီအခွင့်အရေး ဆက်ပေးရင် ဆက်လက်တွဲမယ်၊ ဒီအခွင့်အရေး ပေးတဲ့ ပင်လုံစာချုပ်ကို သွားဖျက်ရင် မြန်မာ့သမိုင်းမှာ ကျွန်တော်တို့ မဟာဗမာတွေ စကား မတည်ဘူး ဆိုပြီး သိက္ခာကျမယ်၊ သူတို့ကလဲ ရှိတဲ့အင်အားနဲ့ ရအောင်ပြန်တောင်း နေမှာဘဲ။ လူမျိုးစုငယ်တွေ ဘက်က ကိုယ်ချင်း စာကြည့်ကြပါ။
ပြည်မက ဗမာစစ်ဗိုလ်ကြီးတွေ ပြောနေတဲ့ တိုင်းရင်းသား စည်းလုံး ညီညွတ်မှု မပြိုကွဲရေး၊ ပြည်ထောင်စု မပြိုကွဲရေး ဆိုတာ သူတို့ လူမျိုးစုတွေ ပိုင်ဆိုင်တဲ့ နယ်မြေ၊ သံယံဇာတတွေကို လိုချင်တဲ့ လောဘကြောင့် အကြောင်းပြ ကောင်းယုံ လာပြောနေတယ်။ တကယ်တန်း ဒီအသီး အပွင့်တွေကို ပြည်မက ဗမာတွေ အတွက် ယူသွားနေကြပြီး သူတို့မှာ ကားပေါ်တင်ပေးရတဲ့ အလုပ်ကြမ်း သမား သာဖြစ်နေကြ ရတယ်လို့ သူတို့ကမြင်တယ်။ ရေနံနဲ့ သဘာဝဓါတ်ငွေ့တွေ၊ ကွန်းသစ်တောကြီးတွေ၊ ငါးပုဇွန်တွေ၊ ကျောက်မျက် ရတနာတွေ၊ ဓါတ်သတ္တုတွေ၊ ရေအား လျှပ်စစ်တွေ၊ သူတို့မြေကထွက်တဲ့ အဖိုးတန် သယံဇာတတွေ ဘယ်ရောက် ကုန်လဲ သူတို့နယ်မြေ ဖွံ့ဖြိုးရေးမှာ မသုံးဘူးဆိုတဲ့ သဘော။ အစပိုင်းကတော့ စစ်ဗိုလ်ကြီးတွေရဲ့ လွဲမှားတဲ့ စီးပွားရေး စီမံကိန်းတွေကြောင့် သူတို့ပိုင်တဲ့ ဒီသံယံဇာတတွေ အလကားဖြစ် ပျောက်ပျက် ကုန်ရတာ။ ပြည်မကလဲ ကောင်းကောင်း မသုံးရဘူး။ ခုခေတ်တော့ စီးပွားရေး စီမံကိန်းတင် မကတော့ဘဲ စစ်ဗိုလ်တွေရဲ့ အိတ်ကပ်ထဲ ထည့်တဲ့ စီမံကိန်းတွေကြောင့် ပိုဆိုးကုန် တော့တယ်။ တိုင်းရင်းသားတွေက ကျွန်အောက်က သားပေါက်ဘ၀ ရောက်ကုန်တယ်လို့ ခံစားလာရတယ်။
ဒီကိစ္စ တပ်မတော် ခေါင်းဆောင် အဆက်ဆက် ချာလပတ် ရမ်းနေတာ ကြာလှပြီ၊ ဘာမှ မလုပ်တတ် တော့ဘူး။ ညှိညှိ နှိုင်းနှိုင်း မလုပ်ဘဲ စစ်သားပီပီ စစ်အင်အား ကြီးတယ်ဆိုပြီး လက်ရုံးရည် အားကိုးနဲ့ နှစ်ပေါင်း လေး-ငါးဆယ် စစ်ဖိတိုက်လာတာ လူမျိုးစု တိုင်းရင်းသား ငယ်တွေလဲ သေလိုက်တာ သောက်သောက်လဲ၊ တိုင်းပြည် ဘဏ္ဍာ ငွေတွေလဲ ကုန်လိုက်တာ နိုင်ငံလဲမွဲ၊ တပ်မတော် အစိုးရ အနေနဲ့ ပင်လုံစာချုပ်နဲ့ Federal မူကို လာမပြောနဲ့ မရဘူး၊ မဆွေးနွေးဘူးလို့ လူဆိုးကြီးလို မလုပ်သင့်ဘူး။ ကိုယ်မလုပ်တတ်တာနဲ့ သမိုင်းဝင် ပင်လုံ စာချုပ်ကို သွားမဖျက် သင့်ဘူး။ တပ်မတော် သမိုင်း တရားခံ ဖြစ်လိမ့်မယ်။
ကိုယ်နဲ့ ကိုယ့်အဖွဲ့အစည်း အရာမရောက် နေရာပျောက် သွားမှာစိုးပြီး တိုင်းပြည်ကို မလိုအပ်ဘဲ ချည်တုပ် ထားရာက တိုင်းပြည်လဲ ဘယ်မှ မရောက် တိုးတက်မှု နှေးကွေး သူများနောက်က လိုက်နေရတာ ကြည့်ရင် မြင်နိုင်တယ်။ သေနတ် ခါးကြားထိုး ထစ်ကနဲဆို ပစ်မယ် ခတ်မယ် လုပ်နေတဲ့ ခေါင်းဆောင်တွေကြောင့် လူမျိုးစုတွေကလဲ ဗမာဆို ရွံကြောက်ကြီး ဖြစ်သွားပြီ။ အနာနဲ့ ဆေးမတည့်လို့ တိုင်းပြည်နာတာဘဲ အဖတ်တင်ပြီး အောင်မြင်မှု မရခဲ့ဘူး။ ဒီထက် ကြာလာရင် တကယ်ခွဲထွက်ကုန် ကြလိမ့်မယ်။
ပင်လုံစာချုပ်က သိပ်ကြာသွားပြီ၊ ခေါတ်နဲ့ လျှော်ညီအောင် ပြင်ချင်တယ်ဆိုရင် ပြည်ထောင်စုလဲ မပြိုကွဲအောင် တိုင်းရင်းသား တွေလဲ မနစ်နာရအောင် နှလုံးရည်သုံး ညှိနှိုင်း တိုင်ပင်ပြီး ပြင်သင့်တယ်။ စစ်ရေး စွမ်းရည် သက်သက် နဲ့တော့ မရတော့ဘူး၊ ကျွန်တော်တို့ ပြည်မသားဗမာတွေ တောင်ပေါ် တိုင်းရင်းသားလူမျိုးစု ညီအစ်ကိုတွေ အပေါ် အနစ်နာခံရ လိမ့်မယ်။ တိုင်းပြည် ခေါင်းဆောင်တွေ တိုင်းရင်းသား ခေါင်းဆောင်တွေ၊ တပ်မတော် ခေါင်းဆောင်တွေ အတူတကွ တွေ့ဆုံ ဆွေးနွေးပြီး နှစ်ဦး နှစ်ဘက် အနာခံပြီး ကျိုးစားကြမှ စစ်မှန်တဲ့ တိုင်းရင်းသား စည်းလုံး ညီညွတ်ရေး ပြန်ရမယ်။ တိုင်းရင်းသားအားလုံး ပျော်ပျော် ရွှင်ရွှင် ဥမကွဲ သိုက်မပျက် နိုင်ငံ တိုးတက်အောင် လုပ်နိုင်တာ ဒီတစ်နည်းပဲ ရှိတယ်။ နို့မို့တော့ ပြည်သူတွေ မျက်ရည် ပေါက်ကြီးငယ် ကျနေရဦးမှာဘဲ။ မြန်မာ့ တပ်မတော်မှာ တွေ့ဆုံ ဆွေးနွေးရေး လုပ်ရဲတဲ့ နှလုံးရည် သမားတွေ များများလို နေတယ်။
စေတနာဖြင့်၊
ကိုဂျူး
ပိတောက်မြေ မှလာသည်။
(၂)
ပင်လုံစာချုပ်
မြန်မာပြည်ဘုရင်ခံ၏ အမှုဆောင်ကောင်စီမှ အဖွဲ့ဝင်အချို့နှင့် စပ်ဖများအားလုံးတို့အပြင် ရှမ်းပြည် နယ်များ၊ ကချင်တောင်တန်းဒေသများနှင့် ချင်းတောင်တန်းဒေသတို့မှ ကိုယ်စားလှယ်များတို့ တက်ရောက်ကြသော ပင်လုံမြို့တွင်ကျင်းပသည့် အစည်းအဝေးကြီးတရပ်တွင် …
ကြားဖြတ်မြန်မာအစိုးရနှင့် ချက်ချင်းပူးပေါင်းခြင်းအားဖြင့် ရှမ်း၊ ကချင်နှင့် ချင်းတို့သည်
လွတ်လပ်ရေးကို ပိုမို၍ လျှင်မြန်စွာ ရရှိလိမ့်မည်ဟု အစည်းအဝေးတက်ရောက်သူ အဖွဲ့ဝင်
တို့သည် ကန့်ကွက်သူမရှိဘဲ အောက်ပါအတိုင်း သဘောတူညီကြလေသည်။
၁။ တောင်တန်းသားများ စည်းလုံးညီညွတ်ရေးအဖွဲ့ (တစညဖ) ၏ ကြိုးကိုင်အဖွဲ့ ကိုယ်စားလှယ်
များ၏ ထောက်ခံချက်အရ တောင်တန်းသားများ၏ ကိုယ်စားလှယ်တဦးကို ဘုရင်ခံကရွေးချယ်၍ နယ်စပ်ဒေသများကိစ္စနှင့်ပတ်သက်၍ ဆောင်ရွက်ရန်အတွက် ဘုရင်ခံ၏ အတိုင်ပင်ခံပုဂ္ဂိုလ်အဖြစ် ခန့်ထားရမည်။
၂။ ဤအတိုင်ပင်ခံပုဂ္ဂိုလ်ကို ဘုရင်ခံ၏ အမှုဆောင်ကောင်စီတွင် ဌာနလက်ကိုင်မရှိ ကောင်စီဝင်
တဦးအဖြစ်ခန့်ထား၍ ကာကွယ်ရေးနှင့် ပြည်ပကိစ္စရပ်များတွင် ထုံးနည်းဥပဒေအရ အမှုဆောင် ကောင်စီ၏ အာဏာလက်အောက်သို့ ရောက်ရှိသည့်နည်းတူ နယ်စပ်ဒေသကိစ္စများကိုလည်း အမှုဆောင်ကောင်စီ၏ အာဏာအောက်သို့ ရောက်ရှိစေရမည်။ ဤနည်းလမ်းများအတိုင်း နယ်စပ် ဒေသဆိုင်ရာ အတိုင်ပင်ခံပုဂ္ဂိုလ်အား အုပ်ချုပ်ခွင့်အာဏာကို ပေးအပ်ရမည်။
၃။ အဆိုပါ အတိုင်ပင်ခံပုဂ္ဂိုလ်ကို ၎င်းနှင့် လူမျိုးချင်းမတူသော ဒုတိယအတိုင်ပင်ခံနှစ်ဦးက ကူညီ
စေရမည်။ ရှေးဦးစွာ ဒုတိယအတိုင်ပင်ခံပုဂ္ဂိုလ်နှစ်ဦးတို့သည် ၎င်းတို့အသီးသီး သက်ဆိုင်သည့်
နယ်များ၏ ကိစ္စရပ်များကို ဆောင်ရွက်ရန်ဖြစ်၍ အတိုင်ပင်ခံပုဂ္ဂိုလ်မှာ အခြား နယ်စပ်ဒေသ
အားလုံးတို့၏ ကိစ္စရပ်များကို ဆောင်ရွက်စေရန်ဖြစ်သည်။ ၎င်းတို့သည် ထုံးနည်းဥပဒေအရ တွဲဖက်တာဝန်ယူရသည့်မူအတိုင်း ရွက်ဆောင်စေရမည်။
၎။ အတိုင်ပင်ခံပုဂ္ဂိုလ်သည် အမှုဆောင်ကောင်စီတွင် အဖွဲ့ဝင်လူကြီးအနေဖြင့် နယ်စပ်ဒေသ
များ၏ တဦးတည်းသော ကိုယ်စားလှယ်အဖြစ် ပါဝင်ရမည်ဖြစ်သော်လည်း ဒုတိယအတိုင်ပင်ခံ ပုဂ္ဂိုလ်များသည် နယ်စပ်ဒေသများနှင့် သက်ဆိုင်ရာကိစ္စရပ်များကို ဆွေးနွေးကြသည့်အခါ အမှုဆောင်ကောင်စီတွင် တက်ရောက်နိုင်ခွင့်ရှိစေရမည်။
၅။ အထက်တွင် သဘောတူညီသည့်အတိုင်း ဘုရင်ခံ၏အမှုဆောင်ကောင်စီကို တိုးချဲ့မည်
ဖြ စ်သော်လည်း နယ်စပ်ဒေသများ၏ နယ်တွင်းအုပ်ချုပ်ရေးတွင် ယခုခံစားနေရသော ကိုယ်ပိုင်အုပ်ချုပ်ရေးကို မည်သည့် နည်းနှင့်မဆို တစုံတရာလက်လွတ်စေရန် အဆိုပါကောင်စီက ပြုလုပ်ခြင်းမရှိစေရ။ နယ်စပ်ဒေသများ အတွက် နယ်တွင်းအုပ်ချုပ်ရေးတွင် ကိုယ်ပိုင်အုပ်ချုပ်ရေး ရာခိုင်နှုန်းအပြည့် ရှိစေရမည်ဟူသောမူကို သဘောတူညီကြသည်။
၆။ ပူးပေါင်းထားပြီးသည့် မြန်မာပြည်အတွင်း သီးသန့် ကချင်ပြည်နယ်တခု နယ်နိမိတ်သတ်မှတ်
၍ တည်ထောင်ရန် ပြဿနာမှာ တိုင်းပြုပြည်ပြုလွှတ်တော်က ဆုံးဖြတ်ရန်ဖြစ်သော်လည်း
ဤကဲ့သို့ သီးခြားပြည်နယ်တခု ထားရှိသင့်ကြောင်းကို သဘောတူညီကြသည်။ ဤရည်ရွယ်ချက်
အထ မြောက်ရန်အလို့ငှာ ပထမခြေလှမ်းအနေဖြင့် ၁၉၃၅ ခုနှစ် မြန်မာနိုင်ငံတော်အစိုးရ
အက်ဥပဒေအရ နောက်ဆက်တွဲစာရင်းပါ အပိုင်း (၂) ဒေသများကဲ့သို့ မြစ်ကြီးနားနှင့်
ဗန်းမော်ခရိုင်တို့၏ အုပ်ချုပ်ရေးတွင် နယ်စပ်ဒေသ အတိုင်ပင်ခံပုဂ္ဂိုလ်နှင့် ဒုတိယအတိုင်ပင်ခံ
ပုဂ္ဂိုလ်အား ဆွေးနွေးတိုင်ပင်ရမည်။
၇။ နယ်စပ်ဒေသများ၏ နယ်သူနယ်သားတို့သည် ဒီမိုကရေစီနိုင်ငံများတွင် အခြေခံများအဖြစ် အသိ အမှတ်ပြုထားသော အခွင့်အရေးများတို့ကို ခံစားနိုင်ခွင့်ရှိစေရမည်။
၈။ ဤစာချုပ်တွင် သဘောတူကြသည့် အစီအစဉ်မှာ ပဒေသရာဇ် ရှမ်းပြည်နယ် နယ်မြေစုတွင် ယခု အပ်နှင်းထားပြီးသော ဘဏ္ဍာရေးနှင့်ပတ်သက်သည့် ကိုယ်ပိုင်အုပ်ချုပ်ရေးကို ထိခိုက်ခြင်းမရှိစေရန်။
၉။ ဤစာချုပ်တွင် သဘောတူညီကြသည့်အစီအစဉ်မှာ မြန်မာပြည် အခွန်တော်ငွေများမှ ကချင် တောင်တန်းနယ်များနှင့် ချင်းတောင်တန်းနယ်များက ရသင့်ရထိုက်သော ဘဏ္ဍာရေးအကူ
အညီကို ထိခိုက်ခြင်းမရှိစေရ၊ မြန်မာပြည်နှင့် ပဒေသရာဇ် ရှမ်းပြည်နယ်မြေစု၏ ဘဏ္ဍာရေး
အစီအစဉ်များကဲ့သို့ ကချင်တောင်တန်းနှင့် ချင်းတောင်တန်းများအတွက် အလားတူအစီအစဉ်များကို ထားရှိကျင့်သုံးရန် ဖြစ်နိုင်မည်၊ မဖြစ်နိုင်မည်ကို ဘုရင်ခံ၏ အမှုဆောင်ကောင်စီက နယ်စပ်ဒေသများ၏ အတိုင်ပင်ခံပုဂ္ဂိုလ်နှင့် ဒုတိယအတိုင်ပင်ခံပုဂ္ဂိုလ်တို့နှင့်အတူ စစ်ဆေးကြည့်ရှုရမည်။
မြန်မာနိုင်ငံတော်အစိုးရ
(ပုံ) အောင်ဆန်း ၁၂-၂-၄၇ ။
ကြားဖြတ်မြန်မာအစိုးရနှင့် ချက်ချင်းပူးပေါင်းခြင်းအားဖြင့် ရှမ်း၊ ကချင်နှင့် ချင်းတို့သည်
လွတ်လပ်ရေးကို ပိုမို၍ လျှင်မြန်စွာ ရရှိလိမ့်မည်ဟု အစည်းအဝေးတက်ရောက်သူ အဖွဲ့ဝင်
တို့သည် ကန့်ကွက်သူမရှိဘဲ အောက်ပါအတိုင်း သဘောတူညီကြလေသည်။
၁။ တောင်တန်းသားများ စည်းလုံးညီညွတ်ရေးအဖွဲ့ (တစညဖ) ၏ ကြိုးကိုင်အဖွဲ့ ကိုယ်စားလှယ်
များ၏ ထောက်ခံချက်အရ တောင်တန်းသားများ၏ ကိုယ်စားလှယ်တဦးကို ဘုရင်ခံကရွေးချယ်၍ နယ်စပ်ဒေသများကိစ္စနှင့်ပတ်သက်၍ ဆောင်ရွက်ရန်အတွက် ဘုရင်ခံ၏ အတိုင်ပင်ခံပုဂ္ဂိုလ်အဖြစ် ခန့်ထားရမည်။
၂။ ဤအတိုင်ပင်ခံပုဂ္ဂိုလ်ကို ဘုရင်ခံ၏ အမှုဆောင်ကောင်စီတွင် ဌာနလက်ကိုင်မရှိ ကောင်စီဝင်
တဦးအဖြစ်ခန့်ထား၍ ကာကွယ်ရေးနှင့် ပြည်ပကိစ္စရပ်များတွင် ထုံးနည်းဥပဒေအရ အမှုဆောင် ကောင်စီ၏ အာဏာလက်အောက်သို့ ရောက်ရှိသည့်နည်းတူ နယ်စပ်ဒေသကိစ္စများကိုလည်း အမှုဆောင်ကောင်စီ၏ အာဏာအောက်သို့ ရောက်ရှိစေရမည်။ ဤနည်းလမ်းများအတိုင်း နယ်စပ် ဒေသဆိုင်ရာ အတိုင်ပင်ခံပုဂ္ဂိုလ်အား အုပ်ချုပ်ခွင့်အာဏာကို ပေးအပ်ရမည်။
၃။ အဆိုပါ အတိုင်ပင်ခံပုဂ္ဂိုလ်ကို ၎င်းနှင့် လူမျိုးချင်းမတူသော ဒုတိယအတိုင်ပင်ခံနှစ်ဦးက ကူညီ
စေရမည်။ ရှေးဦးစွာ ဒုတိယအတိုင်ပင်ခံပုဂ္ဂိုလ်နှစ်ဦးတို့သည် ၎င်းတို့အသီးသီး သက်ဆိုင်သည့်
နယ်များ၏ ကိစ္စရပ်များကို ဆောင်ရွက်ရန်ဖြစ်၍ အတိုင်ပင်ခံပုဂ္ဂိုလ်မှာ အခြား နယ်စပ်ဒေသ
အားလုံးတို့၏ ကိစ္စရပ်များကို ဆောင်ရွက်စေရန်ဖြစ်သည်။ ၎င်းတို့သည် ထုံးနည်းဥပဒေအရ တွဲဖက်တာဝန်ယူရသည့်မူအတိုင်း ရွက်ဆောင်စေရမည်။
၎။ အတိုင်ပင်ခံပုဂ္ဂိုလ်သည် အမှုဆောင်ကောင်စီတွင် အဖွဲ့ဝင်လူကြီးအနေဖြင့် နယ်စပ်ဒေသ
များ၏ တဦးတည်းသော ကိုယ်စားလှယ်အဖြစ် ပါဝင်ရမည်ဖြစ်သော်လည်း ဒုတိယအတိုင်ပင်ခံ ပုဂ္ဂိုလ်များသည် နယ်စပ်ဒေသများနှင့် သက်ဆိုင်ရာကိစ္စရပ်များကို ဆွေးနွေးကြသည့်အခါ အမှုဆောင်ကောင်စီတွင် တက်ရောက်နိုင်ခွင့်ရှိစေရမည်။
၅။ အထက်တွင် သဘောတူညီသည့်အတိုင်း ဘုရင်ခံ၏အမှုဆောင်ကောင်စီကို တိုးချဲ့မည်
ဖြ စ်သော်လည်း နယ်စပ်ဒေသများ၏ နယ်တွင်းအုပ်ချုပ်ရေးတွင် ယခုခံစားနေရသော ကိုယ်ပိုင်အုပ်ချုပ်ရေးကို မည်သည့် နည်းနှင့်မဆို တစုံတရာလက်လွတ်စေရန် အဆိုပါကောင်စီက ပြုလုပ်ခြင်းမရှိစေရ။ နယ်စပ်ဒေသများ အတွက် နယ်တွင်းအုပ်ချုပ်ရေးတွင် ကိုယ်ပိုင်အုပ်ချုပ်ရေး ရာခိုင်နှုန်းအပြည့် ရှိစေရမည်ဟူသောမူကို သဘောတူညီကြသည်။
၆။ ပူးပေါင်းထားပြီးသည့် မြန်မာပြည်အတွင်း သီးသန့် ကချင်ပြည်နယ်တခု နယ်နိမိတ်သတ်မှတ်
၍ တည်ထောင်ရန် ပြဿနာမှာ တိုင်းပြုပြည်ပြုလွှတ်တော်က ဆုံးဖြတ်ရန်ဖြစ်သော်လည်း
ဤကဲ့သို့ သီးခြားပြည်နယ်တခု ထားရှိသင့်ကြောင်းကို သဘောတူညီကြသည်။ ဤရည်ရွယ်ချက်
အထ မြောက်ရန်အလို့ငှာ ပထမခြေလှမ်းအနေဖြင့် ၁၉၃၅ ခုနှစ် မြန်မာနိုင်ငံတော်အစိုးရ
အက်ဥပဒေအရ နောက်ဆက်တွဲစာရင်းပါ အပိုင်း (၂) ဒေသများကဲ့သို့ မြစ်ကြီးနားနှင့်
ဗန်းမော်ခရိုင်တို့၏ အုပ်ချုပ်ရေးတွင် နယ်စပ်ဒေသ အတိုင်ပင်ခံပုဂ္ဂိုလ်နှင့် ဒုတိယအတိုင်ပင်ခံ
ပုဂ္ဂိုလ်အား ဆွေးနွေးတိုင်ပင်ရမည်။
၇။ နယ်စပ်ဒေသများ၏ နယ်သူနယ်သားတို့သည် ဒီမိုကရေစီနိုင်ငံများတွင် အခြေခံများအဖြစ် အသိ အမှတ်ပြုထားသော အခွင့်အရေးများတို့ကို ခံစားနိုင်ခွင့်ရှိစေရမည်။
၈။ ဤစာချုပ်တွင် သဘောတူကြသည့် အစီအစဉ်မှာ ပဒေသရာဇ် ရှမ်းပြည်နယ် နယ်မြေစုတွင် ယခု အပ်နှင်းထားပြီးသော ဘဏ္ဍာရေးနှင့်ပတ်သက်သည့် ကိုယ်ပိုင်အုပ်ချုပ်ရေးကို ထိခိုက်ခြင်းမရှိစေရန်။
၉။ ဤစာချုပ်တွင် သဘောတူညီကြသည့်အစီအစဉ်မှာ မြန်မာပြည် အခွန်တော်ငွေများမှ ကချင် တောင်တန်းနယ်များနှင့် ချင်းတောင်တန်းနယ်များက ရသင့်ရထိုက်သော ဘဏ္ဍာရေးအကူ
အညီကို ထိခိုက်ခြင်းမရှိစေရ၊ မြန်မာပြည်နှင့် ပဒေသရာဇ် ရှမ်းပြည်နယ်မြေစု၏ ဘဏ္ဍာရေး
အစီအစဉ်များကဲ့သို့ ကချင်တောင်တန်းနှင့် ချင်းတောင်တန်းများအတွက် အလားတူအစီအစဉ်များကို ထားရှိကျင့်သုံးရန် ဖြစ်နိုင်မည်၊ မဖြစ်နိုင်မည်ကို ဘုရင်ခံ၏ အမှုဆောင်ကောင်စီက နယ်စပ်ဒေသများ၏ အတိုင်ပင်ခံပုဂ္ဂိုလ်နှင့် ဒုတိယအတိုင်ပင်ခံပုဂ္ဂိုလ်တို့နှင့်အတူ စစ်ဆေးကြည့်ရှုရမည်။
မြန်မာနိုင်ငံတော်အစိုးရ
(ပုံ) အောင်ဆန်း ၁၂-၂-၄၇ ။
ကချင်ကော်မတီ
(ပုံ)ဆမားဒူးဝါးဆင်ဝါးနောင် မြစ်ကြီးနား (ပုံ)ဇော်ရစ် မြစ်ကြီးနား (ပုံ) ဒိန်ရတန် မြစ်ကြီးနား (ပုံ)ဇော်လ ဗန်းမော် (ပုံ)ဇော်လွန်း ဗန်းမော် (ပုံ)လဗန်းဂရောင်း ဗန်းမော် ။
ချင်းကော်မတီ
ချင်းကော်မတီ
(ပုံ)ဦးလွှာမှုန်း အေတီအမ်။အိုင်တီအက်(စ်)အမ်၊ ဖလမ်း။ (ပုံ)ဦးသောင်ဇာခပ်အေတီအမ်၊ တီးတိန်။ (ပုံ)ဦးကွယ်မန်း အေတီအမ်၊ ဟားခါး။
ရှမ်းကော်မတီ
(ပုံ)ခွန်ပန်းစိန် တောင်ပိုင်းစပ်ဖလုံ (ပုံ) စပ်ရွှေသိုက် ညောင်ရွှေစပ်ဖလုံ (ပုံ)စပ်ဟုံဖ မြောက်ပိုင်းသိန္နီစပ်ဖလုံ (ပုံ)စပ်နွံ လဲချားစပ်ဖလုံ (ပုံ)စပ်စံထွန်း မိုင်းပွန်စပ်ဖလုံ (ပုံ)စပ်ထန်းအေး သာမိုင်းခမ်းစပ်ဖလုံ (ပုံ) ဦးဖြူ သထုံစပ်ဖလုံ၏ ကိုယ်စားလှယ် (ပုံ)ခွန်းဖုံးမြောက်ပိုင်းသိန္နီ (ပုံ)ဦးတင်ဧ (ပုံ)ဦးထွန်းမြင့် (ပုံ) ဦးကြာပု (ပုံ)ဦးခွန်စော (ပုံ)စပ်ရစ်ဖ (ပုံ)ဦးခွန်ထီး။
(၃)
အခြေခံဥပဒေ ဒေါင်းလုဒ် လင့်ခ်
http://www.mediafire.com/?j0mv1yywjdq
ရှမ်းကော်မတီ
(ပုံ)ခွန်ပန်းစိန် တောင်ပိုင်းစပ်ဖလုံ (ပုံ) စပ်ရွှေသိုက် ညောင်ရွှေစပ်ဖလုံ (ပုံ)စပ်ဟုံဖ မြောက်ပိုင်းသိန္နီစပ်ဖလုံ (ပုံ)စပ်နွံ လဲချားစပ်ဖလုံ (ပုံ)စပ်စံထွန်း မိုင်းပွန်စပ်ဖလုံ (ပုံ)စပ်ထန်းအေး သာမိုင်းခမ်းစပ်ဖလုံ (ပုံ) ဦးဖြူ သထုံစပ်ဖလုံ၏ ကိုယ်စားလှယ် (ပုံ)ခွန်းဖုံးမြောက်ပိုင်းသိန္နီ (ပုံ)ဦးတင်ဧ (ပုံ)ဦးထွန်းမြင့် (ပုံ) ဦးကြာပု (ပုံ)ဦးခွန်စော (ပုံ)စပ်ရစ်ဖ (ပုံ)ဦးခွန်ထီး။
(၃)
အခြေခံဥပဒေ ဒေါင်းလုဒ် လင့်ခ်http://www.mediafire.com/?j0mv1yywjdq
